သံအမတ် အင်္ဂါ ၈-ပါး။ ။ ၎င်းင်း သရုပ်ကို (တမန်တော်အင်္ဂါ ၈-ပါး)၌ပြခဲ့ပြီ။
သံဂါယနာ ၆-တန်။ ။ ၎င်းင်း သရုပ်အကျယ်(သင်္ဂါယနာ ၆-တန်)မှာ ဆိုအံ့။
သံဃာတော် ၂-မျိုး။ ။ ဇာတ်အားဖြင့် ကွဲပြားသော သံဃာတော်မျိုး၂-ပါး။
(၁) အရိယာ သံဃာ၊ သို့မဟုတ် ပရမတ္ထ သံဃာတော်ခေါ် အရိယာဇာတ်ဝင် သူတော်စင်များ၊
(၂) သမ္မုတိသံဃာ- ထိုအရိယာသံဃာအနွယ်တော်မှဆင်းသက် ပေါက်ပွားလာသော သံဃာတော်ဟုအသိအမှတ်ပြုခံရသည့် ပုထုဇဉ်သံဃာတော်များ။
သံဃာတော် ၂-မျိုး၊ တနည်း။ ။ ဥဘတော သံဃာခေါ် သံဃာ ၂-မျိုး။
(၁) ဘိက္ခုသံဃာ- ရဟန်းယောက်ျားများ၊
(၂) ဘိက္ခုနီသံဃာ- ရဟန်မိန်းမများ။
သံဃာတော်မျိုး ၉-ပါး။ ။ အရိယာ သံဃာတော်မြတ် ရှစ်ပါးနှင့် ၎င်းင်းတို့မှဆက်သွယ်
လာသော ယခုလက်ရှိ သမ္မုတိ သံဃာတော်ကို ပေါင်းသော်သံဃာတော်မျိုး ၉-ပါး ဖြစ်၏။
သံဃာကွဲပြားခြင်း အကြောင်း ၁၈-ပါး။ ။ သံဃာ ကွဲပြားအောင်လုပ်ခြင်း သံဃဘေဒက ကံကြီးများ မထိုက်ရအောင် သတိထားစရာ။ အကျယ်ဝိနည်းမဟာဝါ။ပါ။ ၅၀၁။ဋ္ဌ။ ၄၃၅-၌ ရှုပါ။
သံဃာတော်များ၊ ဆွမ်းကပ်ငြား၊ ၅-ပါး အင်္ဂါသိ။ ။ ၎င်းင်းသရုပ်ကို (ဆွမ်းကပ်သူများ၊ သထိထား၊ ၅-ပါး အင်္ဂါသိ)ဟူသော အမေး၌ ဆိုခဲ့ပြီ။
သံဃာ့ဂုဏ်တော် ၉-ပါး။ ။ သံဃဂုဏော အနန္တောဟု ထိုထိုပါဠိ လာရှိကြသော်လည်း
အများသိ၍ ထင်ရှားသော ဂုဏ်တော်ကိုးပါးကိုသာ ဖေါ်ပြထားသည်။
(၁)သုပ္ပဋိပန္န ဂုဏ်တော်- သိက္ခာသုံးရပ် အကျင့်မြတ်နှင့်ပြည့်စုံသော ဂုဏ်၊
(၂) ဥဇုပ္ပဋိပန္န ဂုဏ်တော်- သိက္ခာသုံးရပ် လွန်ဖြောင့်မတ်စွာ ကျင့်ကြံအားထုတ်တော်မူသောဂုဏ်၊
(၃) ဥာယပ္ပဋိပန္နဂုဏ်တော်- နိဗ္ဗာန်သို့ ရည်မှန်း၍ သုံးလမ်းသော သိက္ခာတို့ကို ဆောက်တည်တော်မူသော ဂုဏ်၊
(၄) သာမိစိပ္ပဋိပန္န ဂုဏ်တော်- လူနတ်ဦးခိုက် ရိုသေထိုက်အောင် ကျင့်ဆောင်တော်မူသော ဂုဏ်၊
(၅) အာဟုနေယျ ဂုဏ်တော်- ဧည့်သည်တော်များအား ရည်စူးထားသော လှူဘွယ်ဝတ္ထုတို့ကို ခံယူခြင်းငှါ ထိုက်သောဂုဏ်၊
(၆) ပါဟုနေယျ ဂုဏ်တော်- လက်ဆောင် ပေးရန်ယူလာသည့်မွန်မြတ်သော ၀တ္ထုကိုလည်း ခံယူခြင်းငှါ ထိုက်သော ဂုဏ်၊
(၇) ဒက္ခိဏေယျ ဂုဏ်တော်- မွန်မြတ်ကြီးကျယ်သော အလှူတော်များကိုခံယူခြင်းငှါ ထိုက်သော သီလ သမာဓိ ပညာဂုဏ်တို့နှင့် ပြည့်စုံတော်မူခြင်း၊
(၈) အဉ္ဇလီ ကရဏီယ ဂုဏ်တော်- လူနတ်ဗြဟ္မာသတ္တ၀ါတို့၏ တုပ်ကွရိုကျိုး ရှိခိုးခြင်းကို ခံထိုက်သော ဂုဏ်၊
(၉) အနုတ္တရံ ပုညက္ခေတ္တလောကဿ ဂုဏ်တော်- ကုသိုလ်မျိုးမှန် စိုက်ပျိုးရန်အတွက် အဖိုးအနဂ္ဃထိုက်တန်သော လယ်ယာမြေကောင်းနှင့် တူသော ဂုဏ်။
သံဃိကမျိုး ၄-ပါး။ ။ ၀ိနည်းတော်လာ အလှူခံယူသူ ရဟန်းတို့အတွက်ပိုင်ဆိုင် သိမ်းယူနိုင်ခွင့်ကိုစွဲ၍ ခွဲခြားပြသခြင်းဖြစ်သည်။
(၁) သမ္မုခီဘူတ သံဃိက- မြို့တွင်း ရွာတွင်း၌ ရှိနေသော ရဟန်းတို့ထံလာရောက်၍ (သံဃဿ ဒေမ)သံဃာတော်အား လှူပါ၏ဟုဆိုကာပေးလှူသွားလျှင် မျက်မှောက်သံဃာသာ ဆိုင်သည်၊ တမြို့လုံးတရွာလုံးရှိ သံဃာအား လိုက်ဝေနေစရာမလိုပေ ဟူ၏။
(၂) အာရာမဋ္ဌသံဃိက- ကျောင်းတိုက်တွင်းသို့ ၀င်ရောက်၍ တွေ့ရှိသောရဟန်းအား သံဃာတော်အား လှူပါ၏ဟုဆိုလျှင် တတိုက်လုံးရှိသံဃာများနှင့် ဝေခြမ်းယူရမည်။
(၃) စတုဒိသာ သံဃိက- ရဟန်းတပါးတည်း နေသော ကျောင်းတိုက်တွင်းသို့ဝင်၍ များစွာသော ပစ္စည်းတို့ကို သံဃာအားလှူပါ၏ဟုဆို၍ လှူသွားလျှင် ၀ိနည်းတတ်သိသူဖြစ်အံ့၊ ဤကျောင်းတိုက်၌ ငါတပါးတည်းသာရှိ၍ ဤသင်္ကန်းများစွာတို့ကို ငါသာပိုင်၏ဟုနှလုံးသွင်းကာ သိမ်းပိုက်လိုက်လျှင် သူသာပိုင်တော့၏၊ အပြစ်မရှိပေ၊ သို့မဟုတ်ပဲ သံဃိကပစ္စည်းဟု နှလုံးထားကာ ငါမပိုင်ငါမဆိုင်ဟု ယူဆောင်လျက်သွားငြားအံ့ ရောက်ရာ ရောက်ရာ အရပ်တိုင်း၌ သံဃိကဖြစ်၍ ဂတဂတဋ္ဌာနေ- သံဃိက ဖြစ်လေသည်။
(၄) စတုဒိသာ သံဃိက- အလှူပစ္စည်းသည် ဂရုဘဏ်ခေါ် ကျောင်းစသော ပစ္စည်းမျိုးဖြစ်အံ့ ထိုပစ္စည်းမျိုးကို သံဃာအားပေးလှူခဲ့လျှင် မဝေဘန်ကောင်းချေ၊ အရပ်လေးမျက်နှာမှ လာသမျှသောရဟန်းတော်များ ပိုင်ဆိုင်တော်မူကြသည်ဟူ၏။
သံဃိကဒါနမျိုး ၇-ပါး။ ။ ဒက္ခိဏ ၀ိဘင်္ဂသုတ်၌ အရှင်အာနန္ဒာအား ဘုရားဟောတော်
မူသော သံဃဒါန ၇-ပါး ဟူလို၊ ဥပရိပဏ္ဏာသ ပါဠိတော်နှင့်သရတ္ထသင်္ဂဟ အဋ္ဌကထာ။
(၁) ဘုရားအမှူးရှိသော ဘိက္ခုသံဃာ၊ ဘိက္ခုနီသံဃာ၌ လှူခြင်း၊
(၂) ဘိက္ခုသံဃာ ဘိက္ခုနီသံဃာ၌ လှူခြင်း၊
(၃) ဘိက္ခုသံဃာ၌ လှူခြင်း၊
(၄) ဘိက္ခုနီသံဃာ၌ လှူခြင်း၊
(၅) ဤမျှလောက်သော ရဟန်းယောက်ျား ရဟန်းမိန်းမတို့ကို အကျွန်ုပ်အားသံဃာထဲမှ ခွဲပေးပါဟု လျှောက်ထား၍ လှူခြင်း၊
(၆) ဤမျှလောက်သော ရဟန်းယောက်ျားတို့ကို အကျွန်ုပ်အား သံဃာထဲမှ ခွဲပေးပါဟုလျှောက်ထား၍ လှူခြင်း၊
(၇) ဤမျှလောက်သော ရဟန်းမိန်းမတို့ကိုအကျွန်ုပ်အား သံဃာထဲမှ ခွဲပေးပါဟု လျှောက်ထား၍ လှူခြင်း။
သံတမန်၏ အင်္ဂါ ၆-ပါး။ ။ တိုင်းတပါး၌ ဘုရင့်ကိုယ်စား ခန့်ထားအပ်သော သံကြီး တမန်ကြီးတို့၌အသင့် ရှိထားရမည့် အင်္ဂါ ၆-ပါး။
(၁) ပည၀ါ-ပညာညဏ်ရှိခြင်း၊
(၂) ၀ါကျဆေက-စကားတတ်ရခြင်း၊
(၃) သူရ-ရဲရင့်သတ္တိရှိရခြင်း၊
(၄) ပရစိတ္တဇာန- သူတပါးစိတ်ထားကို သိတတ်ရခြင်း၊
(၅) ဒန္တ-ယဉ်ကျေး သိမ်မွေ့ရခြင်း၊
(၆) ပဋိဝါကျ- သူဆိုတင်သောစကားကို ပြန်လည်ချေဆိုနိုင်ရခြင်း။
သံတမန် အင်္ဂါ ၈-ပါး၊ တနည်း။ ။ ၎င်းင်း သရုပ်ကို (တမန်တော် အင်္ဂါ၈-ပါး)၌ ဆိုခဲ့ပြီ။
သံတမန်မျိုး ၅-ပါး။ ။ အရေးပေါ် စေလွှတ်အပ်သော သံတမန်မျိုး ၅-ပါး။
(၁) စေတမန်- ဘုရင်မင်းတို့ မှာတိုင်း ဆိုသူ၊
(၂) တန်ဆေး- မင်းနှစ်ပါးတို့ကို သင့်အောင် ဆိုသူ၊
(၃) သုံ့သေး- စကား အသွား အလာကိုထောက်၍ မယုတ်မလွန်ဆိုသူ၊
(၄) သံ- လိုသောအချက်ကို တောင်းလာသူ၊
(၅) မင်းစေ- မှာတိုင်းဆို၍ စေဖက်ရမှ သွားသောသူ။
သံဒိဋ္ဌိက နိဗ္ဗာန်မျိုး ၁၉-ပါး။ ။ ၎င်းင်းသရုပ်ကို (ဒိဋ္ဌဓမ္မနိဗ္ဗာန်)၌ ဆိုခဲ့ပြီ။
သံဖိုခေါ်ငြား၊ ဂီတသွား၊ ထင်ရှား ၁၈-ဖြာ။ ။ ၎င်းင်းသရုပ် အဓိပ္ပါယ်(နိမ့်သံ ၁၈-ပါး)နှင့် တူ၏။
သံဘောဂမျိုး ၂-ပါး။ ။ ရဟန်းရှင်လူတို့ ပေါင်းသင်းဆက်ဆံမှုမျိုး ၂-ပါး။
(၁) ပစ္စယ သံဘောဂ- ပစ္စည်းဥစ္စာ အသုံးအဆောင် အားဖြင့် တဦးနှင့်တဦး လဲလှယ် ဖလယ်ခြင်း, တဦး ပစ္စည်းကို တဦး သုံးဆောင်ခြင်း,အတူတူသုံးဆောင်ခြင်း စသည်ဖြင့် ဆက်ဆံမှု၊မိတ်ဆက်သဘင် ဆင်ယင်မှုစသည်မျိုး၊
(၂)ဓမ္မ သံဘောဂ- ရဟန်းသံဃာတော်တို့ ဥပုသ် ပ၀ါရဏာအတူပြုခြင်း, ရဟန်းခံစသည်၌ သိမ်အတူ ၀င်ခြင်း, ပရိတ် အတူ ရွတ်ခြင်းစသည်ဖြင့် ပေါင်းသင်းဆက်ဆံမှု။လူတို့ ပရိတ်တရား အတူနာယူခြင်း, ဘုရားဖူး အတူသွားခြင်း စသည်မျိုး။
သံမ ကဗျာ၊ ၁၈-ဖြာ၊ ဂီတာ အဘယ်နည်း?။ ။ ၎င်းင်း သရုပ် အဓိပ္ပါယ် (ဘယ်သံ ၁၈-ပါး)နှင့် တူ၏။
သံမှန်ရပ်ဖြတ်၊ ရွတ်ဆိုအပ်၊ ၁၀-ရပ်ကဗျာ အဘယ်နည်း?။ ။ ၎င်းင်းသရုပ်ကို (တိုင်သံ ၁၀-ပါး)၌ ရှုပါ။
သံယုတ္တနိကာယ် ၅-ကျမ်း။ ။ ၎င်းင်းသရုပ်ကို (နိကာယ် ၅-ရပ် «ဂ» ပိုဒ်မှာ) ကြည့်ပါ။
သံယောဇဉ် ၂-မျိုး။ ။ သံယောဇဉ် ၁၀-ပါးကို ဤသို့ အောက် ကာမ၊ အထက် ရူပ အားဖြင့် ၂-ပါး ခွဲယူကြသေး၏။
(၁) သြရမ္ဘာဂိယ သံယောဇဉ်- အောက်ကာမဘုံ အတွက် ဖြစ်သော သံယောဇဉ် ငါးပါး၊
ကာမရာဂ, ပဋိဃ, သီလဗ္ဗတ, ဒိဋ္ဌိ, ၀ိစိကိစ္ဆာ၊
(၂) ဥဒ္ဓံဘာဂိယ သံယောဇဉ်- အထက် ဗြဟ္မာဘုံ အတွက် ဖြစ်သော သံယောဇဉ် ငါးပါး၊
ရူပရာဂ, အရူပရာဂ, မာန, ဥဒ္ဓစ္စ, အ၀ိဇ္ဇာ။
သံယောဇဉ် ၁၀-ပါး။ ။ ဓမ္မသင်္ဂဏီ။ပါ။ ၂၂၄။ဋ္ဌ။ ၄၀၃-၌ အကျယ်ရှုပါ။ သတ္တ၀ါအပေါင်းတို့
အား ထိုထိုဘ၀မှ မလွတ်ရအောင် တုပ်နှောင်ဖွဲ့ချည်ထားတတ်သော တရားဆယ်ပါး။
(၁) ကာမရာဂ သံယောဇဉ်- ကာမတဏှာ လောဘ။
ရူပရာဂ သံယောဇဉ်- ရူပတဏှာ။
အရူပရာဂ သံယောဇဉ်- အရူပတဏှာ။
ပဋိဃ သံယောဇဉ်- ဒေါသစေတသိက်။
ဒိဠိ သံယောဇဉ်- ဒိဋ္ဌိစေတသိက်။
မာန သံယောဇဉ်- မာနစေတသိက်။
သီလဗ္ဗတ ပရာမာသ သံယောဇဉ်- ဒိဋ္ဌိစေတသိက်။
ဝိစိကိစ္ဆာ သံယောဇဉ်- ၀ိစိကိစ္ဆာစေတသိက်။
ဥဒ္ဓစ္စ သံယောဇဉ်- ဥဒ္ဓစ္စ စေတသိက်။
အ၀ိဇ္ဇာ သံယောဇဉ်- မောဟစေတသိက် (၁၀)။
သံရိုးပိုင်းခြား၊ သီဆိုငြား၊ ၃-ပါး ၀ါဂီနစ်။ ။ မြန်မာတို့၏ ဂီတနယ်၌
(ကြိုးသီချင်း, ဘွဲ့သီချင်း, သီချင်းခံ) ၎င်းင်း ၃-မျိုးကို 'သံရိုးပိုင်း'ဟု ခြားနား ခေါ်ဆိုကြ၏။
သံလတ်ခေါ်ငြား၊ ဆိုတေးသွား၊ ၁၀-ပါး အဘယ်နည်း?။ ။ ၎င်းင်းသရုပ် (တိုင်သံ ၁၀-ပါး) နှင့် တူ၏။
သံလေခိတဗ္ဗတရား ၄၄-ပါး။ ။ ကိုယ့်သန္တာန်မှ ပယ်ရှားစွန့်ဖြတ်အပ်သော အကုသိုလ်တရားစုများ လေးဆယ့်လေးပါး၊ ဤ၌ ခက်မည်ထင်သော အရာကိုသာ ဖြေရှင်းသွားမည်။
(၁) ၀ိဟိံ သက- ညှဉ်းဆဲနှိပ်စက်မှု၊ ပါဏာတိပါတ၊ အဒိန္နာဒါန၊ အဗြဟ္မစရိယ၊ မုသာဝါဒ၊
ပိသုန၀ါစာ၊ ဖရုသ၀ါစာ၊ သမ္ဖပ္ပလာပ၊ အဘိဇ္ဈာ၊ ဗျာပါဒ (၁၀)၊
မိစ္ဆာဒိဋ္ဌိ- အယူမှားကို ယူနေခြင်း၊ မိစ္ဆာသင်္ကပ္ပ- မကောင်းသော အကြံဟူသမျှ၊ မိစ္ဆာဝါစာ၊ မိစ္ဆာကမ္မန္တ၊ မိစ္ဆာအာဇီဝ၊
မိစ္ဆာဝါယာမ၊ မိစ္ဆာဥာဏီ- မကောင်းမှုကို ကောင်းမှုထင်မှတ်နေခြင်း မောဟ၊
မိစ္ဆာဝိမုတ္တိ- သံသရာမှ လွတ်ကြောင်း မဟုတ်သောတရားစု၊ ထိနမိဒ္ဓ ပရိယဋ္ဌိတ၊ ဥဒ္ဓစ္စ၊ (၂၀)၊
ဝိစိကိစ္ဆာ၊ ကောဓ- အမျက်ထွက်ခြင်း၊ ဥပနာဟ- ရန်ငြိုးဖွဲ့ခြင်း၊ မက္ခိ- ကျေးဇူးမသိတတ်မှု၊
ပဠာသိ- ဂုဏ်ပြိုင်မှု၊ ဣဿာ၊ မစ္ဆရိယ၊ မာယာ၊ သာဌေယျ- စဉ်းလဲခြင်း၊ ထဒ္ဓ- ခက်ထန်မှု၊ (၃၀)၊
အတိမာန- အလွန်မာနကြီးခြင်း၊ ဒုဗ္ဗစ- ဆိုဆုံးမ ခက်မှု၊ ပါပမိတ္တ၊ ပမတ္တ- ကောင်းမှု၌ မေ့ပေါ့ခြင်း၊ အသဒ္ဓ၊
အဟိရီက၊ အနောတ္တပ္ပ၊ အပ္ပသုတ၊ ကုသိတ- အပျင်းထူခြင်း၊ မုဋ္ဌဿတိ- သတိပျက်မှု၊ (၄၀)၊
ဒုပ္ပညာ၊ သန္ဒိဋ္ဌိ ပရာမာသီ- အမှားယူမှု၊ အာဒါနဂ္ဂါဟီ- အမှားကို စွဲနေမှု၊
ဒုပ္ပဋိနိဿဂ္ဂိ- မှားကြောင်းဟောပြသော်လည်း မစွန့်နိုင်မှု၊ (၄၄)။
သံဝဋ္ဋကပ်မျိုး ၃-ပါး။ ။ ကမ္ဘာခေါ်ကပ္ပါကို ဖျက်ဆီးခြင်း ၃-မျိုး၊ စတုကင်္ဂုတ္တရ။ဋ္ဌ။ ၃၄၀-၌ အကျယ်ရှု။
(၁) အာပေါသံဝဋ္ဋကပ်- ရေဖြင့်ဖျက်ဆီးခြင်း၊
(၂) တေဇောသံဝဋ္ဋကပ်- မီးဖြင့်ဖျက်ဆီးခြင်း၊
(၃) ၀ါယောသံဝဋ္ဋကပ်- လေတိုက်၍ ဖျက်ဆီးခြင်းခံရသော ကမ္ဘာ။
သံဝရ၀ိနည်းမျိုး ၅-ပါး။ ။ စောင့်စည်း ထိန်းသိမ်းမှု တရား ၅-ပါး၊ သံဝရ၀ိနယောပိ ဟိ၊
(၁) သီလ သံဝရော၊
(၂) သတိ သံဝရော၊
(၃) ဥာဏသံဝရော၊
(၄) ခန္တီ သံဝရော၊
(၅) ၀ီရိယ သံဝရောတိ
ပဉ္စ၀ိဓော၊ သုတ္တနိပါတ အဋ္ဌကာထာ ဥရဂ၀ဂ္ဂ။ အနက်အဓိပ္ပါယ်လွယ်ပြီ။
သံဝေဂတရားမျိုး ၄-ပါး။ ။ သံသရာမှ ထိတ်လန့် ကြောက်ရွံ့ခြင်းမျိုး၎-ပါး။
(၁) စိတ္တုတြာသ သံဝေဂ- ကြောက်မက်ဖွယ် အာရုံနှင့် တွေ့ကြုံသောအခါ စိတ်၏ ထိတ်လန့်ခြင်းမျိုး၊
(၂) ဥာဏ သံဝေဂ- ပဋိသန္ဓေနေရခြင်းစသည်တို့ကို ဥာဏ်အားဖြင့်ရှု၍ ထိတ်လန့်ခြင်း၊
(၃) သြတ္တပ္ပသံဝေဂ- မကောင်းမှုမှ ကြောက် ထိတ်လန့်ခြင်းမျိုး၊
(၄) ဓမ္မ သဝေဂ- ရုပ်နာမ်ဓမ္မ သင်္ခါရတို့မှ ထိတ်လန့်ခြင်းမျိုး။
သံဝေဂ၀တ္ထုမျိုး ၈-ပါး။ ။ မူလပဏ္ဏာသ ။ဋ္ဌ။ ပ-အုပ်။ ၃၀၂။ ထိတ်လန့်ဖွယ်ရာ ၀တ္ထုများ။
(၁) ပဋိသန္ဓေနေရခြင်း ဆင်းရဲ၊
(၂) အိုရခြင်းဆင်းရဲ၊
(၃) နာရခြင်း ဆင်းရဲ၊
(၄) သေရခြင်း ဆင်းရဲ၊
(၅) ငရဲဘုံ၌ခံရခြင်း ဆင်းရဲခြင်း၊
(၆) ပြိတ္တာဘုံ၌ ခံရခြင်း ဆင်းရဲ၊
(၇) အသူရကာယ်ဘုံ၌ခံရခြင်း ဆင်းရဲ၊
(၈) တိရစ္ဆာန်ဘုံ၌ ခံရခြင်းဆင်းရဲ။
သံဝေဂ ၀တ္ထုမျိုး ၈-ပါး၊ တနည်း။ ။ သုတ်မဟာဝါ အဋ္ဌကထာ။
(၁) ပဋိသန္ဓေ နေရခြင်း ဆင်းရဲ၊
(၂) အိုရခြင်း ဆင်းရဲ၊
(၃) နာခြင်းဆင်းရဲ၊
(၄) သေရခြင်း ဆင်းရဲ၊
(၅) အပါယ်၎-ဘုံ၌ခံရခြင်း ဆင်းရဲ၊
(၆) အတိတ်ဘ၀၌ ခံခဲ့ရသောဆင်းရဲ၊
(၇) အနာဂတ် ဘ၀၌ ခံရလတ္တံသော ဆင်းရဲ၊
(၈) ယခုမျက်မှောက်ဘ၀၌ အာဟာရကို ရှာမှီးရသော ဆင်းရဲ။
သံဝေဇနိယ ဌာနကြီး ၄-ပါး။ ။
မြတ်စွာဘုရားသခင် ဖွားမြင်တော်မူရာဌာန။
ဘုရားဖြစ်ရာ မဟာဗောဓိပင်ဌာန။
တရားဦး ဓမ္မစကြာ ဟောရာမိဂဒါဝုန် ဌာန။
ပရိနိဗ္ဗာန်စံရာ ကုသိနာရုံ ဌာန။
ဤ ၄-ဌာနကား ဘုရားဖူးလာသူ အမျိုးသားတို့ ဓမ္မသံဝေဂဖြစ်ခါ နတ်ရွာသုဂတိသို့ လားရောက်စေတတ်သော ဌာနထူးများ ဟူ၏။
သံသဂ္ဂမျိုး ၅-ပါး။ ။ မူလပဏ္ဏာသ ။ပါ။ ၁၁၉ ။ဋ္ဌ။ ဒု-အုပ်၊ ၅၀-၌အကျယ်ရှုပါ။
ပေါင်းဖော် ရောရှက်စုံမက် ချစ်ကြိုက် နေခြင်းမျိုးငါးပါး။ ၎င်းင်းတို့ကို စွဲလမ်း၍ သီလ ညစ်နွမ်းခြင်းများ ဖြစ်တတ်သည်။
(၁) ကာယ သံသဂ္ဂ- ကာယပသာဒချင်း ထိတွေ့မှု၊
(၂) သ၀နသံသဂ္ဂ- သာယာသော အသံကိုကြားမှု၊
(၃) ဒဿန သံသဂ္ဂ- တွေ့မြင်ကြည့်ရှုရမှု၊
(၄) သမုလ္လပန သံသဂ္ဂ- မျက်နှာချင်းပြိုင် ရင်ချင်းဆိုင်၍ မြိုင်မြိုင်ကြီး ပြောဆိုရမှု၊
(၅) ပရိဘောဂ သံသဂ္ဂ- သူ၏ အသုံးအဆောင်ပစ္စည်းကို ကိုင်တွယ်သုံးဆောင်ရမှု။
သံသရာချဲ့ တရား ၃-ပါး။ ။"ပပဉ္စတရား ၃-ပါး" ကိုပင် ပရိယာယ်တမျိုးဖြင့် ခေါ်ဆိုကြသည်၊ သရုပ် အတူတူမှတ်လေ။
« သ »
သက္ကရာဇ် ဦးခေါင်းပိုက် နတ်သ္မီး ၇-ဖော်။ ။ ၎င်းင်းသရုပ်ကား (ဗြဟ္မာမင်းဦးခေါင်းပိုက် နတ်သ္မီး ၇-ပါး)နှင့်တူ၏။
သက္ကရာဇ်မျိုး ၂-ပါး။ ။ မိုးညှင်းမင်းတရား ဖြိုသွားသက္ကရာဇ် မပြိုဖြစ်နေရကား နောက်သား နောင်လာတို့အတွက် အရှည် သက္ကရာဇ်ကတမျိုး၊အတို သက္ကရာဇ်က တဖုံ၊ နှစ်စုံဖြစ်နေ၏။
(၁) ဒီဃ သက္ကရာဇ်- ယခုရောက်ဆဲ သက္ကရာဇ်ကိုခေါ်သည်၊ပုံ-ဤကျမ်းရေးပြုသည့် ၁၃၁၆-ခုနှစ်မျိုး၊
(၂) ရဿ သက္ကရာဇ်- ရောက်ဆဲ ကောဇာသက္ကရာဇ်ထဲ၌"အဌ်နော သတ်"ခေါ် (၇၉၈) နုတ်၍
ကျန်သောသင်္ချာကို ရဿဟု ခေါ်သည်၊ ပုံ-ဒီဃ ၁၃၁၆ - ၇၉၈ = ၅၁၈ ရဿ ခုနှစ် ဖြစ်၏။
သက္ကရာဇ်မျိုး ၂-ပါး၊ တနည်း။ ။
(၁) ကောဇာသက္ကရာဇ်၊ သို့မဟုတ် 'ဂေါဇာသက္ကရာဇ်' ယခုရောက်ဆဲ သက္ကရာဇ်ရှည်ကိုယူ၊
(၂) သာသနာသက္ကရာဇ်-ကောဇာသက္ကရာဇ်ကိုတည်၊ ၁၁၈၂-ခုနှော၊ သာသနာ သက္ကရာဇ် ဖြစ်၏၊
ပုံ ၁၃၁၆ ခု + ၁၁၈၂ = ၂၄၉၈ သည် သာသနာသက္ကရာဇ် ဖြစ်၏၊ ကျက်မှတ်ရန် ဥပဒေသကား"သက္ကကောဇာ၊ တည်ပြီးခါဝယ်၊တစ်တစ်ရှစ်နှစ် (၁,၁,၈,၂) နှောတုံလစ်က၊တိတ်ဖြစ်သာသနာ၊ မှတ်ကြရာ၏"ဟုပညာရှိများ ညွှန်ကြားထား၏။
သက္ကရာဇ်ဖြိုရာ အင်္ဂါ ၃-ပါး။ ။ သက္ကရာဇ်ဖြိုခြင်း ဟူသည်ကား ဂဏန်းသင်္ချာ အရေအတွက်တွေ များလာသည်ကို လွယ်ကူစွာ သိမှတ်နိုင်စေရန်ရည်သန်၍ အသစ်အတို ပြုခြင်းပင် ဖြစ်၏၊ သို့သော် အောက်ပါ အင်္ဂါ၃-ပါးနှင့် ညီညွတ်မှ ဖြိုအပ်သည်၊ဖြိုကောင်းသည်ဟု ပညာရှိတို့ တွက်ကိန်းပုံစံ ထားကြကုန်၏၊ ကံနီ အတွင်းဝန်မင်းကမူ ကိန်းခမ်းညီးအောင်ဖြိုခြင်းသာ လိုရင်းပဓာနမှတ်ဟု ဆိုလေသည်။
(၁) ရောက်ဆဲသက္ကရာဇ်တည်၇-ခုနှင့်စား၊ အကြွင်းမဲ့ပြတ်၊
(၂) ရောက်ဆဲ သက္ကရာဇ်တည် ၁၉-ခုစား၊ အကြွင်းမရှိပြတ်၊
(၃) ရောက်ဆဲသက္ကရာဇ်တည် ၉၅-ခုစား၊ အကြွင်းမရှိပြတ်။
သက္ကရာဇ်ဖြိုမင်း၊ ၇-စင်း၊ ဘယ်မင်းဘယ်ခါ ဖြိုသနည်း?။ ။ ဤ၌ သက္ကရာဇ်ကို ဖြိုသွားကြသောမင်းနှင့် ကိန်းခမ်း ရသေ့ရဟန်း စသည်တို့၏ အမည်များကို ရာဇ၀င် မဟာဝင် သာသနာဝင် ဆရာစဉ်တို့ မှတ်တမ်းမှ သုတေသနဉပ၍ တွေ့ရှိသမျှဖြင့် ထုတ်ပြဖြေကြား သွားသည်၊ အမှားပါဝင်က အမှန်ကို လျင်စွာ ရှာကြပါကုန်။
(၁) အာကာရဋ္ဌမင်းကြီး လက်ထက် ကမ္ဘာဦးကာလမှစ၍ "မဟာသုဒ္ဓ၀ယပ္ပ" ဟူသော ပိဋကသင်္ချာနှင့် အညီ သက္ကရာဇ်(၁၁၄၉၇၈၅) ခုနှစ်တို့ကိုဖြိုခဲ့သည်။ ထိုနောက်-
(၂) ကုသမင်းကြီးလက်ထက်မှာ "နာတိမဇ္ဇလဒ္ဓံဝိယ" ဟူသော ပိဋကသင်္ချာကိန်းခမ်းနှင့်အညီ သက္ကရာဇ် (၁၄၉၃၈၅၀၆)သော ခုနှစ်တို့ကိုဖြိုခဲ့လေသည်။ ၎င်းင်းနောက်-
(၃) ဘိုးတော်အဉ္စနမင်းကြီးသည် ဒေ၀ီလရသေ့နှင့်တိုင်ပင်ကာ "မာဃစန္ဒေ၊ သို့မဟုတ် ဏ၀စန္ဒေ"ဟူသော ပိဋကသင်္ချာကိန်းခမ်းနှင့်အညီ သက္ကရာဇ် (၈၆၄၅) ခုနှစ်တို့ကို ဖြိုခဲ့လေသည်။ ထိုနောက်မြတ်စွာဘုရားသခင် ပရိနိဗ္ဗာန် စံဝင်တော်မူပြီးသောအခါ သာသနာနှင့်ဂေါဇာနှစ် ညီစေရန်-
(၄) အဇာတသတ် မင်းကြီးနှင့် ရှင်မဟာကဿပထေရ် တိုင်ပင်ကာ"ဒေ၀ီယ"ဟူသော ပိဋကသင်္ချာကိန်းနှင့်အညီ သက္ကရာဇ် (၁၄၈)ခုနှစ်တို့ကို ဖြိုလိုက်ပြန်လေသည်။ထိုနောက် ၆၂၄-ခုနှစ်သို့ရောက်သောအခါ-
(၅) သုမုန္ဒရီမင်းကြီးသည် သီရိခေတ္တရာပြည်ကြီး၌ "ဒေါဒေါရသ"ကိန်းခမ်းအရ ၂-ခုကြွင်းထား၍ သက္ကရာဇ်(၆၂၂)နှစ်တို့ကိုဖြိုလိုက်ပြန် လေသည်။ ထိုနောက် ၅၆၂-ခုနှစ်သို့ရောက်ပြန်သောအခါ-
(၆) ပုပ္ပါးစောရဟံ မင်းကြီးသည် ပုဂံပြည်၌"အလံဗိက" ကိန်းကြုံ၍ "ခဆ ပဉ္စန်း"ခေါ် နှစ်ပေါင်း (၅၆၀)တို့ကို ၂-ခုကြွင်းထားလျက်ဖြိုလိုက်ပြန်လေသည်။ ထိုမှနောက် သက္ကရာဇ် (၈၀၀) ခုနှစ်သို့ရောက်သော အခါ-
(၇) မိုးညှင်း မင်းတရားကြီးသည်၊ "အဋ္ဌန၀ သတ္တကိန်း"သို့မဟုတ် "ဗသျှုဆိဒ္ဒမုနိကိန်း"အရ (၇၉၈) ခုနှစ်တို့ကို ဖြိုပြန်သော်လည်း ကိန်းခမ်း မရောက်၍ မပြိုမကြေဟု ပညာရှိတို့ ဆိုကြကုန်၏၊ ထိုနောက်ကား သက္ကရာဇ်ဖြိုမင်း မရှိ မပေါ်သေးပေး။
သက္ကာယဒိဋ္ဌိ ၂၀။ ။ ထင်ရှားရှိနေသော ခန္ဓာ ၅-ပါးကို ငါç ငါ့ဥစ္စာဟုစွဲယူနေခြင်းမျိုး ၂၀-ဟူ၏၊ အကျယ်ကိုမူ မူလပဏ္ဏာသ ။ပါ။ ၃၇၃-၃၇၄။ဋ္ဌ။ ဒု-အုပ်။ ၃၅၈-၃၅၉။ ခန္ဓ၀ဂ္ဂသံယုတ် ။ဋ္ဌ။ ၂၂၉-တို့၌ရှုပါလေ။ဤ၌ မြန်မာလိုအလွယ်ဆုံးနည်းဖြင့် ပြသွားမည်။
ရူပက္ခန္ဓာ၌ (၁) ရုပ်သည်ပင်လျှင် ငါ၊(၂)ငါ သည်ပင်လျှင် ရုပ်၊ (၃) ရုပ်၌ ငါရှိသည်၊ (၄) ငါ၌ ရုပ်ရှိသည်၊
ကျန်ခန္ဓာတို့၌လည်း ဤနည်းအတိုင်း ၄-ပါးစီယူပါ ၂၀ ဖြစ်၏။
ပုံ-ဝေဒနာသည်ပင်လျှင် ငါ၊ ငါသည်ပင်လျှင်ဝေဒနာ၊ ဝေဒနာ၌ ငါ,ရှိသည်၊ ငါ၌ဝေဒနာရှိသည် ဟူ၏၊
သညာ, သင်္ခါရ, ၀ိညာဉ်တို့၌လည်း ဤနည်းအတိုင်းပင် ယူပါလေ။
သက်တန့်အပြား၊ မျိုး ၃-ပါး၊ သိကြား လွှတ်သည့်လေး။ ။ ဣန္ဒဓနု ခေါ် မိုးကောင်း
ကင်မှ ထွက်ပေါ် သောလေးကိုင်းသဏ္ဌာန် သက်တန့်၏ အမည်၃-ပါး၊ ဣန္ဒ-သိကြား၊ ဓနု-လေး။
(၁) စို့- နံနက်ခင်း၌ နေမင်း အရှေ့အရပ်တွင် ရှိနေစဉ် အနောက်အရပ်၌ ပေါ်ထွက် ပေါက်ရှိနေသောသက်တန့်ကို စို့ထွက်သည်ဟု ခေါ်ကြ၏၊
(၂) ကြိတ်- မွန်းတည့်သကဲ့သို့ မိုးကောင်းကင်အလယ်၌ တည်သော သက်တန့်ကိုကြိတ်၊သို့မဟုတ် ကြတ်ထွက်သည်ဟု ခေါ်ကြ၏၊
(၃) သက်တန့်çစက်တန့်- ညချမ်းအခါ အနောက်အရပ်မှာ နေရှိနေခိုက် အရှေ့အရပ်၌ အရောင်ပေါ်သည်ကို သက်တန့်ပေါ်သည်၊ စက်တန့်ထွက်သည်ဟု ခေါ်ကြပြန်၏။
သက်တော်ရှည်ရာသော ကုသိုလ်မျိုး ၆-ပါး။ ။ အသက်ရှည်လိုသူတို့ လိုက်နာဉပကျင့်ရန် ဤခြောက်ပါးသော ကုသိုလ်အထူးကို အားထုတ်၍ သီဟိုဠ်ကျွန်း၌ ၀သဘမင်းကို ၁၂-နှစ် အသက် နေစစ်ရှိသည်ဟု ဗေဒင်ပညာရှိနိမိတ်ဖတ်သူတို့ ဟောလျက် ၄၂-နှစ် တိုင်အောင် နေရဘူးကြောင်းများနှင့် မဟာဝင်ကျမ်းမှာ လာသည်။
(၁) ပရိသ၀န ဒါန- ရေစစ်အလှူ၊
(၂) ဂိလာန ၀တ္ထု ဒါန- သူနာတို့ အဖို့ ဆေးစသော အာဟာရအလှူ၊
(၃) အာဝါသ ဒါန- ကျောင်း, စရပ်အလှူ၊
(၄) ဇိဏ္ဏက ပဋိသင်္ခါရဏ- ဟောင်းနွမ်း ပျက်စီးသော ကျောင်း, စရပ်, စေတီ စသည်ကို ပြင်ဆင်သော ကောင်းမှု၊
(၅) နိစ္စ ဂရုဓမ္မ သီလ- ငါးပါးသီလ အမြဲဆောက်တည်သော ကောင်းမှု၊
(၆) ဥပေါသထ သီလ- ရံခါ ဥပုသ်စောင့်သုံးသောကောင်းမှု။
သက်သံအပြား၊ ၁၈-ပါး၊ ထင်ရှား ကဗျာဝင်။ ။ ၎င်းင်းသရုပ် (ဘယ်သံ၁၈-ပါး)နှင့် တူ၏။
သကဒါဂါမ် ၁၂-ယောက်။ ။ သုတ္တနိပါတ် အဋ္ဌကထာ။ ပ-အုပ်။ ၂၈၂။
ကာမ, ရူပ, အရူပဘုံ၌ ဖြစ်သော သကဒါဂါမ် ၃-ယောက်ကို တည်၊
ပဋိပဒါ ၄-ပါးနှင့် မြှောက် ၁၂-ယောက် ဖြစ်၏။
သကဒါဂါမ် မျိုး ၆-ပါး။ ။ ကာမဘုံ၌ တကြိမ်သာ ပဋိသန္ဓေနေရသူ သို့မဟုတ် မိမိ မဂ် ရရာဘုံ၌ တကြိမ်သာ ပဋိသန္ဓေနေရသူ ၆-ယောက်။
(၁) ဣဓပတွာ ဣဓ ပရိနိဗ္ဗာယီ- ဤလူ့ပြည်၌ သကဒါဂါမ် အဖြစ်သို့ရောက်၍ ဘ၀မခြားဘဲ ရဟန္တာဖြစ်လျက် ပရိနိဗ္ဗာန် စံသူ၊
(၂) ဣဓပတွာ တတ္ထပရိနိဗ္ဗာယီ- လူ့ပြည်၌သကဒါဂါမ်ဖြစ်, ဒုတိယဘ၀နတ်ပြည်၌ ပဋိသန္ဓေနေç ထို၌ပင် ပရိနိဗ္ဗာန်စံ၊
(၃) တတ္တပတွာ တတ္ထ ပရိနိဗ္ဗာယီ- ထိုနတ်ပြည်၌ သကဒါဂါမ်ဖြစ်၊ ထို၌ပင် ရဟန္တာဖြစ် ပရိနိဗ္ဗာန်စံ၊
(၄) တတ္ထပတွာဣဓ ပရိနိဗ္ဗာယီ- နတ်ပြည်၌ သကဒါဂါမ်ဖြစ်, လူ့ပြည်၌ ဒုတိယဘ၀ပဋိသန္ဓေနေ ရဟန္တာဖြစ် ပရိနိဗ္ဗာန်စံ၊
(၅) ဣဓပတွာ တတ္ထ နိဗ္ဗတ္တိတွာဣဓ ပရိနိဗ္ဗာယီ- လူ့ပြည်၌ သကဒါဂါမ်ဖြစ်, ဒုတိယဘ၀ နတ်ပြည်၌သန္ဓေနေပြီးလျှင် တတိယဘ၀ လူ့ပြည်၌ဖြစ် ပရိနိဗ္ဗာန်စံ၊ '၎င်းင်းကားပဋိသန္ဓေ ၂-ခါနေ၏'၊
(၆) တတ္ထပတွာ ဣဓ နိဗ္ဗတ္တိတွာ တတ္ထ ပရိနိဗ္ဗာယီ- နတ်ပြည်၌ သကဒါဂါမ်ဖြစ်, ဒုတိယဘ၀ လူ့ပြည်မှာ ပဋိသန္ဓေနေ, တတိယဘ၀ထိုနတ်ပြည်၌ဖြစ် ပရိနိဗ္ဗာန်စံ၊ '၎င်းင်းလည်း ၂-ခါ ပဋိသန္ဓေနေပင်'။
သင်္ကန်းအပြား၊ မျိုး ၂-ပါး၊ အပ်ငြား ရဟန်းတော်။ ။ ရဟန်းတော်များဝတ်ရုံနိုင်သည့် သင်္ကန်းမျိုး ၂-ပါး။
(၁) ဂဟပတိ စီဝရ- လူ နတ် စသောဒါယကာတို့ ပေးလှူသော သင်္ကန်းမျိုး၊
(၂) ပံသုကူလ စီဝရ- ပံ့သကူကောက်၍ ချုပ်လုပ်သော သင်္ကန်မျိုး။
သင်္ကန်း ၃-ထည်။ ။ တိစီဝရိက်ခေါ် သုံးထည်သော သင်္ကန်း။
(၁) သံဃာဋိ- နှစ်ထပ် သင်္ကန်းကြီး၊ ၎င်းင်းကိုပင် ဒုကုဋ် သင်္ကန်းကြီး ခေါ်သေး၏၊
(၂) ပါရုပန- ကိုယ်ဝတ် ဧကစီ၊
(၃) အန္တရ ၀ါသက- ခါးဝတ်သင်းပိုင်၊ ၎င်းင်း ဧကစီနှင့်သင်းပိုင် ၂-ထည်ကို ဒွိစုံဟုခေါ်သည်။
သင်္ကန်း ၉-ထည်။ ။ ရဟန်းတော်တို့၏ အသုံးအဆောင် အ၀တ် အထည်၉-မျိုး။
(၁) အန္တရ ၀ါသက- ခါးဝတ် သင်းပိုင်၊
(၂) ဥတ္တရာ သင်္ဂ- ကိုယ်ရုံ ဧကစီ၊
(၃) သံဃာဋိ- ဒုကုဋ် နှစ်ထပ်သင်္ကန်း၊
(၄) ပစ္စတ္ထရဏ- အိပ်ရာခင်းအပေါ်လွှမ်း၊
(၅) မုခ ပုဉ္ဆန စောဠ- မျက်နှာသုတ်ပုဝါ၊
(၆) ပရိက္ခရာ စောဠ- ရေစစ် ပုဝါ၊ လက်သုတ်ပုဝါ ခြင်ထောင်စသောအတိုအထွာ ပရိက္ခရာ အထည်မျိုး၊
(၇) နိသီဒန- နိသီဒိုင် ခင်းနှီး၊
(၈)၀ဿိကသာဋိက- မိုဃ်းရေခံပုဆိုး၊
(၉) ကဏ္ဍုပ္ပဋိစ္ဆာဒိ- အမာလွှမ်း သင်္ကန်း။
သင်္ကန်းချုပ်ရာ၊ ခွင့်ပြုမှာ၊ ၆-ဖြာချည်မျိုး အဘယ်နည်း?။ ။ ရဟန်းတော်များ
သင်္ကန်းအဖြစ် အပ်သော ချည်မျိုး ၆-ပါးကိုသာ ဘုရားမိန့်မှာခွင့်ပြုခဲ့၏။
(၁) ခေါမံ- ခေါမ မည်သော ခုံလျှော်ချည် သင်္ကန်း၊
(၂) ကပ္ပါသိကံ-၀ါချည် သင်္ကန်း၊
(၃) ကောသေယျံ- ပိုးချည်သင်္ကန်း၊
(၄) ကမ္ဗလံ- သိုးမွေးချည် သက္ကလပ် သင်္ကန်း၊
(၅) သာဏံ-ပိုက်ဆံလျော်ချည် (သျှံသား) ရှံသား သင်္ကန်း၊
(၆)ဘင်္ဂံ- အထက်ပါ ချည်ငါးပါးဖြင့် ပြီးသောသင်္ကန်း။
သင်္ကန်းလှူရကျိုး ၈-ပါး။ ။ ၎င်းင်း အကျယ် အပဒါန်။ပါ။ ပ-အုပ်။ ၃၅၈-၌ရှုပါ။
(၁) ရွှေအဆင်းကဲ့သို့လှပခြင်း၊
(၂) အညစ်အကြေး ကင်းစင်ခြင်း၊
(၃) ပြိုးပြိုးပြက်ပြက် အရောင် အ၀ါထွက်ခြင်း၊
(၄) တန်ခိုးအာနုဘော်ကြီးခြင်း၊
(၅) ကိုယ်လက်အင်္ဂါ ပြေချော လှပခြင်း၊
(၆) အဆင်းအရောင် အလှပဆုံးဖြစ်သော အ၀တ်အထည်တို့ကိုသာ ဆင်မြန်းရခြင်း၊
(၇) အကောင်းဆုံးပိုးဖဲ ကတ္တီပါ အ၀တ်အထည်တို့ကိုသာ ဆင်ဝတ်ရခြင်း၊
(၈) တိုင်းကြီး ပြည်ကြီးတို့မှ ဖြစ်သော မွန်မြတ်နုညံ့သည့် အထည်အ၀တ်တို့ကိုသာ ရနိုင်၍ ဆင်ယင်သုံးဆောင်ရခြင်း။
သင်္ကပ္ပမျိုး ၃-ပါး။ ။
ကာမ သင်္ကပ္ပ, ဗျာပါဒ သင်္ကပ္ပ, ၀ိဟိံသ သင်္ကပ္ပ, အဓိပ္ပါယ် "၀ိတက် ၃-ပါး"နှင့်တူ၏။
သင်္ကြန် တွင်းမှာ၊ ရှောင်ကြဉ်ရာ၊ ၁၀-ဖြာ တရားစု။ ။ ရှေးပညာရှင်တို့သွန်သင်ဆုံးမချက် အဆင့်စကား ဆယ်ပါး၊ ၎င်းင်းတို့ကိုရှောင်ရှားခြင်းဖြင့်ကျက်သရေချမ်းသာ မင်္ဂလာများ တိုးပွားသည်။
(၁) ရုဒ- ငိုကြွေးခြင်း၊ပူဆွေးခြင်း၊
(၂) မေထုန်န- မေထုန်သံဝါသပြုမှု၊
(၃) မံသ- အသားဟင်းလျာ စားသောက်ခြင်း၊
(၄) သူရာ- သေရည်သောက်စားမူးရစ်ခြင်း၊
(၅) ကောဓ - အမျက်ဒေါသ ထွက်ခြင်း, သတ်ပုတ်ခြင်း၊
(၆) ရုဓိရ- သွေးဖေါက်, သွေးထုတ်ခြင်း၊
(၇) တေလိက- ဆီလိမ်း, ဆေးလိမ်းခြင်း၊
(၈) ရုက္ခစ္ဆေဒ- သစ်ပင်ဖြတ်ခြင်း ထင်းခုတ်ခွဲခြင်း၊
(၉) ကိဏ- ၀ယ်ယူခြင်း၊ ကျီသွင်းခြင်း၊
(၁၀) ၀ိက္ကဏ- ရောင်းခြင်း၊ ဆိုင်ထွက်ခြင်း။
သင်္ကြန်မျိုး ၁၂-ပါး။ ။
ရောက်ဆဲသက္ကရာဇ်ကိုတည်၊ ၂-ခုနုတ်၊ ၁၂-ခုနှင့်စား။
၁-ကြွင်းမူ ဇေယျသင်္ကြန်၊ ၂-ကြွင်းမူ ၀ိသာခါ သင်္ကြန်၊ ၃-ကြွင်းမူ ဇေဋ္ဌသင်္ကြန်၊
၎-ကြွင်းမူ အာသဠှီသင်္ကြန်၊ ၅-ကြွင်းမူ သရ၀ဏ်သင်္ကြန်၊ ၆-ကြွင်းမူ အဒြသင်္ကြန်း၊
၇-ကြွင်းမူ အဿယုတ္တ သင်္ကြန်၊ ၈-ကြွင်းမူ ကြတ္တိကာသင်္ကြန်၊ ၉-ကြွင်းမူ မိဂသီသင်္ကြန်၊
၁၀-ကြွင်းမူ ဖုသျှသင်္ကြန်း၊ ၁၁-ကြွင်းမူ မာဃသင်္ကြန်း၊ ၁၂-ကြွင်းမူ ဖဂ္ဂုဏသင်္ကြန်ဟု
သင်္ကြန်လက်ရိုးကျမ်းတို့၌ လာရှိ၏၊ အခြား သင်္ကြန်နှစ် အမည်မျိုးလည်း များစွာရှိသေး၏။
သင်္ခါရတရား ၃-ပါး။ ။ ယမိုက် ။ပါ။ ဒု-အုပ်၊ ၁။ ပဉ္စပကြိုဏ် ။ဋ္ဌ။၃၁၃။ လောကနယ်ပယ်
အတွက် ချယ်လယ်ပြုပြင် စီရင်ပေးနေသောတရား ၃-ပါး။
(၁) ပုညာဘိသင်္ခါရ- မဟာကုသိုလ်, ရူပကုသိုလ်စေတနာစု၊
လူ့ဘုံ, နတ်ဘုံ, ရူပဗြဟ္မာ့ဘုံ အတွက် ပြုပြင်ပေးသည်၊
(၂) အပုညာဘိသင်္ခါရ- အကုသိုလ်စိတ် ၁၂-ခု၌ ယှဉ်သော စေတနာစု၊
အပါယ် ၄-ဘုံအတွက် ပြုပြင်ပေးသည်။
(၃) အာနဉ္ဇာဘိသင်္ခါရ- အရူပကုသိုလ် ၄-ခု၌ယှဉ်သောစေတနာစု၊
အရူပဗြဟ္မာ့ဘုံအတွက် ပြုပြင်စီစဉ်ပေးသည်။
သင်္ခါရ တရားကြီး ၄-ပါး။ ။ ရေ, မြေ, တော, တောင်, သမုဒ္ဒရာနှင့်တကွ သတ္တ၀ါ ဟူသမျှတို့ကို ဖန်ဆင်း စီမံ၍ ပေးနေသော အပြုတရားကြီးလေးပါး။
(၁) ကံ- ကောင်းပြု, မကောင်းပြု ဟူသမျှ၊
(၂) စိတ်- အာရုံပြုတတ်, သိတတ်သော တရားစု၊
(၃) ဥတု- ပူမှု, အေးမှုတရားစု၊
(၄) အာဟာရ- အာဟာရ ၄-ပါး တရားစု။
သင်္ချာမျိုးပြား၊ ၇-ပါး၊ ရေးသား စာဆိုတော်။ ။ ပါဠိစာဆို မြန်မာစာဆိုတို့အောက်ပါသင်္ချာ ၇-ပါးဖြင့် ထိုက်သလို ရေးစပ်သွားကြ၏။
(၁) မိဿကသင်္ချာ- ရောပေါင်းယူရသော သင်္ချာမျိုး။
ပုံ- စတုစ, ဒသစ, (စတုဒ္ဒသ)လေးခုတလီ, ဆယ်ခုတခြား, (ဆယ့်လေးပါး)ကို စသည်သိ၊
(၂) ဂုဏိတသင်္ချာ- မြှောက်၍ ယူရသော သင်္ချာမျိုး။
ပုံ- သတဿ, ဒွိကံ, (ဒွိသတံ)တရာယူမှု, နှစ်ခုတမျိုး, (နှစ်ရာဘိုးကို)စသည်သိ၊
(၃) သမ္ဗန္ဓသင်္ချာ- စပ်၍ယူရသော သင်္ချာမျိုး။
ပုံ- ဧက, ဒွီ, တိ, စတုပဉ္စ, (တသောင်း နှစ်ထောင်သုံးရာ လေးဆယ့်ငါး)စသည်သိ၊
(၄) သင်္ကေတ သင်္ချာ တစုံတခုနည်းမှတ်ပြု၍ယူသော သင်္ချာမျိုး။
ပုံ- ရာမ,ဆိုလျှင် ၃-ခုဟုသိ၊ စက္ခုဆိုလျှင် ၂-ခုဟုသိ၊ နေ, လဆိုလျှင် တခုစီဟု သိ၊
သီတာ, ဗသျှု, ကာသိ, နဟုတ, လက္ခံ, စသည်တို့တည်း၊
(၅) အနေက သင်္ချာ- အများဟော သင်္ချာမျိုး။
ပုံ- သတတေဇော, သဟဿ ရံသိ, အရာ မကသော တန်ခိုး, အထောင် မကသောရောင်ခြည်တော် စသည်တို့တည်း၊
(၆) ပဋိက သင်္ချာ- အက္ခရာအမှတ်ဖြင့်စပ်ဆိုရေတွက်ခြင်းမျိုး။
ပုံ-က ၁-ခု၊ စ ၆-ခု၊ ဏ ၅-ခု စသည် သိလေ၊
(၇) အဓိကသင်္ချာ- အပိုအမို ရေဆိုသော သင်္ချာမျိုး။
ပုံ- ငါးရာ့ငါးဆယ်၊ ဇာတ်တော်ဝယ်တည့်။ ၅၄၇-ဇာတ်သာ ရှိသည်။
သင်္ချာရေနည်း၊ နိသျည်း၊ ထုံးမှီး ၃-ပါးလာ။ ။ အရေအတွက်ကို ယူရာ၌နည်း ၃-ပါးနှင့် ညှိနှိုင်း၍ ယူရသည်။
(၁) ဦနသင်္ချာ - လျော့နေသော်လည်းဖြည့်စွက်၍ ယူရသည်။
ပုံ - ငါးရာ့ငါးဆယ် ဇာတ်တော်ကဲ့သို့၊
(၂) အဓိကသင်္ချာ - ဆိုသည်ထက် ပို၍ယူရသော သင်္ချာမျိုး၊
ရောင်ခြည်တထောင်မြတ်ဘုန်းခေါင်ကဲ့သို့၊
(၃) သမာန သင်္ချာ - အညီမျှဆိုတိုင်းသာ ယူရသောသင်္ချာမျိုး။ ပုံ-ကိုးခန်းပျို့တို့လို။
သင်္ချေ ၄-ရပ် ခေါ်ဆိုအပ်၊ ပညတ်နာမည်ဖေါ်။ ။ ဤ၌ လေးသင်္ချေနှင့်ကပ္ပါတသိန်း'သင်္ချေ
လေးရပ် အသိန်းကပ်' စသောဝေါဟာရစကားရပ်တို့အရ သင်္ချေလေးရပ်၏ အမည်များ ဟူ၏။
(၁) သေလ အသင်္ချေ - ဒီပင်္ကရာ မြတ်စွာဘုရားနှင့် ကောဏ္ဍည ဘုရားတို့အကြားဝယ် မရေမတွက်နိုင် များစွာသောသုညကပ္ပါတို့၏ ဖြစ်ထွေ ဗုဒ္ဓန္တရ အချိန်ကာလ။
(၂) ဘာသ အသင်္ချေ - ကောဏ္ဍညဘုရားနှင့် မင်္ဂလဘုရားတို့ အကြားဝယ်ရှည်လျားသော သုညကပ္ပါတို့၏ ဖြစ်ထွေ။
(၃) ဇယ အသင်္ချေ - သောဘိတဘုရားနှင့် အနောမဒဿီဘုရား နှစ်ဆူတို့အကြားဝယ် မရေမတွက်နိုင် များစွာသော သုညကပ္ပါတို့၏ရှည်လျားသော အချိန်ကာလ။
(၄) ရုစိ အသင်္ချေ - နာရဒဘုရားနှင့် ပဒုမုတ္တရ ဘုရားရှင် နှစ်ဆူတို့ အကြားဝယ် ရှည်လျားစွာသော သုညကပ္ပါတို့၏အချိန်ကာလ။
သင်္ချေမျိုးပြား၊ ၇-ပါး၊ သိထားကြစေရာ။ ။ စိန္တိတံ သတ္တသင်္ချေယံ-အရ၊ သင်္ချေ ၇-ပါး။ ထိုအတွင်း၌ ဘုရားပေါင်း ၁၂၅၀၀၀-ကို ဖူးတွေ့ခဲ့ရ၍စိတ်ဖြင့် ဘုရားအဖြစ်ကို ဆုပန်ခဲ့သည် ဟူ၏။
(၁) နန္ဒ အသင်္ချေ၊ (၂) သုနန္ဒအသင်္ချေ၊ (၃) ပထ၀ီ အသင်္ချေ၊ (၄) မဏ္ဍ အသင်္ချေ၊
(၅) ဓရဏီအသင်္ချေ၊ (၆) သာဂရ အသင်္ချေ၊ (၇) ပုဏ္ဍရိကအသင်္ချေ။
သင်္ချေအပြား၊ မျိုး ၉-ပါး၊ ပိုင်းခြား တနည်းလာ။ ။ န၀သင်္ချေယ ၀ါစကံ-အရ သင်္ချေအမည်မျိုး ၉-ပါး၊ ထိုအတွင်း၌ ဘုရားပေါင်း ၃၈၇၀၀၀ တို့ထံ ဆည်းကပ်ခစားပြီး နှုတ်ဖြင့်ဆုတောင်းဘူးပြီး ဟူ၏။
(၁) သဗ္ဗဘဒ္ဒအသင်္ချေ၊ (၂) သဗ္ဗဖုလ္လ အသင်္ချေ၊ (၃) သဗ္ဗရတန အသင်္ချေ၊ (၄) ဥသဘက္ခန္ဓ အသင်္ချေ၊
(၅) ခန္ဓုတ္တမ အသင်္ချေ၊ (၆) မာဏိတအသင်္ချေ၊ (၇) ဘဒ္ဒ အသင်္ချေ၊ (၈) ပဒုမ အသင်္ချေ၊ (၉) သဗ္ဗဘလ္လ အသင်္ချေ။
