ဟံသာဝတီ ၃၂-မြို။ ။ ကလျာဏီကျောက်စာလာ သာသနာ ၂၀၀၂-ခုနှစ်၊ သက္ကရာဇ် ၈၂၀-ခုရောက်သောအခါ ဟံသာဝတီပြည် ဓမ္မစေတီခေါ် ရာမာဓိပတိ မင်းမြတ်လက်ထက်ဝယ် မွန်တိုင်း ၃-ရပ်၌ ဟံသာဝတီမဏ္ဍလ ဥဿာပဲခူးတိုင်းရှိ ၃၂-မြို့ကိုဆိုသည်။
ကျောက်မော်မြို့၊ အမဲမြို့၊ တုံဇရစ်မြို့၊ ကျည်ကူမြို့၊ စစ်တောင်းမြို့၊
ဒင်းမဲ့မြို့၊ ဇရွှဲမြို့၊ အသားမြို့၊ မော်ပျို့မြို့၊ လကွန်း ဗျည်းမြို့၊ (၁၀)။
အခံရိမ်မြို့၊ မအူမြို့၊ ရမ္မာနဂိုမြို့၊ ရမ္မ၀တီမြို့၊ မှော်ဘီမြို့၊
လိုင်မြို့၊ ဘောင်လင်းမြို့၊ ထန်းတော်ကြီးမြို့၊ တီတွတ်မြို့၊ ဇေဋ္ဌမြို့၊ (၂၀)။
ဇောင်းတူမြို့၊ ဘားကိုင်မြို့၊ ထုန်ခံမြို့၊ ရဲနွဲမြို့၊မေရဉ္စရမြို့၊
တင်ပေါင်မြို့၊မင်းရဲလှမြို့၊ကောလိယမြို့၊ ပိုင်းတာမြို့၊ ယွန်ဇလင်မြို့၊ (၃၀)။
ဝင်ပြိုင်မြို့၊ ဟင်္သာဇိုင်ကနိန်မြို့၊ (၃၂)။
ဟင်းရိုင်းအပြား၊ မျိုး ၂-ပါး၊ ထင်ရှား ဘူမိရပ်။ ။ ဤ၌ အကျဉ်းမျှ ပြသွားမည်ဖြစ်၍ အကျယ်ကိုမူ သဗ္ပ ဓာတုကသျှတ် သတ္တမကဏ္ဍ၌ ကြည့်ပါကုန်။
(၁) ရတ္တ ရသ သိန္ဓုရ- ဟင်းရိုင်းနီ၊ တောင်ထွက် ဆုန်းနီကျောက်ကို ချက်၍ ထုတ်ယူသည်၊
၎င်းင်းသည် လက်ျာလမ်း၌ အသုံးဝင်၏၊
(၂) သေတ ရသ သိန္ဓုရ- ဟင်းရိုင်းဖြူ၊ တောင်ထွက် ဆုန်းဖြူကျောက်ကို ချက်၍ထုတ်ယူသည်၊
၎င်းင်းသည် လက်ဝဲ ငွေလုပ်သော လမ်းများ၌ အသုံးဝင်၏။
ဟင်္သာငှက်မျိုး ၃-ပါး။ ။ အဘိဓာန်ဋီကာမှ။
(၁) ရာဇ ဟင်္သာမျိုး- နှုတ်သီးနှင့် ခြေချောင်း နီသည်၊ ကိုယ်လုံး ဆွတ်ဆွတ်ဖြူသည်။
(၂) မလ’ိကာ ဟင်္သာမျိုး- စိမ်းညစ်သော ခြေထောက် နှုတ်သီးရှိသည်၊ ကိုယ်ရောင် မသန့်ရှိသည်၊
(၃) ဓတရဋ္ဌ ဟင်္သာမျိုး- မည်းနက်သော ခြေနှစ်ချောင်း နှုတ်သီးရှိသည်၊ ကိုယ်ရောင် အမျိုးမျိုးရှိသည်။
ဟင်္သာငှက်မျိုး ၆-ပါး၊ တနည်း။ ။ ဇာတ်အဋ္ဌကထာ ပဉ္စမအုပ် ၃၇၉ ၌အကျယ်ရှုပါ။ ကိုယ်ရောင် အမွေး လိုက်၍ ၆-ပါး ပြားသည်။
(၁) တိဏဟံသမျိုး- မြက်စားဟင်္သာ (ငန်းဘဲ)မျိုး၊
(၂) ပဏ္ဍု ဟံသ- ၀ါဖြော့ဖြော့ဟင်္သာမျိုး၊
(၃) မနောသီလာ ဟံသ-ဟင်္သာနီမျိုး၊
(၄) သေတ ဟံသ- ငွေ ဟင်္သာမျိုး၊
(၅) ပါက ဟံသ- နီဖြူ ကျားမျိုး၊
(၆) ဓတရဋ္ဌ ဟံသ- ?မျိုး။
ဟိတ် ၆-ပါး။ ။ ကောင်းကျိုး မကောင်းကျိုးတို့ကို ပေးစေတတ်သော အကြောင်းတရား ၆-ပါး။
(၁) လောဘဟိတ်၊ (၂) ဒေါသဟိတ်၊ (၃) မောဟဟိတ်၊
အကုသိုလ်မျိုး၊ အပြစ်ရှိ ဆိုးကျိုး ဒုက္ခကို ပေး၏၊
(၄) အလောဘဟိတ်၊ (၅) အဒေါသဟိတ်၊ (၆) အမောဟဟိတ်၊
ကုသိုလ်မျိုး၊ အပြစ်မရှိ ကောင်းကျိုး သုခကို ပေး၏။
ဟိတ် ၉-ပါး၊ တနည်း။ ။
ကုသိုလ်စိတ်နှင့်ယှဉ်သော ဟိတ် ၃-ပါး၊
အကုသိုလ်စိတ်နှင့်ယှဉ်သော ဟိတ် ၃ပါး၊
အဗျာကတစိတ်နှင့် ယှဉ်သော ဟိတ် ၃-ပါး၊ ပေါင်း ၉-ပါး။
ဟိတအပြား၊ မျိုး ၂-ပါး၊ ခွဲခြား ဝေဘန်သိ။ ။
အကျိုး စီးပွား ဆောင်ရွက်ရှာဖွေရာ၌ ကျင့်သုံး ဝေဘန်မှု ၂မျိုး။
(၁) အတ္တဟိတ- ကိုယ်ရေး ကိုယ်တာ ကိုယ်ကျိုးသက်သက်မျိုး၊
(၂) ပရဟိတ- ကိုယ်ရေးမဖက် သူတပါးတို့ အကျိုးသက်သက်မျိုး။
ဟိမ၀န္တာ၊ တောင်တောသာ၊ ၄-ဖြာ မျိုးအပြား။ ။
ဟိမ၀န္တာမျိုး ၄-ပါးကိုမေးသည်၊
"ဇမ္ဗူကျွန်းသို့၊ သုံးကျွန်းတို့မှာ၊ ဟိမ၀ါတော၊ ရှိသည်သြရှင့်" ကျည်းကန်အဖြေ။
(၁) ဇမ္ဗူဒီပါ ဟိမ၀န္တာ- တောင်ကျွန်း ဟိမ၀ါ၊
(၂) ပြုဗ္ဗ၀ိဒေဟ ဟိမ၀န္တာ- အရှေ့ကျွန်း ဟိမ၀ါ၊
(၃) အပရဂေါယာန ဟိမ၀န္တာ- အနောက်ကျွန်း ဟိမ၀ါ၊
(၄) ဥတ္တရကုရု ဟိမ၀န္တာ- မြောက်ကျွန်းဟိမ၀ါ။
ဟိရီ တရားမျိုး ၈-ပါး။ ။ ၎င်းင်း သရုပ်ကို (ရှက်ခြင်း အကြောင်းမျိုး ၄-ပါး ၂-နည်း)၌ ဆိုခဲ့ပြီ။
"ဠ"
ဠင်းတ။ ။ "လင်းတ" ငှက် ကို "ဠင်းတ" ဟုလည်း "ဠ" နှင့်ရေးကြသည်။ မြန်မာစာလုံးပေါင်းသတ်ပုံကျမ်းတွင်မူ
"ဠင်းတ" ဟူ၍မပြဘဲ "လင်းတ" ဟုသာပြသည်။
Monday, December 29, 2008
ဟ-ဠ---ဟံသာဝတီ ၃၂-မြို့ မှ ဠင်းတ
သေ-သော-သဲ-သျှ-သွ---သေ ၄-ပါး မှ သွားတိုက်ခြင်း
သေ ၄-ပါး။ ။ ဤသရုပ် ၄-ပါးကား၊ ကျမ်းကြီးကျမ်းခိုင်တို့၌ မလာ၊ ရှေးရိုးပြောစဉ်မှတ်စုမှ သုတေသန ပြုလိုက်သည်။
(၁) ရှင်မဟာကဿပ၏ ရုပ်ဓာတ် အလောင်းတော်မြတ်သည် ဝေဘာရတောင် မြကမ္ဗလာထက်ဝယ် ယခုတိုင် ရှိနေသည် ဟူ၏၊
(၂) အရှင်သုဘာရ၏ အလောင်းတော်မြတ်သည် ဥတ္တမ တောင်ထက်ဝယ် ယခုတိုင်ရှိသည် ဟူသတတ်၊
(၃) အရှင်ဥပေက္ခာရ၏ ရုပ်အလောင်းသည် ပန်းမျိုးစုံခသော မကုဠတောင်ထက်ဝယ် ယခုတိုင်အောင် ရှိသတတ်၊
(၄) အရှင်ဓမ္မသာရ၏ ရုပ်ဓာတ် အလောင်း တော်မြတ်သည် ပန်းမျိုးစုံခသော မကုဠတောင်ထိပ်ဗွေဝယ် ယခုတိုင်ရှိသတတ် ဟူ၏။ မှတ်ချက်။ ။ သေ ၄-ပါး အစစ်ကား ပုထုဇန် လေးယောက်တို့တည်း၊ တနည်း၊ ဖလဋ္ဌာန် ၄-ယောက် ဟူ၍အမြဲမျတ်။
သေက္ခပုဂ္ဂိုလ် ၇-ယောက်။ ။"ကျင့်ဆဲ"အောက် အရိယာ ခုနစ်ယောက်ကိုသေက္ခခေါ်သည်။
(၁) သောတာပတ္တိ မဂ်ပုဂ္ဂိုလ်၊
(၂) ၎င်းင်း ဖိုလ်ပုဂ္ဂိုလ်၊
(၃) သကဒါဂါမိ မဂ်ပုဂ္ဂိုလ်၊
(၄) ၎င်းင်း ဖိုလ်ပုဂ္ဂိုလ်၊
(၅) အနာဂါမိမဂ်ပုဂ္ဂိုလ်၊
(၆) ၎င်းင်း ဖိုလ်ပုဂ္ဂိုလ်၊
(၇) အရဟတ္တမဂ်ပုဂ္ဂိုလ်။
သေခြင်းအပြား မျိုး ၃-ပါး။ ။ မရဏအပြား ၃-ပါးလည်းဟူ၏။
(၁) ခဏိကမရဏ- ခန္ဓာ အာယတန ဓာတ်တို့၏ ဖြစ်ç ပျက်ç ချုပ်နေသည်ကို ခေါ်သည်၊
(၂) သမ္မုတိ မရဏ- ငဖြူသေသည် ငမဲသေသည် ဆင်သေသည် မြင်းသေသည်ဟု သမုတ်ခြင်းမျိုးကို ခေါ်ဆိုသည်၊
(၃) သမုစ္ဆေဒ မရဏ- ဘုရားရဟန္တာ အရှင်မြတ်တို့ ခန္ဓာဇာတ်သိမ်း နိဗ္ဗာန်ဝင်ကြိမ်းသည်ကို ခေါ်ဆိုသည်။
သေခြင်း၏ အကြောင်း ၄-ပါး။ ။ တောင်ကျွန်းနေ လူသားတို့ သေခြင်းဖြစ်ပုံ မရဏုပ္ပတ္တိ လေးပါး။
(၁) အာယုက္ခယ- သက်တမ်းစေ့၍ သေခြင်း၊
(၂) ကမ္မက္ခယ- သက်တမ်းမစေ့မီ ကုသိုလ်ကံကုန်၍ သေခြင်း၊
(၃) ဥဘယက္ခ-သက်တမ်းလည်းစေ့ ကံလည်း ကုန်၍ သေခြင်း၊
(၄) ဥပစ္ဆေဒက- သက်တမ်းမစေ့ ကံမကုန်မီ ကပ်၍ ဖြတ်တတ်သော အကုသိုလ်ကံ တပါးကြောင့် သေရခြင်း။
သေခြင်းအကြောင်း ၈-ပါး၊ တနည်း။ ။ ၎င်းင်းသရုပ်ကို (ရောဂါဝေဒနာဖြစ်ခြင်း အကြောင်း ၈-ပါး)၌ဆိုခဲ့ပြီ။
သေမင်း တမန်ကြီး ၄-ယောက်။ ။ ဤ၌ ကျက်မှတ်လွယ်ကူစေရန် စာဏကျပျို့မှ ထုတ်ပြ
လိုက်သည်။
(၁) အကျင့်ဖောက်ပြား၊ အမြှောင်ထားသည့်၊ မယားပျက်စွာ၊
(၂) လွန်ယုတ်မာသည့်၊ သဟာမိတ်ဆွေ၊
(၃) စည်းမဲ့နေသား၊ ရွှေငွေပစ္စည်း၊ မသိမ်းဆည်းဘဲ၊ အချည်းနှီးမှန်၊ ပေးကမ်းလွန်သည်၊ ကျေးကျွန်တမျိုး၊
(၄) အဆိပ်အိုးဟု၊ မြွေဆိုးရှိချေ၊ ဤလေးထွေနှင့်၊ တူနေဘယ်ခါ မပြုရာ။
သေမင်းငင်ရက် ၈-ပါး။ ။ ၀ိနည်းမဟာဝါ။ ပါ။ ၄၀၁။ဋ္ဌ။ ၄၀၉-၌ အကျယ်ရှု၊
ဆောင်းနှောင်းနွေကူး ရာသီဒဏ်မခံနိုင်ဘဲ သက်ကြီးရွယ်အိုနှင့် သက်ငယ်နုတို့ သေပျောက်များသော
"တပို့တွဲလ၏ နောက်ဆုံး (၄) ရက်နှင့် တပေါင်းလ၏ အစ (၄)ရက်" ကိုခေါ်ဆိုသည်။
မှတ်ချက်။ ဤရက်ကား ယူနည်းမူကွဲများစွာရှိ၏၊
မဃဒေ၀ လင်္ကာသစ် ပိုဒ်ရေ (၂၈၀)၌ ကျေးဇူးရှင် မန်လည်ဆရာတော်ဘုရားကြီးသော်မှ နည်းနှစ်မျိုး ယူ၍
" ပြာသို, တပို့တွဲ၊ စိုရွှဲ ငွေနှင်း၊ သုတ်လေသွင်းနှင့်၊ ယင်းနှစ်လကြား၊ တပါးထိုမြို့၊ တပို့တပေါင်း၊
ရှေးနှောင်းအညီ၊ လေးရက်စီမှတ်၊ အန္တရဌ်ဟု၊ ပညတ်နာမ၊ ကြားရှစ်ည၌၊ ကောင်းပလင်းဟုန်၊
တက်အရုဏ်ဝယ်၊ ခိုက်တုန်လွန်ကဲ၊ အေးစမြဲတည်း။" ဟု စပ်ဆိုထားလေသည်။
သေရည်မျိုး ၅-ပါး။ ။ ၎င်းင်းအဓိပ္ပါယ် သရုပ်တို့ကား (သူရာမျိုး ငါးပါး)နှင့် တူ၏။
သေရည်သောက်စား၊ ပြစ် ၆-ပါး၊ ဘုရား ဟောတော်မူ။ ။ ၎င်းင်းသရုပ်ကို(အရက်သောက်
ခြင်း အပြစ်၆-ပါး)၌ ဆိုခဲ့ပြီ။
« သော »
သောစေယျတရား မျိုး ၃-ပါး။ ။ သုတ်ပါထေယျ သံဂီတိသုတ်၌ ဟောတော်မူသည့် သန့်ရှင်း စင်ကြယ်ရေး တရားသုံးပါး။
(၁) ကာယသောစေယျ- ကာယဒုစရိုက် ၃-ပါးမှ စင်ကြယ်ခြင်း၊
(၂) ၀စီ သောစေယျ- ၀စီဒုစရိုက် ၄-ပါးမှ စင်ကြယ်ခြင်း၊
(၃) မန သောစေယျ- မနော ဒုစရိုက် ၃-ပါးမှစင်ကြယ်ခြင်း။
သောတပန် ၃-ယောက်။ ။ မဟာဝဂ္ဂသံယုတ် ဧကဗီဇသုတ် ။ပါ။ ၁၈၀။ဋ္ဌ။ ၂၆၉။ ၎င်းင်းသရုပ်(သောတာပန်အပြား မျိုး ၄-ပါး)၌ ၂, ၃, ၄ တို့ကို ယူပါလေ။
သောတာပန် ၂၄-ယောက်။ ။ ပုဂ္ဂလပညတ် ။ပါ။ ၁၁၉-၁၂၀ ။ဋ္ဌ။၄၇-မှ ၅၃-အထိ အကျယ်ရှု။
(၁) သောတာပန် အစစ် ၃-ယောက်ကို ပဋိသမ္ဘိဒါ ၄-ပါးနှင့်မြှောက် ၁၂-ယောက်ဖြစ်၏၊
၎င်းင်းကို သဒ္ဓါဓုရ, ပညာဓုရနှစ်ပါးနှင့်မြှောက် ၂၄-ယောက် ဖြစ်၏။
သောတာပန်အပြား မျိုး ၄-ပါး။ ။ မဟာဝဂ္ဂသံယုတ်။ပါ။ ၁၈၀ ။ဋ္ဌ။၂၇၀။
(၁) စူဠ သောတာပန်- ကင်္ခါဝိတရဏ ၀ိသုဒ္ဓိစခန်းသို့ ရောက်သောယောဂီပုဂ္ဂိုလ်သည် ဒိဋ္ဌိနှင့် ၀ိစိကိစ္ဆာကို
အတော်များများ ပယ်စွန့်နိုင်ပြီဖြစ်၍ စူဠ သောတာပန် မည်၏၊
(၂) သတ္တက္ခတ္တု ပရမ သောတာပန်- သောတာပတ္တိမဂ် ရပြီးနောက် ကာမဘုံ၌ ၇-ကြိမ်၊ ၇-ဘ၀ ပဋိသန္ဓေ
နေနိုင်ခွင့်ရှိသော ပုဂ္ဂိုလ်မျိုး၊
(၃) ကောလံ ကောလ သောတာပန်- သောတာပတ္တိမဂ် ရပြီးနောက် ကာမဘုံ၌ ၂-ဘ၀မှ ၆-ဘ၀အတွင်း
တခုသော အမျိုးမြတ်မှ တခုသော အမျိုးမြတ်သို့ ပြောင်းရွှေ့ ပဋိသန္ဓေ နေနိုင်သောပုဂ္ဂိုလ်မျိုး၊
(၄) ဧက ဗီဇိ သောတာပန်- မဂ်ရပြီးနောက် တဘ၀သာလူ့ပြည်၌ ပဋိသန္ဓေနေနိုင်ခွင့်ရှိသော ပုဂ္ဂိုလ်မျိုး။
မှတ်ချက်။ ။ ယခုပြပြီး အမျိုးအစား၌ မပါသော သောတာပန်မျိုးလည်း ရှိသေး၏။
သောတာပန်၏ အင်္ဂါ ၄-ပါး။ ။ သောတာပန်ပုဂ္ဂိုလ်၏ အင်္ဂါ၊ သို့မဟုတ် အရိယာသာဝက
တို့၏ အင်္ဂါ ၄-ပါး၊ မဟာဝဂ္ဂသံယုတ် ပါဠိတော်မှ။
(၁) ဗုဒ္ဓေ အဝေစ္စ ပသာဒ သမန္နာဂတ- ဘုရား၌ မတုန်မလှုပ် ကြည်ညိုလေးစားခြင်း၊
(၂) ဓမ္မေ အဝေစ္စ ပသာဒ သမန္နာဂတ- တရားတော်၌ မတုန်မလှုပ် ကြည်ညိုလေးစားခြင်း၊
(၃) သံဃေ အဝေစ္စ ပသာဒ သမန္နာဂတ- သံဃာတော်၌ မတုန်မလှုပ် ကြည်ညို လေးစားခြင်း၊
(၄) အရိယကန္တ သီလေဟိ သမန္နဂတ- အရိယကန္တ သီလတို့ကို စောင့်ထိန်းရာ၌ အသက်သေလျှင်
သေပေစေ သီလ၌ ညစ်နွမ်းမှု မရှိစေရအောင် ပြည့်စုံစွာ စောင့်ထိန်းခြင်း။ ဤ၌- ငါးပါးသီလကို ဆိုသည်မှတ်။
သောတပန်ဖြစ်ကြောင်း အင်္ဂါ ၄-ပါး။ ။ နိဒါန၀ဂ္ဂသံယုတ် ။ပါ။ ၂၉၇။ ဋ္ဌ။ ၆၇။
သောတာပန် ဖြစ်ခြင်း၏ အကြောင်းတရား ၄-ပါး၊ မဟာဝဂ္ဂသံယုတ်နှင့် သင်္ဂီတိသုတ် ပါဠိတော်တို့မှ။
(၁) သပ္ပုရိသ သံသေ၀- မဂ်ဖိုလ်လမ်းပြသူတော်ကောင်းနှင့် ပေါင်းသင်းရမှု၊
(၂) သဒ္ဓမ္မသ၀န- ခန္ဓာနာမ်ရုပ် သူတော်တရား နာကြားရမူ၊
(၃) ဓမ္မာနုဓမ္မ ပဋိပတ္တိ- မဂ်ဖိုလ်ရကြောင်းကျင့်မှု၊
(၄) ယောနိသော မနသိကာရ- ရုပ် နာမ်၌ မှန်ကန်တော်တည့်စွာ နှလုံးသွင်းမှု။
သောဘဏသာဓာရဏ စေတသိက် ၁၉-ပါး။ ။ တင့်တယ် ကောင်းမြတ်သော စိတ်တို့နှင့်
သာ အမြဲယှဉ်၍ ဖြစ်သော စေတသိက်မျိုး ဟူ၏။
(၁) သဒ္ဓါ- ရတနာသုံးပါးကို ကြည်ညိုခြင်း၊ ကံ,ကံ၏ အကျိုးတရားတို့ကို ယုံကြည်ခြင်း လက္ခဏာ၊
(၂) သတိ- ကုသိုလ်အစု၌ မမေ့မလျော့သော အောက်မေ့ခြင်းလက္ခဏာ၊
(၃) ဟိရိ- အယုတ်တရား၌ စက်ဆုပ် ရွံ့ရှာခြင်းလက္ခဏာ၊
(၄) သြတ္တပ္ပ- မကောင်းမှု၌ ကြောက်လန့်ခြင်း လက္ခဏာ၊
(၅) အလောဘ- ကာမဂုဏ်အာရုံ၌ စိတ်၏ မက်မောတွယ်တာမှု မရှိခြင်း၊
(၆) အဒေါသ- ဆန့်ကျင်မုန်းတီး ကြမ်းတန်းခက်ထန်မှု မရှိခြင်း၊
(၇) တတြမဇ္ဈတ္တတာ- ချစ်, မုန်း, မပါ ညီမျှစွာ ဆောင်ခြင်းလက္ခဏာ၊
(၈) ကာယပဿဒ္ဓိ- ကိလေသာအပူတို့၏ ငြိမ်းအေးခြင်း၊
(၉) စိတ္တပဿဒ္ဓိ- ကိလေသာအပူတို့၏ ငြိမ်းအေးချမ်းသာခြင်း လက္ခဏာ၊
(၁၀) ကာယလဟုတာ- ကိလေသာဝန်ထုပ်မှ ပေါ့ပါးခြင်း၊
(၁၁) စိတ္တလဟုတာ- ကိလေသာဝန်ထုပ်မှ ပေါ့ပါးခြင်း၊
(၁၂) ကာယမုဒုတာ၊ (၁၃) စိတ္တမုဒုတာ- ကိလေသာခက်ထန်ခြင်းတို့မှ ကင်းငြိမ်း နူးညံ့ခြင်းလက္ခဏာ၊
(၁၄) ကာယကမ္မညတာ၊ (၁၅) စိတ္တကမ္မညတာ- ကုသိုလ်အလုပ်၌ ခံ့ညားထယ်ဝါငြိမ်းချမ်းစွာသော
အသွင်ကို ဆောင်ခြင်းလက္ခဏာ၊
(၁၆) ကာယပါဂုညတာ၊ (၁၇) စိတ္တပါဂုညတာ- ကုသိုလ်တရား၌ ငြိမ်းချမ်းစွာ လေ့လာခြင်း လက္ခဏာ၊
(၁၈) ကာယုဇုကတာ၊ (၁၉) စိတ္တုဇုကတာ- နိဗ္ဗာနဓာတ်စခန်းကိုသာ ဖြောင့်မတ်တန်းတန်း လမ်းလွှဲမပါသော လက္ခဏာ။
သောမဂြိုဟ် ၄-လုံး။ ။ ကောင်းကျိုးချမ်းသာကို ပေးတတ်သော ဂြိုဟ်မြတ်လေးပါး။
(၁) တနင်္လာဂြိုဟ်၊
(၂) ဗုဒ္ဓဟူးဂြိုဟ်၊
(၃) ကြာသပတေးဂြိုဟ်၊
(၄) သောကြာဂြိုဟ်။
သောမနဿ ၂-မျိုး။ ။ ၀မ်းသာအားရခြင်း ၂-မျိုး။ ဥပရိပဏ္ဏာသ။ပါ။၂၆၀ ။ဋ္ဌ။ ၁၈၆။
(၁) ဂေဟသိတ သောမနဿ- ကာမဂုဏ်၌ လောဘတဏှာနှင့် ယှဉ်ဖြစ်သော ၀မ်းမြောက်ခြင်း၊
(၂) နေက္ခမဿိတ သောမနဿ- ကုသိုလ်တရား ဘာဝနာများနှင့် ယှဉ်သော ၀မ်းသာခြင်း။
သောမနဿ ကုသိုလ်စိတ် ဖြစ်ကြောင်းတရား ၄-ပါး။ ။ (အဋ္ဌသာလိနီ)ဓမ္မသင်္ဂဏီ အဋ္ဌကထာ။ ၁၁၇။
(၁) ဣဋ္ဌာရမ္မဏ- ကောင်းသောအာရုံနှင့် တွေကြုံခြင်း၊
(၂) သဒ္ဓါဗဟုလတာ- သဒ္ဓါအားကောင်းခြင်း၊
(၃) ၀ိသုဒ္ဓဒိဋ္ဌိတာ- အယူအစွဲ ဥာဏ်အမြင်သန့်စင်ခြင်း၊
(၄) အာနိသံသ ဒဿာဝီတာ- လုပ်ငန်း၏ ကောင်းကျိုးကို သိမြင်လေ့ရှိခြင်း။
သောင်း ၄-ရပ်။ ။ ယူဇနာ တသောင်းစီ ကျယ်ဝန်းသော အရပ်လေးပါး၊ သာရတ္ထသင်္ဂဟ အဋ္ဌကထာနှင့် ဇိနာလင်္ကာရ ဋီကာမှ။
(၁) ငါတို့နေရာဇမ္ဗူဒိပ်ကျွန်း၊
(၂) တာဝတိံသာ နတ်ပြည်၊
(၃) အသူရာ ပြည်၊
(၄) အ၀ီစိ ငရဲ။
« သဲ »
သဲကန္ထာကြီးမျိုး ၁၉-ပါး။ ။ ကန္တာရမျိုး ၈-ပါးတို့တွင် ၀ါဠုကန္တာရခေါ်ကမ္ဘာပေါ်၌ ထင်လျှားကျော်ကြားသည့် သဲကန္တာရကြီး(Desert) ၁၉-မျိုးကို အလျား အနံ မိုင်နှင့် အမြင့်ပေ ခန့်မှန်းခြေတို့ကို ကမ္ဘာ့ ဒိုင်ဂျက်မှ နည်းမှီ၍ ပြဆိုထားသည်။
(၁) Atacama--အတာကမာ သဲကန္တာရ၊ ချီလီနိုင်ငံ မြောက်ပိုင်း၌ရှိ၍ အလျားမိုင်(၄၀၀) ခန့်ရှည်လျက်၊ အမြင့်ပေ (၇,၀၀၀- မှ ၁၃, ၅၀၀၀)အထိ ရှိသည်။ ၇၀,၀၀၀-စတုရန်းမိုင်။
(၂) Black Rock--ဘလက်ရော့ခ် သဲကန္တာရ၊ အမေရိကန် ပြည်ထောင်စု နီဗာဒါပြည်နယ်၏ အနောက် မြောက်ပိုင်း၌ တည်ရှိသည်၊ စတုရန်းမိုင်ပေါင်း (၁,၀၀၀) ခန့်ရှိကာ၊ အမြင့်ပေ (၂,၀၀၀-မှ ၅,၀၀၀)အထိ ရှိသည်။ ၁ç၀၀၀-စတုရန်းမိုင်။
(၃) Colorado--ကိုလိုရာဒို သဲကန္တာရ၊ အမေရိကန်ပြည်ထောင်စု၊ ကာလီဖိုးနီးယားပြည်နယ်၏ အရှေ့တောင်ဘက်၌ တည်ရှိသည်၊ အလျားမိုင်(၂၀၀) အနံမိုင် (၅၀)မျှ ရှိလျက် ပင်လယ်ရေပြင်အောက် ပေ (၂၅၀)မျှ စူးဝင်နိမ့်ကျသည်။၂၅၀၀-စတုရန်းမိုင်။
(၄) Dasht-e Kavir--ဒတ်ရှိအီကဗီ သဲကန္တာရ၊ အီရန်နိုင်ငံ ကက်စပီယန်ပင်လယ်၏ အရှေ့တောင်ဖက်၌ တည်ရှိသည်၊ အမြင့်ပေ (၂,၀၀၀)ခန့်ရှိသည်ဟူ၏။ ၃၀,၀၀၀-စတုရန်းမိုင်။
(၅) Dasht -e Lut--ဒတ်ရ်ှအီလွတ် သဲကန္တာရ၊ အီရန်နိုင်ငံ ကာမင် အရှေ့မြောက်ဖက်၌ တည်ရှိ၏၊ အမြင့်ပေ (၁, ၀၀၀)ခန့် ရှိ၏။ ၂၀,၀၀၀-စတုရန်းမိုင်။
(၆) Gobi--ဂိုဘီ (ရှာမိုး) သဲကန္တာရ၊ အာရှတိုက် မွန်ဂိုလီးယားနိုင်ငံတလျှောက်လုံး လိုလိုပင် စတုရန်းမိုင်ပေါင်း (၅၀၀,၀၀၀)မျှ လောက်ရှိ၍ အမြင့်ပေ (၃, ၀၀၀-မှ သည် ၅, ၀၀၀) အထိရှိ၏။
(၇) Great Arabian--ဂရိတ် အာရေဗီယန်း သဲကန္တာရ၊ အာရေဗီးယားနိုင်ငံ တ၀ှမ်းလုံး လိုလိုပင် တည်ရှိနေသည်၊ အလျားမိုင် (၁, ၅၀၀)ရှိ၏၊၎င်းင်းပြင်ဆီးရီးယားနိုင်ငံမှ (အဲလ်ဟာမက်) သဲကန္တာရ၊ လတ္တီတွတ် (၃၀)မြောက်၊ အမြင့်ပေ (၁, ၈၅၀) နီဖတ် ပြည်နယ်မှ သဲကန္တာရနီသည် အလျားမိုင် (၄၀၀) အနံမိုင် (၂၀၀)ရှိ၏၊ နီဖတ်ပြည် တောင်ပိုင်းမှ(ဒါနာ) သဲကန္တာရသည် ဂျော့ဖ်တောင်ဖက်၌ တည်ရှိ၍ အလျားမိုင် (၄၀၀) အနံမိုင် (၃၀) ရှိသည်၊ နေဂျစ် တောင်ပိုင်မှ (ရှဘ်အာလ်ခါလီ) သဲကန္တာရစသည့် သဲကန္တာရ ငယ်ပေါင်း ၄-ခုနှင့် ပေါင်းစပ်လျက် ဂရိတ်အာရ်ဗီးယန်း သဲကန္တာရ အဖြစ် ခေါ်ဆိုထားခြင်း ဖြစ်သည် ဟူ၏။ ၉၀,၀၀၀-စတုရန်းမိုင်။
(၈) Great Australian --ဂရိတ် သြစတြေးလျား သဲကန္တာရ၊ သြစတြေးလျားတိုက်၏ အနောက်ပိုင်း၌ တည်ရှိလျက် ၎င်းင်းတိုက်၏ ထက်ဝက် နီးနီးမျှပမာဏ ကျယ်ပြန့်သည်ဟူ၏၊ အမြင့်ပေ (၆၀၀ မှ၊ ၁,၀၀၀)ခန့်မျှ ရှိသည်ဟူ၏။ ၁,၃၀၀,၀၀၀-စတုရန်းမိုင်။
(၉) Great Salt Lake--ဂရိတ်ဆော့လိပ် သဲကန္တာရ၊ အမေရိကန် ပြည်ထောင်စု နီဗာဒါပြည်နယ်မှ ဆော့တ်လိပ် အနောက်ပိုင်း၌ တည်ရှိသည်၊ အလျားမိုင် (၈၀) အနံမိုင် (၅၀) အမြင့်ပေ (၄,၅၀၀) ခန့်ရှိသည်ဟူ၏။၂၅၀၀-စတုရန်းမိုင်။
(၁၀) Kalahari--ကာလာဟာရီ သဲကန္တာရ၊ တောင်အာဖရိကနိုင်ငံ သြရိန်းပြည်နယ်နှင့် ဇမ်ဘီဇီ မြစ်၏ အကြား၌ တည်ရှိသည်၊ အလျားမိုင်(၆၀၀) အနံမိုင် (၄၀၀) စတုရန်းမိုင်ပေါင်း (၂၂၀ç၀၀၀) ခန့် ကျယ်ပြန့်ကာ အမြင့်ပေ (၃,၀၀၀)၏ အထက်၌ ရှိသည် ဟူ၏။
(၁၁) Kara-kum--ကာရာကမ် သဲကန္တာရ၊ အာရှတိုက်(အေယဲလ်) အိုင်၏တောင်ဖက် တာကက်စတန်၏ အနောက်တောင်ဖက်၌ တည်ရှိသည်၊ စတုရန်းမိုင်ပေါင်း (၁၀၀,၀၀၀) ခန့်မျှရှိ၏။
(၁၂) Kyzyl-kum--ကီဇီလ်ကမ် သဲကန္တာရ၊ အာရှတိုက် ပါကစ်စတန် အလယ်ပိုင်း၌ တည်ရှိလျက် အလျားမိုင် (၃၇၀) အနံ (၂၂၀)မိုင်ရှိ၍ စတုရန်းမိုင်ပေါင်း (၇၀,၀၀၀) ခန့် ရှိလျက်၊ အမြင့်ပေ (၁,၆၀၀ မှ ၂,၀၀၀)အထိ ရှိသည် ဟူ၏။
(၁၃) Libyan--လိုင်ဘီယန် သဲကန္တာရ၊ နိုင်းလ်မြစ်၏ အနောက်ဖက် ဆဟာရသဲကန္တာရ၏ အရှေ့ပိုင်း၌ တည်ရှိသည်၊ စတုရန်းမိုင်ပေါင်း (၅၀၀,၀၀၀) ကျော်မျှ ရှိသည် ဟူ၏။
(၁၄) Mojave--မိုဟက် သဲကန္တာရ၊အမေရိကန် ပြည်ထောင်စု ကိုလိုရာဒို သဲကန္တာရ၏ မြောက်ဖက်၌ တည်ရှိ၏၊ စတုရန်းမိုင်ပေါင်း (၂၂,၀၀၀) ရှိလျက် အမြင့်ပေပေါင်း(၂,၀၀၀)မျှ မြင့်သည်ဟူ၏။
(၁၅) Nubian--နူဘီယန် သဲကန္တာရ၊ ပင်လယ်နီမှစ၍ နိုင်းလင်းမြစ် အနောက်ကွေ့အထိ ကျယ်ပြန့်လျက် ရှိ၏၊ အမြင့်ပေ(၂,၅၀၀)မျှ ရှိသည်။ ၁၅၇,၀၀၀-စတုရန်းမိုင်။
(၁၆) Painted--ရောင်စုံ သဲကန္တာရ၊ အမေရိကန် ပြည်ထောင်စု အရီဇိုးနား ပြည်နယ်၏ အရှေ့မြောက်၌တည်ရှိသည်၊ အလျား(၇၅)မိုင်ရှိ၍ အမြင့်ပေ (၅,၀၀၀) မြင့်သည်။၇၅၀၀-စတုရန်းမိုင်။
(၁၇) Sahara--ဆဟာရ သဲကန္တာရကြီး၊ တောင်အာဖရိကနိုင်ငံ၏ မြောက်ပိုင်းမှ ပင်လယ်နီအထိ ကျယ်ပြန့်လျက် စတုရန်းမိုင်ပေါင်း(၃,၅၀၀,၀၀၀) ရှိသည်၊ ပင်လယ်ရေပြင်၏ အောက် ပေပေါင်း (၄၀၀ မှ ၁၁,၀၀၀)အထိ နိမ့်၍ ပင်လယ်ရေပြင်၏ အထက်သို့ ပေပေါင်း (၁,၄၀၀ မှ ၁,၆၀၀) အထိ မြင့်သည်။
(၁၈) Taklamakan--တက်ကလာမာကန် သဲကန္တာရ၊ တရုပ်ပြည်သူ့သမ္မတနိုင်ငံ ဆင်ကျန်ပြည်နယ်၏ အလယ်ပိုင်းမှ တာရင်မြစ်ဝှမ်းအထိ တည်ရှိ၍ အလျားမိုင်(၇၀၀)မျှ ရှိ၏၊ စတုရန်းမိုင်ပေါင်း(၁၂၅,၀၀၀) အထိ ရှိလေသည်။
(၁၉) Thar--သာ သဲကန္တာ၊ ဣန္ဒိယနိုင်ငံ ရာဇပုတ္တရပြည်နယ် အတွင်း၌ တည်ရှိသည်၊ အလျားမိုင်(၃၈၀)မျှ ရှိလျက် အနံ မိုင်(၃၀၀)မျှရှိသည်၊ အမြင့်ပေ (၅၀၀) ခန့်မြင့်သည်၊ ၉၂,၂၀၀-စတုရန်းမိုင်။ ဟူ၏။
« သျှ »
သျှောင်ထုံးအပြား ၅၅၊ ဆင်ငြား ပုဂံသူ။ ။ ပုဂံသူတို့ ဆင်ယင်ထုံးဖွဲ့သော ဆံထုံးမျိုး အပြားကို ဆိုသည်၊၎င်းင်း သရုပ်ကို (ဥသျှောင်ထုံးငြား- ၅၅) ဟူသော သုတေသန၌ ဆိုခဲ့ပြီ။
« သွ »
သွပ်မျိုး ၄-ပါး။ ။ သဗ္ဗဓာတုက ၀ိဇ္ဇာဓရကျမ်းကြီး၌ အောက်ပါအတိုင်းသွပ်မျိုး လေးပါးကို ခွဲခြား၍ ပြဆိုထားလေသည်၊ အားလုံး မှတ်စားသည်ချည်း ဖြစ်၏။
(၁) သေတဇာ သတွ- သွပ်ဖြူ, ကျောက်တောင်မှထွက်၏၊
(၂) ပိတ သတွယော- သွပ်ရွှေဝါ, ကျောက်တောင်မှ ထွက်၏၊
(၃) ဘူမျဇာ သတွ- မြေထွက်သွပ်, ညိုပြာပြာရှိ၏၊
(၄) တာမျ သတွ- ခပ်ပြာသွပ်, စပ်၍ချက်ထားသော သွပ်မျိုး။
သွားအရပ်မှာ၊ ဖြစ်ပေါ်လာ၊ မြန်မာအက္ခရာ ၇-လုံး။ ။ ၎င်းင်း သရုပ်ကို(ဒန္တဇ အက္ခရာ ၇-လုံး) ၌ ဆိုခဲ့ပြီ။
သွားတော် ၄၀၊ ရေရာဝယ်၊ စွယ်တော် ထည့် မထည့်။ ။ မြတ်စွာဘုရားသခင်၏ ၃၂-ပါးသော လက္ခဏာ တော်ကြီးတို့တွင် စတ္တာလီသ သမဒန္တခေါ် ညီညာသော သွားတော်များ, စွယ်တော် ၄-ဆူနှင့် တကွ ထည့်၍ အထက် ၂၀-အောက် ၂၀-ပေါင်း ၄၀-ဟု မှတ်ရာ၏။
သွားတိုက်ခြင်း အကျိုး ၅-ပါး။ ။ ဒန်ပူစား သွားတိုက်ခြင်း၏ အကျိုးခံစားခွင့် ငါးပါး၊ ၀ိနည်း စူဠ၀ါ ပါဠိတော်မှ။
(၁) စက္ခုဿံ- မျက်စိအမြင်ကြည်လင်ခြင်း၊
(၂) မုခံ န ဒုဂ္ဂန္ဓံ- ပါးစပ်မနံခြင်း၊
(၃) ၀ိသုဒ္ဓ ရသ ဟရဏီ- အာရုံကြောတို့ သန့်ရှင်းအားကောင်းခြင်း၊
(၄) ပိတ္တာဒိ နပရိယော နဒ္ဓတိ- သည်းခြေ သလိပ် ထမင်း အစာတို့ မရော မရှက်နိုင်ခြင်း၊
(၅) ဘတ္တ မဿ ဆာဒေတိ- ထမင်းဆာခြင်းကို ဖြစ်စေနိုင်ခြင်း။
Sunday, December 28, 2008
သိ-သီ-သု-သူ---သိက္ခာသုံးပါး မှ သူ့သားမယား၊
သိက္ခာသုံးပါး။ ။ မဇ္ဈိမပဏ္ဏာသ ။ဋ္ဌ။ ၂၀-၌ အကျယ်ရှုပါ။ ကိုယ်ကျင့်တရားနှင့် တည်ကြည်ဖြောင့်မတ်မှု ကိလေသာမှ လွတ်ကင်းမှု လုပ်ငန်းပညာရပ်များ ဟူ၏။
(၁) အဓိသီလသိက္ခာ-ရဟန်းတော်များ စောင့်ထိန်းရသည့်(၂၂၇)သွယ်သော သီလသိက္ခာပုဒ် အကျင့်မြတ်များ။
(၂) အဓိစိတ္တသိက္ခာ-၀ိပဿနာ၏ အခြေခံဖြစ်သော သမထလုပ်ငန်းရပ်နှင့် သမာပတ်ရှစ်ပါး သမာဓိသဘောတရား အကျင့်မြတ်များ။
(၃) အဓိပညာသိက္ခာ-ပညာမဂ္ဂင် ၂-ပါး ဦးစီးသော ရုပ်çနာမ် ဓမ္မတို့၏ ဥဒယ ၀ယ သဘောမှန်ကို ဧကန် ပိုင်းခြား၍သိရန် ၀ိပဿနာဥာဏ် အလုပ်သဘော အကျင့်မြတ်။
သိက္ခာမျိုး ၅-ပါး၊ တနည်း။ ။ သိပ္ပံပညာမျိုး ၅-ပါး။
(၁) ယောဂ သိက္ခာ- စက်မှု လက်မှု ပညာ၊
(၂) ၀ိနိစ္ဆယ သိက္ခာ- တရားနှင့် လျော်ညီစွာ ဆုံးဖြတ်ခြင်း၊
(၃) ကေတု သိက္ခာ- နိမိတ် တိတ်တပေါင်ဝေဒ စသည့် ပညာ၊
(၄) ပေါရာဏ သိက္ခာ- ရှေးဖြစ်ဘူးသော စကားဟောင်း မင်းစဉ် မင်းဆက်အကြောင်းအရာ စာဆိုတော်ခေါ် စာရေးဆရာ ပညာ၊
(၅) ဟတ္ထိအဿ သိက္ခာ- ဆင်စီး မြင်းစီး စစ်တက် စစ်ဆင် အရာတို့၌ လိမ်မာသောပညာ။ မှတ်ချက်။ ။
၎င်းင်း ငါးပါးကို ပညာ ငါးပါးဟုလည်း ရေးမှတ်ကြသေးသည်။
သိကြားမင်း၏ မိဖုယားပေါင်း ၁၆၀၀။ ။ ၎င်းင်းအကျယ်ကို ၀ိမာန၀တ္တုအဋ္ဌကထာ။ ၁၆၇-၌ ရှုပါ။
သိကြားမင်း၏ သမီးတော် ၄-ယောက်။ ။ အသီတိနိပါတ် သုဓာဘောဇနဇာတ်၌ အကျယ်
ရှုပါ။
(၁) အာသာ၊
(၂) သိရီ၊
(၃) သဒ္ဓါ၊
(၄) ဟိရီ။
သိကြားမင်း ဖြစ်ကြောင်းတရား ၇-ပါး။ ။ သဂါထာဝဂ္ဂသံယုတ် ။ပါ။၂၃၀ ။ဋ္ဌ။ ၃၁၇။ သိကြားဖြစ်ကြောင်း ကျင့်ဝတ္တရား ၇-ပါး လင်္ကာ၊
" ၁- မိဘပြုစု၊ ၂- ကြီးသူကြိုးနွံ့၊ ၃- နှုတ်သံညက်ညော၊ ၄- ကုန်းမချောတည့်၊ ၅- နှမြော မနှောင့်၊
၆- သစ္စာစောင့်လျက်၊ ၇- အမျက်နည်းစွာ၊ ၇-ဖြာသည်၊ နောင်ခါ သိကြားဖြစ်ကြောင်းတည်း"
ဟူသော လင်္ကာဖြင့် ထင်ရှားသည်။
သိကြားမင်း ရှိခိုးခံထိုက်သူ၏ ဂုဏ်အင်္ဂါ ၄-ပါး။ ။ သဂါထာဝဂ္ဂသံယုတ်။ပါ။ ၂၃၅ ။ဋ္ဌ။ ၃၂၂-၌ အကျယ်ရှုပါ။ သက္ကသံယုတ်မှ ထုတ်ယူ ပြဆိုသည်၊ ၎င်းင်းဂါထာကား-
"ယေ ဂဟဋ္ဌာ ပုညကရာ၊ သီလ၀န္တော ဥပါသကာ။
ဓမ္မေန ဒါရံ ပေါသေန္တိ၊ တေ နမဿာမိ မာတလိ"
မာတလိက မေး၍ သိကြားမင်းကဖြေပုံ။
(၁) ပုညကရာ- ပစ္စည်းလေးပါး, ဒါန၀တ္ထု ၆-ပါး, ၁၀-ပါး သီလတို့ဖြင့် သဒ္ဓါစင်ဖြူ ပေးလှူနေသူ၊
(၂) သီလ၀န္တော- ၅-ပါး, ၈-ပါး, ၁၀-ပါးသီလတို့ကို စောင့်ထိန်းကျင့်သုံးနေသူ၊
(၃) ဥပါသကာ- ရတနာ ၃-ပါးကို မြတ်နိုးထပ်ထပ် ဆည်းကပ်ကိုးကွယ်နေသူ၊
(၄) ဓမ္မဒါရ ပေါသ- တရားသော အလုပ်သဘောဖြင့် မယား, သားတို့အား လုပ်ကျွေးမွေးမြူသူ။
သိခြင်း, သိပုံမျိုး ၃-ပါး။ ။ သညာသိ, ၀ိညာဏ်သိ, ပညာသိ။ အကျယ် ၀ိသုဒ္ဓိမဂ်။ ဒု-အုပ်။ ၆၆-၌ ရှုပါ။
သိင်္ဂါရ ရသမျိုး ၃-ပါး။ ။ ယောက်ျား မိန်းမတို့၏ ချစ်ကြိုက်မှု, ပေါင်းဆုံမှီဝဲမှု, ကွဲကွာမှုတို့ကိုပင်
သိင်္ဂါရ ရသခေါ်သည်။
(၁) အာယောဂ- ကျား, မတို့ တဦးကိုတဦး ချစ်ကြိုက်စွဲလမ်း နှစ်သက်မှု၊
(၂) သမ္ဘောဂ- လူချင်းတွေ့ထိကိုင်ဆွဲသုံးသပ် ပေါင်းသင်းမှု၊
(၃) ၀ိပ္ပယောဂ- ချစ်ကြိုက်စဖြစ်စေ, ပေါင်းသင်းပြီးမှဖြစ်စေ, သေကွဲ ရှင်ကွဲ ကွဲကွာရခြင်း။
သိထိလ အက္ခရာမျိုး။ ။ မန္တန်မန်းမှုတ်ရာနှင့် ကမ္မ၀ါဉတ်ရွတ်ဖတ်ရာတို့၌ လျော့လျော့ ရွတ်ရသော အက္ခရာ ဆယ်လုံး၊ " က, ဂ, စ, ဇ, ဋ, ဍ, တ, ဒ, ပ, ဗ။ "
သိဒ္ဓိမျိုး ၁၀-ပါး။ ။ တစုံတခုသော မန္တန်ç အင်းç ဆေးç သံç ပြဒါးç ပတ္တမြားç ပုလဲ စသည့် အရာတို့ဖြင့် လိုရာပြီး နိုင်ခြင်းမျိုး ဆယ်ပါး ဟူ၏။
(၁) စိန္တာ မယိဒ္ဓိ- စိတ်ကြံရာ ဖြစ်စေခြင်း၊
(၂) ဥဒက သိဒ္ဓိ- ရေပြင်ပေါ်၌ လျှောက်သွားအိပ်နေနိုင်ခြင်း၊
(၃) ပထ၀ီ သိဒ္ဓိ-မြေလျှိုးနိုင် မြေကြောကိုရှုံ့နိုင်ခြင်း၊
(၄) ဓန သိဒ္ဓိ- ရွှေငွေရတနာ လိုရာရနိုင်ခြင်း၊
(၅) အာယု သိဒ္ဓိ- အသက်ရှည်၍ အရွယ်ပျိုစွာနေနိုင်ခြင်း။
(၆) အာကာသ သိဒ္ဓိ- ကောင်းကင်ခရီး ပျံသန်းနိုင်ခြင်း၊
(၇) အာရောဂျ သိဒ္ဓိ- အနာကင်းခြင်း၊
(၈) ကာယ သိဒ္ဓိ- ဓား, လှံ, သေနတ်, အမြောက် မထိနိုင်ခြင်း၊
(၉) ပိယ သိဒ္ဓိ- သတ္တ၀ါအားလုံးတို့၏ ချစ်ခင်မှုကို ခံရခြင်း၊
(၁၀) ဣဒ္ဓိဝိဓ သိဒ္ဓိ- ဈာန်တန်ခိုးဖြင့် အထူးထူး ဖန်ဆင်းနိုင်ခြင်းမျိုး။
သိပ္ပံပညာ အတတ် ၆၄-ရပ်။ ။"ကလာအတတ်၆၄-ရပ်"ကိုပင် လက်မှုပညာအတတ်များ
ဖြစ်၍ သိပ္ပံပညာ အတတ်ဟု ခေါ်ဆိုကာ ' ၀ိဇ္ဇာအတတ်၁၈-ရပ် 'ဟု ခွဲခြား၍ ပြလေသည်၊ ၎င်းင်းသရုပ် (ကာလအတတ် ၆၄-ရပ်)၌ရှုပါ။
သိမ်နိမိတ်မျိုး ၈-ပါး။ ။ သိမ်သမုတ်ရာ၌ အပိုင်းအခြား သတ်မှတ်ထားရာမျိုး ၈-ပါး။
(၁) ပါသာဏ နိမိတ္တ- ကျောက်တုံး ကျောက်တိုင်နိမိတ်၊
(၂) ပဗ္ဗတ- တောင်၊
(၃) ရုက္ခ- သစ်ပင်၊
(၄) ၀န- တော၊
(၅) မဂ္ဂ- လမ်း၊
(၆) ၀မ္မိက- တောင်ပို့၊
(၇) နဒီ- မြစ်၊
(၈) ဥဒက နိမိတ္တ- ရေဖြင့်ပိုင်းခြား သတ်မှတ်ခြင်းမျိုး၊
အကျယ် ၀ိနည်းမဟာဝါ ။ပါ။ ၁၄၄ ။ဋ္ဌ။ ၃၁၈-၌ ရှုပါ။
သိမ်မျိုးအပြား ၁၅-ပါး။ ။ ရဟန်းတော်များ သံဃကံဆောင်သော သိမ်များဖြစ်၏၊ အကျယ်ကို ၀ိနည်းမဟာဝါ အဋ္ဌကထာ ၄၁၇-၌ ရှုပါ။
« သီ »
သီချင်းခံများ၊ သံ ၈-ပါး၊ မျိုးစား ဝေဘန်သိ။ ။ ၎င်းင်းသရုပ်ကို (အသံ၈-ပါး၊ မျိုးခွဲခြား၊
ခံငြား သီချင်းဆို)ဟူသည်၌ဆိုခဲ့ပြီ။
သီချင်းဆိုသံ ၇-တန်။ ။ ၎င်းင်းသရုပ် (ဂီတအသံ ၇-တန်)၌ ရှုပါ။
သီချင်းမျိုး ၂၂-ပါး။ ။ ကဗျာပင်မကြီးမှ ပေါက်ပွားလာသော
သီချင်းမျိုးအပြား ၂၂-ပါး၊ အကျယ်"ကဗျာဗန္ဓ သာရကျမ်း"၌ ရှု။
ရကန်၊ ဟောစာ၊ သာချင်း၊ ကာချင်း၊ အဲချင်း၊ အိုင်ချင်း၊ လေးချိုး၊ သံချိုချိုး၊ ယိုးဒယား၊ ပတ်ပျိုး၊ (၁၀)။
ကြိုး၊ဘွဲ့၊ ဘောလယ် ရိုးဆန်း၊ တေးရိုးဆန်း၊ သဖြန် ရိုးဆန်း၊ ငိုချင်း ရိုးဆန်း၊ တုံးချင်း ရိုးဆန်း၊
ဟန်ချင်း ရိုးဆန်း၊ လှေချင်း ရိုးဆန်း၊ နတ်သံ၊ (၂၀)။ မှာတမ်း၊ ဇာတ်စကားစပ်ပုံ၊(၂၂)။
သီတင်းကြီး ၄-ပါး။ ။ စောင့်သုံးထိန်းသိမ်းရမည့်တရားကြီး ၄-ပါး။
(၁) ပါတိမောက္ခ သံဝရသီလ၊
(၂) ဣနြေ္ဒိယ သံဝရသီလ၊
(၃) ပစ္စယ သန္နိဿိတသီလ၊
(၄) အာဇီဝ ပါရိသုဒ္ဓိ သီလ၊ ဤ ၄-ပါးကိုရည်၍ ပါရမီခန်း၌
"ပါတိမောက္ခ၊ သံဝရဟု၊ စသည်ကျင့်ပြင်း၊ သီတင်း ၄-ပါး၊ ဆွဆွထွားလျှင်"ဟု ရှင်မဟာသီလ၀ံသထေရ် စပ်ဆိုထားခဲ့၏၊
အကျယ် သီလကြီး၎-ပါး၌ ရှုပါ။
သီတင်းသုံးဖော် ၅-ယောက်။ ။ သီလသိက္ခာ စောင့်ဖော်ကျင့်ဖတ် ၅-ယောက်ဟူ၏၊
(၁) ဘိက္ခု- ရဟန်းယောက်ျား၊ ကိုရင်၊
(၂) သာမဏေရော- သာမဏေ ယောက်ျား၊ ကိုရင်၊
(၃) သိက္ခမာနာ- သိက္ခမာန်၊ သာမဏေမ လောင်း၊
(၄) ဘိက္ခုနီ- ရဟန်းမ၊
(၅) သာမဏေရီ- သာမဏေမ၊ ကိုရင်မ။
သီတင်းသုံးဖော် ၇-ယောက်၊ တနည်း။ ။ မူလပဏ္ဏာသ ။ပါ။၉၂။ဋ္ဌ။ပ-အုပ်။၃၁၄။
(၁) ဘိက္ခု၊
(၂) ဘိက္ခုနီ၊
(၃) သိက္ခာမာနာ၊
(၄) သာမဏေရော၊
(၅) သာမဏေရီ၊
(၆) ဥပါသကော၊
(၇) ဥပါသိကာတိ ဧတေ သတ္တသဟ ဓမ္မစာရိနော။
သီဒါ ၇-တန်။ ။ ကရွတ်ခွေများကဲ့သို့ မြင်းမိုရ်တောင်ကို စွပ်ခွေရစ်ပတ်လျက်ရှိသော တောင်စဉ် ၇-ထပ်တို့၏ အကြားဖြစ်သည့် သမုဒ္ဒရာ ၇-စင်းကိုခေါ်သည်။
(၁) မြင်းမိုရ်တောင်နှင့် ယုဂန္ဓရတောင် အကြား သီဒါတခု ရှိ၏၊
၎င်းင်းသီဒါ၏စောက် အနက် အကျယ်တို့ကား ယူဇနာပေါင်း ၄၂၀၀၀-စီ ရှိ၏၊
(၂) ယုဂန္ဓရတောင်နှင့် ဤသန္ဓရတောင်အကြား သီဒါတခု ရှိ၏၊
၎င်းင်းသီဒါ၏ စောက် အနက် အကျယ်တို့ကား ယူဇနာပေါင်း ၂၁၀၀၀-စီ ရှိ၏၊
(၃) ဤသန္ဓရတောင်နှင့် ကရ၀ိကတောင် အကြား သီဒါတခုရှိ၏၊
၎င်းင်းသီဒါ၏ စောက် အနက် အကျယ်တို့ကား ယူဇနာပေါင်း ၁၀၅၀၀-စီ ရှိ၏၊
(၄) ကရ၀ိတောင်နှင့် သုဒဿနတောင် အကြား သီဒါတခု ရှိ၏၊
၎င်းင်းသီဒါ၏ စောက် အနက် အကျယ်တို့ကား ယူဇနာပေါင်း ၅၂၅၀-စီ ရှိ၏၊
(၅) သုဒဿနတောင်နှင့် နေမိန္ဓရတောင်အကြား သီဒါတခု ရှိ၏၊
၎င်းင်းသီဒါ၏ စောက် အနက် အကျယ်တို့ကား ယူဇနာပေါင်း ၂၆၂၅-စီ ရှိ၏၊
(၆) နေမိန္ဓရတောင်နှင့်ဝိနတ္တကတောင်အကြား သီဒါတခု ရှိ၏၊
၎င်းင်းသီဒါ၏ စောက် အနက် အကျယ်တို့ကား ယူဇနာပေါင်း ၁၃၁၂ƒစီ ရှိ၏၊
(၇) ၀ိနတ္တကတောင်နှင့် အဿကဏ် တောင်အကြား သီဒါတခုရှိ၏၊
၎င်းင်းသီဒါ၏ စောက် အနက် အကျယ်တို့ကား ၆၅၆-ယူဇနာနှင့် တတိုင်ခြောက်ရာတွင်းစီ ရှိကြ၏။
သီရိမျိုး ၃-ပါး။ ။ သားကောင်း ရတနာ ရနိုင်ရန် မိခင်လောင်းများ ပြုကျင့်ရသော
လောကီကျက်သရေ၃-ပါး၊ မုံရွေးဇေတ၀န် ဆရာတော်။
(၁) ကြိုးတန်း ကြိမ်တန်းအောက် မ၀င်ရခြင်း၊
(၂) ခါးဝတ်ထမီကို ထက်အောက်ပြန်၍ မ၀တ်ရခြင်း၊
(၃) ခြေမဆေးဘဲ အိပ်ရာတိုက်ခန်းမ၀င် မအိပ်ရခြင်း။
သီလ ၂-ပါး။ ။
(၁) စာရိတ္တ သီလ- ဤအမှုကိစ္စမျိုးကို ပြုကျင့်ရမည်ဟု မြတ်စွာဘုရား ပညတ်ထားသည့်ဆရာ့ဝတ်
ရဟန်းဝတ် ဒကာဝတ် စသည့်အပစာယန၊ ဝေယျာဝစ္စ ကုသိုလ်မျိုးကို ဆိုသည်၊ လိုရင်းကား လောက၌ ပြုလုပ်ပေးရမည့်
အပြစ်မရှိသော ကိစ္စရပ်များကို ပြုလုပ်ပေးခြင်းအကျင့်သည် မိမိသီလဂုဏ်၌ တိုးတက်ဖြူစင်သော
သီလမျိုးဖြစ်၍ စာရိတ္တသီလခေါ်သည် ဟူ၏၊
(၂) ၀ါရိတ္တ သီလ- ဤအမှုမျိုးကို မပြုလုပ်ရဟု မြတ်စွာဘုရား ပညတ်တော်မူသည့် သိက္ခာပုဒ် ဟူသမျှကို ဘုရားရှင် အလိုတော်ကျအတိုင်း မပြုလုပ်ပဲ စောင့်ထိန်းခြင်းကို ၀ါရိတ္တသီလ ခေါ်သည်။
သီလအပြား ၇-ပါး၊ အများ ဗိုလ်လူဆိုင်။ ။ ရဟန်း ရှင် လူတို့ စောင့်သုံးရသော သီလများ။ထို့အပြင်လည်း အမျိုးများစွာ ရှိသေး၏။
(၁) ငါးပါးသီလ ရိုးရိုး- သာမန် လူ, နတ်, တိရစ္ဆာန်တို့အတွက် နိစ္စသီလမျိုး၊
(၂) ငါးပါးသီလအထူး- ကောမာရ ဗြဟ္မစရိယ သီလမျိုး၊
(၃) ခြောက်ပါးသီလ- ဘိက္ခုနီလောင်း သိက္ခာမာန်များ အတွက်၊
(၄) ရှစ်ပါးသီးလ- ဥပေါသထ သီလမျိုး၊
(၅) ကိုးပါးသီလ- စကြာမင်းနှင့် မိဖုယားကြီးများ သားတော် သမီးတော် ဆွေတော် မျိုးတော်
တိုင်းသူပြည်သားတို့ စောင့်ထိန်းသော ဥပေါသထသီလမျိုး၊
(၆) ဆယ်ပါးသီလ- လူသာမဏေတို့သီလ, လူ့အတွက် နိစ္စသီလမျိုး၊
(၇) စတုပါရိသုဒ္ဓိသီလ- ရဟန်းတော်များသီလ။ အာပတ် ၇-ပုံ။
သီလကြီးမျိုး ၄-ပါး။ ။ မဟာနိဒ္ဒေသ ။ပါ။ ၂၆၄။ဋ္ဌ။ ၃၂၆။ စတု ပါရိသုဒ္ဓိသီလ ခေါ်
၎င်းင်းသီလကြီး ၄-ပါးကို ထက်ဝန်းကျင် စင်ကြယ်စေရမည်ဟုဆိုသည်။
(၁) ပါတိမောက္ခ သံဝရ သီလ- သံသရာဝဋ်ဆင်းရဲမှ လွတ်ကင်းစေတတ်သော သီလတရားစု၊ အာပတ် ၇-ပုံ။
(၂) ဣန္ဒိယ သံဝရ သီလ- စက္ခုစသော ဣနြေ္ဒ ၆-ပါးကို စောင့်စည်း လုံခြုံစေမှု၊
(၃) အာဇီဝပါရိသုဒ္ဓိသီလ- ထက်ဝန်းကျင်မှ အပြစ်မရှိသန့်ရှင်း စင်ကြယ်သော အသက်မွေး ၀မ်းကျောင်းမှု၊
(၄) ပစ္စယသန္နိဿိတ သီလ- ဆွမ်း, သင်္ကန်း, ကျောင်း, ဆေး, ခေါ် ပစ္စည်းလေးပါး၌ ကောင်းစွာ စင်ကြယ်
သဖြင့်မှီဝဲသုံးဆောင်မှု။
သီလဂုဏ် ၈-ပါး၊ ၂-နည်း။ ။ မိမိတို့စောင့်ထိန်းသော သီလ၌ ထိုဂုဏ်ရှစ်ပါးနှင့်ပြည့်စုံစေ
ရမည်၊ ဤ၌ရှေ့လေးပါးကို လောကီ သီလဂုဏ်၊ နောက်လေးပါးကို လောကုတ္တရာဂုဏ်ဟု မှတ်ရာ၏၊ သံယုတ်ပါဠိတော်။
(၁) အ ခဏ္ဍ- မကျိုးသော ဂုဏ်၊
(၂) အ ဆိဒ္ဒ- မပေါက်သော ဂုဏ်၊
(၃) အ သဗလ- မပြောက်သော ဂုဏ်၊
(၄) အ ကမ္မာသ- မကျားသော ဂုဏ်၊
(၅) ဘုဇိသ- ကိလေသာမှ တော်လှန်သော ဂုဏ်၊
(၆) ၀ိညူ ပသဋ္ဌ- ပညာရှိတို့ ချီးမွမ်းအပ်သော ဂုဏ်၊
(၇) အ ပရာမဋ္ဌ- တဏှာ ဒိဋ္ဌိတို့ဖြင့် မစွဲလမ်းမှုဂုဏ်၊
(၈) သမာဓိ ၀၀တ္တန- သမာဓိ ၃-ပါးကို ဖြစ်စေတတ်သော ဂုဏ်။
သီလစင်ကြယ်၊ ပြည့်စုံဘွယ်၊ ၄-သွယ် အင်္ဂါရှိ။ ။ သီလစင်ကြယ်ပြည့်စုံခြင်း၏အကြောင်း
အင်္ဂါလေးရပ်။
(၁) မိမိကိုယ်တိုင်လည်း မလွန်ကျူးခြင်း၊
(၂) သူတပါးကိုလည်း မလွန်ကျူးစေခြင်း၊
(၃) သူတို့အာသာ လွန်ကျူးသည်ကိုလည်း ၀မ်းမမြောက်၊
(၄) မိမိစောင့်သုံးသော သီလသိက္ခာပုဒ်အသီးသီးကိုလည်း စင်ကြယ်လေစွဟု ချီးကျူး၏။
သီလစောင့်ငြား၊ ကျိုး ၅-ပါး၊ ဘုရားဟောတော်မူ။ ။ မဟာပရိနိဗ္ဗာနသုတ်၌ သီလစောင့်
ရှိသူတို့ခံစားရသော အကျိုး ၅-ပါးကို ဟောတော်မူသည်။
(၁) မမေ့ မလျော့ခြင်းကြောင့် များစွာသော စည်းစိမ်ဥစ္စာတို့ကို ရရှိ၏၊
(၂) ကောင်းသောသတင်း ကျော်စောခြင်း ဂုဏ်ကို ရ၏၊
(၃) ပရိသတ် လေးပါး အလယ်၌ တင့်တယ် ရဲရင့် ရွှင်ရွှင် လန်းလန်းနှင့်နေရ၏၊
(၄) မတွေဝေမမေ့မောဘဲ သေရခြင်း ရှိ၏၊
(၅) သေပြီးနောက်၌ နတ်ရွာ၌ ဖြစ်ရ၏။
သီလ ညှိုးနွမ်း ပျက်စီးခြင်း တရား ၁၆-ပါး။ ။ အောက်ပါအရာများကို ငဲ့ကွက်မှု
မထားဘဲ သီလတရားကို စောင့်စည်းရမည်။
(၁) လာဘ- လာဘ်ကိုငဲ့၍ ပျက်စီးခြင်း၊
(၂) ယသ- ခြွေရံကျော်စောမှုကို ငဲ့သောကြောင့်၎င်း၊
(၃) ညာတိ- ဆွေမျိုးကြောင့် ၎င်း၊
(၄) အင်္ဂါ- ခြေလက်စသည်ကြောင့် ၎င်း၊
(၅) ဇိဝိတ- အသက်ကြောင့် ၎င်း၊
(၆) ခဏ္ဍ- ကျိုးခြင်း၎င်း၊
(၇) ဆိဒ္ဒ- ပေါက်ခြင်း၎င်း၊
(၈) သဗလ- ပြောက်ခြင်း၎င်း၊
(၉) ကမ္မာသ- ကျားခြင်း၎င်း၊
(၁၀-၁၆) မေထုန်ငယ် ၇-ပါး ထည့်၍ ၁၆-ပါးယူသည်။
သီလ၀ိသုဒ္ဓိ အပြား ၄-ပါး။ ။ သီလ ဖြူစင်ကြောင်း တရား ၄-ပါး။
(၁) ဒေသနာ သုဒ္ဓိ- ပါတိမောက္ခ သံဝရသီလ ပျက်လျှင် ဒေသနာကြားခြင်းစသည့်
မိမိအာပတ် ဆိုင်ရာနည်းဖြင့် ကုစားစင်ကြယ်ခြင်းမျိုး၊
(၂) သံဝရ သုဒ္ဓိ- ဣန္ဒြိယ သံဝရသီလ ၆-ပါး၌ တပါးပါး ပျက်လျှင် နောင် မပေါက်ကြားစေရ ဟု
အဓိဋ္ဌာန်တင်၍ စင်ကြယ်ခြင်းမျိုး၊
(၃) ပရိယေဋ္ဌိ သုဒ္ဓိ- အာဇိဝ ပါရိသုဒ္ဓိ သီလပျက်လျှင် ကုလဒူသန အနေသန စသော မိစ္ဆာဇီဝ နောက်ခါ မဖြစ်ရအောင် ရှောင်ကြဉ်၍ သမ္မာအာဇိဝဖြင့် ရှာမှီးခြင်းမျိုး၊
(၄) ပစ္စေဝေက္ခဏာ သုဒ္ဓိ- ဣဏပရိဘောဂ မဖြစ်စေဘဲ ပစ္စည်းလေးပါး၌ ပစ္စဝေက္ခဏာ ဆင်ခြင်၍ ပစ္စယ သန္နိဿိတ သီလကို စင်ကြယ်စေခြင်းမျိုး။
သီဟိုဠ်ကျွန်း၏ အမည်မျိုး ၇-ပါး။ ။
(၁) လင်္ကာဒီပ- လင်းယင်ရွက်နှင့်တူသော ကျွန်း၊
(၂) တမ္ဗပါဏိဒီပ- မြေနီရှိသဖြင့် ၎င်းင်း၌ ကိုင်တွယ်ထောက်လှမ်းသော လက်မှာ နီသောကျွန်း၊
(၃) သီဟဠဒီပ- သီဟဗာဟု ၀တ္ထုလာ ခြင်္သေ့ကျွန်း၊
(၄) သြဇာဒီပ- မြေဆီ သြဇာကောင်းကျွန်း၊ (ကကုသန် ဘုရားလက်ထက် အမည်)။
(၅) ၀ရဒီပ- ကြီးမြတ်ကျွန်း၊ (ကောဏာဂုံ ဘုရားလက်ထက် အမည်)။
(၆) မဏ္ဍလဒီပ-ကြည်လင်ကျွန်း၊ (ကဿပ ဘုရားလက်ထက် အမည်)။
(၇) သီရိလင်္ကာ-ကျက်သရေဆောင်ကျွန်း၊ (ယခုအမည်)။
« သု »
သုံးဆယ့်ခုနစ်မင်းနတ်။ ။ ၎င်းသရုပ်(အတွင်း ၃၇-မင်း၊ အပြင် ၃၇-မင်း)၌ ရှုပါ။
သုံးဆယ့်တစ်ဘုံ။ ။ ၎င်းသရုပ်အဓိပ္ပါယ် (ဘုံ သုံးဆယ့်တစ်)မှာ ကြည့်လေ။
သုံးဆယ့်နှစ် ကောဋ္ဌာသ။ ။ ခန္ဓာကိုယ်၏ ၃၂-ပါးသော အဖို့အစု အစိတ်အပိုင်းများကို ခေါ်ဆိုသည်၊ ဥပရိပဏ္ဏာသပါဠိတော်။
ကေသာ- ဆံပင်၊
လောမာ- အမွေး၊
နခါ- ခြေသည်း လက်သည်း၊
ဒန္တာ- သွား၊
တစော- အရေ၊
မံသံ- အသား၊
နှာရု- အကြော၊
အဋ္ဌိ- အရိုး၊
အဋ္ဌိမိဉ္စံ- ရိုးတွင်းခြင်ဆီ၊
ဝက္ကံ- အညှို့၊(၁၀)။
ဟဒယံ- နှလုံး၊
ယကနံ- အသည်း၊
ကိလောမကံ- အမြှေး၊
ပိဟကံ- အဖျဉ်း၊
ပပ္ဖါသံ- အဆုပ်၊
အန္တံ- အူမ၊
အန္တဂုဏံ- အူသိမ်၊
ဥဒရိယံ- အစာသစ်၊
ကရီသံ- အစာဟောင်း၊
မတ္ထလုင်္ဂံ- ဦးနှောက်၊ (၂၀)။
ပိတ္တံ- သည်းခြေ၊
သေမှံ- သလိပ်၊
ပုဗ္ဗော- ပြည်၊
လောဟိတံ- သွေး၊
သေဒေါ- ချွေး၊
မေဒေါ- အဆီအခဲ၊
အဿု- မျက်ရည်၊
ဝသာ- ဆီကြည်၊
ခေဠော- တံတွေး၊
သိင်္ဃာဏိကာ- နှပ်၊ (၃၀)။
လသိကာ- အစေး၊
မုတ္တံ- ကျင်ငယ်။(၃၂)။
သုံးဆယ့် နှစ်ပါးသော ကံကြမ္မာ။ ။ ၎င်းသရုပ် အကျယ်ကို (ကံကြမ္မာ ၃၂-ပါး)၌ ပြခဲ့ပြီ။
သုံးဆယ့် နှစ်ပါးသော တိရစ္ဆာန ကထာ။ ။ ၎င်း သုတေသန ရပ်ကို(တိရစ္ဆာနာ၊ ဒွတ္တိံသာ၊
ကထာ ၃၂)ဟူသော သရုပ်၌ ပြဆိုခဲ့ပြီ။
သုံးဆယ့် နှစ်ပါးသော လက္ခဏာတော်ကြီး။ ။ ၎င်း သရုပ် အဓိပ္ပါယ် (လက္ခဏာတော်ကြီး ၃၂-ပါး)၌ ရှုပါ။
သုံးဆယ့်ရှစ်ဖြာ မင်္ဂလာ။ ။ ၎င်းသရုပ်အဓိပ္ပါယ် (မင်္ဂလာတရား ၃၈-ပါး)၌ ကြည့်ပါ။
သုံးပုံဖဲဟု၊ ခေါ်ဆိုပြု၊ သမုဗြုပ္ပတ် အသို့နည်း?။ ။ သုံးပုံဖဲ ခေါ်ခြင်း၏ မူရင်းဗြုပ္ပတ်ကား ဖဲပေါင်း ၂၄-ချပ် ရှိလေရာ ၈-ချပ် တပုံကျ သုံးပုံပြုကာ စီစဉ်ကစားခြင်းကို အစွဲပြု၍ ခေါ်ဆိုလေသည်။
သုံးလွန်းတင် ထမင်း။ ။ အောက်ပါ ဦးကြီး၏ လွမ်းချင်းဖြင့် ထင်ရှား၏။
" ပဲနောက်နှင့် ပြောင်းဆန်၊ ကောက်သားငယ်ရံ၊ ဝေဖန်နှောရှက်၊ ရောကာချက်လို့၊
ပြောဘက်ကယ် မမြင်၊ သြဇာ ပြွမ်းတဲ့ သုံးလွန်းတင်ကို၊ ခင်မင်ဖွယ်ရာ၊ သည်ချိန်ကို လာခဲ့ပ၊
တောရွာသူ့ ခန့်ပုံကို၊ အသားကုန်လက်ပြိုင်ဆွဲလို့၊ နွှဲစေမယ်လေး"
ပဲ, ပြောင်း, ဆန် ၃-မျိုး ဆတူ ဟူ၏။
သုက်မလွတ်သူ ၃-မျိုး။ ။
(၁) နတ်ပြည် ၆-ထပ်ရှိ နတ်များ နတ်သ္မီးနှင့်ပေါင်းဆုံမှီဝဲ သုံးသပ်သော်လည်း သုတ်သည် တည်ရာဌာန၌ပင် ချုပ်ပျောက်သွား၏၊
(၂) ဗြဟ္မာများ မေထုန်မှုမရှိ၊
(၃) ဘုရား ရဟန္တာများ။
သုက်သွေးကို သောက်မျို၍ ပဋိသန္ဓေတည်နေသူ ၃-ယောက်။ ။
(၁- ၂) ရသေ့တို့၏ စွန့်ထားသော သုက်သွေးနှင့်တကွသော ကျင်ငယ်ရေကို သောက်ကြသော သမင်မ နှစ်ကောင်တို့၏ ၀မ်း၌ သံကိစ္စ သတို့သားနှင့် ဣသိသိင်္ဂသတို့သား နှစ်ယောက်တို့ ပဋိသန္ဓေနေကာ ဖွားမြင်လာ၍ နောက်ပိုင်း၌ သံကိစ္စရသေ့, ဣသိသိင်္ဂရသေ့ ဟူ၍၎င်းင်း၊
(၃) ဥဒါယီရဟန်း၏ သုက်ရည်လူးသော သင်္ကန်းကို ဘိက္ခုနီမ တဦးက ခံတွင်းဖြင့် စုတ်ယူမျိုစား၍ ကုမာရကဿပ မထေရ်ကို ဖွားမြင်လာသည်ဟူ၍၎င်းင်း သာသနာဝင်ကျမ်းဂန်တို့၌ လာရှိ၏။
သုခအပြား၊ မျိုး ၄-ပါး၊ ထင်ရှား ဘိဓမ္မာ။ ။ ချမ်းသာ ၄-မျိုး
(၁) ဝေဒယိတ သုခ- ခံစား စံစား ရသောသုခ ချမ်းသာမျိုး၊
(၂) သန္တိသုခ- မခံစားရဘဲ အစဉ်ငြိမ်းအေးချမ်းသာသော သုခမျိုး၊
(၃) ကာယိကသုခ- ကိုယ်ချမ်းသာခြင်း၊
(၄) စေတသိက သုခ- စိတ်ချမ်းသာခြင်း။
သုစရိုက် ၃-ပါး။ ။ အပြစ်မရှိ ကောင်းကျိုးသုခ ရမှုမျိုး ၃-ပါး။
(၁) ကာယသုစရိုက်- ကိုယ်ပြု ကောင်းမှု ကုသိုလ်စု၊
(၂) ၀စီသုစရိုက်- နှုတ်ပြုကောင်းမှုကုသိုလ်စု၊
(၃) မနော သုစရိုက်- စိတ်ပြု ကောင်းမှု ကုသိုလ်စု။
သုစရိုက် ၁၀-ပါး။ ။ မူလပဏ္ဏာသ ။ပါ။ ၃၆၀ ။ဋ္ဌ။ ၂၃၄-၌ အကျယ်ရှုပါ။ ၎င်းင်း သရုပ် အဓိပ္ပါယ် (ပုညကြိယာဝတ္ထု ၁၀-ပါး)နှင့် တူ၏။
သုစရိုက်တရား ၁၀-ပါး၊ တနည်း။ ။ ဒုစရိုက် တရား ၁၀-ပါးမှ ရှောင်ရှားပယ်ကြဉ်မှု အကျင့်သီလကိုပင် (သုစရိုက် ၁၀-ပါး)ဟု တနည်း သိမှတ်ရာ၏။
သုစရိုက်တရား အပြား-၄၀။ ။
သုစရိုက် ၁၀-ပါးကိုတည်၊ ကိုယ်တိုင် ပြုလုပ်ခြင်း၊
သူတပါးကို ပြုလုပ်ခိုင်းခြင်း၊ သူတပါး ပြုလုပ်သည်ကို စိတ်ဖြင့်ဝမ်းသာခြင်း၊
သူတပါးပြုလုပ်ရာ၌ နှုတ်ဖြင့် ချီးမွမ်းခြင်း ၄-ပါးဖြင့်မြှောက်သော် သုစရိုက်-၄၀ ဖြစ်၏။
သုစရိုက်တရား အပြား ၁၀၀။ ။ နိဗ္ဗာန်ရောက်ကြောင်း တရားကောင်း တရာဟူ၏။
(က) ပုည ကြိယာဝတ္ထု ဆယ်ပါးကိုတည်၊ ကံ ၃-ပါးနှင့်မြှောက်၊၃၀-ရ၏၊
(ခ) ပါရမီဆယ်ပါးကိုတည် ဟီန, မဇ္ဈိမ, ပဏီတ ၃-ပါးနှင့် မြှောက် ၃၀-ရ၏၊
(ဂ) ၎င်းင်း ၂-ရပ် ၆၀-ကို အထက်ပါ သုစရိုက် ၄၀-နှင့်ပေါင်းသော် သုစရိုက် ၁၀၀-ဖြစ်သည် ဟူ၏။
သုညတတရား၊ ၁၂-ပါး၊ ပယ်ရှားအတ္တ အသို့နည်း?။ ။ ၀ိသုဒ္ဓိမဂ် အဋ္ဌကထာလာ အတ္တမရှိပုံကို ပြသည့် အခြင်းအရာ ဆယ့်နှစ်ပါး။
၁- န သတ္တော- ရုပ်, ဝေဒနာစသည်တို့ကား နာမ်ရုပ်သာဖြစ်၏၊ သတ္တ၀ါမဟုတ်။
၂- န ဇီဝေါ- (ယ) ဇီဝမဟုတ်, အသက်မဟုတ်။
၃- န နရော- (ယ) လူမဟုတ် နတ်မဟုတ်။
၎- န မာဏဝေါ- (ယ) လုလင်မဟုတ်။
၅- န ဣတ္ထိ- (ယ) မိန်းမမဟုတ်။
၆- န ပုရိယော- (ယ) ယောက်ျားမဟုတ်။
၇- နအတ္တာ-(ယ) အတ္တမဟုတ်။
၈- နအတ္တနိယံ-(ယ) အတ္တပိုင် ပစ္စည်းမဟုတ်။
၉- နာဟံ- (ယ) ငါမဟုတ်။
၁၀- န မမ- (ယ) ငါ၏ ဥစ္စာမဟုတ်။
၁၁- န အညဿ- (ယ) သူတပါး၏ ဥစ္စာမဟုတ်။
၁၂- န ကဿစိ- (ယ) တစုံတယောက်၏ ဥစ္စာမဟုတ်။
သုတ် ၃-ကျမ်း။ ။ ဒီဃနကာယ်၌ပါဝင်သော ဒေသနာတော်များ၊ အကျယ်(နိကာယ် ၅-ရပ်) ၌ ကြည့်ပါ။
သုဒ္ဓိ ၄-ပါး၊ ရဟန်းများ၊ ထူးခြား ဖြူစင်ဘိ။ ။ ရဟန်းတော်များ အဖို့စင်ကြယ်ခြင်း လေးပါးဟုအဓိပ္ပါယ်ရသည့် ၀ိနယဝေါဟာရ မျိုး။
(၁) ဒေသနာ သုဒ္ဓိ- ပါတိမောက္ခ သံဝရသီလခေါ် ၀ိနည်း ပညတ်တော်ဥပဒေသ၏ စင်ကြယ်ခြင်း၊
၎င်းင်းသည် ဒေသနာကြားသဖြင့် စင်ကြယ်သောကြောင့် "ဒေသနာ သုဒ္ဓိ" မည်၏၊
(၂) သံဝရ သုဒ္ဓိ- သည်အမှုကို ငါတဖန် မပြုတော့ပြီဟု စိတ်ဆောက် တည်ခြင်း၊
စက္ခုစသော ဣနြေ္ဒ စောင့်ထိန်းခြင်းကို ခေါ်သည်၊
(၃) ပရိယေဋ္ဌိ သုဒ္ဓိ- ၀ိနည်းဥပဒေနှင့်မညီသော ပစ္စည်းကိုပယ်၍ ၀ိနည်းတော်နှင့် အညီ
ရှာမှီးလျက် အသက်မွေးဝမ်းကျောင်းပြုခြင်းကို ခေါ်သည်၊
(၄) ပစ္စဝေက္ခဏာ သုဒ္ဓိ-ပစ္စည်းလေးပါးကိုပစ္စဝေက္ခဏာ ဆင်ခြင်၍ သုံးဆောင်မှီဝဲခြင်းကိုခေါ်ဆိုသည်။
သုဓမ္မာသဘင်၊ စည်းဝေးရင်၊ ၄-အင် နတ် အကြောင်း။ ။ ၎င်းင်း အကြောင်းတရား ၄-ပါး၏ သရုပ်ကို (တာဝတိံသာ၊ သုဓမ္မာ၊ ၄-ဖြာ စည်းဝေးကြောင်း)ဟူသော သုတေသန၌ ဆိုခဲ့ပြီ။
သုရာ မေရယ ကံထိုက်ခြင်း အင်္ဂါ ၄-ပါး။ ။ ဤအင်္ဂါ ၄-ပါးနှင့်ညီမှု နည်းနည်း သောက်
လျှင် နည်းနည်း အပြစ်ရှိ၏၊ များများသောက်လျှင် များသောအပြစ်ရှိ၏၊ဣတိဝုတ် အဋ္ဌကထာနှင့် သမ္မောအဋ္ဌကထာမှ။
(၁) မဇ္ဇဘာဝေါ- သေအရက် ကဇော်ဖြစ်ခြင်း၊
(၂) ပါတုကမျစိတ္တံ- သောက်လိုစိတ် ရှိခြင်း၊
(၃) ၀ါယမော- သောက်ဖြစ်အောင် လုံ့လ ပြုခြင်း၊
(၄) အဇ္ဈောဟရဏံ- သောက်မျိုချခြင်း။
သူရာမျိုး ၅-ပါး။ ။ ၀ိနည်းမဟာဝါ။ပါ။ ၁၄၆ ။ဋ္ဌ။ ၁၂၇ မူးယစ်၍သူတော်ကောင်းတရား
ကိုမေ့လျော့စေတတ်သော သေရည်ခေါ် သူရာမျိုး ၅-ပါး။
(၁) ပိဋ္ဌ သူရာ- ဆန်မှုန့်ကို ဉပလုပ်သော သေရည်၊
(၂) ပူဝသူရာ- မုယောဂျုံမှုန့်ကို ဉပလုပ်သော သေရည်၊
(၃) သြဒန သူရာ- ကောက်ညှင်း ထမင်းကို ဉပလုပ်သော သေရည်၊
(၄) ကိဏ္ဏ ပက္ခိတ သူရာ- တဆေးမှုန့်ကိုခတ်၍ ဉပလုပ်သော သေရည်၊
(၅) သမ္ဘာရ သံယုတ္တသူရာ- သေရည်ဖြစ်ကြောင်း ၀တ္ထုပေါင်းကို စုဆောင်း ဉပလုပ် အပ်သော သေရည်။
« သူ »
သူကောင်း လူကောင်း တရား ၇-ပါး။ ။ သုတ်ပါထေယျ ။ပါ။ ၂၀၈။ဋ္ဌ။၂၂၁။ သတ္တင်္ဂုတ္တရ ။ပါ။ ၄၈၃။ ဋ္ဌ။ ၁၈၄။ ဓမ္မကထိကများ သိထားလိုက်နာစရာ။သတ္တ သပ္ပုရိသ ဓမ္မာဟု သီးခြား ဘုရားဟောတော်မူသည်။
(၁) ဓမ္မညူ- ပါဠိ၌ လိမ်မာခြင်း ကိုယ်ကျင့်တရား၌ နားလည်ရခြင်း၊
(၂) အတ္ထညူ- အနက်၌ ကျွမ်းကျင်ခြင်း အကျိုးရရေး၌ နားလည်ခြင်း၊
(၃) အတ္တညူ- ကိုယ်ရေး ကိုယ်တာ၌ လိမ်မာခြင်း၊
(၄) ကာလညူ- အချိန်ကာလ အပိုင်းအခြားကို သိခြင်း၊ အခြေအနေကို နည်းလည်ရခြင်း၊
(၅) မတ္တညူ- အတိုင်းအရှည် ပမာဏကို သိခြင်း၊အလိုက်သိရခြင်း၊
(၆) ပရိသညူ- ပရိသတ်အလိုသဘော၌ သိရှိလိမ်မာခြင်း၊
(၇) ပုဂ္ဂလညူ- ပုဂ္ဂိုလ်၏ အလိုသဘော၌ ပါးနပ်လိမ္မာရခြင်း။
သူခိုးကြီးတို့ လိုက်နာ ထိန်းစောင့်သည့် အင်္ဂါ ၈-ပါး။ ။ ဤအင်္ဂါရှစ်ပါးကိုစောင့်ထိန်း
သော ခိုးသား ကြီးများသည် ရက်-လ-နှစ်ရှည်- တည်တံ့နိုင်သည်၊ ဤအင်္ဂါရှစ်ပါးနှင့် မပြည့်စုံသော ခိုးသား ဓားပြတို့ကား- ရက်-လရှည်မတည်၊ လျင်မြန်စွာ ပျက်စီးတတ်သည်ဟု အင်္ဂုတ္တရ ပါဠိတော်တတိယအုပ်- (၁၅၃)၌ ဟောတော်မူသည်။
(၁) မိမိ၏ ရန်သူမဟုတ်သည့် အသက်အရွယ်ကြီးသူ, ကလေးသူငယ်,
အကျင့်သီလဂုဏ် ရှိသူ,တို့ကိုရိုက်နှက် ပုတ်ခတ်မှု မပြုခြင်း၊
(၂) ပစ္စည်းဥစ္စာကို အကုန်မယူခြင်း၊
(၃) မိန်းမကို မသတ်ခြင်း၊
(၄) အမျိုးသမီးတို့ကို မဖျက်ဆီးခြင်း၊
(၅) ရှင် ရဟန်းတို့ကို မလုရက်ခြင်း၊
(၆) မင်းဘဏ္ဍာတိုက်ကို မလုရက်ခြင်း၊
(၇) ရွာ-နိဂုံး မင်းနေပြည်အနီး၌ မလုရက် မတိုက်ခိုက်ခြင်း။
သူခိုးဓားပြ၊ သူပုန်တို့၏ မှီခိုအားထားရာကြီး ၅-ပါး။ ။ လူသားတို့ငြိမ်းဧချမ်းသာမှု
အတွက် တိုင်းပြည် မြို့ရွာ နယ်ပယ် အုပ်ချုပ် ထိန်းသိမ်းကြသော မင်းစိုးရာဇာတို့ သိထားရန်။
အင်္ဂုတ္တရ ။ပါ။ ဒု-အုပ်။ ၁၁၃-၌အကျယ်ရှုပါ။
(၁) အသွားအလာ ခက်သည့် ရေလယ်ကျွန်း၊ တောင်ကြားချောက်ကြား၊ ရှို-မြောင် မညီညွတ်သော
ခရီးခက်အရပ်ကို မှီနေတတ်ကြသည်၊
(၂) ထူထပ်သည့်ကိုင်းတောကျူတော၊ပင်ချင်းယှက်သည့်တောအုပ်ကြီး စသည့်အရပ်မျိုး၊
(၃) တစုံတယောက်က ဖေါ်ပြောလျှင် မင်းအမတ် မှုထမ်း ရာထမ်းတို့က အပြစ်ကို ကာကွယ်ဖုံးအုပ်
ပေးရန် ၎င်းင်းတို့နှင့်ကြိုတင်၍ အကျွမ်းတ၀င် အမှီတံကဲ ဉပလုပ်ထားခြင်း၊
(၄) မိမိတို့အပြစ်ကိုဖေါ်ပြောထုတ်ဆိုမည့်သူများအား နှုတ်ပိတ်ခ ပစ္စည်းဥစ္စာပေးကမ်းရန်၊
(၅) မိမိတို့၏ လျှို့ဝှက် တိုင်ပင်မှု မပေါက်ကြား စေရန် အထူးလုံခြုံသောနည်းလမ်း ဥပါယ်တို့ ဖြစ်၏။
သူဌေးရိုးရာ၊ ဇာတ်နွယ်လာ၊ ၄-ဖြာ မည်သို့ မှတ်သနည်း?။ ။ သူဌေးတို့၏မျိုးရိုး
အစဉ်ကို ဇာတ်နွယ် အားဖြင့် ဤသို့ ဘွဲ့ပုံ တံဆိပ်များ ပေးအပ်၏။
(၁) ခတ္တိယ သေဋ္ဌိ- ဥစ္စာများစွာ ကြွယ်ဝသော မင်းမျိုး သူဌေး၊
(၂) ဗြဟ္မဏသေဋ္ဌိ- ဥစ္စာများစွာ ကြွယ်ဝသော ပုဏ္ဏားမျိုး သူဌေး၊
(၃) ဝေဿ သေဋ္ဌိ- ဥစ္စာများစွာကြွယ်ဝသော ကုန်သည်ကြီး အသည်မျိုးသူဌေး၊
(၄) မာဟာ သေဋ္ဌိ- သူဆင်းရဲအမျိုးမှ သူဌေးကြီး ဖြစ်လာသူများ။
သူတပါးအိမ်၌ မအပ် မထားရသော အရာမျိုး ၄-ပါး။ ။ ဇာတ်ပါဠိတော်ဒု-အုပ်။ ၁၂၀။ဋ္ဌ။ ပဉ္စမအုပ် ၄၆၆။
(၁) ခိုင်းနွား, ဆင်, မြင်း စသည်၊
(၂) နို့စားနွားမ၊
(၃) လှည်း, ရထား, စသည်၊
(၄) ဇနီး- မယား။
သူတပါးအား မပြောကြားအပ်သော အရာကြီး ၉-ပါး။ ။ ထိုအကြောင်းတရား ကိုးပါးကို ထင်ရှားစွာ ထုတ်ဖေါ် မဆိုရာဟု ဟိတောပဒေသ၌ လာရှိ၏၊မလုံခြုံက ပျက်စီးကျိုးမဲ့ ဖြစ်တတ်သည်။
(၁) အာယု- မိမိနေရအံ့သော အသက်အပိုင်းအခြား၊
(၂) ၀ိတ္တ- မိမိပိုင် စည်းစိမ်ဥစ္စာ ရတနာဟူသမျှ၊
(၃) ဂေဟဆိဒ္ဒ- မိမိ၏ အိမ်၌ မလုံခြုံသော နေရာနှင့် အပြစ်အဆာ ဟူသမျှ၊
(၄) မန္တ- လျှို့ဝှက်အပ်သော တိုင်ပင် ဆွေးနွေးမှုများ၊
(၅) မေထုန- ကိုယ့်မယားအား သံဝါသမှု စပ်ရှက်ဉပပုံနည်းနှင့် ပြုသောနေရာဌာန၊
(၆) ဘေသဇ္ဇနယ- ခဲခက်စွာ ဖေါ်စပ်အပ်သော ဆေးစွမ်းကောင်းများ၊
(၇) တပ- မိမိ၏ ချိုးခြံစွာသော အကျင့်၊
(၈) ဒါန- လှူဒါန်း ပေးကမ်းခြင်း၊
(၉) အပမာဏ- မိမိအား သူတပါးတို့က ပမာမထား မလေးစားပုံ အခြင်းအရာ။
မှတ်ချက်။ ။တပ,နှင့် ဒါန,တို့အတွက်ကိုမူ မိမိအား သူတပါးတို့က အထင်အမြင်ကြီးလာအောင် ဖြစ်စေ၊
ဂုဏ်ပကာသနကို ဖေါ်လို၍ ဖြစ်စေ၊ မပြောဆိုအပ်၊ ထင်သေး မြင်သေး ဖြစ်တတ်သည် ဟူ၏၊
"ပတ္တိဒါန"အမျှပေးဝေရေး အတွက်ကိုမူကား ထင်ရှားစွာပြောဆိုအပ်၏ဟု မှတ်လေ။
သူတော်ကောင်း ဥစ္စာ ရတနာ ၇-ပါး။ ။ သတ္တင်္ဂုတ္တရ။ပါ။ ၃၉၈။ ၎င်းသရုပ်(အရိယာ ဥစ္စာ ၇-ပါး)နှင့် တူ၏။ ၎င်းင်း၏ သရုပ်အဓိပ္ပါယ် (အရိယာဥစ္စာ ၇-ပါး)ဟူသော စကားရပ်၌ ပြခဲ့ပြီ။
သူတော်ကောင်းတရား ၇-ပါး။ ။ သတ္တ သဒ္ဓမ္မာ ဟု သီးခြား ဘုရားဟောတော်မူသည်။
(၁) သဒ္ဓေါ-ရတနာသုံးပါး၏ ဂုဏ်ရည်, ကံ, ကံ၏အကျိုးတို့၌ ယုံကြည်ခြင်း၊
(၂) ဟီရိတာ- မကောင်းမှု၌ အရှက်ရှိခြင်း၊
(၃) သြတ္တပ္ပီ- မကောင်းမှု၌ အကြောက် ရှိခြင်း၊
(၄) ဗဟုဿုတော- အကြား အမြင်များခြင်း၊
(၅) အာရဒ္ဓ ၀ီရိယော- ကောင်းလုပ်၌ လုံ့လ၀ိရီယ ရှိခြင်း၊
(၆) ဥပဋ္ဌိတ သတိ- ကောင်းရာ၌ ထင်သော သတိရှိခြင်း၊
(၇) ပည၀ါ- ဥာဏ်ဆင်ခြင် ပညာရှိခြင်း။
သူမိုက် လက္ခဏာ၊ အင် ၃-ဖြာ၊ မိန့်မှာ မြတ်ဗုဒ္ဓ။ ။ ၎င်း သရုပ်ကို(လူမိုက် လက္ခဏာ၊ အင် ၃-ဖြာ) ဟူသော သုတေသန၌ ဆိုခဲ့ပြီ။
သူယုတ်တို့ ပေးလှူပုံနည်း ၅-မျိုး။ ။ ဥပရိပဏ္ဏာသ ။ပါ။ ၇၂။ ၎င်း ။ဋ္ဌ။ ၅၄-၌ အကျယ်ရှုပါ။ အသပ္ပုရိသ ဒါနမျိုး ၅-ပါး။
(၁) အ သက္ကစ္စံ ဒါနံ ဒေတိ- သန့်သန့် ရှင်းရှင်း စင်စင် ကြယ်ကြယ် ပြု၍ မပေးလှူ၊
(၂) အ စိတ္တီ ကတွာ ဒေတိ- မရိုမသေ မလေးမခန့်ပြု၍ ပေးလှူ၏၊
(၃) အ သဟတ္ထာ ဒေတိ- ကိုယ်ထိလက်ရောက် မပေးလှူ၊
(၄) အပ၀ိဒ္ဓံ ဒေတိ- စွန့်ပစ်လောက်အောင် မကောင်းပျက်စီးလုနီးမှ ပေးလှူခြင်း၊
(၅) အနာဂမန ဒိဋ္ဌိကောဒေတိ- ရရောက် ခံစားမည့် နောင်ကျိုးကို မယုံမကြည် ပေးလှူခြင်း။
သူရဲကောင်းပြား၊ ၁၃-ပါး၊ မြှောက်စား စစ်ဘုရင်။ ။ မင်း အစိုးရတို့သည် အောက်ပါ
ရည်သွားသတ္တိရှိသော သူရဲသူခက်တို့ကို စည်းစိမ်ဂုဏ်ထူးအမျိုးမျိုးတို့ဖြင့် မြှောက်စား ချီးကျူးရာသည် ဟူ၏၊ ဤ၌ ၁၃-ယောက်ကို သီလက္ခန် သာမညဖလသုတ် အဋ္ဌကထာနှင့်၊ ၎င်းင်း ဋီကာ ကျမ်းတို့မှယူပြသည်။
(၁) ဟတ္ထာရောဟ- ဆင်စီး စစ်တိုက် သူရဲကောင်း၊
(၂) အဿာရောဟ- မြင်းစီးစစ်တိုက် သူရဲကောင်း၊
(၃) ရထိက- ယာဉ်, ရထားစီးစစ်တိုက် သူရဲကောင်း၊
(၄) ဓနုဂ္ဂဟ- သေနတ်, အမြောက်, စိန်ပြောင်း, လေးပစ် တည့်မတ်သော စစ်တိုက်သူရဲကောင်း၊
(၅) စေလက- အောင်လံကိုင် ရှေ့သွားသူရဲကောင်း၊
(၆) စလက- တပ်ရင်း, တပ်မ, တပ်ခွဲ, တပ်စိပ်တို့ကို အနေအထားကျအောင်
အဌာကျကျ စီရင်တိုက်ခိုက်စေတတ်သော သူရဲကောင်း၊
(၇) ပိဏ္ဍဒါထိက- ထန်းသီးခိုင် ချိုင်သကဲ့သို့ တဖက်ရန်သူ၏ဦးကောင်းကို ဖြတ်ယူစွမ်းနိုင်သော သူရဲကောင်း၊
(၈) ဥဂ္ဂရာဇပုတ္တ- တိုက်ပွဲအောင်ဖန်များ၍ ကျော်ကြား ထင်ရှားသော မင်းညီ မင်းသား သူရဲကောင်းများ၊
(၉) ပက္ခန္ဒိန- ရန်သူ့တပ်တွင်းသို့ ခုန်ပျံ ထိုးဝင်လျက် သူရှင်ဦးခေါင်းကို ဖြတ်ယူကာ လျင်စွာ
ပြန်လာနိုင်သော "ပျံချီ"သူရဲကောင်းများ၊
(၁၀) မဟာနာဂ- အမုန်ယစ် ဆင်ပြောင်းကြီးနှင့် ရင်ဆိုင်တွေ့စေကာ မဆုတ်မနစ် ထိုးပစ် တွန်းလှန်၍
အနိုင်ယူတတ်သော သူရဲကောင်း၊
(၁၁) သူရာ- မဟာသမုဒ္ဒရာကြီးကိုပင် လက်ပစ်ကူးရမည်ဟု အရှင်က စေခိုင်းလျှင်
မဆုတ်မပြန် ကူးအံ့ဟု ကိုယ်စွမ်းကိုး သူရဲကောင်း၊
(၁၂) စမ္မရောစိန- သားရေçသံချပ်ဝတ်အင်္ကျီကို ၀တ်ဆင်၍ တဖက်စစ်သည်ကို အတင်းဝင်ရောက် နှိမ်နင်းနိုင်သော သူရဲကောင်း၊
(၁၃) ဒါသပုတ္တ- မကြောက်မရွံ့ နောက်မတွန့်ဘဲ ရန်သူ့အတွင်းသို့ဝင်နိုင်သော အိမ်တော်ပါသူရဲကောင်း။
သူ့အသက် သတ်ခြင်း၏ အပြစ်မျိုး ၂၃-ပါး။ ။ ၎င်း သရုပ်ကို (ပါဏာတိပါတကံ၏ မကောင်းကျိုး ၂၃-မျိုး)၌ ဆိုခဲ့ပြီ။
သူ့ဥစ္စာခိုး၊ မကောင်းကျိုး၊ အမျိုး ၁၂-ပါး။ ။ ၎င်း သရုပ်ကို (အဒိန္နဒါန်၏ အပြစ် ၁၂-ပါး)၌ ဆိုခဲ့ပြီ။
သူ့သားမယား၊ လွန်ကျူးငြား၊ ၁၅-ပါးပြစ်ခံ။ ။ ၎င်း သရုပ်ကို(ကာမေသုကံ၊ ကျိုးပြစ်ဒဏ်၊ ထိမှန် ၁၅-ပါး) ဟူသော သုတေသန၌ ဆိုခဲ့ပြီ။
သာ---သာသနခေါင်းထီး၊ မှ သားသမီးဝတ် ၅-ပါး။
သာသနခေါင်းထီး၊ စေတီကြီး၊ တည်ပြီးမြတ် ၁၀-ဆူ။ ။ သာသနာတော်၏အစအဦး
စေတီတော်ကြီးများ ဟုလည်း အဆိုရှိကြသည်၊ သာသနာ့ထိပ်ခေါင်တင် ထီးဘုရင်ဖြစ်တော်မူသော မြတ်စွာဘုရားသခင် ကိုယ်တော်မြတ်ကြီးသည် သက်တော် (၈၀) ၀ါတော် (၄၅) ရရှိတော်မူရာ မဟာသက္ကရာဇ် ၁၄၈-ခုနှစ် ကဆုန်လပြည့် အင်္ဂါနေ့တွင် မလ္လာမင်းတို့၏သာမောရဂုံ အင်ကြင်စုံမြိုင် ဂနိုင်ဟေမာ ဥယျာဉ်တော်သာ၌ ရွှေပြည်နိဗ္ဗာန် စံဝင်တော်မူသောအခါ သူပိုင် ငါပိုင် ဓာတ်တော်ပြိုင်လုကြသည့် ဘုရင်မင်းအပေါင်းတို့၏ဆရာ ဒေါနပုဏ္ဏားကြီးက ဖြန်ဖြေ ဟောကြား
ရန်မီးပွားငြိမ်းစေကာ ဓာတ်တော်များကိုဝေခြမ်းပေးရာ ဓာတ်တော်ဝေစုရ ထီးဆောင်းမင်း အပေါင်းတို့သည် ကိုယ့်တိုင်းပြည် ကိုယ့်ဌာန၌ အသီးအသီး စေတီတော်ကြီးများ တည်ထားကိုးကွယ်
ကြရာဝယ် ထိုကာလက စေတီတော်ကြီး ၁၀-ဌာနကို ၀င်ကိုးဝင်တို့တွင် တပါးပါဝင်သော (ထူပ၀င်) ထူပ၀ံသပါဌ် သီဟိုဠ်မူမှ ထုတ်ယူပြသည်။
(၁) ရာဇဂြိုဟ် ပြည်ကြီး၌----------------------------- ၁-ဆူ၊
(၂) ဝေသာလီ ပြည်၌--------------------------------- ၁-ဆူ၊
(၃) ကပိလ၀တ် နေပြည်တော်ကြီး၌---------------------၁-ဆူ၊
(၄) အလ္လကပ္ပ ပြည်၌------------------------------------၁-ဆူ၊
(၅) ဝေဋ္ဌဒီပက တိုင်း၌ ----------------------------------၁-ဆူ၊
(၆) ပါဝေယျက တိုင်း၌ ----------------------------------၁-ဆူ၊
(၇) ရာမ ရွာ၌--------------------------------------------၁-ဆူ၊
(၈) မလ္လတိုင်း ကုသိနာရုံ၌--------------------------------၁-ဆူ၊
(၎င်းင်း စေတီတော်ရှစ်ဆူတို့၌ ဓာတ်တော် တစိတ်သားစီ ဌာပနာ၏)
(၉) ပိပ္ပလိတိုင်း၌ မီးသွေးဓာတ် ဌာပနာတော်--------------၁-ဆူ၊
(၁၀) ဒေါနပုဏ္ဏားကြီး၏ ဓာတ်တော်များ ခြင်ဝေပေးသော ရတနာရွှေပြည်တောင်းကို ဌာပနာသည့် စေတီတော်တဆူအားဖြင့် ပေါင်း ဆယ်ဆူတို့ ဖြစ်ကုန်၏။
သာဟတ္ထိကာ၊ ခိုးနည်းမှာ၊ ၅-ဖြာ အဘယ်နည်း?။ ။ ၎င်းင်း သရုပ်ကို (ခိုးခြင်း ၂၅-ပါး)
၌ ရှုပါကုန်။
သာဂရတရားကြီး ၄-ပါး။ ။ ဓမ္မသင်္ဂဏီပါဠိတော်(အဋ္ဌသာလိနီ)အဋ္ဌကထာ ၁၁-၌ အကျယ်ရှုပါ။ နက် ကျယ် ရှည်လျားခြင်းကြီး လေးပါး၊
(၁) ဇလ သာဂရ- ယူဇနာပေါင်း ရှစ်သောင်းလေးထောင် နက်ဝှမ်းသော မဟာ သမုဒ္ဒရာကြီး၊
(၂) သံသာရ သာဂရ- ခန္ဓာ အာယတန ဓာတ်တို့၏မပြတ် ဖြစ်ပျက်နေကြသော အစဉ်၊
(၃) နယ သာဂရ- ရှင်တော်မြတ်ဘုရားဟောကြား မိန့်မြွက်တော်မူသော ပိဋက ၃-ပုံ နည်းမျိုးစုံ၊
(၄) ဥာဏ သာဂရ- သဗ္ဗညုတ ရွှေဥာဏ်တော်၏ အဆုံး အပိုင်း အခြားမရှိ မွန်မြတ်ကြီးကျယ်ခြင်းသဘော။
သာဓုနရတရား ၄-ပါး။ ။ ဇာတကပါဠိတော်။ ဒု-အုပ်၊ ၀ိဓုရဇာတ် ၂၇၅။ ၂၉၇။ ၃၀၀ ။ဋ္ဌ။ သတ္တမအုပ်၊၁၅၁- ၂၁၁- ၂၁၇ တို့၌ အကျယ်ရှုပါ။ လူကောင်း သူကောင်းတို့ ကျင့်သုံး လိုက်နာသော တရား ၄-ပါး။
(၁) ယာတာနု ယာယီ - ရှေးသူဟောင်းတို့ လမ်းကောင်း အကျင့်ကို အသင့်လိုက်နာ သုံးသပ်ခြင်း၊
(၂) အလ္လပါဏိံ မာ သုက္ခ- ပေးကမ်းစွန့်ကြဲခြင်းဖြင့် စိုသောလက်ကို မခြောက်သွေ့စေခြင်း၊
(၃) မာစ အဿတီနံ ၀သံ ဂစ္ဆ- မိန်းမတို့နှင့် ပျော်ပါးလိုက်စား မမိုက်ခြင်း
(၄) မာဒုဗ္ဘီစ မိတ္တာနံ- မိတ်ဆွေ ခင်ပွန်းတို့အား မပြစ်မှား မကောက်ကျစ်ခြင်း၊
(ဤ ၄-ပါးကား ၀ိဓရဇာတ် လာတည်း။)
သာဓုနရတရား ၄-ပါး၊ တနည်း။ ။ ဣနြေ္ဒိယ ဇာတ်တော်လာ ၄-ပါးကား။
(၁) ဒက္ခ- တရားနှင့်အညီ ပစ္စည်းဥစ္စား ရှာဖွေရေး၌ လိမ်မာသောဥာဏ်ပညာရှိခြင်း၊
(၂) သံ ၀ိဘဇ္ဇ- ရလာသော ပစ္စည်းဥစ္စာကို သီလအကျင့် ရှိသူတို့အားခွဲဝေ ပေးလှူခြင်း၊
(၃) အ ဟာသ-ဥစ္စာများစွာရသောအခါ ပျော်ပါးမော်ကြွား ၀မ်းသာမှုများ မရှိခြင်း၊
(၄) အဗျထ- ပစ္စည်းဥစ္စာများ တိမ်းပါး ပျက်စီးသွားသော်လည်း ၀မ်းနည်း ပူဆွေးမှုမရှိခြင်း။
သာဓုနရတရား ၄-ပါး၊ တနည်း။ ။ ဥမ္မာဒန္တီ ဇာတ်လာ မင်းပုဏ္ဏား စသူတို့ကျင့်ရသော တရား ၄-ပါး။
(၁) အ နာလသော ကာမဘောဂီ- ဇွဲလုံ့လရှိသော လူ၊
(၂) သညတ ပဗ္ဗဇ္ဇိတ- ကိုယ်, နှုတ်, စိတ်, စောင့်သော ရဟန်း၊
(၃) နိသမ္မ ကာရီ ရာဇာ- စုံစမ်းဆင်ခြင် ပြုလေ့ရှိသော မင်း၊
(၄) အကောဓ ပဏ္ဍိတ- အမျက်မာန် မရှိသော ပညာရှင်။
သာမဏေကျော် ၄-ပါး။ ။ ရန်ကုန်မြို့ လေးဆူဓာတ်ပုံရွှေတိဂုံစေတီတော်မြတ်၏ ယင်ပြင်တော်အနောက်မျက်နှာ၌ စေတီငယ် မုခ်လေးမျက်နှာဝယ် ဗုဒ္ဓလက်ထက်တော်က ထင်ရှားသော သာမဏေကျော် ၄-ပါး၏ ကျောက်ရုပ်ပုံတော်များနှင့် အကြောင်းအရာ ကျောက်စာတော်ပါရှိသည်၊ ထိုကျောက်စာ၌ ကြည့်ရှု, ဖတ် မှတ်ကြပါကုန်။
သာမဥပါယ်၊ မျိုး ၅-သွယ်၊ မင်းဝယ် ယှဉ်ကာသုံး။ ။ ဥပါယ်မျိုး ၄-ပါး၏အကျယ်
ကို အမရကောသဋီကာမှ ယူပြသည်။
(၁) သူ့ကျေးဇူးကို ပြောကြား မြွက်ဆိုခြင်း၊
(၂) အမှုထမ်းတို့၏ ဂုဏ်ကို ထုတ်ဖေါ်ပြောဆိုခြင်း၊
(၃) ဆွေးမျိုးတော်စပ်ပုံကို ပြောဆိုဖွင့်ဟခြင်း၊
(၄) ဤလိုလုပ်လျှင် နောက်ခါ ဤအကျိုးကိုရမည်ဟု ဆိုခြင်း၊
(၅) သင့်ကို ယုံကြည်စိတ်ချသည်ဟု ဆိုကာ တာဝန်အရေးများကို လွှဲအပ်၍ပေးခြင်း။
သာရဏီယတရား ၆-ပါး။ ။ ၀ိနည်း ပရိဝါပါဠိတော်။ ၁၆၇ ။ဋ္ဌ။ ၁၅၃-၌ အကျယ်ရှုပါ။ သီတင်းသုံးဘော်ချင်း ၀မ်းမြောက်စွာ အောက်မေ့လိုက်နာကျင့်ကြံရသော တရား၆-ပါး။
(၁) ကာယကံမေတ္တာ- သီတင်းသုံးဘော်တို့၌ မျက်မှောက်မျက်ကွယ် ဘယ်နေရာမှာမဆို
မေတ္တာနှင့်ယှဉ်သောကာယကံမှုကို ပြုစုခြင်း၊
(၂) ၀စီကံ မေတ္တာ- အထက်ပါအတိုင်းဝစီကံမှုကို ပြုစုအားထုတ်ရခြင်း၊
(၃) မနောကံ မေတ္တာ- ထို့အတူ စိတ်ဖြင့် အမြဲချစ်ကြည် လေးမြတ်ရခြင်း၊
(၄) အပ္ပဋိ ၀ိဘတ္တ ဘောဂီ- တရားသဖြင့်ရလာသော လာဘ်ပစ္စည်းကို"အယုတ်ဆုံး တယောက်စာ မ၀တ၀မျှရသောဆွမ်းကိုသော်မျှ" မခွဲမချန် သီလကျင့်ဘက် သီတင်းသုံးဘော်တို့နှင့် အတူတကွ ညီမျှစွာ ဝေငှဆက်ဆံ စားသောက် နေထိုင်လေ့ရှိခြင်း၊
(၅) သီလ သာမညဂတော ၀ိဟရတိ သဗြဟ္မစာရီဟိ- သီတင်းသုံးဘော် တို့၏ ဖြူစင်မြင့်မြတ်သော သီလနှင့်အတူ မိမိသီလကိုလည်း ဖြူစင်မြင့်မြတ်စွာ ထိန်းစောင့်လျက် မျက်မှောက်မျက်ကွယ် သူတော်ကောင်းတို့ ချီးမွမ်းဘွယ်ဖြစ်အောင် နေထိုင်၍ အတူကျင့်ကြံ၏၊
(၆) ဒိဋ္ဌိ သာမညဂတော ၀ိဟရတိ သဗြဟ္မစာရီဟိ- နိဗ္ဗာန် မဂ် ဖိုလ် ရောက်ကြောင်း ကောင်းမြတ်သောအယူကို သီတင်းသုံးဘော်တို့နှင့်အတူ ကောင်းစွာယူလျက်နေ၏။
သာလွန်ညောင်စောင်း၊ ခြေ ၆-ချောင်း၊ ခံကြောင်း ရုပ် ၆-မျိုး။ ။ ခြေ ၆-ချောင်း
တပ်သော သာလွန်း ညောင်စောင်း၏ အောက်ခြေ၌ အရုပ် ၆-မျိုးခံ၍ ပြုလုပ်သည့် ယုတ္တိ အဖြေကား၊ ပြူစောထီးကို ခမည်းတော် နေမင်းက လေး, မြှားအပ်၍ ငှက်, ၀က်, ဘီလူး, ဗူး, ရှူးပျံ, ကျား၊ ထို ၆-ပါးသောရန်သူတို့ကို နှိမ်နင်း အောင်မြင်စေကာ မင်းအဖြစ်သို့ရောက်ခြင်း နိမိတ်မင်္ဂလာကို ထင်စွာပြလို၍ မင်းမြတ်တို့ မပြတ် အိပ်စက်ရာဖြစ်သော ရတနာ ညောင်စောင်းတော်၌ အောက်ခံဖြစ်သော ခြေကိုခြောက်ချောင်းတပ်လျက် ငှက်, ၀က်, ဘီလူး, ဗူး, ရှူးပျံ, ကျား အရုပ် သဏ္ဌာန်များကိုခံစေ၍ အိပ်စက်ကာ မင်္ဂလာယူကြသည်ဟု ရွှေဘုံနိဒါန်း၌ ဆို၏။
သာဝကအပြား မျိုး ၃-ပါး။ ။ ထေရဂါထာ။ဋ္ဌ။ ဒု-အုပ်။ ၅၄၁-၌အကျယ်ရှု။ တပည့်ခံယူ နာကြားသူမျိုး သုံးပါး။ (၁) အဂ္ဂသာဝကမျိုး- မြတ်စွာဘုရားအောက် ၄-ပုံ ၁-ပုံ ပါရမီ ပြည့်ကျင့်ရသည်၊
(၂) မဟာသာဝကမျိုး- ကမ္ဘာတသိန်း ပါရမီဖြည့်ရသော အသီတိ ရှစ်ကျိပ်တို့၊
(၃) ပကတိသာဝကမျိုး- ပါရမီဖြည့်မှု သီးခြားမရှိ သူလို ငါလို ပုဂ္ဂိုလ်စုများ။
သာသနာ့အမွေမျိုး ၂-ပါး။ ။ မဇ္ဈိမပဏ္ဏာသ။ပါ။ ၁၅ ။ဋ္ဌ။ ပ-အုပ်။ ၉၄။
(၁) အာမိသ ဒါယာဒ- ဆွမ်း, သင်္ကန်း, ကျောင်း, ဆေး, ပစ္စည်း ၄-ပါးအမွေခံ၊
(၂) ဓမ္မ ဒါယာဒ- လောကုတ္တရာ အမွေခံ၊ တရားအမွေခံကိုသာ ဘုရားရှင်လိုလားသည်။
မှတ်ချက်။ ။နံပါတ် ၂-၌ မင်္ဂ ဖိုလ်ရကြောင်း ၀ိပဿနာတရားပွားများအားထုတ်မှု၊ ၀ိပဿနာဓုရကို ဆိုသည်မှတ်ရာ၏။
သာသနာအပြား မျိုး ၃-ပါး။ ။ ပါရာဇိကဏ် ။ဋ္ဌ။ ပ-အုပ် ၁၇-နှင့် သုတ်သီလက္ခန် ။ဋ္ဌ။ ၂၀-၌ သာသနာ ၃-ရပ်ကိုပါ အကျယ် ပြထားသည်။ ဆုံးမခြင်းအပြားသုံးပါးဟူ၏၊ ဤကား ခုခေတ်သုံးတည်း။
(၁) ပရိယတ္တိသာသနာ- စာပေပိဋကတ်သင်ကြားမှု၊
(၂) ပဋိပတ္တိ သာသနာ- ကမ္မဋ္ဌာန်းဘာဝနာ အားထုတ်မှု၊
(၃) ပဋိဝေဓ သာသနာ- မဂ် ဖိုလ် နိဗ္ဗာန်တရားမှန်ကို သိမှု။
သာသနာ ၃-ရပ်။ ။ ပိဋကတ်သုံးပုံကို သာသနာအားဖြင့် ၃-ရပ် ခွဲထားသည်။
(၁) ယထာ ပရာဓ သာသနာ- အပြစ်ရှိသူကို အပြစ်အလျောက်ဆုံးမပညတ်သော ၀ိနည်း ပိဋကတ်တော်၊
(၂) ယထာ နုလောမာ သာသနာ- ထိုထို သတ္တ၀ါတို့၏အလို အဇ္ဈာသယ အားလျော်စွာ ဟောကြားဆုံးမတော်မူအပ်သော သုတ္တန် ပိဋကတ်တော်၊
(၃) ယထာ ဓမ္မသာသနာ- အားလုံးသော ပုဂ္ဂိုလ်, သတ္တ၀ါ, ရေ, မြေ, တော, တောင်ဟူသမျှတို့သည် ပရမတ္ထဓမ္မ အစုသာဖြစ်ရကား ရုပ် နာမ် အားလျော်စွာဟောကြားဆုံးမတော်မူသော အဘိဓမ္မာ ပိဋကတ်တော်။
သာသနာကွယ်ကြောင်း တရား ၅-ပါး၊ ၃-နည်း။ ။ ပဉ္စင်္ဂုတ္တရ ။ပါ။ ၂၁၆။ဋ္ဌ။ ၇၆။
ဆက္ကင်္ဂုတ္တရ ။ပါ။၂၉၈။ သတ္တင်္ဂုတ္တရ ။ပါ။ ၄၆၀-တို့၌ အကျယ်ယူပါ။ ၎င်းင်းသရုပ် အဓိပ္ပါယ်မှာ အောက်ပါ လင်္ကာများဖြင့်ထင်ရှား၏။
(က) အင်္ဂုတ္တိုရ်လာ၊ သာသနာ ကွယ်ကြောင်း၊ တရား ပေါင်းကား၊
တရားမနာ၊ စာပေမသင်၊ နှုတ်တွင်မဆောင်၊ သိအောင်မမှတ်၊ ပဋိပတ်ကွာ၊ ဤငါးဖြာတည်း။
(ခ) နောက်လာထို့ပြင်၊ စာသင်ပယ်လျှော၊ ကျယ်မဟောကြ၊ ကျယ်မချနှင့်၊ ကျယ်စွာမအံ၊ မကြံမစည်၊ ဤငါးမည်တည်း။
(ဂ) ၀ါ တနည်းမှာ၊ အက္ခရာပုဒ်ပျက်၊ လေ့ကျက်သင်ကြ၊ ဆုံးမမယူ၊ စာချသူရှား၊ လာဘ်များအောင်ကြံ၊ ခိုက်ရန်ကွဲပြား၊ ဤငါးပါးသည်၊ ဘုရားသာသနာ ကွယ်ကြောင်းတည်း။
သာသနာကွယ်ခြင်း မျိုး ၅-ပါး။ ။ သာသနာ ကွယ်ပုံ ကွယ်နည်း အပြားမျိုး ၅-ပါးဟူ၏။
(၁) ပရိယတ္တိ သာသနာခေါ်ပိဋကတ်သုံးပုံများ တစတစကွယ်ပျောက်ခြင်း၊
(၂) ပဋိပတ္တိ သာသနာခေါ် ဈာန်ဝိပဿနာ မဂ် ဖိုလ်ရကြောင်း အကျင့်ကောင်းများ ပျက်ပြား ဆုတ်ယုတ် ကွယ်ပျောက်လာခြင်း၊
(၃) ပဋိဝေဓ သာသနာခေါ် မဂ် ဖိုလ် ပဋိသမ္ဘိဒါ ၀ိဇ္ဇာအဘိဥာဏ်တို့တစ တစ ရသူမရှိ ကွယ်ပျောက်၍သွားခြင်း၊
(၄) လိင်္ဂ သာသနာခေါ် ပရိက္ခရာ ရှစ်ပါးဆောင်သော ရဟန်း အသွင်တို့တွင် တစ တစ သပိတ်ဆောင်သူ ခါးပန်းဆောင်သူ ဒုကုဋ်ဆောင်သူ မရှိနှင့် ကွယ်ကွယ်သွားရာ နောက်ဆုံး သင်္ကန်းစကို နသန်ပန်ဆောင်ရာမှ စွန့်ပစ်ကြသောအခါကွယ်ပျောက်
သွားခြင်း၊
(၅) ဓာတုသာသနာခေါ် ဗုဒ္ဓဘုရားနှင့်သာဝကများတို့၏ ဓာတ်တော် မွေတော်တို့ကို ကိုးကွယ်ဆည်းကပ် မြတ်နိုးသူတို့လုံးဝ မရှိသောအခါ ဓာတု ပရိနိဗ္ဗာန် ပြုခြင်းဖြင့် သာသနာတော်မြတ်လုံးဝဇာတ်သိမ်း ကွယ်ပျောက်ခြင်းမျိုး။
သာသနာတော်၏ အံ့ဘွယ် ၈-ဖြာ။ ။ ၎င်းင်း သရုပ်(အံ့ဘွယ် ၈-ဖြာ၊ သာသနာ)၌ ရှုပါ။
သာသနာတော်၏ အင်္ဂါ ၉-ပါး။ ။ ၎င်းင်း သရုပ် အဓိပ္ပါယ်ကား (ဓမ္မက္ခန္ဓာ၏ အင်္ဂါ ၉-ပါး)နှင့် တူ၏။
သာသနာတော်၏ သူခိုးကြီး ၅-ဦး။ ။ စတုတ္ထပါရာဇိက၌ ဟောတော်မူသည့် သာသနာ
တော်၌ ခိုးသူကြီး ၅-ယောက် ဟူ၏။ မှတ်သိမှုလွယ်ကူရန်ညောင်လေးပင်တောရ
အဂ္ဂမဟာပဏ္ဏိတ ဦးအရိယထေရ် စီရင်သော ပဋိစ္စသမုပ္ပါဒ်အရသာ ၁၆၉-၌-
"အလှူခံလှည့်၊ ငါသိတရား၊ စွပ်စွဲမှားပြု၊ ပေးမှု ဂရုဘဏ်၊ မဂ်, ဈာန်ဝါကြွား၊ ဤငါးပါး၊ ခိုးစား သာသနာ။" ဟူသော
ဆောင်ပုဒ်လင်္ကာအရ ၎င်းင်း၏မူရင်းအတိုင်းဖေါ်ပြလိုက်သည်၊
(၁) လူဆိုးအသင်းဖွဲ့၍ အရပ်ရပ်လှည့်ကာ ပစ္စည်းဥစ္စာ ဓားပြတိုက်သကဲ့သို့ ဓမ္မကထိက အပေါင်းအသင်းနှင့်
အရပ်တကာ လည့်လျက်သာသန လုပ်ငန်းမလုပ်ဘဲ သာသန၀န်ထမ်းရိက္ခာ ပစ္စည်းလေးပါးတို့ကို
အလှူခံနေကြသော သာသနရိက္ခာ သူခိုးတယောက်၊
(၂) လေးသင်္ချေနှင့်ကမ္ဘာတသိန်း ပါရမီဖြည့်၍ရသော မြတ်စွာဘုရား၏ တရားတော်က
ိုသင်ယူလေ့လာပြီးလျှင် ဤကား (ကိုယ်တွေ့) ငါသိသောတရားဟု ငါမြင်သော တရားဟု ဆိုဆို၍
ဘုရားရှင်၏ တရားတော်ကို ခိုးသူတယောက်ဟူ၏၊
(၃) သီလရှိသော ရဟန်းတို့ကို အကျင့်သီလပျက်သည်ဟု အလွဲအမှား လူကြည်ညိုပျက်အောင်
ပြောကြားလျက် ရဟန်းကောင်း၏သီလကို ခိုးယူသူတယောက်၊
(၄) သံဃိကပိုင် ဂရုဘဏ် ပစ္စည်းကို လူတို့အား ပေးကမ်းထောက်ပံ့ခြင်းဖြင့် သံဃပစ္စည်းခိုးသူတယောက်၊
(၅) ဈာန် မဂ် ဖိုလ်တရားထူးမရပဲလျက် မဂ်ရ ဖိုလ်ဝင် ရဟန္တာအရှင်ဖြစ်နေပြီဟု မိမိကိုယ်ကို ၀ါကြွား ပလွှား ညာစားနေသော သူခိုးကြီးတယောက် ဟူ၏။
သာသနာ ၅၀၀၀-နှင့် ခေတ် ၅-ပါး ပိုင်းခြားပုံနည်း ၃-မျိုး။ ။ ဗုဒ္ဓမြတ်စွာသာသနာတော်
ကား အနှစ် ငါးထောင်သာ တည်နေနိုင်သည်ဟု ဘယ်ပါဠိတော်မှာမှ မလာမရှိ၊
စင်စစ် သာသနာတော်ကို ကျင့်သုံး လိုက်နာထမ်းဆောင် စောင့်ရှောက်သူတို့၏ အပေါ်မှာသာ တည်ရှိနေ
သည်ဟု မှတ်ရာသည်၊ သို့သော် အဋ္ဌကထာနည်းများကို ပြပါအံ့။
စူဠ၀ါ အဋ္ဌကထာအလို
(၁) ပဋိသမ္ဘိပါပတ္တ ရဟန္တာခေတ်----------------အနှစ် ၁၀၀၀
(၂) သုက္ခ၀ိပဿက ရဟန္တာခေတ်--------------အနှစ် ၁၀၀၀
(၃) အနာဂါမ်ပုဂ္ဂိုလ့့့်  ခေတ်------------------အနှစ် ၁၀၀၀
(၄) သကဒါဂါမ်ပုဂ္ဂိုလ့့့်  ခေတ်----------------အနှစ် ၁၀၀၀
(၅) သောတပန်ပုဂ္ဂိုလ့့့့် ခေတ်---------------အနှစ် ၁၀၀၀
သုတ်ပါထေယျ အဋ္ဌကထာ ၌
(၁) ပဋိသမ္ဘိဒါပတ္တ ရဟန္တာခေတ်--------------အနှစ် ၁၀၀၀
(၂) ဆဠာဘိည ရဟန္တာခေတ်-----------------အနှစ် ၁၀၀၀
(၃) တေ၀ိဇ္ဇာ ဓရ ရဟန္တာခေတ်----------------အနှစ် ၁၀၀၀
(၄) သုက္ခ ၀ိပဿက ရဟန္တာခေတ်------------အနှစ် ၁၀၀၀
(၅) ပါတိမောက္ခ သံဝရသီလခေတ်----------အနှစ် ၁၀၀၀
အင်္ဂုတ္တိုရ် အဋ္ဌကထာ လာ
(၁) ပဋိသမ္ဘိဒါပတ္တ ရဟန္တာခေတ်-------------------- အနှစ် ၁၀၀၀
(၂) ဆဠာဘိည ရဟန္တာခေတ်----------------------- အနှစ် ၁၀၀၀
(၃) တေ၀ိဇ္ဇာ ဓရ ရဟန္တာခေတ်-----------------------အနှစ် ၁၀၀၀
(၄) သုက္ခ၀ိပဿက ရဟန္တာခေတ်--------------------အနှစ် ၁၀၀၀
(၅) သောတာပန်, သကဒါဂါမ်, အနာဂါမ်, ခေတ်------ အနှစ် ၁၀၀၀
သားအပြား ၃-ပါး။ ။ ဣတိဝုတ် ။ပါ။ ၂၃၈။ဋ္ဌ။ ၂၁၁။ မဇ္ဈိမပဏ္ဏာသ။ပါ။ ၂၇၆။ ကိုယ်ကျင့်တရားအားဖြင့် ၃-ပါးပြား၏။ ဣတိဝုတ္တက ပါဠိတော်၊
(၁) အတိ ဇာတ သား- မိဘတို့ထက် အကျင့်မြတ်သော သား၊
(၂) အနုဇာတ သား- မိဘတို့နှင့်တူမျှသော အကျင့်ရှိသော သား၊
(၃) အ၀ ဇာတ သား- မိဘတို့အောက် အကျင့်ယုတ်သော သားမိုက် သားဆိုးမျိုး။
သားအပြား မျိုး ၄-ပါး တနည်း။ ။ ဇာတ်အဋ္ဌကထာ။ ပ-အုပ်၊ ၁၅၂-၌အကျယ်ရှုပါ။ ဤသား ၄-ပါးတို့ကား ဧကကနိပါတ် ကဋ္ဌ၀ါဟနဇာတ် အဋ္ဌကထာ၌ လာသည်။
(၁) အတြဇ သား- မိမိရင်၌ဖြစ်သော၊ သို့မဟုတ် မိမိကိုစွဲ၍ရသောသားမျိုး၊
(၂) ခေတြဇ သား- နတ်တို့ကဲ့သို့ အိပ်ရာအပြင် ပလ္လင်စသော မိမိပိုင်နက်အတွင်း၌ ဖြစ်လာသော သားမျိုး၊
(၃) အန္တေ၀ါသိကသား- မိမိအထံ၌ အတတ်သင်ယူသော သူမျိုး၊
(၄) ဒိန္နက သား-မွေးစားစိမ့်သောငှါ သူတပါးက ပေးသော သားမျိုး။
သားချင်းမျိုး ၅-ပါး။ ။ ဥာတိ သလောဟိတဟူသော ပါဠိအရ သားချင်းယူပုံကို ဆွေမျိုးနှင့် ခွဲ၍ပြသည်၊
(၁) သောဒရိယ ခေါ် တမိသားချင်း ညီရင်းအစ်ကို၊
(၂) အဖေ, အမေ၏ အစ်ကို ဘကြီး ဦးကြီးတို့က မွေးဖွားသော သားသမီး၊
(၃) အဖေ, အမေ၏ အစ်မç မိကြီးç ကြီးဒေါ်တို့ကမွေးဖွားသော သားသမီး၊
(၄) အဖေ, အမေ၏ ညီ, မောင်, ဘထွေး, ဦးလေးတို့က မွေးဖွားသော သားသမီး၊
(၅) အဖေ, အမေ၏ နှမ, ညီမ, မိထွေး အရီးလေးတိုက မွေးဖွားသော သားသမီးများကို
သားချင်းဟုပညတ်၏။
သားမျိုး ပုတ္တာ၊ ၁၂-ဖြာ၊ မိန့်မှာ ဓမ္မသတ်။ ။ ဓမ္မသတ် ကျမ်းလာသားအပြား ဆယ့်နှစ်ပါးကို ဆို၏။၎င်းင်းအဖြေ (အမွေခံထိုက်သောသား ၆-ပါး၊အမွေ မခံထိုက်သော သား ၆-ပါး)ဟူသော သရုပ်၌ ဆိုခဲ့ပြီ၊
ထို ၂-ရပ် ပေါင်းသော် ၁၂-ပါးဖြစ်၏။
သား, သမီး, ရလိုခြင်း အကြောင်း ၅-ပါး။ ။ ပဉ္စင်္ဂုတ္တရ ။ပါ။၃၇ ။ဋ္ဌ။ ၂၁။မိဘဖြစ်သူတို့ သားသမီး ရလိုမှု အကြောင်း ငါးပါး ဟူ၏။
(၁) ဘတောဝါ နော ဘရိဿတိ- အိုမင်းမစွမ်းရှိသောအခါ ငါတို့အား ပြန်လည်လုပ်ကျွေးကျေးဇူးဆပ်လတ်အံ့၊
(၂) ကိစ္စံဝါ နော ကရိဿတိ- ငါတို့၌ဖြစ်ပေါ်လာသော မင်းစိုးကိစ္စအ၀၀တို့ကို လုပ်ဆောင်ပေးလတ်အံ့၊
(၃) ကုလ၀ံသော စိရံ ဌဿတိ- အမျိုးဆက်နွယ် ရှည်ဖွယ်ဖြစ်လတ်အံ့၊
(၄) ဒါယဇ္ဇံ ပဋိပဇ္ဇိဿတိ- အမွေးစား အမွေခံ ကျင့်ကြံလတ်အံ့၊
(၅) ဒက္ခိဏံ အနုပ ဒဿတိ- တမလွန်ဘ၀ သွားသော ငါတို့အား ရည်စူး၍ ကုသိုလ်ထူးများ ပြုလုပ်လျက် အမျှပေးဝေလတ်အံ့။
သားသမီးဝတ် ၅-ပါး။ ။ သားသမီးများက မိဘတို့အား ပြုရန် ၀တ်ငါးပါး။
(၁) မိဘနှစ်ပါးအား လုပ်ကျွေးမွေးမြူရမည်၊
(၂) အလုပ်အကိုင်ဟူသမျှကို မိမိက ဦးစီး၍ ဆောင်ရွက် စီမံရမည်၊
(၃) မိဘ နှစ်းပါး၏ ဆိုးမွေကောင်းမွေကို ခံယူရမည်၊
(၄) အလှူဒါန ပြုလုပ်သောအခါ မိဘနှစ်ပါးအား အမျှပေးဝေရမည်၊
(၅) မိမိ၏အနွယ်ကို စောင့်ရှောက်ရမည်။
သ---သမင်မျိုး ၁၀-ပါး မှ သရဏဂုဏ် ပျက်ကြောင်း
သမင်မျိုး ၁၀-ပါး။ ။ သမင်ခေါ် ကုဋ္ဌနူနာမျိုး ဆယ်ပါး။
(၁) သမင်ဖြူ- အကွက်ပေါ်၍ ထုံပြီး အလယ်ဖြူလျက် ကျယ်ပြန့်လွယ်သည်၊
(၂) သမင်နီ- အနီကွက်ပေါ်၍ ထုံပြီး ကျယ်ပြန့်လွယ်သည်၊
(၃) သမင်နက်- နီဖြူကွက်ပေါ်၍ အလယ်နက်သည်၊ ထုံသည်၊
(၄) သမင်ဝက်- ဖြူ, နီ, နက်, အကွက်ထဲ၌ ၀က်မွေးအလား အမွေးများ ပေါက်နေသည်၊
(၅) သမင်ညှင်း- ပွေးညှင်းကဲ့သို့ အသားထူပြီး အလယ်ချိုင့်၍ မွေးညှင်းနုများ ပြန့်ပွားလာသည်၊
(၆) သမင်သဖန်း- သဖန်းသီးကဲ့သို့ နီပြီး အဖု, အပိန့်ကြီးတွေထွက်လာတတ်သည်၊
(၇) သမင်ကုတ္ထ- ညောင်းညာထုံကျင် ကိုက်ခဲ့ပြီး အကျောကပ်၍ လက်, ခြေ, ကုပ်ခါ အကွက်ပေါ်တတ်သည်၊
(၈) သမင်ယုတ္တ- အသား အရေ တကိုယ်လုံး မွဲခြောက်လျက် အဖတ်အဖတ် ကြွကွာပြီလျှင် အကျောကိုင်ကာ မျက်စိ, နှုတ်ခမ်း, ကိုယ်,လက်, စောင်းရွဲ့တတ်သည်၊
(၉) သမင်ဖွတ်သိုပြောက်- အသံနက်၍ နှာပုပ်ပြီး နှာခေါင်းအလယ်၌ ပျားစွဲသကဲ့သို့ ဖြစ်တတ်၏၊
(၁၀) သမင်းပွေး- ပွေးကဲ့သို့ အနားထူပြီး အကွက်အကွက်ကြီးတွေ အထပ်အထပ် ပေါ်လာတတ်သည် ဟူ၏။
သမဏ အင်္ဂါ၊ မျိုး ၃-ဖြာ၊ မိန့်မှာ အများသိ။ ။ ၎င်းင်း သရုပ်ကို (ရဟန်းဟုခေါ်၊ အင် ၃-ဘော်)၌ဆိုခဲ့ပြီ။
သမဏ သုခမျိုး ၈-ပါး။ ။ ၎င်းင်း အဓိပ္ပါယ် အလွယ်ဆုံကို ဗုဒ္ဓသာသန-မဟာဗုဒ္ဓ၀င်။ ပ-တွဲ။ ပ-ပိုင်း။ ၄၈။ နှင့်၊ ၎င်းင်းအုပ်၊ (ခါး) တို့၌- ရှုပါကုန်။ ရဟန်းတော်များ၏ ချမ်းသာခြင်း ရှစ်ပါးဟူ၏။
(၁) ဥစ္စာ စပါး ရှာမှီး သိမ်းထားရမှု မရှိ၍ ချမ်းသာခြင်း၊
(၂) ကိုယ်တိုင် မချက်ဉပတ်ရပဲ အပြစ်ကင်းကွာ ဆွမ်းအစာမျိုးကိုသာ ရှာမှီးခံယူစားသုံးရ၍ ချမ်းသာခြင်း၊
(၃) ဥာဏ်ဖြင့်ဆင်ခြင်လျက် အေးချမ်းသော ဆွမ်းကို ဘုဉ်းပေးသုံးဆောင်ရ၍ ချမ်းသာခြင်း၊
(၄) မင်းစိုးရာဇာတို့၏ အတင်းအကြပ်အခွန်အတုတ် တောင်းခံခြင်း၊ ရွှေငွေစသည့် ပစ္စည်းဘဏ္ဍာတို့ကို
သိမ်းယူစရာမရှိ၍ ချမ်းသာခြင်း၊
(၅) အဆောက်အဦ အသုံးအဆောင်တို့၌ တပ်မက်ခြင်းကင်း၍ ချမ်းသာခြင်း၊
(၆) သူခိုး ဓားပြတို့၏ လုရက်တိုက်ခိုက်မှုတို့၌ ရွှေငွေဥစ္စာမရှိ၍ ကြောက်ထိတ်မှုမရှိ ချမ်းသာခြင်း၊
(၇) မင်းအမတ်တို့နှင့် ရောယှက်မှုမရှိ၍ ချမ်းသာခြင်း၊
(၈) အပိတ်အပင်အတားအဆီးမရှိပဲ မိမိသွားလိုရာသို့ လွတ်လပ်စွာ သွားနိုင်၍ ချမ်းသာခြင်း။
သမ္ပဇဉ်တရား ၄-ပါး။ ။ သုတ်သီလက္ခန် ။ပါ။ ၆၇ ။ဋ္ဌ။ ၁၆၅။ မူလပဏ္ဏာသ ။ပါ။ ၇၂ ။ဋ္ဌ။ ပ-အုပ်။ ၂၅၈-၌ အကျယ်ရှုပါ။ ကောင်းစွာအပြားအားဖြင့် သိတတ်သော ဥာဏ်အမြင်တရား လေးပါ။ သမ္ပဇညပါဠိပျက်။
(၁) သတ္ထက သမ္ပဇဉ်- အမှုကိစ္စ တစုံတခုကိုပြုလုပ်မည့်အခါမျိုး၌ အကျိုးရှိမဲ့ ဆင်ခြင်ဥာဏ်ကြီးကဲမှုမျိုး၊
(၂)သပ္ပါယသမ္ပဇဉ်- မည်သည့်အရာမျိုးမဆို အကျိုးပင်ရှိသော်လည် မိမိနှင့်သင့်လျော်လျောက်ပတ်ဖွယ်ဖြစ်ရန် ဆင်ခြင်ဥာဏ်ကြီးကဲမှုမျိုး၊
(၃) အ သမ္ပောဟ သမ္ပဇဉ်- မည်သည့်အရာမျိုးမဆို မှောက်မှားတွေဝေ တိမ်းပါးချွတ်ချော်ခြင်း
မဖြစ်စေရန် ဆင်ခြင်ဥာဏ် ကြီးကဲမှုမျိုး၊
(၄) ဂေါစရ သမ္ပဇဉ်- သွားလာ ကျက်စားရာ၌ တိမ်းပါးချွတ်ချော်ခြင်းမဖြစ်စေရန် ဆင်ခြင်ဥာဏ်ကြီးကဲမှုမျိုး။
သမ္ပတ္တိစက် ၄-ပါး။ ။ အဘိဓမ္မာ ၀ိဘင်း ။ပါ။ ၃၅၁။ သမ္မောဟ၀ိနောဒနီ အဋ္ဌကထာ ၄၂၁-၌အကျယ်ရှုပါ။ ကောင်းမှုရေးရာအတွက် ပြီးပြည့်စုံခြင်း တရားလေးပါး။
(၁) ဂတိ သမ္ပတ္တိ- လူ့ပြည် နတ်ပြည် ဗြဟ္မာ့ပြည်တို့သို့လားရောက် ရခြင်းမျိုး၊
(၂) ဥပဓိ သမ္ပတ္တိ- ကိုယ်အင်္ဂါ၏ ပြည့်စုံတင့်တယ် လှပခြင်းမျိုး၊
(၃) ကာလသမ္ပတ္တိ- ကပ်သုံးပါးမှလွတ်ကင်းသော ကာလမျိုး၊
(၄) ပ ယောဂ သမ္ပတ္တိ- အကျိုးစီးပွားကို ဖြစ်ထွန်းအောင် ဆောင်ရွက်လုပ်ကိုင်နိုင်ခြင်း၊ အား, လုံ့လ, လိမ္မာခြင်းနှင့် ပြည့်စုံခြင်းမျိုး။ မှတ်ချက်။ ။ ၎င်းင်းကိုပင် "သမ္ပတ္တိ တရား ၄-ပါး" ဟုလည်း ခေါ်ဆိုကြသေး၏။
သမ္ပဒါတရား ၅-ပါး။ ။ သုတ် သီလက္ခန် ။ပါ။ ၁၉၆ ။ဋ္ဌ။ ၂၁၁။ သောကကင်းရေး၌ ကောင်းသောပြည့်စုံခြင် တရား ၅-ပါး။
(၁) ဥာတိ သမ္ပဒါ- ဆွေမျိုးတို့နှင့်ပြည့်စုံခြင်း၊
(၂) ဘောဂ သမ္ပဒါ- စည်းစိမ်ဥစ္စာနှင့်ပြည့်စုံခြင်း၊
(၃) အရောဂျ သမ္ပဒါ- အနာရောဂါ ကင်းခြင်း၊
(၄) သီလသမ္ပဒါ- အကျင့်သီလနှင့် ပြည့်စုံခြင်း၊
(၅) ဒိဋ္ဌိ သမ္ပဒါ- အယူဘာသာမှန်နှင့်ပြည့်စုံခြင်း။
သမ္ပဒါတရား ၈-ပါး၊ တနည်း။ ။ အဋ္ဌင်္ဂုတ္တရ ။ပါ။ ၁၀၇။ ဋ္ဌ။ ၁၄၀-၂၃၉တို့၌
အကျယ်ရှုပါ။ ယခု မျက်မှောက်ဘ၀၌ ချမ်းသာဘောဂနှင့် ပြည့်စုံခြင်း၊ တမလွန်၌ ချမ်းသာကြောင်းဖြစ်ခြင်း တရားရှစ်ပါး။
(၁) ဥဋ္ဌာန သမ္ပဒါ- ထကြွလုံ့လ၀ိရိယနှင့် ပြည့်စုံမှု၊
(၂) အာရက္ခ သမ္ပဒါ- ရပြီးဥစ္စာကိုသိမ်းဆည်းတတ်မှု၊
(၃) ကလျာဏမိတ္တတာ- အပေါင်းအသင်း ဆန့်မှု၊
(၄) သမ ဇိဝိတ တာ- ချွေတာရေးတတ်သိလိမ်မာမှု၊
(၅) သဒ္ဓါသမ္ပဒါ- သဒ္ဓါနှင့်ပြည့်စုံမှု၊
(၆) သီလ သမ္ပဒါ- သီလနှင့်ပြည့်စုံမှု၊
(၇) စာဂ သမ္ပဒါ- စွန့်ကြဲပေးကမ်း တတ်မှု၊
(၈) ပညာသမ္ပဒါ- နေရာတကာ အမှန်သိတတ်မှု။
သမ္ဖပ္ပလာပ အင်္ဂါ ၂-ပါး။ ။ နားထောင်သူတို့အား အကျိုးမရှိ လုပ်ပျက်ကိုက်ပျက် စကားဖျင်းအင်္ဂါ ၂ပါး။
(၁) နိရတ္တက ပုရတာ- အနက်မဲ့အကျိုးမဲ့ စကားကို ရှေ့ရှုဉပသူ၏ အဖြစ်၊
(၂) ကထနံ- ယင်းစကားကိုပြောဆိုခြင်း။(သီတာ၊ ရာမစသော ဇာတ်စကားမျိုး)။
သမ္ဖပ္ပလာပ ကံ၏ မကောင်းကျိုး ၇-ပါး။ ။ အကျိုးမဲ့ ပြိန်ဖျင်းသောစကားကို ပြောဆိုခြင်းကြောင့် ရရှိသော မကောင်းကျိုး ပြစ်များ။
(၁) ငရဲ, တိရစ္ဆာန်, ပြိတ္တာဘုံ၌ ဖြစ်ရခြင်း၊
(၂) လူအများ၏ အမုန်းကိုခံရခြင်း၊
(၃) မရိုသေ မလေးစားခြင်း၊
(၄) အယုံအကြည် ကင်းမဲ့ခြင်း၊
(၅) ပညာ နည်းပါးခြင်း၊
(၆) လာဘ် နည်းခြင်း၊
(၇) တန်ခိုးအာနုဘော်နည်းခြင်း။
သမ္ဗောဓိပုဂ္ဂိုလ်မျိုး ၃-ပါး။ ။ ၎င်းင်း သရုပ်(ဗောဓိမျိုး ၃-ပါး)၌ရှုပါ။
သမ္ဘောဂမျိုး ၂-ပါး။ ။ ရဟန်းတော်များ ပေါင်းသင်းဆက်ဆံရေး တရားနှစ်ပါး။
(၁) ပစ္စယ သမ္ဘောဂ- ကိုယ့် ပစ္စည်းကို မေးကမ်းချီးမြှောက်ခြင်းနှင့် သူ့ပစ္စည်းကို ခံယူသုံးစွဲခြင်း၊
(၂) ဓမ္မ သမ္ဘောဂ- တရားဓမ္မ ဟောပြဆွေးနွေး သြ၀ါဒ ပေးခြင်း, နည်းယူကျင့်ကြံခြင်းနှင့် ကံကြီးကံငယ် အတူပြုဆောင်ခြင်းမျိုး။
သမ္မတမင်း အပြား မျိုး ၄-ပါး။ ။ ကမ္ဘာစဉ်ဆက်တင်မြှောက်ခံ ရတတ်သောသမ္မတမင်းမြတ်တို့
၏ယေဘုယျမျိုး လေးပါးဟူ၏။
(၁)မနုဿသမ္မတ- မင်းကျင့်တရားအပေါင်းတို့ဖြင့် မတိမ်းစောင်းအောင် အုပ်ချုပ်တတ်သည့်လူသမ္မတမင်း၊
(၂) သီဟ သမ္မတ- အခြေလေးချောင်းသားအပေါင်းတို့တွင် အရဲရင့်ဆုံးဖြစ်သည့် ခြင်္သေ့ သမ္မတမင်း၊
(၃) ဟံသသမ္မတ- ငှက်တိရစ္ဆာန်အပေါင်းတို့တွင် စိတ်သဘော အကောင်းဆုံး ဖြစ်သည့် ဟင်္သာ သမ္မတမင်း၊
(၄) မစ္ဆ သမ္မတ- ငါးအပေါင်းတို့၏သမ္မတ အာနန္ဒာငါးမင်းကြီး။
သမ္မပ္ပဓာန် ၄-ပါး။ ။ ကောင်းစွာ အားထုတ်ခြင်း ၀ိရိယ လေးပါး။
(၁) ဥပ္ပန္န ပါပက ပဟာယ ၀ါယာမ- ပြုပြီးသော အကုသိုလ်တရားတို့ကိုဂရုမပြု ပြန်လည်၍ မအောက်မေ့ဘဲ တခါထဲ ပယ်စွန့်ထားမှု၊
(၂) အနုပ္ပန္န ပါပက အနုပ္ပါဒါယ ၀ါယာမ- မဖြစ်သေးသော အကုသလဓမ္မကို မဖြစ်ရအောင် အားထုတ်မှု၊
(၃) အနုပ္ပန္န ကုသလ ဥပ္ပါဒါယ ၀ါယာမ- မဖြစ်ပေါ်သေးသော ကုသိုလ်တရားကို ဖြစ်အောင် အားထုတ်မှု၊
(၄) ဥပ္ပန္န ကုသလ ဥပ္ပါဒါယ၀ါယာမ- ဖြစ်ပြီးပြုပြီးသော ကုသိုလ်စုကို အဖန်ဖန်အထပ်ထပ် အောက်မေ့ပွားများ သတိရအောင် အားထုတ်မှု။
သမ္မသနဥာဏ်မျိုး ၄-ပါး။ ။ တေဘူမက ရုပ်နာမ်ဓမ္မကို လက္ခဏာယာဉ် ၃-ပါးတင်၍ ဆင်ခြင်သုံးသပ်သော ဥာဏ်၎-ပါး။
(၁) ကလာပ သမ္မသန- ခန္ဓာ၅-ပါးကို ကာလ ၃-ပါး စသည် မခွဲခြားဘဲ ရူပံ အနိစ္စ ဒုကံ္ခ အနတ္တာ၊ ဝေဒနာ စသည်၌လည်း ထို့အတူ ဆင်ခြင်သုံးသပ်မှု ဥာဏ်၊
(၂) အဒ္ဓါနသမ္မသန- ခန္ဓာ ၅-ပါးကို အတိတ်, အနာဂတ်çပစ္စုပ္ပန် ဘ၀အားဖြင့် ခွဲခြားပြီး
လက္ခဏာယဉ်တင်လျက် သုံးသပ်သော ဥာဏ်၊
(၃) သန္တတိ သမ္မသန- ရုပ်နာမ်ဓမ္မ၌ အပူရုပ်စဉ်, အအေးရုပ်စဉ်,နေ့ရုပ်စဉ်,ညဉ့်ရုပ်စဉ်, မိုဃ်းရုပ်စဉ်စသည်ဖြင့်
ရှုမှတ် ဆင်ခြင်၍ လက္ခဏာယာဉ်တင်သောဥာဏ်၊
(၄) ခဏသမ္မသန- နာမ်ရုပ် ဓမ္မတို့ကို ခဏသုံးပါးသို့တင်၍ ဆင်ခြင်သုံးသပ်မှုမျိုး။
သမသီသီ ရဟန္တာ ၃-မျိုး။ ။ သဂါထာဝဂ္ဂသံယုတ် ။ပါ။ ၁၂၃ ။ဋ္ဌ။၁၆၈။
(၁) ဣရိယပထ သမသီသီ ရဟန္တာ- အရဟတ္တဖိုလ် မရသမျှသည် ဣရိယာပုထ်က ငါ,မထ ဟု အဓိဋ္ဌာန်၍ အားထုတ်နေရာ အရဟတ္တဖိုလ်လည်းရ, ဣရိယာပုထ်မှလည်း ထ၊ ရခြင်း, ထခြင်း တပြိုင်နက်ဖြစ်သော ရဟန္တာမျိုး။
(၂) ရောဂ သမသီသီ ရဟန္တာ- ဤ စွဲကပ်နှိပ်စက်နေသော ရောဂါမပျောက်ကင်းမီအတွင်း ရဟန္တာဖြစ်အောင် အားထုတ်မည်ဟု စိတ်ပိုင်းဖြတ်ခါ အားထုတ်ရာ အရဟတ္တဖိုလ်လည်းရ, ရောဂါလည်းပျောက်၊ ရခြင်း, ပျောက်ခြင်း တပြိုင်နက်ဖြစ်သောရဟန္တာမျိုး။
(၃) ဇိဝိတ သမသီသီ ရဟန္တာ- ရဟန္တာလည်းဖြစ်, ဇိဝိတိနြေ္ဒလည်းချုပ်၍ပရိနိဗ္ဗာန်ပြုသွားသော ရဟန္တာမျိုး။
သမ္မာဒိဋ္ဌိ ၃-မျိုး။ ။ အယူကောင်း ဘာသာမှန် အမျိုးအစား ၃-ပါး။
(၁) ကမ္မဿ ကတာ သမ္မာဒိဋ္ဌိ- ကံ, ကံ၏ အကျိုးလောက်ကိုသာ သိမြင်နိုင်သော အယူကောင်း အယူမှန်၊
(၂) ၀ိပဿနာ သမ္မာဒိဋ္ဌိ- ရုပ်နာမ် ဓမ္မတို့၌ လက္ခဏာယာဉ် ၃-ပါးတင်၍ သိမြင်ရှုမှတ်နိုင်သော အယူမှန်၊
(၃) မဂ္ဂ ဖလ သမ္မာဒိဋ္ဌိ- မဂ်ဖိုလ် အဆင့်အတန်းသို့ရောက်အောင် ရှုမြင်နိုင်သောအယူမှန်။
သမ္မာဒိဋ္ဌိမျိုး ၅-ပါး။ ။ ဥပရိပဏ္ဏာသ ။ပါ။ ၁၁၆ ။ဋ္ဌ။ ၉၂။ ၉၅။
(၁) ၀ိပဿနာ သမ္မာဒိဋ္ဌိ၊
(၂) ကမ္မဿကတာ သမ္မာဒိဋ္ဌိ၊
(၃) မဂ္ဂသမ္မာဒိဋ္ဌိ၊
(၄) ဖလ သမ္မာဒိဋ္ဌိ၊
(၅) ပစ္စဝေက္ခဏာ သမ္မာဒိဋ္ဌိ။
သမ္မာဒိဋ္ဌိမျိုး-၄၀၊ တနည်း။ ။ မဂ္ဂင်၈-ပါးကိုတည်၊ သမ္မာဒိဋ္ဌိ ၅-ပါးနှင့်မြှောက်ပွားလျှင်
သမ္မာဒိဋ္ဌိမျိုး-၄၀ ရသည်ဟူ၏။
သမ္မာဒိဋ္ဌိ၊ ယူသူ၏၊ စောင့်သိ အင် ၈-ဖြာ။ ။ သမ္မာဒိဋ္ဌိ ဘာသာ၌ လာရှိသော
အင်္ဂါရှစ်ပါးကို ဘာသာဝင်တို့ စောင့်ထိန်း သိရှိထားရမည် ဟူ၏၊ ၎င်းင်းအင်္ဂါ ရှစ်ပါးကား (မဂ္ဂင် ရှစ်ပါး) ပင်တည်း။
သမာဓိဂုဏ်၊ ၆-ပါးစု၊ အကုန် ထုတ်ပြပါ။ ။ တည်ကြည်စွာ တင်စားစပ်ဆိုသီကုံးမှု အလင်္ကာမျိုးကို ဆိုသည်၊ဤ၌ ၆-ပါးမေး၍ ၆-ပါးသာ ဖြေလိုက်သည်။
(၁) သ ပါဏ သမာဓိဂုဏ်- သက်မဲ့ကို သက်ရှိလေဟန် တင်စား စပ်ဆိုခြင်းမျိုး၊
ပုံ- ချေးသေဌေး မီးသွေးငိုတယ်၊ ကျီးမွေးကို ရှုံးတဲ့ မထား၊ ဟူရာ၌ 'မီးသွေးငို'၊ ဦးပုည။
(၂) န ရူပ သမာဓိဂုဏ်- ဆင်းရှိကို ဆင်းမဲ့၌ တင်စား ရေးစပ်ခြင်းမျိုး။
ပုံ- မယ်တော်သူနှင်း၊ မထွေးရင်းကို၊ လေးစင်းသမုဒ်၊ ဘ၀နုပ်မှ၊ ကယ်ထုတ်ဆောင်ယူ၊ ဟူရာ၌
အဆင်းရှိသော သမုဒ္ဒရာကို အဆင်းမဲ့ ဘ၀နှင့် တင်စားထားသည်၊ ဂေါတမ အပဒါန်။
(၃) နိ ရသ သမာဓိဂုဏ်- အရသာရှိသည်ကို အရသာမဲ့၌ တင်စားစပ်ဆိုထားခြင်းမျိုး။
ပုံ- မွှေးထုံနံ့သာ၊ အေးမေတ္တာဟု၊ ရသာယန၊ ချိုမြဆိမ့်ဆိမ့်၊ ဟူရာ၌ ဒူးရင်းသြဇာမှသာ
ချိုဆိမ့်သောအရသာရကောင်းပါလျက် မရကောင်းသောမေတ္တာတရား၌ တင်စားထားပုံကို သိလေ။
(၄) အဒြ၀ သမာဓိဂုဏ်- အရည်သဘောကို အရည်မဟုတ်ရာ၌တင်စားခြင်းမျိုး။
ပုံ- ပညာရှင်နို့၊ သောက်စို့မကုန်၊ ဆရာ့ဂုဏ်၊ ဟူရာ၌ သောက်၍ ရကောင်းသည့် နို့ရည်ကို မရကောင်းသော ပညာ၌တင်စားထားသည်။
(၅) အ ကတ္တု သမာဓိဂုဏ်- လူစသော ကတ္တားသဘောကို ကတ္တားမဲ့သော အရာ၌ တင်စားစပ်ဆိုခြင်းမျိုး။
ပုံ- မာရ်စစ်၏ ပစ်ခတ်သော လက်နက်အားလုံးသည် ဘုရားထံမှောက် ရောက်သောအခါ
ရှက်ကြောက်ရိုသေကြကာ အသွားတုံးပြီး ပန်းကုံး ပန်းဆိုင်းများအသွင်ဖြင့် ဦးတင်ပူဇော်ကြကုန်၏ ဟူရာ၌
လူစသည်တို့သာ ရကောင်းသော ရှက်ကြောက် ရိုသေ, ဦးတင်မှု ကတ္တား၏သဘောကို ကတ္တားမဟုတ်သည့်
လက်နက်၌ တင်စားထားသည်။
(၆) အ သရီရ သမာဓိဂုဏ်- အထည်ကိုယ်ဒြဗ်ရှိမှ ရကောင်းသောအရာကို မရကောင်းသောအရာ၌
တင်စားစပ်ဆိုခြင်းမျိုး။ ပုံ- သံသရာစက်၊ ကန့်အကွက်ကို၊ ခုတ်ဖျက်ချိုးဖြတ်၊ မဂ်ဥာဏ်မြတ်ဖြင့်၊ ဟူရာ၌
ဒြပ်ရှိမှ ရကောင်းသည့် ခုတ်, ဖျက်, ချိုး, ဖြတ်, မှုတို့ကို ဒြပ်မရှိသော သံသရာစက်၌ တင်စားထားသည်။
မှတ်ချက်။ ။ ဤ ၆-ပါးကား နည်းရရုံမျှသာဖြစ်၏၊ ထိုထက်ပို၍လည်း သင့်သလို ထုတ်နိုင်သေးသည်။
သမာဓိဖြစ်ကြောင်း ၁၁-ပါး။ ။ မူရင်း ၀ိသုဒ္ဓိမဂ် အဋ္ဌကထာနှင့်
အခြားအဋ္ဌကထာတို့မှာ ရှုလေ၊ ဤ၌ဆရာတော် ဦးဗုဒ်၏ ဆောင်ပုဒ်လင်္ကာကို မူတည်၍ ပြသွားမည်။
(၁) ၀တ္ထုစင်စေ- ပစ္စည်း ၄-ပါးစသောဝတ္ထုများ စင်ကြယ်သန့်ရှင်း အပြစ်ကင်းရခြင်း၊
(၂) ဣနြေ္ဒမျှစွာ- သဒ္ဒါနှင့် ပညာç ၀ိရိယနှင့် သမာဓိကို မျှတစေရခြင်း၊
(၃) လိမ္မာ နိမိတ္တ- ကသိုဏ်းနိမိတ်တို့ကို ယူရာ၌ လိမ္မာရခြင်း၊
(၄) ပဂ္ဂဟ- ၀ီရိယလျော့ခြင်း စသည်ဖြစ်သောအခါဓမ္မ၀ိစယ, ၀ီရိယ, ပီတိသမ္ဗောဇ္ဈင် တရားတို့ဖြင့်
စိတ်ကိုချီးမြှောက် ပေးရခြင်း၊
(၅) နိဂ္ဂဟံ- ၀ီရိယလွန်၍ စိတ်ပျံ့လွင့်သောအခါ ပဿဒ္ဓိ, သမာဓိ, ဥပေက္ခာ သမ္ဗောဇ္ဈင်တရားတို့ဖြင့်
စိတ်ကို နှိမ်ပေးရခြင်း၊
(၆) သမ္ပဟံသာ- ပညာယောဂနည်းပါး၍ ငြိမ်သက်သော သုခကို မရခြင်းကြောင့် စိတ်မနှစ်သက်သောအခါ
သံဝေဂ၀တ္ထု ရှစ်ပါးကိုဆင်ခြင်၍၎င်းင်း၊ ရတနာသုံးပါးဂုဏ်ကို အောက်မေ့၍၎င်းင်း၊ စိတ်ကို ရွှင်စေရခြင်း၊
(၇) ဥပေက္ခယနှင့်- လျော့ခြင်း, လွန်ခြင်းကင်း၍ တပါးအာရုံ၌ ကြောင့်ကြမပြု မိမိရှုမြဲတိုင်း အာရုံ၌သာ
အညီအညွတ် ရှု၍နေရခြင်း၊
(၈) ပျံ့လွင့်သူကြဉ်- စိတ်ပျံ့လွင့်သူကို ကြဉ်ရှောင်ရခြင်း၊
(၉) တည်ကြည်ယှဉ်မှ- တည်ကြည်သူကို မှီဝဲယှဉ်ကပ်ရခြင်း၊
(၁၀) ဈာန၀ိမောက်- ဈာန်ဝိမောက္ခကို ဆင်ခြင်ရခြင်း၊
(၁၁) ဓိမုတ် လှောင်သည်၊ ပွင့်မြောက် ဓိတိ၊ ဆယ့်တစ်တည်း။
သမာဓိကို ဖြစ်စေရန် ညွတ်, ကိုင်း, ရှိုင်း, ၀ှမ်းသောကြိုးစားစိတ် ရှိရခြင်း။
သမာဓိ၏ ရန်သူကြီး ၄-ပါး။ ။ သမာဓိ၏ ရန်သူတို့ကား များစွာရှိကြ၏၊ သို့သော် ဤ၄-ပါးကားနီးစပ်၍ ထင်ရှားသည် ဟူ၏။
(၁) ထိန- ကုသိုလ်မှု၌ စိတ်ဓာတ်၏ လျော့ပါးခြင်း၊ စိတ်မ၀င်စားခြင်း၊ မခံ့ခြင်းသဘော၊
(၂) မိဒ္ဓ- ငိုက်မျဉ်းခြင်း၊
(၃) ဥဒ္ဓစ္စ- စိတ်၏ ကုသိုလ်ထဲမှ အာရုံတပါးသို့ရောက်ရောက်သွားခြင်း၊ ပျံ့လွင့်တုန်လှုပ်ခြင်းသဘော၊
(၄) မိစ္ဆာဝိတက်- ကမ္မဋ္ဌာန်း အာရုံမှတပါးသို့ ကြာမြင့်စွာ ရောက်သွား ကြံစည်တွေးတောနေမှုများ။
သမာဓိ ကြီးထွားကြောင်း ၆-ပါး။ ။ တရားထူး တရားမြတ် ရလွယ်ကြောင်း၆-ပါး ဟူ၏၊ ယောဂီများအတွက် သိမှတ်စရာ။ ပဋိသမ္ဘိဒါမဂ် ။ပါ။ ၄၇။ဋ္ဌ။ ပ-အုပ်။ ၂၁၇။
(၁) စိတ္တ ဖာသု-စိတ်ချမ်းသာခြင်း၊
(၂) သရီရဖာသု-ကိုယ်ချမ်းသာခြင်း၊
(၃) အာဟာရ ဖာသု- မိမိလိုရာကို စားရခြင်း၊
(၄) သေနာသန ဖာသု- ကျောင်းçနေရာ သန့်ရှင်း ကောင်းမွန်ခြင်း၊
(၅) ပုဂ္ဂလ ဖာသု- သီတင်းသုံးဖော် သင့်တင့်ညီညွတ်ခြင်း။
သမာဓိမျိုး ၂-ပါး။ ။
(၁) သမထ သမာဓိ- ပညတ်အာရုံ ဖြစ်သောကသိုဏ်း, အသုဘ, စသည့် သမထ ဘာဝနာ အာရုံထဲ၌ စွဲမြဲနေမှုဈာန်သဘောများ၊
(၂) ခဏိက သမာဓိ- ရုပ်, နာမ်, ဓမ္မတို့၏ ခဏမစဲတသဲသဲဖြစ်ပေါ်နေမှု ပရမတ်အာရုံထဲ၌ ဥဒယ,၀ယဥာဏ်အမြင် စင်ကြယ်နေမှု သဘောတရားများ။
သမာဓိမျိုး ၃-ပါး။ ။
(၁) သုညတ သမာဓိ၊
(၂) အနိမိတ္တ သမာဓိ၊
(၃) အပ္ပဏိဟိတ သမာဓိ၊
၎င်းင်းတို့၏ အဓိပ္ပါယ်အကျယ်ကို (၀ိမောက္ခမျိုး ၃-ပါး)၌ ရှုပါ။
သမာဓိ မျိုး ၃-ပါး၊ တနည်း။ ။
စိတ်ဓာတ် တည်ကြည်မှု နု, လတ်, ကြီး, မျိုး ၃-ပါး ဟူ၏။
(၁) ပရိကမ္မ သမာဓိ- ကမ္မဋ္ဌာန်း၌ ရှေးဦး စတင်အာရုံယူ၍ စီးဖြန်းမှု သမာဓိ နု၊
(၂) ဥပစာရ သမာဓိ- မူလကမ္မဋ္ဌာန်းနိမိတ်အာရုံသည် စိတ်မနောထဲ၌ စွဲနေပြီဖြစ်၍ တည်မြဲသော သမာဓိလတ်၊
(၃) အပ္ပနာသမာဓိ- အထွတ် အထိပ်သို့ ရောက်သော ဈာန် သမာဓိ ကြီး။
သမာပတ် အပြား မျိုး ၃-ပါး။ ။
(၁) ဈာနသမာပတ်- ဈာနသုခကိုဝင်စား၍ နေခြင်း၊
(၂) ဖလသမာပတ်- ဖိုလ်စိတ်ဖြင့် နိဗ္ဗာန်ကို အာရုံပြုကာ ချမ်းသာစွာ နေခြင်း၊
(၃) နိရောဓသမာပတ်- စိတ်, စေတသိက်, စိတ္တဇရုပ်တို့ကို ဖြစ်ခွင့်မပေးဘဲ ချမ်းသာဆုံးနေခြင်း။
သမာပတ်ပြား မျိုး ၈-ပါး။ ။
အမြတ်သို့ ရောက်သော တရားရှစ်ပါး၊ အင်္ဂုတ္တရပါဠိတော် န၀က။
(၁) ပဌမဈာန်- ရှေးဦးစွာ ရရှိသော ဈာန်၊
(၂) ဒုတိယဈာန်- ၂-ကြိမ်မြောက် တိုးတက်ရရှိသော ဈာန်၊
(၃) တတိယဈာန်- ၃-ကြိမ်မြောက် တိုးတက်ရရှိသော ဈာန်၊
(၄) စတုတ္ထဈာန်- ၄-ကြိမ်မြောက် တိုးတက်ရရှိသော ဈာန်၊
(၅) အာကာသာနဉ္စာယတန ဈာန်- ကောင်းကင်ပညတ်ကိုအာရုံပြု၍ ဖြစ်သော ဈာန်၊
(၆) ၀ိညာဏဉ္စာယတနဈာန်- 'အာကာသာနဉ္စယတန'ခေါ် မဟဂ္ဂုတ်ဝိညာဉ်ကို အဆုံးမရှိဟုနှလုံးသွင်း၍ ဖြစ်ပေါ်သောဈာန်၊
(၇) အာကိဉ္စညာယတနဈာန်- နထ္ထိဘောပညတ်ကို အာရုံပြု၍ဖြစ်သော ဈာန်၊
(၈) နေ၀သညာ နာသညာယတနဈာန်- ရုန့်ရင်းသော သညာမရှိ၊ သိမ်မွေ့သော သညာမျှသာရှိသောဈာန်။
သမာပတ်ပြား၊ မျိုး ၉-ပါး။ ။ အထက်ပါသမာပတ်ရှစ်ပါး၌ ရူပဈာန် ၄-ပါးကို ပဉ္စက
နည်းဖြင့် ငါးပါးပွားယူလျက် အရူပဈာန်လေးပါးနှင့်ပေါင်းသော် သမာပတ်မျိုး ၉-ပါး ဖြစ်၏။
သမ္မာသင်္ကပ္ပမျိုး ၃-ပါး။ ။ ကောင်းသော ကြံစည်ခြင်း ၃-ပါး။
(၁) နေက္ခမ သင်္ကပ္ပ- ကာမဂုဏ်တရားတို့မှ ထွက်မြောက်မှုကို ကြံစည်စိတ်ကူးခြင်း၊
(၂) အဗျာပါဒ သင်္ကပ္ပ- သတ္တ၀ါများအား ကျန်းမာရေး ချမ်းသာရေး ဘေးရန်ကင်းရေးတို့ အတွက်ကြံစည် စိတ်ကူးခြင်း၊
(၃) အ၀ိဟိံသာ သင်္ကပ္ပ- ဆင်းရဲဒုက္ခ ရောက်နေသော သတ္တ၀ါများအား သနားသောစိတ်ဖြင့် ကယ်ဆယ်မြှင့်တင်ရေးတို့ကို ကြံစည် စိတ်ကူးခြင်း။
သမ္မာ သမ္ဗောဓိမျိုး ၃-ပါး။ ။ ၎င်းင်းသရုပ်ကို (ဗောဓိ ၅-ပါး) ဟူသောသုတေသန၌ ဆိုခဲ့ပြီ။
သမားကြီး ၄-မျိုး။ ။ ဆေးဆရာကြီးမျိုး ၄-ပါး။
(၁) ဓာတ်သမား- သစ်မြစ်, ဥ, ဖု, ရွက်, ညွန့်, ဖူး, ပွင့်, ကင်း, သီး, သား, ငါးတို့ဖြင့် သူနာအားလျော်စွာ
ကျွေးမွေးပေးကုသော ဆေးဆရာမျိုး၊
(၂) နက္ခတ် သမား- ရာသီ, နက္ခတ်, နေ, လ,တို့၏ အသွားအလာကို တွက်ချက် စစ်ဆေးလျက်
နက္ခတ်ကြိုက်စာကိုသာ ပေးကျွေး၍ ကုသော ဆေးဆရာမျိုး၊
(၃) ပိဏ္ဍောသမား- ဗိန္ဓောသမား- သစ်မြစ်, ဥ, ဖု, ရွက်, ပွင့်, ကင်း, သီး, တို့၏ အပေါင်းကိုစုဆောင်းထောင်းထု
အမှုန့်ပြု၍ ပေးကုသော ဆေးဆရာမျိုး၊
(၄) ဟူးရားသမား- သူနာ၏ မွေးသက္ကရာဇ် နှစ် လ ရက်နေ့ အချိန်တို့ကို ဗေဒင်တွက်လျက် ယတြာချေခြင်း,
သက်စေ့ ထီး, မီး, ပန်း, ရေချမ်း, လှူဒါန်းစေခြင်း, နံသင့်အသားသုံးချောင်းကို တံတားခင်းစေခြင်း, ညောင်ထောက်ခြင်း,
စသည်ဖြင့် ကုသောဆရာမျိုး။
သမားတော်ကြီး ဂုဏ်အင်္ဂါ ၃-ပါး။ ။ သမားတော်တို့၌ အမြဲရှိထားရမည့်ဂုဏ်အင်္ဂါ ၃-ပါး။
(၁) ပဏ္ဍိတဂုဏ် - အနာရောဂါဖြစ်ကြောင်းလက္ခဏာရာသီ ဥတု ရတုစသည်ကို ပိုင်နိုင်စွာ သိရှိနားလည် လိမ်မာခြင်း၊
(၂) ဒက္ခဂုဏ်- ရောဂါနှင့် သင့်လျော်လျောက်ပတ် ပျောက်ကင်းစေတတ်သောဆေးဝါဓာတ်စာတို့ကို သိရှိနားလည်၍ တတ်သိသည့်အတိုင်း မဆိုင်းမတွကုသပေး နိုင်သော အစွမ်း သတ္တိဂုဏ် ရှိခြင်း၊
(၃) အနာ လ သဂုဏ်- နေ့ညဉ့်မဟူ ပင့်ဆောင်ခေါ်ယူသူတို့နှင့် အတူ လိုက်သွားနိုင်ခြင်း၊
ပကတိသော ထကြွလုံ့လ ၀ီရိယရှိမှု ဂုဏ်။
သမားတော်ကြီး ဂုဏ်အင်္ဂါ ၅-ပါး၊ တနည်း။ ။
(၁) ဝေဒ ပဏ္ဍိတ- ရာသီနက္ခတ် သက်ဖြတ် ဗေဒင်တို့၌ တတ်သိနားလည် လိမ်မာကျွမ်းကျင်ခြင်း၊
(၂) ဘိသက္က ဆေက- ဆေးပေး ဆေးကုမှု၌ ကျွမ်းကျင်ခြင်း၊
(၃) နာနာသတ္ထ ဒက္ခ- ဆေးကျမ်း အရပ်ရပ် ထိုထိုကျမ်းကောင်း ကျမ်းမြတ်တို့၌ တတ်သိလိမ်မာခြင်း၊
(၄) ဥပဓိ သမ္ပတ္တိ-ကြည်ညိုအားကိုးဘွယ်တင့်တယ်ခံ့ညားသော ရုပ်အဆင်း သဏ္ဍန်နှင့်ပြည့်စုံခြင်း၊
(၅) ဗြဟ္မ စာရီ-ဗြဟ္မစိုရ်တရား လေးပါးနှင့် ပြည့်စုံ လုံခြုံသူဖြစ်ခြင်း။
သမုဋ္ဌာန်မျိုး ၄-ပါး။ ။ ကမလောကကြီး ဖြစ်ပျက်မှု၏ မူရင်းအကြောင်းတရားကြီး လေးပါး ဟူ၏၊ 'ကမ္ပသမုဋ္ဌာန, စိတ္တသမုဋ္ဌာန, ဥတုသမုဋ္ဌာန, အာဟာရသမုဋ္ဌာန'၊ ၎င်းင်းတို့၏ အနက်အဓိပ္ပါယ်ကို (အကြောင်းတရားကြီး ၄-ပါး)၌ ပြခဲ့ပြီ။
သမုဒယသစ္စာ၏ အနက်သဘော ၄-ချက်။ ။ ၎င်းင်း သရုပ်ကို (သစ္စာအနက် ၁၆-ချက်)၌ ပြခဲ့ပြီ။
သမုဒ္ဒရာကြီး ၄-စင်း။ ။ အံ့ဘွယ်ရှစ်ဖြာတို့နှင့် ပြည့်စုံ၍ ငါး, မကရ်း, မိကျောင်းစသည်
တို့၏ နှစ်သက်ရွှင်လန်းခြင်းကို ဖြစ်စေတတ်သော ဆားငန်ရေပြင်ကြီး ၄-မျိုး၊၎င်းင်းသည် အရှေ့သမုဒ္ဒရာ၊ အနောက် သမုဒ္ဒရာ၊ တောင်သမုဒ္ဒရာ၊ မြောက်သမုဒ္ဒရာအားဖြင့် ၄-ပါးရှိလေသည်၊ ထို့ကြောင့် သတပဒိကပုစ္ဆာဝိသဇ္ဇနာကျမ်း၌-
မေး။ သမုဒ်ကယ်တဲ့ လေးတန်၊ ရှစ်သောင်း သင်္ချာနှင့်၊ ယူဇနာလေးထောင်ဆောင်း၊ နက်ကြောင်း အမှန်။
မိန့်ဆိုဟန်၊ ကျမ်းဂန်အရှိ၊ ဘယ်ဆီတွင် ဘယ်လိုကွက်လို့၊ နက်လေမသိ။
ဖြေ။ သမုဒ်ကယ်တဲ့ လေးတန်၊ ရှစ်သောင်း သင်္ချာနှင့်၊ ယူဇနာလေးထောင်ဆောင်း၊ နက်ကြောင်းအမှန်။
မိန့်ဆိုဟန်၊ ကျမ်းဂန်အရှိ၊ ရွှေမြင်းမိုရ်တောင် ခြေရင်းမှာ၊ နက်ခြင်းကို သိ။
သမုဒ္ဒရာ၏ အံ့ဘွယ် ၈-ဖြာ။ ။ ၎င်းင်းသရုပ် (အံ့ဘွယ် ၈-ဖြာ သမုဒ္ဒရာ)၌ရှုပါ။
သမုဒ္ဒရာကြီး ၅-စင်း။ ။ ပထ၀ီဝင်အရ ကမ္ဘာ့သမုဒ္ဒရာကြီး(Ocean) ၅-စင်း။
(၁) ပစိဖိတ် သမုဒ္ဒရာဏ Pacific (155,557,000 sq km)
(၂) အာတစ် သမုဒ္ဒရာ Arctic (14,056,000 sq km)
(၃) အတ္တလန်တိတ်သမုဒ္ဒရာ Atlantic (76,762,000 sq km)
(၄) တောင်ပိုင်းသမုဒ္ဒရာ Southern (20,327,000 sq km)
(၅) အိန္ဒိယ သမုဒ္ဒရာ Indian (68,556,000 sq km) ။
သမုဒ္ဒရာကြီး ၇-စင်း၊ တနည်း။ ။ သရတ္တ သင်္ဂဟ အဋ္ဌကထာ။
(၁) နရမာလိ သမုဒ္ဒရာ- ၀ဇိရ စိန်ရတနာတို့ဖြင့် ပြန့်ပြောလျက် စိန်ရောင်တောက်ကာ ထက်သော နှာခေါင်း
လူ့ကိုယ်နှင့် တူသောငါးအပေါင်းတို့ ပျော်မြူး၍ နေ၏၊
(၂) အဂ္ဂိ မာလိ သမုဒ္ဒရာ- များစွာသော ရွှေတို့ဖြင့် ပြန့်ပြောလျက် ရွှေ၏ အရောင်တို့ကြောင့် မီးရောင်ကဲ့သို့
ပြောင်ပြောင်တောက်၍ နေ၏၊
(၃) ဒဓိ မာလိ သမုဒ္ဒရာ- များစွာသော ငွေထုငွေရောင်တို့ကြောင့် နို့ရည်နို့ဓမ်းကဲ့သို့ ဖြူဖွေးတောက်ပြောင်၍ နေ၏၊
(၄) ကုသမာလိ သမုဒ္ဒရာ- ပေါများသော ပတ္တမြားညိုတို့၏ ရောင်ခြည်တို့ကြောင့် စိမ်းညိုသော သမန်းမြက်ခင်းကြီးကဲ့သို့ ရှိ၏၊
(၅) နဠ မာလိသမုဒ္ဒရာ- များစွာသော ကျောက်မျက်ရွဲခေါ် ကျောက်စိမ်းရတနာတို့၏ ရောင်ခြည်တို့ကြောင့် ၀ါးတော ကျူတောကြီးကဲ့သို့ရှိ၏၊
(၆) နာမာလိသမုဒ္ဒရာ- ပြန့်ပြော ပေါများသော သန္တာရှိသောကြောင့် ရဲရဲနီသောအဆင်းရှိ၏၊
(၇) ဗလ၀ါ မုက္ခ သမုဒ္ဒရာ- အ၀ီစိငရဲကြီး၏ တံခါးနှင့်ဆက်စပ်လျက်ရှိ၏၊ ထို့ကြောင့် ရံခါ ငရဲတံခါး ပွင့်လတ်သော်- ငရဲမီးလျှံသည် ထွက်၍ ကြောက်မက်ဖွယ်သော ၀ဲသြဃကြီးကို ဖြစ်စေလျက်ပြင်းစွာသော အသံတို့ဖြင့် မြည်ဟီး၍ နေ၏။
သမိုင်းကြီး ၄-ပါး။ ။ ကဝေသာရကျမ်း ပယောဂ ဆေးတို့ကို ပြသောအခဏ်း၌ သမိုင်းကြီး ၄-ပါး၊ တပါးလျှင် အမျိုး ၃၀-စိ၊ သမိုင်းကြီး ၄-ပါး ဟူသော်ကား။
(၁) ကြီးပေါင်းပွင့် သမိုင်း၊
(၂) ပျားတံ သမိုင်း၊
(၃) အထက်ကောင်းကင် ပိုးအိမ် သမိုင်း၊
(၄) အောက်ကောင်းကင် ပိုးအိမ် သမိုင်း ဟု ပါရှိလေသည်၊
၎င်းင်း ၄-ပါးကို စုပေါင်းက သမိုင်းပေါင်းဆေးဖြစ်၏၊ ပယောဂနိုင်သည် မှတ်။
သရ ၈-လုံး၊ ပါဠိသုံး၊ ရေးထုံး သဒ္ဒါစဉ်။ ။ မြန်မာပါဠိဘာသာလာ ဗျည်း၏မှီရာ 'သရ'ရှစ်လုံး၊
အ, အာ, ဣ, ဤ, ဥ, ဥု, ဧ, သြ။
သရ ၁၁-လုံး၊ မြန်မာ့သုံး၊ ရေးထုံး ရှေးအစဉ်။ ။ ၎င်းင်းအဖြေ (မြန်မာသရ၊ ရေးထုံးပြ၊ မှတ်ကြ ၁၁-လုံး)ဟူသော သုတေသန၌ ပြခဲ့ပြီ။
သရက် ၄-မျိုးနှင့်၊ ပုဂ္ဂိုလ် ၄-စား။ ။ စတုကင်္ဂုတ္တရ။ပါ။ ၄၁၂ ။ဋ္ဌ။ ၃၂၆-၌အကျယ်ရှု။
သရက် ၄-မျိုးနှင့် ပုဂ္ဂိုလ်လေးစားကို ဥပမာထား၍ ဟောပြချက်များ။
(၁) အာမောပက္က၀ဏ္ဏီ- မှည့်သောအဆင်းအရောင်ရှိ၍အတွင်း၌စိမ်းသောသရက်မျိုးကဲ့သို့၊
အနေအထိုင် အသွင်အပြင် ကြည်ညိုဘွယ် ဣနြေ္ဒရှိလျက် ကိုယ်တွင်း၌ တရားမရှိသော အယောင်ဆောင်ပုဂ္ဂိုလ်မျိုး။
(၂) ပက္ကော အာမ ၀ဏ္ဏီ- စိမ်းသော အဆင်းအရောင်ရှိလျက် မှည့်နေသောသရက်မျိုးကဲ့သို့၊
အသွင်အပြင် ကြည်ညိုဘွယ် ဣနြေ္ဒမရှိသော်လည်း ကိုယ်တွင်း၌ တရားရှိသော ပုဂ္ဂိုလ်။
(၃) အာမော အာမ ၀ဏ္ဏီ- စိမ်းရောင်ရှိလျက် စိမ်းနေသော သရက်မျိုးကဲ့သို့၊
အသွင်အပြင် ကြည်ညိုဘွယ် ဣနြေ္ဒမရှိ၊ ကိုယ်တွင်း၌လည်း တရားမရှိသော ပုဂ္ဂိုလ်။
(၄) ပက္ကော ပက္က ၀ဏ္ဏီ- မှည့်ရောင်ရှိလျက် မှည့်နေသော သရက်မျိုးတို့ကဲ့သို့၊ အသွင်အပြင် ကြည်ညိုဘွယ်ဣနြေ္ဒရှိ၍ ကိုယ်တွင်း၌လည်း တရားရှိသော ပုဂ္ဂိုလ်ထူး၊ ဤသို့ ပုဂ္ဂိုလ်လေးပါးကို သိရာ၏။
သရက်မျိုး အပြား ၃၁-ပါး။ ။ မြန်မာပြည်၌ ထင်ရှားသော သရက်ပင် သရက်သီးမျိုး
များ။
(၁) အောင်ဒင်သရက်၊ (၂) အောင်းသရက်နီ၊ (၃) အောင်းသရက်ဖြူ၊ (၄) အင်္ဂူသရက်၊
(၅) ကျေးကွေးသရက်၊ (၆) ဂေါင်းချိုးသရက်၊ (၇) ဆင်ဂေါင်းသရက်၊ (၈) ဆင်နင်းသရက်၊
(၉) ဆင်မုံးသရက်၊ (၁၀) စိမ်းစားသရက်၊ (၁၁) တောစာသရက်၊ (၁၂) နဲ့တဲ့သရက်၊
(၁၃) ပန်းဆွဲသရက်၊ (၁၄) ပလူသရက်၊ (၁၅) မဂို(သီဟိုဠ်) သရက်၊ (၁၆) မနော်နွယ်သရက်၊
(၁၇) မချစ်စုသရက်၊ (၁၈) မန္တလေးရင်ခွဲသရက်၊ (၁၉) မန္တလေးနဲ့ တဲ့သရက်၊ (၂၀) မျောက်ခေါင်းသရက်၊
(၂၁) ရွှေကတော သရက်၊ (၂၂) ရွှေဝါသရက်၊ (၂၃) လောက်စာသရက်၊ (၂၄) ဘင်္ဂလားသရက်၊
(၂၅) ၀ါဆိုသရက်၊ (၂၆) ထိပ်ပေါက်သရက်၊ (၂၇)သကြားသရက်၊ (၂၈) သရက်ဖြူခေါ်နို့ဆီသရက်၊
(၂၉) သုံးလုံးတတောင်သရက်၊ (၃၀) ရေနံသရက်-ရေနံစော်နံသည်၊ (၃၁) ဓားမောက်ရိုးသရက်၊
ကောက်ကောက် ပုံသဏ္ဍန်ရှိသည်၊
ယခုခေတ်သစ်ကာလ၌ မျိုးပေါင်းများစွာကို စိုက်ပျိုးရေးဌာနမှ စပ်ဖက်လျက်ရှိနေသေး၏။
သရဏဂုဏ်မျိုး ၂-ပါး။ ။ 'ဒုဝိဓံ ဟိ သရဏဂမနံ လောကုတ္တရံ လောကိယဉ္စ'ဟူသော ပါဌ်အရ ဖြစ်သည်။
(၁) လောကီသရဏဂုဏ်- ရတနာသုံးပါး၏ဂုဏ်ကို အာရုံဉပ၍ ဆောက်တည်သော ပုထုဇဉ်တို့ သရဏဂုဏ်၊
(၂) လောကုတ္တရာ သရဏဂုဏ်- အရိယာပုဂ္ဂိုလ်တို့ မဂ်၏ ခဏ၌ နိဗ္ဗာန်ကို အာရုံပြု၍ ရောက်သော သရဏဂုဏ်။
သရဏဂုဏ် ၂-ပါး၊ တနည်း။ ။ သံဃာတော် မပေါ်မီ ဆောက်တည်ခြင်းနှင့် သံဃာတော်ပေါ်ပြီးမှ ဆောက်တည်ခြင်း မျှသာ ခြားနားသည်။
(၁) ဒွေဝါစိက သရဏဂုဏ်- ဗုဒ္စံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ (တပုဿ, ဘလ’ိက တို့လို။)
(၂) တေ၀ါစိက သရဏဂုဏ်- ဗုဒ္ဓံ သရဏံဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။ (အဇာတသတ်မင်းတို့လို။)
သရဏဂုဏ်မျိုး ၃-ပါး။ ။ ဘုရား, တရား, သံဃာ, ဤသုံးဖြာကိုပင် အမြဲမပြတ် အောက်မေ့ ကိုးကွယ်လေးစား အပ်သောကြောင့် သရဏဂုဏ်၃-ပါးဟု ခေါ်၏။
(၁) ဗုဒ္ဓံ သရဏံ ဂစ္ဆာမိ- ဘုရားကို ယုံကြည်ဆည်းကပ်ပါ၏။
(၂) ဓမ္မံ သရဏံဂစ္ဆာမိ- တရားကို ကျင့်ပါ၏။
(၃) သံဃံ သရဏံ ဂစ္ဆာမိ- သံဃာကို ယုံကြည်ဆည်းကပ်ပါ၏။
သရဏဂုဏ်မျိုး ၄-ပါး။ ။ ရတနာသုံးပါးအား ဆည်းကပ် ကိုးကွယ်ခြင်းလေးပါး။
(၁) အတ္တသန္နိယျာတန သရဏဂုဏ်- အဇ္ဇ အာဒိံ ကတွာ အဟံ အတ္တာနံ ဗုဒ္ဓဿ နိယျာတေမိ၊
ဓမ္မဿ နိယျာတေမိ၊ သံဃဿနိယျာတေမိ၊
ရတနာသုံးပါးတို့အား သံသရာဝဋ်မှ ထွက်မြောက်ရန် အတွက်မိမိခန္ဓာ အတ္တဘောကို
စွန့်လွှတ်အပ်နှင်း၍ ကိုးကွယ်ဆည်းကပ်ခြင်း။
(၂) တပ္ပရာယန သရဏဂုဏ်- အဇ္ဇ အာဒိံ ကတွာ အဟံ ဗုဒ္ဓဿ ပရာယ နော၊
ဓမ္မဿ ပရာယနော၊ သံဃဿ ပရာယနော။
ယနေ့ကစ၍ငါသည် ရတနာသုံးပါးသာလျှင် လည်းလျောင်းရာရှိ၏ဟု စိတ်မှာကြံ၍
ဤသို့ ကျွန်ုပ်ကို မှတ်ကုန်လော့ဟု လျောက်ထား ဆောက်တည်ခြင်း။
(၃) သိဿဘာဝုပ ဂမန သရဏဂုဏ်- အဇ္ဇ အာဒိံ ကတွာ အဟံ ဗုဒ္ဓဿ အန္တေ၀ါသိကော၊
ဓမ္မဿ အန္တေ၀ါသိကော၊ သံဃဿ အန္တေ၀ါသိကော။
ယနေ့ကစ၍ ငါသည် ရတနာသုံးပါး၏ တပည့်သားတည်းဟု တပည့်အဖြစ်လျှောက်ထား ဆောက်တည်ခြင်း။
(၄) ပဏိပါတ သရဏဂုဏ်- အဇ္ဇ အာဒိံ ကတွာ အဟံ ဗုဒ္ဓဿ အဘိဝါဒနံ ပစ္စုပ္ပဋ္ဌာနံ အဉ္ဇလီ ကမ္မံ
သာမိစိကမ္မံ ကရောမိ။ ဓမ္မဿ (လ) ကရောမိ။ သံဃဿ (လ) ကရောမိ။
ယနေ့ကစ၍ ငါ့ကို ရတနာသုံးပါးတို့အား ရှိခိုးခြင်း လက်အုပ်ချီခြင်း ခရီးဦးကြိုခြင်း လွန်စွာအရိုအသေ ပြုခြင်း
ရှိသော သူဟု မှတ်ထင်တော်မူပါဟု လျှောက်ထား၍ ကိုးကွယ်ဆည်းကပ်ခြင်း။
သရဏဂုံ ၃၀။ ။ သရဏဂုဏ် ဆောက်တည်ပုံ နည်းပေါင်း ၃၀-ဟူ၏။
ယှဉ်တွဲဖေါ်ပြချက် ပါဠိနှင့် မြန်မာစကား တို့ကို ဖြည့်စွက်၍ ဆိုပါ။
(က) ဇာတိ ပရိယန္တံ ဗုဒ္ဓံ သရဏံ ဂစ္ဆာမိ။ ဓမ္မံ။ သံဃံ။ ပေါင်း ၃-ပါး။
ပဋိသန္ဓေ တည်နေမှု ဆုံးသည်တိုင်အောင် ဘုရား တရား သံဃာကို ကိုးစားယုံကြည်ပါ၏။
(ခ) ဘောဂ ပရိယန္တံ ဗုဒ္ဓံ သရဏံ ဂစ္ဆာမိ။ ဓမ္မံ။ သံဃံ။ ပေါင်း ၃-ပါး။
စည်းစိမ်ချမ်းသာ ဆုံးသည်တိုင်အောင်။ (လ) ပါ၏။
(ဂ) ဇိဝိတ ပရိယန္တံ ဗုဒ္ဓံ သရဏံ ဂစ္ဆာမိ။ ဓမ္မံ။ သံဃံ။ ပေါင်း ၃-ပါး။
အသက် ကုန်ဆုံးသည်တိုင်အောင် (လ) ပါ၏။
(ဃ) ယာဝ ဇီဝံ ဗုဒ္ဓံ သရဏံ ဂစ္ဆာမိ။ ဓမ္မံ။ သံဃံ။ ပေါင်း ၃-ပါး။
အသက်ရှည်သမျှကာလပတ်လုံး (လ)ပါ၏။
(င) မရဏကာလံ ဗုဒ္ဓံ သရဏံ ဂစ္ဆာမိ။ ဓမ္မံ။ သံဃံ။ ပေါင်း ၃-ပါး။
သေသည့် ကာလတိုင်အောင် (လ) ပါ၏
(စ) မရဏ ပရိယန္တကာလံ ဗုဒ္ဓံ သရဏံ ဂစ္ဆာမိ။ ဓမ္မံ။ သံဃံ။ ပေါင်း ၃-ပါး။
သေခြင်းဆုံရာတိုင်အောင် (လ) ပါ၏။
(ဆ) ယာဝ အရဟတ္တံ ဗုဒ္ဓံ သရဏံ ဂစ္ဆာမိ။ ဓမ္မံ။ သံဃံ။ ပေါင်း ၃-ပါး။
အရတ္တဖိုလ် ရသည့်တိုင်အောင် (လ) ပါ၏။
(ဇ) အရဟတ္တ ပရိယောသာန ကာလံ ဗုဒ္ဓံ သရဏံ ဂစ္ဆာမိ။ ဓမ္မံ။ သံဃံ။ ပေါင်း ၃-ပါး။
အရတ္တဖိုလ်ကို ရ၍ ဘ၀ဆုံးတိုင်အောင် (လ) ပါ၏။
(ဈ) နိဗ္ဗာန်နကာလံ ဗုဒ္ဓံသရဏံဂစ္ဆာမိ။ဓမ္မံ။ သံဃံ ပေါင်း ၃-ပါး။
နိဗ္ဗာန်ရောက်သော ဘ၀တိုင်အောင် (လ)ပါ၏။
(ည) နိဗ္ဗာနကာလံ ပရိယန္တံ ဗုဒ္ဓံ သရဏံ ဂစ္ဆာမိ။ ဓမ္မံ။သံဃံ။ ပေါင်း ၃-ပါး။
ပရိနိဗ္ဗာန်စံသည့်တိုင်အောင် (လ) ပါ၏။
သရဏဂုဏ် ၆၀၊ သရဏဂုဏ် ၉၀။ ။ ၎င်းင်းတို့ကား သရဏဂုဏ် ၃၀-မှ ပွားများလာ
သော အရာများဖြစ်၏၊ အကျယ်ဆောက်တည် နည်းကို '၀ိဇ္ဇာမယသိဒ္ဓိ'ကျမ်းကြီး၌ ယူလေ၊ ထိုကျမ်းကို မကာရလောပ ခင်ကြီးဖျော်ဆရာတော်ပြု၏။
သရဏဂုဏ် ဆောက်တည်ခြင်း၏ အကြောင်းတရား ၄-ပါး။ ။ ၎င်းင်းတို့၏ သရုပ်
အဓိပ္ပါယ်များကို (ဘာသာ တရား၌ ကိုးစား ဆည်းကပ်ခြင်းအကြောင်း ၄-ပါး) ဟူသော သုတေသန၌ ပြခဲ့ပြီ။
သရဏဂုဏ် ပျက်ကြောင်း အင်္ဂါ ၂-ပါး။ ။ လောကီဘုံသားတို့ ဆောက်တည်ထား
သော သရဏဂုဏ် ပျက်ခြင်း၏ အကြောင်းတရား နှစ်ပါး။
(၁) သာဝဇ္ဇ ဘေဒ- မိစ္ဆာဒိဋ္ဌိဘာသာ ဘုရားကို ဘုရားမှန် ဘာသာမှန်ဟုမိစ္ဆာဥာဏ်ဖြင့် ဝေဘန်ကြည့်ရှုပြီး
ဆည်းကပ် ကိုးကွယ်သွားမှုကို ပြုသောအခါ မူလရှိရင်းသရဏဂုဏ်ပျက်၍ အပါယ်လားပြစ်လည်း ရရှိ၏၊
(၂) အန၀ဇ္ဇ သုခ၀ိပါက ဘေဒ- သရဏဂုဏ် ဆောက်တည်ပြီး သေသွားသူ၊ သရဏဂုဏ်ကား ပျက်၏၊
အပြစ်မရှိ ကောင်းကျိုးချမ်းသာ ရ၏။
သ---သည်းခံခြင်း အကျိုးထူး မှ သဘင်ပွဲများ၊
သည်းခံခြင်း အကျိုးထူး ၅-ပါး။ ။ ခန္တီအကျိုး ၅-ပါး ဟူ၏၊ အထက်၎-ပါးကို ယခုဒိဋ္ဌ အကျိုးရနိုင်သည် မှတ်။
(၁) ဗဟုဇန မနာပ- လူအများတို့ ချစ်နှစ်လိုခြင်း၊
(၂) န ဝေရ ဗဟုလ- ဘေးရန် မများခြင်း၊
(၃) န ၀ဇ္ဇဗဟုလ- အပြစ် မရှိခြင်း၊
(၄) အ သံမုဠှ ကာလင်္ကတ- မတွေမဝေသေရခြင်း၊
(၅) သုဂတိ သဂ္ဂ လောက- နတ်ရွာ သုဂတိသို့လားရခြင်း။
သည်းမခံခြင်း အပြစ် ၅-ပါး။ ။ ၎င်းင်းသရုပ် အဓိပ္ပါယ်ကို သည်းခံခြင်းအကျိုးနှင့် ဆန့်ကျင်ဘက် ပြန်ယူပါ။
သညာ ၂-ပါး၊ မြတ်တရား၊ ပိုင်းခြား မှတ်ရှုရာ။ ။ ဈာန် ရရောက်ရေးအခြေခံ တရား နှစ်ပါး။
(၁) အာဟာရ ပဋိကူလ သညာ- အစာ၌စက်ဆုပ်ဘွယ် အမှတ်ရှုသိ၊
(၂) စတုဓာတု ၀၀တ္ထာန- ဓာတ် ၄-ပါးကိုပိုင်းခြား မှတ်ရှုသိ။
သညာ ၁၀-ပါး၊ မြတ်တရား၊ မိန့်ကြား ဖြေတော်မူ။ ။ ၎င်းင်းသရုပ် (ရောဂါပျောက်ငြိမ်း
ကြောင်း တရား ၁၀-ပါး)နှင့်တူ၏။
သတ္တဋ္ဌာန ၇-ဆူ။ ။ မူလပဏ္ဏာသ ။ဋ္ဌ။ ဒု-အုပ်၈၉။ ဘုရားရှင်တို့၏ ဓမ္မတာ ၃၀-တွင် ပါဝင်သည့်ဌာန၇-ပါး။
(၁) ပလ္လင်္က သတ္တာဟ- မောဟတဏှာ၊ အ၀ိဇ္ဇာကို၊ ပညာသန်လျက်၊ အာသ၀က်ဖြင့်၊ ပယ်ဖျက်ခုတ်ထွင်၊ အောင်မြင်တော်မူရာ၊ တရာသန်းတောင်၊ အမြင့်ဆောင်သည့်၊ ရွှေညောင်သီရိ၊ ပင်ဗောဓိ၏၊ ဘုမ္မိဧသန်၊ ရှေ့မြောက်ယံတွင်၊ တလံခြားကွာ၊ အရပ်သာ၌၊ ရတနာစုံ၊ ခြူးအုံခြူနွယ်၊ လွန်ဆန်းကြယ်သား၊ တဆယ့်လေးတောင်၊ အရောင်ခြောက်ဖြာ၊ အပ္ပရာဇိတေ၊ ငါးမာရ်ေ>ခလျက်၊ ပလ’င်ထက်ဝယ်၊ ခုနစ်ရက်ပေ၊ ငြိမ်သက်ဣနြေ္ဒ၊ နေတော်မူရာ၊ အရပ်သာလည်း တဌာန။
(၂) အာနိမိသ သတ္တာဟ- ဗောဓိပင်မြောက်၊ အံ့လောက်ထင်ရှား၊ ဆယ်လံခြားတွင်၊ ဖ၀ါးခြေစုံ၊ ရပ်ပြီးတုံမှ၊ အာရုံမလပ်၊ မခပ်မျက်တောင်၊ ရက်လည်အောင်လျှင်၊ ဘုန်းခေါင်လူ့ထိပ်၊ ငါးမာရ်နှိပ်သည်၊ မမှိတ်မျက်စိ၊ ပကတိဖြင့်၊ ရှုကြည့်တော်မူရာ၊ အရပ်သားလည်း တဌာန။
(၃) စင်္ကမ သတ္တာဟ- ရွက်ရင့်ရွှေရောင်၊ တပြောင်ပြောင်တည့်၊ ညောင်ဗောဓိနှင့်၊ အနိမိသ အကြား၊ ရှေ့နောက်လျား၍၊ သွားမြဲအမှန်၊ နှစ်လံကွာတွင်၊ ရတနာစင်္ကြံ၊ ပျော်တုံစံလျက်၊ ခုနစ်ရက်ပေ၊ ငြိမ်သက်ဣနြေ္ဒ၊ ရောင်ခြောက်ထွေဖြင့်၊ နေတော်မူရာ၊ အရပ်သာလည်း တဌာန။
(၄) ရတနာဃရ သတ္တာဟ- ဗောဓိအောင်ခန်း၊ ရွှေညောင်နန်းနှင့်၊ တန်းတန်းမဖြောင့်၊ နောက်မြောက်ထောင့်ဝယ်၊ ဘုန်းကြောင့်ဖြစ်ပြန်၊ ၁၅-လံတွင်၊ ရောင်လျှံသွယ်ဖြာ၊ ရတနာ ၇-ပါး၊ နတ်များဖန်ဆင်း၊ ရွှေအိမ်တွင်း၌၊ သနင်းမြတ်စွာ၊ ဘိဓမ္မာကို၊ ရက်ကြာသတ္တ၊ မနစိတ်သန်၊ အကြံပျော်ပျော်၊ ဆင်ခြင်တော်မူရာ၊ နာမည်ထူးဆန်း၊ ရွှေအိမ်နန်းလည်း တဌာန။
(၅) အဇပါလ သတ္တာဟ- ညောင်ဗောဓိနှင့်၊ ၃၂-လံ၊ သင်္ချာမှန်သည်၊ ရှေ့ယံမစောင်း၊ ညောင်ဆိတ်ကျောင်းဝယ်၊ နေညောင်းတင့်တယ့်၊ စံပယ်တုံလျက်၊ ခုနှစ်ရက်ပေ၊ ရောင်ခြည်ထွေဖြင့်၊ နေတော်မူရာလည်း တဌာန။
(၆) မုဉ္စလိန္ဒ သတ္တာဟ- ညောင်ဗောဓိရှေ့၊ တောင်ခပ်ကွေ့မှန်၊ ၁၅-လံတွင်၊ ပြန်ထန်မောက်ဖြိုး၊ ရွာသည့်မိုဃ်းကို၊ တန်ခိုးထန်ပြင်း၊ နဂါးမင်းသည်၊ ဆီးနှင်းပေါက်မျှ၊ မကျစေငှါ၊ ပါးပျဉ်းကာလျက်၊ ခုနစ်ရက်မျှ၊ ချမ်းမြရိပ်မြုံ ပျော်ပိုက်လှုံသည်လည်း တဌာန။
(၇) ရာဇာ ယတန သတ္တာဟ- ငါးမာရ်နှိပ်နင်း၊ မြေဥကင်းဝယ်၊ ပွင့်လင်းသီရိ၊ ၀င်းဝင်းညိသည်၊ ဗောဓိတောင်ခွင်၊ မြသွင်စိမ်းလဲ့၊ သင်္ချာဖွဲ့သော်၊ တစ်ဆယ့်တစ်လံ၊ ထိုရပ်ဌာန်တွင်၊ ဘုန်းလျှံမြူးထွေ၊ ကိုယ်တည်းနေ၍၊ ရက်လည်စေ့သော်၊ နတ်ကျော်သိကြား၊ လှူငြားလာဆုံး၊ သုံးလုံးကြဇု၊ ဘုဉ်းပေးပြုမှ၊ စတုလောက၊ ဒေ၀ထင်ရှား၊ နတ်လေးပါးလည်း၊ လှူငြားလာမြောက်၊ ပဲနောက်အဆင်း၊ ရောင်ခြင်းဖိတ်ဖိတ်၊ သပိတ်လေးလုံး၊ တန်ခိုးဘုန်းကြောင့်၊ တလုံးတည်းဖြစ်၊ နားလေးရစ်နှင့်၊ ဆင့်တုံပြီးမှ၊ တပုဿနှင့်၊ ဘလ’ိကညီနောင်၊ လှူဆောင်ကမ်းလှမ်း၊ ပျားမုံ့ဆွမ်းကို၊ ဘုဉ်းပေးပြီးခါ၊ စောမြတ်စွာ၏။ နေရာရပ်ခန်း၊ မြတ်လင်းလွန်းလည်း တဌာန။
သတ်ဖြတ်ခြင်းမျိုး ၆-ပါး။ ။ ၎င်းင်းသရုပ် (ပယောဂမျိုး ၆-ပါး) ၌ ရှုပါ။
သတ္တရဘန် ၇-တန်။ ။ သတ္တဗ္ဘန္တရ ဟူသော ပါဠိပျက်စကား၊
မြင်းမိုရ်တောင်မင်းအား လှည့်လည်ရစ်ပတ် နှောင်ဖွဲ့ဝန်းရံ ပိုင်းခြားထားသော"တောင်စဉ် ၇-ထပ်"ကို ခေါ်သည်၊
သရုပ်ကို(တောင်စဉ် ၇-ထပ်)၌ရှုပါ။
သတ္တရူပါ၊ သတ္တ၀ါ၊ ၇-ဖြာ ရုပ်ပုံ အဘယ်နည်း?။ ။ ရွှေဘုံနိဒါန်းလာသတ္တရူပ ဖေါင်ပုံမှ ယူဖြေသည်။
(၁) ကရ၀ိက် နှုတ်သီးနှင့် လည်ဆံ၊
(၂) ဆင်စွယ်နှစ်ချောင်းနှင့် နှာမောင်း၊
(၃) နွားလာ;ဘို့၊
(၄) ငါးကြင်းအမြီး၊
(၅) ကြက်တူရွေး အတောင်၊
(၆) တိုးချိုနှစ်ချောင်း လက်တဖက် ခြေတဖက် အမြီး၊
(၇) မြင်းနား နှစ်ဖက် လက်တဖက် ခြေတဖက်။
သတ္တ၀ါတို့ တည်နေကြခြင်း အကြောင်းတရား ၈-ပါး။ ။
ရာဂ, ဒေါသ, မောဟ, ဒိဋ္ဌိ, အနုသယ, မာန, ၀ိစိကိစ္ဆာ, ဥဒ္ဓစ္စ။ မဟာနိဒ္ဒေသ။ပါ။၁၈။ဋ္ဌ။ ၈၁-၌ အကျယ်ရှုပါ။
သတ္တ၀ါတို့၏ အညစ်အကြေးတရား ၉-ပါး။ ။ ၎င်းင်းသရုပ်ကို(လူတို့၏အညစ်အကြေး တရား၉-ပါး) သုတေသန၌ ဆိုခဲ့ပြီ။
သတ္တ၀ါသ ဘုံ ၉-၀ ။ ။ ပဋိသမ္ဘိဒါမဂ် ။ပါ။ ၂၃ ။ဋ္ဌ။ ပ-အုပ်၊ ၁၀၆။သတ္တ၀ါတို့၏ နေရာဘုံ ကိုးဝ။
(၁) နာနတ္တကာယ နာနတ္တသညီ- လူ့ဘုံနတ်ဘုံ၊
(၂) နာနတ္တကာယ ဧကတ္တသညီ- အပါယ် ၄-ဘုံ၊ ပဌမဈာန် ၃-ဘုံ၊
(၃) ဧကတ္တကာယ နာနတ္တသညီ- ပဉ္စကနည်း၌ ဒုတိယဈာန် တတိယဈာန် နှစ်ဘုံပေါင်း၊
(၄) ဧကတ္တကာယ ဧကတ္တသညီ- ပဉ္စကနည်း၌ စတုတ္ထဈာန် ၃-ဘုံ၊ ဝေဟပ္ပိုလ်ဘုံ၊ သုဒ္ဓါပါသ ၅-ဘုံ၊
(၅) အာကာသာနဉ္စာယတနဘုံ၊
(၆) ၀ိညာနဉ္စာ ယတနဘုံ၊
(၇) အာကိဉ္စညာယတနဘုံ၊
(၈) နေ၀သညာနာသညာ ယတနဘုံ၊
(၉) အသညသတ်ဘုံ၊
၎င်းင်းကိုရည်၍ ပါရမိခဏ်း၌“ထောက်ထား ပညာ၊ မှတ်သားနာလော့၊ သတ္တ၀ါသ၊ ဘုံကိုးဝ၌၊ ပစ်ချကြမ္မာ၊ စေတနာကြောင့်၊ သညာဧကတ်၊ နာနတ်ထူးခြား၊ အလားလားလျှင်၊ ငါးပါးဂတိ၊ မှားဘွယ်ရှိ၏” ရှင်မဟာသီလ၀ံသ။
သတိတရားမျိုး ၂-ပါး။ ။ အောက်မေ့တတ် အမှတ်ရတတ်သော တရား၂-ပါး။
(၁) သတိစစ်- ရတနာသုံးပါး ဆရာမိဘစသော ကောင်းသောအရာများ၌ အောက်မေ့ အမှတ်ရခြင်း သမ္မာသတိ၊
(၂) သတိတု- မိစ္ဆာအယူရှိသူတို့ မိမိတို့ဆိုင်ရာ ဘုရား တရားတွေကို အောက်မေ့ အာရုံပြုမှုမိစ္ဆာသတိ။
သတိပဋ္ဌာန် ၄-ပါး။ ။ သတိစေတသိက်၏ မိမိဆိုင်ရာ အာရုံထဲ၌ လွန်လွန် ကဲကဲ စွဲစွဲမြဲမြဲသက်ဝင် တည်နေရာ ပဋ္ဌာနကြီး ၄-ပါး။
(၁) ကာယာနုပဿနာ သတိပဋ္ဌာန်- ဆံပင် အမွေးစသော ကောဋ္ဌာသ ပညတ်အစုဝယ် အသုဘအခြင်းအရာ အားဖြင့် အထပ်ထပ်ရှုခြင်း၌ မမေ့သော သတိ၊
(၂) ဝေဒနာနုပဿနာ သတိပဋ္ဌာန်- ဝေဒနာအစုကို အဖန်ဖန်ရှုရာဝယ်ဤကား ကာမသုခဝေဒနာçဤကား ဒုက္ခဝေဒနာ,ဤကား ဥပေက္ခာဝေဒနာဟု အထပ်ထပ်ရှုဆင်ခြင်ခြင်း၌ မမေ့အပ်သောသတိ၊
(၃) စိတ္တာနုပဿနာသတိပဋ္ဌာန်- ဤစိတ်ကား ရာဂနှင့် တကွ ဖြစ်သောစိတ်၊ ဤစိတ်ကား ရာဂကင်းသောစိတ်ဟု ခွဲခြမ်းလျက် စိတ်အမျိုးမျိုးဖြစ်ပုံတို့၏ မမြဲပုံ အနိစ္စလက္ခဏာကို အခါခါအထပ်ထပ် မပြတ်ရှုသော သတိ၊
(၄) ဓမ္မာနုပဿနာသတိပဋ္ဌာန်-အလုံးစုံသော သင်္ခါရက္ခန္ဓာဓမ္မ အပေါင်းသည် အစိုးမရ အလိုသို့မလိုက် အနှစ်မပါ အကာသက်သက် အနတ္တမျှသာဟု ၀ိပဿနာဥာဏ်ဖြင့် ဆင်ခြင်အောက်မေ့သော သတိ။
သတိပဋ္ဌာန်၊ ပွားများရန်၊ ၃-တန် အင်္ဂါမိန့်။ ။ သတိပဋ္ဌာန်တရားပွားစည်းရေး၌ ဤအင်္ဂါ ၃-ပါးနှင့် ပြည့်စုံစေရမည်။ (၁) အာတာပီ- အကုသိုလ်ပယ်စွန့်ရေး၌ လုံ့လထားခြင်း၊
(၂) သမ္ပဇာန- ဥာဏ်အမြော်အမြင်ကြီးခြင်း၊
(၃) သတိမာ- စွဲမြဲသော သတိ ထားရှိရခြင်း။
သတိရခြင်း အကြောင်း ၁၆-ပါး။ ။ မိလိန္ဒပဥှာ။
(၁) ရှေးရှုသောအားဖြင့်
(၂) အမြဲမှတ်ထားသော အားဖြင့်၊
(၃) ရုန့်ရင်းသည်ကိုသိသောအားဖြင့်၊
(၄) အကျိုးစီးပွားရှိသည်ကို သိသောအားဖြင့်၊
(၅) အကျိုး မရှိသည်ကိုသိသောအားဖြင့်၊
(၆) သဘာဂ-သဘောတူ အာရုံအားဖြင့်၊
(၇) ၀ိသဘာဂ- သဘောမတူသော အာရုံအားဖြင့်၊
(၈) စကားကားကို အောက်မေ့စေသော အားဖြင့်၊
(၉) အမှတ်လက္ခဏာ အားဖြင့်၊
(၁၀) လက်ရေး အားဖြင့်၊
(၁၁) ရေတွက်သောအားဖြင့်၊
(၁၂) ဆောင်ရွက်သောအားဖြင့်၊
(၁၃) ဘာဝနာ အားဖြင့်၊
(၁၄) ပုရပိုဒ်ပေတို့၌ ရေးမှတ်သဖြင့်၊
(၁၅) အနီး၌ နှံထားသော အားဖြင့်၊
(၁၆) အစဉ်ခံစားဘူးသော အားဖြင့်၊ သတိသည်ဖြစ်၏။
သတ္ထက လေးမျိုး ၇-ပါး။ ။ လေသင်ဓုန်းမျိုးလည်းဟူ၊ ၎င်းင်းသရုပ် (လေမျိုး ၈၀ «ခ» ပိုဒ်၌) ရှုပါလေ။
သဒ္ဒါကျမ်းဂန်၊ မျိုး ၃-တန်၊ ပုဂံ ခေါင်ထိပ်ဗွေ။ ။ ပါဠိ သဒ္ဒါကျမ်းကြီးများတွင် မိမိသုတ်နှင့် မိမိစီရင် ရေးဉပထားခဲ့သော ကျမ်းကြီး ၃-ကျမ်းအနက်ပုဂံခေတ် နရပတိစည်သူ
မင်းတြားကြီး လက်ထက် သက္ကရာဇ် ၅၁၆-ခုနှစ်တွင် အရှင်အဂ္ဂ၀ံသဆရာတော် စီစဉ်ရေးပြုတော်မူခဲ့သော သဒ္ဒနီတိကျမ်းသည် ခေါင်ထိပ်ဆုံးဟု သီဟိုဠ်ကျမ်းတတ်အကျော် ဆရာတော်ကြီး များချီးကျူး မြွက်ကြားတော် မူခဲ့ကြသည်ဟု ရှေးထုံး စကားစဉ် ရှိ၏။
(၁) ဣန္ဒိယပြည်မှ ရှင်ကစ္စည်းမထေရ် ရေးပြုခဲ့သော "ကစ္စည်းသဒ္ဒါကျမ်း" ယခုမြန်မာပြည် ရဟန်း သာမဏေတို့ မူလသင်ရိုး လက်စွဲသဒ္ဒါကျမ်းပင်ဖြစ်၏၊
(၂) သီဟိုဠ်ကျွန်းမှ အရှင်မောဂ္ဂလန်ထေရ် ရေးပြုသော"မောဂ္ဂလာန ဗျာကရဏကျမ်း"၊
(၃) မြန်မာပြည် ပုဂံမှ အရှင်အဂ္ဂ၀ံသဆရာတော် ရေးသားပြုစုခဲ့သော"သဒ္ဒနီတိကျမ်းကြီး"
၎င်းင်းကျမ်းစာသက်မှာ ဤသုတေသနသရုပ်ပြ အဘိဓာန်ကျမ်းကိုစတင်ရိုက်နှိပ်သော ၁၃၁၆-ခုနှစ်၌ အနှစ် (၈၀၀) တင်းတင်းပြည့်ခဲ့လေပြီ။
သဒ္ဒါလင်္ကာရ မျိုး ၁၀-ပါး။ ။ ၎င်းင်းသရုပ်ကို(ဂုဏ် ၁၀-ပါး)မှာကြည့်ပါ။
သဒ္စမ္မတရား၊ မျိုး ၃-ပါး၊ ထင်ရှား မိန့်တော်မူ။ ။ သူတော်ကောင်း တရား ၃-ပါးဟု ဆိုလိုသည်၊ ၎င်းင်းကိုပင် အချို့နေရာ၌ သာသနာ ၃-ပါးဟုရေးသားကြသည်လည်း ရှိ၏၊ သို့သော် အမှန်ကား နောက် ၂-ပါးကိုသာသနာဟု မယူဆထိုက်ချေ၊ ပရိယတ္တိသာလျှင် အဆုံးအမ စကားတော် အစစ် သာသနာဖြစ်ချေသည်။
(၁) ပရိယတ္တိ သဒ္ဓမ္မ- မြတ်စွာဘုရား၏ အဆုံးအမ စကားတော်များ၊
(၂) ပဋိပတ္တိ သဒ္ဓမ္မ- ဆုံးမချက်အတိုင်းလိုက်နာ ကျင့်ကြံမှုများ၊
(၃) ပဋိဝေဓ သဒ္ဓမ္မ- လိုက်နာကျင့်ကြံမှုများအတွက်ရရှိသော လုပ်ခအကျိုး မဂ် ဖိုလ် နိဗ္ဗာန်မျိုး။
သဒ္ဓါအပြား၊ မျိုး ၂-ပါး၊ ခွဲခြား စိတ်ဖြာသိ။ ။ မိမိတို့ဘာသာç ၀ါဒဆိုင်ရာသက်ဝင်ယုံကြည်မှုမျိုး ၂-ပါး။
(၁) သဒ္ဓါတု- ကျောက်ခဲကို ဓာတ်တော်စစ်ဟု ယုံကြည်နေခြင်း၊ ဘုရား, တရား, သံဃာ အစစ် မဟုတ်သည်တို့ကို အစစ်မှတ်ထင်ကာ လွန်စွာ ယုံကြည်နေခြင်းမျိုး၊ မိစ္ဆာဓိမောက္ခခေါ် သဒ္ဓါအတုဖြစ်၏၊
(၂) သဒ္ဓါစစ်- ရတနာသုံးတန် ကံ, ကံ၏အကျိုးကိုယုံကြည်ခြင်း။
သဒ္ဓါမျိုး ၄-ပါး၊ တနည်း။ ။ မဇ္ဈိမပဏ္ဏာသ ။ပါ။ ၂၉၈ ။ဋ္ဌ။ ၂၂၅။ယုံကြည်လေးစားမှု အပြားလေးပါး။
(၁) ပသာဒ သဒ္ဓါ- ကြည်ညိုသင့်,ထိုက်,အပ်,သော ဂုဏ်ကိုမြင်ရ ကြားရလျှင် ကြည်ညိုတတ်သောသဒ္ဓါမျိုး၊
သို့သော်ဥာဏ၀ိပ္ပယုတ် သဒ္ဓါမျိုးဖြစ်၍ မခိုက်မြဲတတ်ချေ၊
(၂) သြကပ္ပနသဒ္ဓါ- ဗုဒ္ဓ၏ အရဟံစသော ဂုဏ်တော်၊ ဓမ္မ၏သွာက္ခာတော စသောဂုဏ်တော်၊
သံဃာ၏ သုပ္ပဋိပ္ပန္န စသော ဂုဏ်တော်များကို သိမြင်ကြား၍ ကြည်ညိုသော သဒ္ဓါမျိုး၊
၎င်းင်းကား ဥာဏသမ္ပယုတ်သဒ္ဓါမျိုးဖြစ်၍ ယခုဘ၀အတွက်တာ ခိုင်မြဲလျက် သေလျှင် ပျောက်သည်၊
(၃) အာဂမ သဒ္ဓါ- ဗုဒ္ဓလောင်းလျာတို့၏ နိယတဗျာဒိတ်ကိုရပြီးရာ ဒါန သီလမှု၌ အစဉ်ပါလာသော သဒ္ဓါမျိုး၊
(၄) အဓိဂမ သဒ္ဓါ- နိဗ္ဗာန်ကို မဂ်ဥာဏ် ဖိုလ်ဥာဏ်ဖြင့် ကိုယ်တိုင်မြင်ပြီးသော အရိယာတို့၏ သဒ္ဓါမျိုး။
သန္တောသတရား ၁၂-ပါး။ ။ နိဒါန၀ဂ္ဂသံယုတ် ။ပါ။ ၃၉၉ ။ဋ္ဌ။ ၁၅၀-၌အကျယ်ရှုပါ။သန္တုဋ္ဌီခေါ် ရရသမျှနှင့် ရောင့်ရဲတင်းတိမ်မှု သဘောတရား ဆယ့်နှစ်ပါးကို ခေါ်သည်၊ ဤ၌ “ဆွမ်း, သင်္ကန်း, ကျောင်း, ဆေး”လေးပါးကို တည်၊
အောက်ပါ သန္တောသ ၃-ပါးနှင့် မြှောက်သော် ၁၂-ပါးဖြစ်၏။
(၁) ယထာလာဘ သန္တောသ- ကောင်းဆိုးနှစ်ပါး မခွဲခြားဘဲ ရလာသမျှဖြင့်သာ ရောင့်ရဲ၍နေမှု၊
(၂) ယထာဗလ သန္တောသ- ကောင်းဆိုးထူပါး ခွဲခြားဝေဘန်လျက် မိမိနှင့်သင့်လျော်ရုံမျှသာ လဲလှယ်ဖလှယ်၍ သုံးဆောင်ခြင်း၊
(၃) ယထာသာရုပ္ပ သန္တောသ- ကောင်းမွန်အဖိုးတန်သော ပစ္စည်းများကို သူတပါးအား ပေးလှူလျက် မိမိမူကား သူတပါး
မကြိုက်သော ပစ္စည်းများကိုသာ ရှာဖွေသုံးဆောင်ခြင်း။
သန့်ရှင်းရေးတရား ၃-ပါး။ ။ ၎င်းင်း သရုပ်ကို (သောဓေယျတရား ၃-ပါး)၌ ဆိုအံ့။
သပ္ပါယအပြား မျိုး ၄-ပါး။ ။ ရဟန်း, ရှင်, လူတို့ မိမိနှင့် မျှတချမ်းသာမှုသဘောတရား လေးပါး။
(၁)ဘောဇန သပ္ပါယ- စားသောက်မှု၌သင့်လျော် လျောက်ပတ်ခြင်း၊
(၂) အာဝါသ သပ္ပါယ- နေထိုင်ရာ အိုး အိမ် ကျောင်းတို့ လျောက်ပတ်မှု၊
(၃) ပုဂ္ဂလ သပ္ပါယ-ပေါင်းသင်းဆက်ဆံမှု၌ ညီညွတ်သင့်တင့်ရေး၊
(၄) ဥတု သပ္ပါယ- ကျန်းမာရေး၌ သင့်တင့်လျောက်ပတ်မှု။
သပ္ပါယအပြား ၇-ပါး၊ တနည်း။ ။ ဥပရိပဏ္ဏာသ ။ဋ္ဌ။ ၁၁၅။
အာဝါသော, ဂေါစရော ဘဿံ၊ ပုဂ္ဂလော, အထ ဘောဇနံ။
ဥတု ဣရိယပထော စေ၀၊ သပ္ပါယော သေ၀ိတဗ္ဗော တိ။
သပိတ်အပြား၊ မျိုး ၂-ပါး၊ ဘုရားခွင့်ပြုချက်။ ။
(၁) မတ္တိကာ ပတ္တ- မြေသပိတ်မျိုး၊
(၂) အယ ပတ္တ- သံသပိတ်မျိုး၊
ရဟန်းတော်များ အတွက် ထိုသပိတ် ၂-မျိုးသာ အပ်၏။
သပိတ်မျိုး ၃-ပါး။ ။ ရဟန်း သာမဏေတို့ သုံးဆောင်ရန် ဘုရားခွင့်ပြုတော်မူသော သပိတ် သုံးမျိုး၊ အကျယ်ကို ၀ိနည်း ပတ္တ၀ဂ်၌ ရှုပါ။
(၁) ဥက္ကဋ္ဌသပိတ်- မပြော့မမာ အလောတော် ချက်ပြီး ထမင်းသုံးပြည့်တခွက် ၀င်သော သပိတ်၊
(၂) မဇ္ဈိမသပိတ်- ၎င်းင်းထမင်းမျိုး သုံးခွက်နှင့်တစလယ်ဝင်သော သပိတ်၊
(၃) သြမကသပိတ်- ၎င်းင်းထမင်းမျိုး သုံးခွက်နှင့်တလမယ် ၀င်သော သပိတ်။
သပိတ် ၉-လုံး။ ။ ပါရာဇိက ။ပါ။၃၅၃။ဋ္ဌ။ဒု-အုပ်။၂၈၁။အထက်ပါသုံးမျိုးကို ကိုးမျိုးပြားပုံ။
«က» ။
(၁) ဥက္ကဋ္ဌသပိတ်-အထက်နှင့် တူ၏၊
(၂) ဥက္ကဋ္ဌုက္ကဋ္ဌသပိတ်-ဥက္ကဋ္ဌ သပိတ်ထက်ကြီးသည်၊ (၎င်းင်းသည် အဓိဋ္ဌာန်ဝိကပ္ပနာ မအပ်။)
(၃) ဥက္ကဋ္ဌ သြမက သပိတ်- ဥက္ကဋ္ဌသပိတ်အောက်ငယ်၍ မဇ္ဈိမသပိတ်ထက် ကြီးသည်။
«ခ»။
(၄) မဇ္ဈိမသပိတ်- အထက်နှင့်တူ၏၊
(၅) မဇ္ဈိမုက္ကဋ္ဌ သပိတ်-မဇ္ဈိမ သပိတ်ထက်ကြီး၍ ဥက္ကဋ္ဌ သပိတ်အောက် ငယ်သည်၊
(၆) မဇ္ဈိမောမက သပိတ်-မဇ္ဈိမသပိတ်အောက် ငယ်၍ သြမက သပိတ်ထက် ကြီးသည်။
«ဂ»။
(၇) သြမကသပိတ်-အထက်နှင့် တူ၏၊
(၈) သြမက ဥက္ကဋ္ဌသပိတ်- သြမကသပိတ်ထက်ကြီး၍ မဇ္ဈိမ သပိတ်အောက်ငယ်သည်၊
(၉) သြကကောမက သပိတ်- သြမက သပိတ်အောက်ငယ်သည်၊ (၎င်းင်းသည် အဓိဋ္ဌာန် ၀ိကပ္ပနာ မအပ်။)
အကျယ် အဆုံးအဖြတ်ကို ၀ိနည်းတော် ပတ္တ၀ဂ်မှာရှုလေ။
သပိတ်မှောက်ခြင်း၏ အင်္ဂါ ၈-ပါး။ ။ ရဟန်တော်များက ဒါယကာများအား သပိတ်
မှောက်ရခြင်း အင်္ဂါ၈-ပါးဟူ၏။ ၀ိနည်းတော်မှ။
(၁) ဘိက္ခူနံ အလာဘာယ ပရိသက္ကန- ရဟန်းတို့အား လာဘ်တိတ်အောင် လာဘ်မရအောင် ပြုလုပ်ခြင်း၊
(၂) အနတ္တာယ ပရိသက္ကန- အကျိုးမဲ့ဖြစ်အောင်ပြုခြင်း၊
(၃) အ၀ါသာယ ပရိသက္ကန- နေမြဲကျောင်းကန်၌ မနေနိုင်အောင်ပြုခြင်း၊
(၄) အက္ကောသန-ဆဲရေးခြင်း၊
(၅) ဘေဒန-ရဟန်းချင်းဂိုဏ်းကွဲအောင်ပြုခြင်း၊
(၆) ဗုဒ္ဓအ၀ဏ္ဏ ဘာသန- ဘုရား၏ ဂုဏ်ကျေးဇူးမဲ့ကိုပြောဆိုခြင်း၊
(၇) ဓမ္မ အ၀ဏ္ဏ ဘာသန- တရား၏ ဂုဏ်မဲ့ကို ပြောဆိုခြင်း၊
(၈) သံဃ အ၀ဏ္ဏ ဘာသန-သံဃာ့ ဂုဏ်ကျေးဇူးမဲ့ကို ပြောဆိုကဲ့ရဲ့ခြင်း။
မှတ်ချက်။ ။ ပတ္ထနိက္ကုဇ္ဇန ကံဆောင်ခြင်း အင်္ဂါ ၈-ပါးဖြစ်သည်။
သပ္ပုရိသ ဂုဏ်အင်္ဂါ ၇-ပါး။ ။ မဂ်ဖိုလ်ရကြောင်း တရားလမ်းကောင်းညွှန်ပြ ဟောကြား
သူတို့၏ ဂုဏ်အင်္ဂါ ၇-ပါး။
(၁) ပိယ ဂုဏ်-သတ္တ၀ါမှန်သမျှ ချစ်မြတ်နိုးလှခြင်း၊
(၂) ဂုရုဂုဏ်- ကမ္ဘာသားအားလုံးတို့လေးစားနိုင်သော ကိုယ်ကျင့်သိက္ခာ ရရှိခြင်း၊
(၃) ဘာဝနီယ ဂုဏ်- ဝေဘန်သုံးသပ်နိုင်သော ဥာဏ်ရှိရခြင်း၊
(၄) ၀တ္တဂုဏ်- မေးသမျှ ချေပဖြေဆိုနိုင်မှု ရှိရခြင်း၊
(၅) ၀စနက္ခမ ဂုဏ်- မေးစမ်းပြောဆိုသမျှ သည်းခံနိုင်ရခြင်း၊
(၆) ဂမ္ဘီရ ဂုဏ်- နက်နဲခက်ခဲသော တရားမြတ်ကို ဟောကြားထုတ်ဖေါ်ပြနိုင်မှု ရှိရခြင်း၊
(၇) နောစာဌာန ဂုဏ်- မလျော်ရာဌာန၌ မဟောပြမတိုက်တွန်းမှုရရှိခြင်း။
သပ္ပုရိယ ဒါနမျိုး ၅-ပါး။ ။ ပဉ္စင်္ဂုတ္တရ။ပါ။ ၁၅၂။ဋ္ဌ။၅၃-၌ အကျယ်ရှုပါ။
၎င်းင်း သရုပ်(အသပ္ပုရိသ ဒါနမျိုး ၅-ပါး)နှင့် ဗျတိရိက် ယူပါလေ။
သဗ္ဗညုတဥာဏ်၏ အစွမ်း ၃-ပါး။ ။ သဗ္ဗညုတဥာဏ်တော်၏ အားအစွမ်း၃-ပါး။
(၁) ဉေယျဓံတရား ငါးပါးတို့ကို သဘောအားလျော်စွာ သိစွမ်းနိုင်ခြင်း၊
(၂) သို့ သိသည့်အားလျော်စွာ ထိုဉေယျဓံတရားတို့၏ဟောအပ်သော အပြားကိူ သိစွမ်းနိုင်ခြင်း၊
(၃) ဝေနေယျပုဂ္ဂိုလ်တို့၏ အာသယ အဓိမုတ္တိ အစရှိသည်ကို ထင်ရှားအောင် ပြစွမ်းနိုင်ခြင်း။
သဗ္ဗစိတ္တ သာဓာရဏ စေတသိက် ၇-ပါး။ ။ စိတ် ၈၉-ပါးလုံးနှင့် ယှဉ်သောစေတသိက်များဟူ၏
(၁) ဖဿ- အာရုံ၏အရသာကို ခံစားခြင်းလက္ခဏာ၊
(၂) ဝေဒနာ- အာရုံ၏ အရသာကို ခံစားခြင်းလက္ခဏာ၊
(၃) သညာ- အာရုံကိုမှတ်၍ သိခြင်း လက္ခဏာ၊
(၄) စေတနာ- စေ့ဆော်နှိုးဆော်ခြင်းလက္ခဏာ၊
(၅) ဧကဂ္ဂတာ- မိမိအာရုံမှ တပါးသို့ မရွေ့ရှားခြင်း, သမ္ပယုတ်တရားတို့ကို မပျံ့လွင့်ခြင်းလက္ခဏာ နှစ်ပါး၊
(၆) ဇိဝိတိနြေ္ဒ- မိမိနှင့်အတူဖြစ်ဖက် ယှဉ်ဖက်တရားတို့ကို စောင့်ရှောက်ခြင်း လက္ခဏာ၊
(၇) မနသိကာရ- ယှဉ်ဖက်တရားစုကို အာရုံသို့ ပြေးစေခြင်း စိုင်းနှင်ခြင်းလက္ခဏာရှိ၏။
သဘင်ပွဲများ၊ ကြူးပျော်သွား၊ ၆-ပါး အပြစ်ရ။ ။ ၎င်းင်း သရုပ်ကို (ပွဲလမ်းသဘင်၊ ပျော်ကြူးလျှင်၊ ၆-အင် အပြစ်ရ) ဟူသော သုတေသန၌ဆိုခဲ့ပြီ။
သ---သင်္ဂဟတရား မှ သစ်ပင်မျိုး ၄-ပါး
သင်္ဂဟတရား မျိုး ၄-ပါး။ ။ ဣတိဝုတ် ။ပါ။ ၂၀၉ ။ဋ္ဌ။ ၈၉။ မင်းကောင်း, မင်းမြတ်တို့ ကျင့်ရာသောတရားလေးပါး။
(၁) သဿ မေဓ- တိုင်းပြည်နိုင်ငံပေါ်၌ ကျရောက်ဖြစ်ထွန်းသမျှသောစီးပွားချမ်းသာတို့မှ မှူးမတ်ပြည်သူတို့ ညှိနှိုင်းတိုင်ပင်စည်းဝေးကြပြီးလျှင် မည့်၍မည်မျှ ကောက်ခံ တောင်းယူရမည် ဟူသောပြဋ္ဌာန်းချက်ဥပဒေအတိုင်း အပိုအမိုမရှိ မနာကြည်းမထိခိုက်ရအောင် ကောက်ခံခွဲယူသော လယ်ခွန်တော်နှင့် အခြားအခွန်တော်များ။
(၂) ပုရိသ မေဓ- မင်း, မှူးမတ်, ရဲမက်, လက်နက်ကိုင် စစ်သား တရားသူကြီး စသည့်နိုင်ငံကို စောင့်ရှောက် ထိန်းသိမ်းသော သူတို့ကိုကြီးစဉ်ငယ်လိုက် အထိုက်အလျောက် ကောက်ခံ၍ ရသော အခွန်တော်ငွေကို စားသုံး လောက်အောင် လခရိက္ခာ စားနပ်တော်များပေးကမ်း ချီးမြှင့်ရခြင်း။
(၃) သမ္မာ ပါသ- ကုန်သည် လယ်လုပ်တို့ကို အပိတ်အပင် အတားအဆီးအချုတ်အချယ် မရှိ ဖွင့်ပေးရခြင်း, စောင်မ သင့်သမျှ စောင်မ ကြည့်ရှုခြင်း, ထို့ထက်အလွန်လည်း ကြီးကျယ်ဖွံ့ဖြိုးနိုင်စေရန် ကူးသန်းလုပ်ဆောင်နိုင်စေရန် အတိုးအပွားမရှိ အရင်းအနှီးအမတော်ငွေကို ပေးကမ်းမ,စ ရခြင်း။
(၄) ၀ါစာပေယျ- ပြုံးရွှင်ခြင်းလျှင် ရှေ့သွားရှိသော ချစ်စဖွယ်ချိုမြသောစကားတို့ကို သာယာခြေငံစွာ ပြောဆိုရခြင်း။
သင်္ဂဟတရား ၄-ပါး၊ တနည်း။ ။ သုတ်ပါထေယျ ။ပါ။ ၁၂၅ ။ဋ္ဌ။ ၁၁၀။မင်းမှတပါးသောလူတို့ အဆွေ ခင်ပွန်း အပေါင်းအဖော် ရကြောင်းတရား၎-ပါး။
(၁) ဒါန- ပေးကမ်း စွန့်ကြဲခြင်း၊
(၂) ပေယျ ၀ဇ္ဇ- ချစ်ဖွယ်သောစကားကို ဆိုခြင်း၊
(၃) အတ္ထ စရိယ- သူ့အကျိုးစီးပွားကိုကျင့်ခြင်း၊
(၄) သမာနတ္ထ တာ- ကိုယ်နှင့် တတန်းစားတည်း ထား၍ပေါင်းသင်းဆက်ဆံသွားမှု။
သင်္ဂါယနာ ၆-တန်။ ။ ဘုရားသခင် ဟောကြားတော်မူခဲ့သော ပိဋကတော်ဓမ္မတို့ကို မပျောက်ပျက် မတိမ်ကော သွားစေရန် စုပေါင်း၍ မူမှန်ကိုရွတ်ဆိုမေးမြန်း ဆွေးနွေးဖြေကြား ရေးမှတ်အတည်ပြုခြင်းမျိုး။
(၁) ပဌမ သင်္ဂါယနာ- သုဘရဟန်းကြီး၏ ဗုဒ္ဓ အ၀ဏ္ဏ စကားကိုကြောင်းပြု၍ ဘုရားသခင် ပရိနိဗ္ဗာန် ၀င်စံပြီးသည်နောက် ဓာတုဘာဇန နေ့၌ စည်းဝေးရောက်လာတော်မူကြကုန်သော (၇၀၀၀၀၀) ခုနှစ်သိန်းမျှသော သံဃာတော်အရှင်မြတ်တို့၏ ဦးစီးနာယက သံဃာ့ထေရ် ဖြစ်တော်မူသော အရှင်မဟာကဿပ မထေရ်မြတ်သည် ခီဏာသ၀ ဆဠာဘိည ရဟန္တာငါးရာ ရွေးကောက်တော်မူပြီးနောက် အခြံအရံသံဃာတော် ၇၀၀၀၀၀-နှင့် ဘိုးတော်အဉ္ဇနဖြိုကြွင်း သက္ကရာဇ် ၁၄၈-ခုနှစ်သာသနာသက္ကရာဇ် ၁-ခုနှစ်ဝါခေါင်လပြည့်ကျော် ၁-ရက်နေ့မှစတင်၍ တပေါင်းလပြည့်နေ့အထိ ၇-လတိုင်အောင် သုဘခေါ် တောထွက်ရဟန်းကြီးကို အကြောင်းပြု၍ ရာဇဂြိုလ်ပြည် ဝေဘာရတောင်ယံ သတ္တပါဏိဂူလိုဏ်၌ နှုတ်ရွတ်ခါ ဘုရင် အဇာတသတ်မင်းနှင့် ပဌမသင်္ဂါယနာ ထင်တော်မူကြလေသည်။
(၂) ဒုတိယ သင်္ဂါယနာ- ဘုရင်အဇာတသတ်မင်း ဖြိုကြွင်း သက္ကရာဇ်အနှစ်တရာရောက် သာသနာသက္ကရာဇ် (၁၀၀)တရာခုမြောက်သော် ၀ဇ္ဇီတိုင်းသား အလဇ္ဇီရဟန်းများ၏ အဓမ္မ၀တ္ထုဆယ်ပါး မတရားပေါ်ပေါက်ပြန်၍ (၉၀၀၀၀)ကိုသောင်းကုန်သော သံဃာ့အစည်းအဝေးကြီး၏ ဆုံးဖြတ်ချက်အရ ဘုရင် ကာလာသောကမင်းမြတ်နှင့်တကွ အရှင်မဟာယသထေရ် အမှူးပြု ပဋိသမ္ဘိဒါပတ္တ ရဟန္တာ(၇၀၀)ခုနှစ်ရာ ရွေးတော်မူလျက် အခြံအရံ သံဃာတော် ၁-သန်း၂-သိန်းနှင့် ဝေသာလီပြည်ဝါလုကာရုံ ကျောင်းတော်ကြီး၌ နှုတ်ရွက်ခါ ရှစ်လတိုင်တိုင် ဒုတိယသင်္ဂါယနာ တင်တော်မူကြသည်။
(၃) တတိယ သင်္ဂါယနာ- သာသနာသက္ကရာဇ် ၂၃၅-ခုနှစ် ရောက်သောအခါ ပါဋလိပြည်ကြီး
ရှင်ဘုရင် အသောကမင်းမြတ် လက်ထက် ဗာဟိရက တိတ္ထိယတို့သည် ဗုဒ္ဓသာသနာတော်၌ ရဟန်းပြုကုန်လျက် မိမိတို့မူလအယူ မိစ္ဆာဝါဒကိုသာ ကျင့်ကြံသုံးသပ် နေကြပြန်သောကြောင့် (၆၀၀၀၀) ခြောက်သောင်းသော မဟာသံဃာ့ အစည်းဝေးသဘင်ကြီးက ဆုံးဖြတ်ချက်ချကာ အသောကဘုရင်မင်းတရားကြီး ကူညီချက်အရ အရှင်မောဂ္ဂလိပုတ္တ တိဿမထေရ်နာယကပြု၍ ရဟန္တာ(၁၀၀၀) တစ်ထောင် ရွေးချယ်စီစစ်ပြီးလျှင် အရံသံဃာ ၆-သန်းနှင့် ထိုနှစ် နယုန်လမှ စ၍ တပို့တွဲလအထိ ကိုးလတိုင်တိုင် ပါတလိပုတ်ပြည် အသောကာရုံကျောင်းတော်ကြီး၌ နှုတ်ရွတ်ခါ တတိယ သင်္ဂါယနာတင်တော်မူကြသည်။
မှတ်ချက်။ ။ သီရိစတုရင်္ဂဗလ မြန်မာပညာရှိ ဦးဘေ အလိုအားဖြင့်သာသနာတော် ၂၃၄-ခုနှစ်မှာ တတိယသင်္ဂါယနာ တင်တော်မူသည်ဟု ယူ၏၊ ပရိုဖက်ဆာ ဆရာလွန်းခေါ် မစ္စတာ မောင်မှိုင်းအလင်္ကာကျော်စွာ သခင်ကိုယ်တော်မှိုင်း အလိုအားဖြင့် ၂၃၅-ဟု ယူ၏၊ ရေး၏၊ စီစစ်ကြပါကုန်။
(၄) စတုတ္ထ သင်္ဂါယနာ- သာသနာတော် သက္ကရာဇ် (၄၅၀)လေးရာ့ငါးဆယ်သို့ ရောက်သောအခါ လင်္ကာဒီပ သီဟဠ တည်းဟူသော သီဟိုဠ်ခေါ် သိဃုဠ် ကျွန်းကြီးသခင် ဘုရင် ၀ဋ္ဋဂါမဏိ မင်းတရားကြီး လက်ထက် ပိဋကသုံးပုံကို အာဂုံဆောင်ကြကုန်သော ရဟန္တာအရှင်မြတ်တို့သည် နောင် အနာဂတ်ကာလ၌ သတ္တ၀ါတို့သည် သတိပညာ ဆုတ်ယုတ်ကုန်လတံ့၊ နှုတ်တက် အာဂုံ မဆောင်ရွက် မကျက်မမှတ်နိုင်လတံ့တို့ကို မြင်တော်မူကြ၍ သာသနာတော်၏ အသက်မပျောက်မပျက်တည်ရှိနိုင် စေရန် ကြံစည်တွေးဆကာ(၅၀၀)ငါးရာသော ရဟန္တာအရှင်မြတ်တို့ ပေထက်မှာရေးလျက်'ပေထက္ခာရာ'ခေါ်စတုတ္ထ သင်္ဂါယနာကို မဟာသံဃရာဇာကြီးမှူးလျက် သီဟိုဠ်ကျွန်းမလယဇနပုဒ် အာလောကလိုဏ်ဂူ၌ တင်တော်မူကြပြန်သည်လည်းတကြိမ်။
(၅) ပဉ္စမသင်္ဂါယနာ- ဂေါဇာ သက္ကရာဇ် ၁၂၃၃-ခု၊ သာသနာတော်(၂၄၁၅)ခုနှစ် ရောက်ပြန်ရာ မြန်မာနိုင်ငံတော်ရတနာပုံ နေပြည်တော်ကြီးကို စည်ထီး နန်းအိမ်နှင့်တကွ ပဌမလက်မွန် တည်ထောင်တော်မူခဲ့သော ဘုရင်မင်းတုံးမင်းတရားကြီးသည် ဘုရားရှင်ဓမ္မစက်ပေရွက်နှင့် မလျော်ဟု ဆင်ခြင်ပြီးကာ သာသနာငါးထောင်(၅၀၀၀)ကုန်အောင်တည်စေနိုင်ခြင်းငှါ၊ ကိုးဖြာန၀ရတ် ကျောက်မြတ်အ၀င် ဖြူစင်သန့်ရှင်းသော သလင်းကျောက်ရတနာ အပြင်ဝယ်အက္ခရာတော် ထင်ပြီးလျှင် ရွှေမင်းရွှေစုတ်နှင့် ရေးသားခတ်နှိပ်တော်မူ၍ အုဌ်ပြသာဒ်များအတွင်း သွတ်သွင်းခါထားတော်မူပြီးမှ တံဆိပ်တော်ရ သုဓမ္မာဆရာကြီးရှစ်ပါးကို ရှေးဖျားရှေးဦး အမှူးဉပကာ (၂၄၀၀)နှစ်ထောင်လေးရာ ကုန်သော သီလ၀န်ဂုဏ၀န် ကလျာဏပုထုဇဉ် သံဃာတော်အရှင်မြတ်
တို့နှင့် တကွ ပဉ္စမသင်္ဂါယနာ တင်တော်မူခဲ့သည်လည်း တကြိမ်အားဖြင့် ပေါင်း၅-ကြိမ်ဖြစ်သတည်း။
(၆) ဆဋ္ဌသင်္ဂါယနာ၊ သစ္စာလေးဆူ အောင်လံထူလျက် ပြိုင်သူဖက်ကင်း တရားမင်းဖြစ်တော်မူသော ဗုဒ္ဓရှင်တော်ဘုရားသည်၄၅-နှစ်(၄၅-၀ါ)အတွင်း ဟောကြားတော်မူအပ်သော တရားတော်တို့ကို
ကြွသွား နိဗ္ဗာန် စံဝင်တော်မူပြီးနောက်၊ ၂၄၉၈-နှစ်ကြာသောအခါ
(၁) မြတ်စွာဘုရား ဟောကြားတော်မူခဲ့သော နိကာယ်ငါးရပ်တို့ကိုအထပ်ထပ် အဆင့်ဆင့် ရေးကူး၍ လာကြရာ၌သတိ ချွတ်ယွင်းရေးမှားခြင်းဟုဆိုအပ်သော ပမာဒလေခ(ပါဠိပျက်)များကိုအထူးသန့်ရှင်း စင်ကြယ်စေလိုသောကြောင့်၎င်းင်း၊
(၂) ထိုစင်ကြယ်သော ပိဋကတ်တော်များကို စက်တင်ပုံနှိပ်၍ ကမ္ဘာအရပ်ရပ်သို့ပြန့်နှံ့စေခြင်းအားဖြင့် အဓွန့်ရှည်စွာ တည်စေလိုသောကြောင့်၎င်းင်း၊
(၃) လွတ်လပ်သော မြန်မာနိုင်ငံတော်နှင့်တကွ ဗုဒ္ဓဘာသာနိုင်ငံအားလုံးတို့ကသာသနာတော်ကို စုပေါင်းအားပေး ချီးမြှောက်လိုသောကြောင့်၎င်းင်း၊ ဤ ဆဋ္ဌသံဂါယနာပွဲသဘင်ကြီးကို တင်တော်မူကြသည်ဟူ၍ မြန်မာ, ယိုးဒယား,
ကမ္ဗောဇ, သီဟိုဠ်, လော, ဟူသည့် ထေရာဝါဒ ငါးနိုင်ငံရှိ သံဃာတော်အရှင်မြတ်တို့၏ ဆုံးဖြတ်တော်မူချက်အရ-
ပြည်ထောင်စု မြန်မာနိုင်ငံတော် ရန်ကုန်မြို့ရေးကူးရပ် သီရိမင်္ဂလာကမ္ဘာဧ စေတီတော်အနီး ဆဋ္ဌသံဂီတိမဟာပါသာဏ ဂုဟာခေါ် လိုဏ်ဂူတော်ကြီးအတွင်း မြန်မာနိုင်ငံတော်အစိုးရ၏ ပစ္စယာနုဂ္ဂဟဖြင့်သာသနာတော်၊ ၂၄၉၈၊မြန်မာ- ၁၃၁၆-ခုနှစ်၊ ကဆုန်လပြည့်။ အင်္ဂလိပ် ၁၉၅၄-မေလ(၁၇)ရက်နေ့မှစ၍ မြန်မာ, သီဟိုဠ်, ယိုးဒယား, (ကမ္ဗောဇ)ကမ္ဗောဒီးယား, (လော)လာအို, ငါးနိုင်ငံတို့နှင့် နှစ်နှစ်တိုင်တိုင် ကျင်းပသည့်ဆဋ္ဌသံဂါယနာပွဲတော်ကြီးတွင် မြန်မာပြည်တွင်းမှ စာပေကျမ်းဂန်တက်ဆရာတော် သံဃာတော် (၂၄၇၃)ပါး။ ကမ္ဘာ့နိုင်ငံတော် အရပ်ရပ်မှကြွလာတော်မူကြသော သံဃရာဇာစသည့် ပိဋကကျမ်းဂန်တတ်အကျော် အမော်ဆရာတော် သံဃာတော် (၁၄၄)ပါး၊ ပေါင်း သံဃာတော်(၂၆၁၇)ပါးတို့သည် အဘိဓဇမဟာ ရဋ္ဌဂုရုဘွဲ့တံဆိပ်တော်ရ မန္တလေးမြို့ညောင်ရမ်းဆရာတော်ဘုရားကြီးအား သံဃထေရ် မဟာဝိနာယက အရာထား၍ ၁၃၁၈-ခုနှစ်၊ ကဆုန်လပြည့်နေ့တိုင် အောင် ၂-နှစ်ပတ်လုံးနိကာယ်ငါးရပ် ပိဋကသုံးပုံ ပါဠိတော်များကို သံဂါယနာတင်တော်မူခဲ့ကြသည်ဟု ပြည်ထောင်စုမြန်မာနိုင်ငံတော် ဗုဒ္ဓသာသနာအဖွဲ့ကြီး၏သံဂါယနာ မှတ်တမ်းမှယူပြသည်။
မှတ်ချက်။ ။ ပါဠိတော် သံဂါယနာတင်အပြီး အဋ္ဌကထာ, ဋီကာ, များကိုလည်း ၁၃၂၃-ခုနှစ်၊ တပို့တွဲလဆန်း ၁၂-ရက်နေ့အထိအဘိဓဇ မဟာရဋ္ဌဂုရု ဘွဲ့တံဆိပ်တော်ရ မစိုးရိမ်ဆရာတော် ဦးသူရိယ အမှူးရှိသော သံဃာတော်တို့သည် သံဂါယနာတင်တော်မူကြကုန်၏ဟု မှတ်ရာသေးသည်။
ဆဋ္ဌသံဂါယနာ - ဧချင်း
မင်းချင်းတို့လေ။ ။ သိရီသြဘာ၊ ထောမနာတည်း၊ ကောဇာတွက်စစ်၊ သက္ကရာဇ်ကား၊ ဆဧက်- တြိဧက်၊ ခေတ်ကောင်းဖြစ်ခဲ့၊ ရှင်ချစ်မြတ်စွာ၊ သာသနာမူ၊ ဓ၊ ဇာ၊ ၀၊ ရ၊ ကဆုန်လ၏၊ ပုဏ္ဏာတိထီ၊ နေ့စန္ဒီဝယ်၊ နာရီဆယ့်နှစ်၊ မွန်းတည့်ဖြစ်၏၊ စွန်းလစ်ဗာရာသ်၊ မိနစ်မှတ်လော၊ ကောင်းမြတ်ချိန်ခါ၊မင်္ဂလာဝယ်၊ မြန်မာကရင်၊ ရှမ်း ကချင်နှင့်၊ ပေါ်ထင်တူပြိုင်၊ မွန်ရခိုင်တည့်၊ တောင်ပိုင်ထင်ရှား၊ ချင်း ကယားတို့၊ ကိုယ်စားဥက္ကဌ၊ သမ္မတဟု၊ ဌာနရာထူး၊ ဦးဘဦးနှင့်၊ ကြီးမှူးဉပလုပ်၊ ၀န်ကြီးချုပ်ဟု၊ သရုပ်တန္တု၊ စန်းဣန္ဒုသို့၊ ဦးနုဘွဲ့ချီး၊ ခေါင်းဆောင်ကြီးတို့၊ ဦးစီးနာယက၊ ပါဝင်ကြသား၊ ဗုဒ္ဓသာသနာ၊ ဘွဲ့သညာဖြင့်၊ သြဘာသံဟီး၊ အဖွဲ့ကြီးက၊ ခိုင်ဖြီးလေးဝ၊ ပစ္စယဖြင့်၊ ဆဋ္ဌမဟာ၊ ဒါယကာဟု၊ သဒ္ဓါစင်ဖြူ၊ တာဝန်ယူခဲ့၊ ဇမ္ဗုရန်ကုန်၊ မြို့ဒဂုန်တွင်၊ ၀သုန်မောဠိ၊ အံ့ဘွယ် ရှိသား၊ သီရိမင်္ဂလာ၊ ကုန်းတော်သာဝယ်၊ ကမ္ဘာဧတွင်၊ စေတီယင်၏၊ ၀န်းကျင်အနီး၊ လိုဏ်ဂူကြီး၌၊ ဘုန်းမီး နေလ၊ မြတ်ဗုဒ္ဓ၏၊ ထေရ၀ါဒ၊ ဂိုဏ်းစုံမှလျှင်၊ ရဋ္ဌဂုရု၊ ဘွဲ့သေတ္တုဖြင့်၊ ဂုဏ်ဉပဆောင်စွမ်း၊ အခေါင်လွှမ်းသည့်၊ ညောင်ရမ်းတဆူ၊ ဦးထိပ်မူလျက်၊
ဝိဓူဇာနည်၊ မဟာထည်(ထေရ်)တို့၊ ငါးပြည်ထောင်စုံ၊ ဓမ္မာရုံဖြင့်၊ အာရုံဖြောင့်ဖြောင့်၊ ယွင်းမနှောင့်ပဲ၊ နှစ်ထောင့်ငါးရာ၊ မြတ်သံဃာလျှင်၊ ရွှေဗျာဒိတ်>မက်၊ ဓမ္မစက်ကို၊ ငွေထက္ခရာ၊ စက်အလွှာ၌၊ ကောင်းစွာပိုင်ပိုင်၊ ၂-နှစ်တိုင်အောင်၊ သံဉပိင်ညီမျှ၊ ရွတ်တင်ကြသည်၊ ဆဋ္ဌသံဂါယနာတည့်လေး၊ သူတော်ကောင်းဖေါ်ရွေ့့့့ မင်းချင်းတို့လေ။
ရွှေကွန်းထိပ်တင်ရေးသည်။ (မန္တလေး သာသနာဝင်ကျမ်း၊ မိုးကောင်း သာသနာဝင်မှ။)
သင်္ဂြိုဟ်ခြင်းမျိုး ၃-ပါး။ ။ လူ, ရှင်, ရဟန်းတို့ ကွယ်လွန် အနိစ္စရောက်သောအခါ သင်္ဂြိုဟ်
ရခြင်းမျိုး ၃-ပါး။
(၁) ဘူမိ ဈာပန- မြေမြုပ် သင်္ဂြိုဟ်ရခြင်း၊
(၂) အဂ္ဂိ ဈာပန- မီးဖုတ်သင်္ဂြိုဟ်ရခြင်း၊
(၃) ဥဒက ဈာပန-ရေမျှောသင်္ဂြိုဟ်ရခြင်း၊ (ဈာပနသာဖြစ်၏ သင်္ဂြိုဟ်မဟုတ်ပေ။)
သင့်တင့်လျောက်ပတ်အရပ် ၆-ပါး။ ။ ၎င်းင်းကို(ဧကမန္တာ၊ သင့်လျော်ရာ၊ ၆-ဖြာ အရပ်မျိုး)၌ရှုပါ။
သင်္ဘောသူကြီးအင်္ဂါ ၉-ပါး။ ။ ဤ၌ အင်္ဂါ ၉-ပါးဟု အတိအကျ မယူသင့်၊ တွေ့လည်း မတွေ့ဘူးသေးပေ၊ ထိုကြောင့် ရှေးပညာရှင်တို့ ဆုံးမသင်ကြားချက်လာ အာစရိယ ၀ါဒဖြင့်သာ ဖြေကြားလိုက်သည်။လေရိပ်မိုဃ်းသက်၊ရေတက်၊ရေကျ တွေးဆ နက်တိမ်၊ ကွေ့လိမ်ခုတ်မောင်း၊ ရေကြောင်းနှံ့စပ်၊ လမ်းဖြတ်လမ်းကူး၊ ကျွန်းဦးကျောက်ဆောင်၊ သဲသောင်စည်းငူ၊ ပင်လယ်ဆူနှင့်၊ ရေဖြူ ရေနီ၊ တလီ ရေညို၊ ထိုထို ရေစိမ်း၊ ခပ်သိမ်းဖွေနည်၊ သိနားလည်မှ၊ ထိုဤ လှေဖေါင်၊ သင်္ဘောဆောင်၌၊ ကောင်းအောင် ဥာဏ်ချိန်၊ မာလိမ် တသီး၊ လှေသူကြီးရာ၊ ခံထိုက်စွာသည်၊ မဟာရေတပ် ပဲ့နင်းတည်း။
သစ်ကြီး ၇-ပင်။ ။ ၀ိသုဒ္ဓိမဂ်။ ပ-အုပ်၊ ၂၀၀-နှင် စူဠနိဒ္ဒေသ ။ဋ္ဌ။ ၃၉-စသည်တို့၌ ထင်ရှား၍ တကမ္ဘာပတ်လုံး တည်နေနိုင်သော သစ်ပင်ကြီးများဟူ၏။
(၁) ပါဋလိ အသုရာနဉ္စ- အသူရာပြည်၌ သခွတ်ပင်၊
(၂) သုဗဏ္ဏာနဉ္စ သိပ္ပလိ- ဂဠုန်ပြည်၌ လက်ပံပင်၊
(၃) ဇမ္ဗူ ဣဓ မနုဿာနံ- တောင်ကျွန်း လူ့ပြည်၌ ဇမ္ဗူ့သပြေပင်၊
(၄) ဒေ၀ါနံ ပါရိဆတ္တကော- တာဝတိံသာ၌ ပင်လယ်ကသစ်ပင်၊
(၅) ကဒမ္ဗော အပရဂေါယာနေ- အနောက်ကျွန်း၌ ထိန်ပင်၊
(၆) ကပ္ပရုက္ခောစဥတ္တရေ- မြောက်ကျွန်း၌ ပဒေသာပင်၊
(၇) ပုဗ္ဗ၀ိဒေဟေ သီရိသော- အရှေ့ကျွန်း၌ ကုက္ကိုပင်၊
ကပ္ပဋ္ဌာယီ ဣမေမတာ- ဤသစ်ပင်ကြီးတို့ကား ကမ္ဘာတည်သည် ဟုသိ။
သစ္စာအနက် ၁၆-ချက်။ ။ သမ္မောဟ၀ိနောဒနီ ။ဋ္ဌ။ ၇၈။ သစ္စာလေးပါးတွင် တပါးတပါး၌ မိမိပင်ကိုယ်သဘောအရ ထင်ရှားအနက်နှင့် အခြားသစ္စာသုံးပါးကို ထောက်တား၍ ထင်ရှားသောအနက်ဟု ၄-ချက်စီ ရနိုင်သောကြောင့် "သစ္စာအနက် ၁၆-ချက်"ဟု ဝေါဟာရစကား ဖြစ်ပွား၍လာလေသည်။
(က) ဒုက္ခ သစ္စာ၏ အနက် ၄-ချက်။
(၁)ပိဠနဠော- မိမိကိန်းရာ၊သတ္တ၀ါဝယ်၊ သုံးဖြာဒုက္ခ၊ ဖြစ်ပေါ်ကြလျက်၊ ဒုက္ခဖြတ်ရိတ်၊ ကြောင်းနိမိတ်ဖြင့်၊ ကြိတ်ကြိတ်နင်းနင်း၊ နှိပ်စက်ခြင်း အနက်သဘောလည်းတပါး၊
(၂) သင်္ခတဋ္ဌော- သုမုဒယဟိတ်၊ ကြောင်းမဆိတ်သဖြင့်၊ကံ စိတ် ဥတု၊ ဟာရစုတို့၊ အမှုတည်ထွင်၊ ပြုစီရင်သော အနက်သဘောလည်း တပါး၊
(၃) သန္တာပဋ္ဌော- မဂ်မြတ်ရေစင်၊ နှိုင်းစာလျှင်သော်၊ ပူပင်ပြင်းပြ၊ လောင်ကျွမ်းရခြင်း အနက်သဘောလည်းတပါး၊
(၄) ၀ိပရိဏာပဋ္ဌော- နိဗ္ဗာန်နန်းသာ၊ စခန်းကွာအောင်၊ဇရာ မရဏ၊ နှစ်ဌာနဖြင့်၊ ကာလအရှည်၊ မတည်နိုင်ဘဲ၊ ယိုင်လဲဖောက်ပြန်ရခြင်း အနက်သဘောလည်းတပါး။
(ခ) သမုဒယ သစ္စာ၏၊ အနက် ၄-ချက်။
(၁) အာယူ ဟနဋ္ဌော-လောကီအာရုံ၊ အဖုံဖုံဝယ်၊ ခုံမင်ပြန့်မှု၊ ဒုက္ခထုကို၊ လုရက်ကြိုးစားပေါင်း စုခြင်းအနက် သဘောလည်း တပါး၊
(၂) နိဒါန်နဋ္ဌော- ဒုက္ခချင်းစပ်၊ မကင်းလပ်အောင်၊ နှင်းအပ်သည့်အနေ ဖြစ်စေခြင်းအနက်သ ဘောလည်းတပါး၊
(၃) သံယောဂဋ္ဌော- ၀ဋ်ဒုက္ခမှ၊ မလွတ်ရအောင်၊ဖွဲ့နှောင်မြှေးရှက်ခြင်း အနက်သဘောလည်း တပါး၊
(၄)ပလိဗောဓဋ္ဌော- ၀ဋ်မှထွက်သွား၊ မဂ်ရထားကို၊ ဖျက်ထားကန့်ကွက်၊ နှောင့်ရှက်ခြင်း အနက်သဘောလည်း တပါး။
(ဂ) နိရောဓသစ္စာ၏ အနက် ၄-ချက်။
(၁) နိဿရဏဋ္ဌော- ဒုက္ခဖန်ခါ၊သံသရာမှ၊ ခန္ဓာဓာတ်သိမ်း၊ လွတ်ငြိမ်းထွက်မြောက်ခြင်း အနက်သဘောလည်း တပါး၊
(၂) ၀ိဝေကဋ္ဌော- တဏှာအပေါင်း၊ တွယ်တာကြောင်းမှ၊ ကောင်းကောင်းလွတ်ကင်း၊ ဆိတ်ငြိမ်ခြင်း အနက်သဘောလည်းတပါး၊
(၃) အသင်္ခတဋ္ဌော- ကံ စိတ် ဥ ဟာ၊ ကြောင်းများစွာတို့၊ ဘဟာတခု၊ မဉပမပြင်၊ မစီရင်လျင်း၊ အကြောင်းကင်းသော
အနက်သဘောလည်း တပါး၊
(၄)အမတဋ္ဌော နကိုယ်အနေ၊အိုသေမရှိ၊ ပကတိခိုင်မြဲသော အနက်သဘောလည်း တပါး။
(ဃ) မဂ္ဂသစ္စာ၏ အနက် ၄-ချက်။
(၁) နိယျာနဋ္ဌော- သံသရာဒုက္ခ၊ ရှုပ်သမျှမှ၊ မုချထွက်ကြောင်းဖြစ်သော အနက်သဘောလည်း တပါး၊
(၂) ဟေတွဋ္ဌော-နိဗ္ဗာနဓာတ်၊ အမြိုက်ရပ်သို့၊ ဆိုက်ကပ်ရန်အကြောင်း အနက်သဘောလည်း တပါး၊
(၃) ဒဿနဋ္ဌော- သစ္စာလေးတန်၊ မြိုက်နိဗ္ဗာန်ကို၊ အမှန်ထင်လင်း၊ မြင်နိုင်ခြင်း အနက်သဘောလည်း တပါး၊
(၄) အဓိပတေယျဋ္ဌော-လေးတန်းသစ္စာ၊ မြင်ဘို့ရာနှင့်၊ ကိလေသာမီး၊ အပူကြီးကို၊ အပြီးငြိမ်းမှု၊ ကိစ္စစုဝယ်၊ ချယ်လှယ်လွှမ်းမိုး၊ အုပ်စိုးနိုင်ခြင်း အနက်သဘော လည်းတပါး။
သစ္စာတရား ၂-မျိုး။ ။ သုတ်သီလက္ခန် ။ဋ္ဌ။ ၃၁၆။ အမှန်မူဟု ယူဆရမည့်တရား ၂-ပါး။
(၁) သမုတိသစ္စာ- လောက ဝေါဟာရအားဖြင့် ခေါ်ဝေါ်ပညတ်ကြသော အမိ, အဖ, ယောက်ျား, မိန်းမ, လူ, နတ် စသည်၊
(၂) ပရမတ္ထသစ္စာ- မဖောက်မပြန် မှန်ကန်သော ပရမတ္ထသဘောတရား ဟူသမျှ။
သစ္စာတရား မျိုး ၄-ပါး။ ။ သစ္စယမိုက်၊ ပ-အုပ် ။ပါ။ ၂၀၅ ။ဋ္ဌ။ ၃၁၀-၌အကျယ်ရှု။ အမှန်သိအပ်သော တရား ၄-ပါး။ (၁) ဒုက္ခသစ္စာ- တဏှာလောဘကြောင့်ဖြစ်သော တေဘုမ္မက ၀ဋ်ဆင်းရဲစု အကျိုးတရားများ၊
(၂) သမုဒယ သစ္စာ- တေဘုမ္မက၀ဋ်ဒုက္ခတို့ ဖြစ်ကြောင်းဖြစ်သော တဏှာလောဘ၊
(၃) နိရောဓသစ္စာ- ဆင်းရဲအပေါင်းတို့၏ ချုပ်ငြိမ်းကင်းပြတ်ရာ မဂ္ဂသစ္စာ၏ အကျိုးဖြစ်သော နိဗ္ဗာန်၊
(၄) မဂ္ဂသစ္စာ- နိဗ္ဗာန်သို့ရောက်ကြောင်း တရားလမ်းကောင်းဖြစ်သော မဂ္ဂင်ရှစ်ပါး။
သစ်ပင်မျိုး ၄-ပါးနှင့် ပရိသတ် ၄-ပါး။ ။ သစ်ပင်မျိုး ၄-ပါးနှင့် ပရိသတ်၎-ပါးကို ဥပမာထား၍ ပြခြင်း။
(၁) ဖေဂ္ဂု သာရ ပရိဝါရော- မိမိကိုယ်တိုင်အနှစ်မရှိသော တောစိုး သစ်ပင်ကြီးသည် အနှစ်ရှိသော သစ်ပင်အပေါင်းတို့၏ အလယ်၌ တင့်တယ် နေရသလို၊ သီလမရှိသောပုဂ္ဂိုလ်အား သီလအကျင့်ရှိသော ပရိသတ်က ၀န်းရံနေသကဲ့သို့ သိ၊
(၂) သာရော ဖေဂ္ဂု ပရိဝါရော- အနှစ်မရှိသော လက်ပံပင် စသည်တို့ဖြင့် ၀န်းရံခနေသော အနှစ်ရှိသည့် ကျွန်းပင်ကြီးမျိုးလို၊
(၃) ဖေဂ္ဂု ဖေဂ္ဂု ပရိဝါရော- အနှစ်မဲ့သော လက်ပံပင် စသည်တို့ ၀န်းရံခနေသော အနှစ်မရှိသည့် ပညောင်ပင်ကြီးမျိုးလို၊
(၄) သာရော သာရ ပရိဝါရော- ပျဉ်းကတိုးပင် အပေါင်းတို့ ၀န်းရံပေါက်နေသော ကျွန်းပင်ကြီးမျိုးလို သီလအကျင့်ရှိသော ပုဂ္ဂိုလ်အား အကျင့်သီလရှိသော ပရိသတ်က ၀န်းရံခနေသကဲ့သို့ သိ။