ရ---ရံ ၃-ရွေ မှ ရဟန်းဟုတ်မှန်၊

ရံ ၃-ရွေ ။ ။ နန်းတော်တွင်း၌မင်းမိဖုရားသားတော် သမီးတော်များကို ခစားဖျော်ဖြေရသော ရံရွေတော်မျိုး ၃-စား၊ တော်ဝင်သူကညာပျို များကို ခေါ်ဆိုသည်။
(၁) ရံရွေတော်ငယ်- ဂေါရီ, နှင့် ကညာ, ခေါ်သော ရံရွေမယ်များ၊
(၂) ရံရွေတော်လတ် - ကုမာရီနှင့် သွေးစုန်းခေါ် ရံရွေမယ်များ။
(၃) ရံရွေတော်ကြီး- မျက်မည်း နှင့် မျက်ဝန်းခေါ်ရံရွေမယ်များ။
၎င်းင်းကိုရည်၍ မဃဒေ၀လင်္ကာ၌ "ဂေါ်ရီကား ရှစ်၊ ဆယ်နှစ် ကညာ၊ ဆယ့်နှစ်မှာမူ၊ ကုမာ ခေါ်ထုံး၊
ဆယ့်သုံးနှစ်မယ်၊ သွေးစုန်းရွယ်နှင့်၊ တသွယ်ပိုင်းခြား၊ ဆယ့်ငါးမျက်မည်း ၊ ကြည်းကြည်းကြည်ရွှန်း၊
နှစ်ဆယ်ဆန်းက၊ မျက်ဝန်းမည်လွင်၊ ဤမျှလျှင်သား၊ တော်ဝင်ရွယ်ကောင်း၊ နတ်မယ်ပေါင်းတို့" ဟုစပ်ဆိုထားလေသည်။

ရံ ၃-ရွေ၊ တနည်း၊ ။ မန္တလေး ကုန်းဘောင်ဆက် ရာဇ၀င်ကျမ်းပြု ဦးမောင်မောင်တင်ထံ
'ညဥ့်သုံးယာမ်ခါ၊ လေပြည်လာ' ပတ်ပျိုး၌ပါသည့် 'သုံးရွေကြော့ရင်' ကို ဖျာပုံမြို့မြန်မာစာပေ ကြီးပွားရေးအသင်း
အတွင်းရေးမှူးဆရာငွေက မေးမြန်းသောအခါ 'သုံးရွေကြော့ရင်' ဆိုသော စကားမှာ အရွယ်သုံးပါး ပိုင်းခြားခယမ်း
ထမ်းရွက်ရသော ရံရွေတော်တို့၏အသျှင်ဟု ဆိုလိုသည်။
အကျယ်ကိုလင်းလျှင်၊ သုံးရွေဆိုသည်မှာအရွယ်သုံးပါးကို ပိုင်းခြားပြီးလျှင်
၁၃-နှစ်အရွယ်ထိ ကြက်တောင်၊ ပေါက်ချိုက်၊ ညွန့်ကိုက်၊ ဆံစည်း၊ စုလည်း၊ မြကုံး ဖြစ်သည့် အပျိုတော်များက တရွေ။
၎င်းင်းအထက် အသက် ၃၀-နှစ်ရွယ်ထိ အပျိုတော်များကတရွေ။
၎င်းင်းအထက် အသက်ကြီးသော အပျိုတော် အထိန်း အယ အချီတော်များက တရွေ၊
ဖြစ်သဖြင့် ပေါင်း၃-ရွေ ရှိသည်ဟု ဖြေဆိုထားသည်ကို ၎င်းင်းမူအတိုင်း ထည့်သွင်းဖော်ပြလိုက်ပါသည်။

ရကင်သံ ၃၇-ချင်း။ ။ ၀ါ, ဂီ, နစ်, တို့အတွက် တောင်ဘီလာ မှတ်စုမှ။
အချီကြီး သံ, အချီငယ် သံ, ဆရာတောင်း သံ, ဆရာပန် သံ, ဆရာညွှန်း သံ,
အတွင်းတီးပြေ သံ, အပြင်တီးပြေ သံ, ဆင်ဖြူရေချ သံ, ရွှေပလ္လင်တည် သံ, ဗောဓိရွက် သံ,
ဇမ္ဗုသပြေသီးကြွေ သံ, ငါးကြင်းမြီးခတ် သံ, ခရုသင်း သံ, ခွက်ခွင်း သံ, ဘီလူးဝမ်းစည်ကြိုးသံ,
မြစ်တွေးလန့်တွန် သံ, မြစ်တွေး ငှက်တွန် သံ, သိကြားအုပ်ဆောင်း သံ, သိကြားခလုပ် သံ,
သိကြားရေကန်တင် သံ, (၂၀)
သိကြားလောက်ပစ် သံ, ကင်းပတ်ကြီး သံ, ကင်းပတ်ငယ် သံ, သပြေလား သံ, ထုံးကိုးတံ သံ,
မျောက်မင်းဦ သံ, မိတ္ထိလာ ကန် ပေါက် သံ, ပြုံးကာရယ်ရွှင် သံ, နောက်မြင်းလှ သံ, ကသာဝန်းလည် သံ, (၃၀)
ပွင့်လှရွှေဝါ သံ, လုလင်ပြန် တောစည် သံ, လင်္ကာကုန္တီ သံ, မြင်းလှ စာတောင်း သံ, မြင်းလှခွါ သံ,
တငါမ အဲချင်းသံ, စကြာမင်း ဘိသိက်မြှောက်သံ, ပေါင်း ၃၇-သံ ဖြစ်၏။

ရင့်မာ တကျိပ် ။ ။ အနာဂတောင် ကျမ်းမှ၊ ပါရမီ ရင်မာပြီးကြသောဘုရားအလောင်းတော်များ။
ဘုရားဆုပန်၊ ရင့်မာ သံ၊ ဧပန်မှတ်ကွဲ့၊ တကျိပ်တဲ့၊
(၁) ရှေးဦးအစ၊ မိတေယျ၊ သိကြလေကွဲ့၊ အလောင်းတဲ့၊
(၂) ရာမမင်းကောင်း၊ ဆုပန်တောင်း၊ တကြောင်းမှတ်ကွဲ့၊ အလောင်းတဲ့၊
(၃)ကောသလမင်း၊ ကျော်သံပြင်း၊ မယွင်းဘူးးကွဲ့၊ အလောင်းတဲ့ ၊
(၄) အဘိဘူ နတ်၊ ကျော်နှံ့စပ်၊ သိတတ်စေကွဲ့၊ အလောင်းတဲ့၊
(၅) အသူရိန်နတ်၊ ခေါ်ပညတ်၊ သိ တတ်စေကွဲ့၊ အလောင်းတဲ့၊
(၆) ဒီဃသောဏီ၊ ပုဏ္ဏားမည်။ အညီမှတ်ကွဲ့။ အလောင်းတဲ့၊
(၇) ၀င်္ဂိကဆို၊ ပုဏ္ဏားပျို၊ အိုအောင်မှတ်ကွဲ့၊ အလောင်းတဲ့၊
(၈) ဒေါဒေယျခေါ်၊ ပုဏ္ဏားကျော်၊ ပျော်ပျော်မှတ်ကွဲ့၊ အလောင်းတဲ့၊
(၉) နာဠာဂိရိ၊ ဆင်ဟတ္ထိ၊ သိကြလေကွဲ့၊ အလောင်းတဲ့၊
(၁၀) ပလလဲဆင်၊ အမည်တွင်၊ ထင်ထင်မှတ်ကွဲ့၊ အလောင်းတဲ့။

ရည်မှတ်၍သတ်၊ ကံမြောက်လတ်၊ ၆-ရပ် အင်္ဂါသိ။ ။ ပါဏာတိပါတကံ၏ပယောဂ ရှစ်မျိုးတွင် ဥဒ္ဒိဿ ပယောဂ၏ အင်္ဂါ ၆-ပါးကို ဆိုသည်၊ ပါရာဇိကဏ် အဋ္ဌကထာမှ။
(၁) ၀တ္ထုကို မှတ်၍ သတ်ခိုင်းခြင်း၊
(၂) အချိန်ကာလကို မှတ်၍ သတ်ခိုင်းခြင်း၊
(၃) အရပ် ဒေသကို မှတ်၍ သတ်ခိုင်းခြင်း၊
(၄) ထား, လှံ, စသည့် လက်နက်မျိုးကို မှတ်၍ သတ်ခိုင်းခြင်း၊
(၅) ထိုင်ခြင်း, သွားခြင်း, စသည် ဣရိယာပုတ်ကို မှတ်၍ သတ်ခိုင်းခြင်း၊
(၆) သတ်ပုံ သတ်နည်းကို ဘယ်ပုံသတ်ရ မည်ဟု ပြောပြပုံကို မှတ်၍သတ်ခိုင်းခြင်း။
ဤခိုင်းစေချက်တို့မှ လွဲ၍သတ်လျှင် ကံမမြောက်ပေ။

ရတနာ ၃-ပါး။ ။ သုတ္တနိပါတ်။ပါ။၃၀၂ဋ္ဌ။ပ-အုပ်။၂၆၃-၌ အကျယ်ရှုပါ။ လောက၌ အမြတ်ဆုံး အကောင်းဆုံး ဖြစ်တော်မူသော ဘုရားရတနာ, တရားရတနာ, သံဃာရတနာ ကို ရတနာသုံးပါးဟု ခေါ်မှတ်ကြ၏။

ရတနာ ၇-ပါး။ ။ လူတို့ အသုံးအဆောင် ဖြစ်သောလောကီရတနာ၇-ဖြာ။
(၁) သုဝဏ္ဏ- ရွှေ၊
(၂) ရဇတ- ငွေ။
(၃) မုတ္တာ- ပုလဲ၊
(၄) မဏိ- ပတ္တမြား၊
(၅) ဝေဠုရိယ- ကြောင်မျက်ရွှဲ၊
(၆) ၀ဇီရ- စိန်၊
(၇) ပ၀ါဠ- သန္တာ။

ရတနာ ၉-ပါး။ ။ န၀ ရတနာ ခေါ် 'န၀ရတ် ၉-ပါး' ကိုပင် 'ရတနာ၉-ပါး'ဟု မှတ်လေ။
အကျယ် (န၀ရတ် ၉-ပါး)၌ ရှုပါ။

ရတနာ ၁၀-ပါး။ ။ ၀ိနည်းပါဋိတော် ပါစိတ် ရတန၀ဂ်- ၂၁၂။ဋ္ဌ။ ၁၅၂-မှ။
(၁) မုတ္တာ- ပုလဲ၊
မဏိ- မြ, ပတ္တမြားစိမ်း၊
ဝေဠုရိယ- ကြောင်မျက်ရွဲ၊
သင်္ခ- ခရုသင်း၊
သိလာ- ကျောက်သလင်း၊
ပ၀ါဠ- သန္တာ၊
ရဇတ- ငွေ၊
ဇာတရူပ- ရွှေ၊
လောဟိတင်္ဂ- ပတ္တမြားနီ၊
မသာရဂံ- ပတ္တမြားပြောက်၊(၁၀)

ရတနာ ကျောက်များ၊ အမြတ်ထား၊ မျိုးပြား ၂၄။ ။ ၎င်းင်း သရုပ်ကို (ကျောက်မြတ် ရတနာမျိုး ၂၄-ပါး)၌ ဆိုခဲ့ပြီ။

ရတု ၆-ပါး။ ။ ၀ိသုဒ္ဓိမဂ် ဒု-အုပ်။ ။၂၅၆။ ဤ၌ ကျဉ်းကျဉ်းနှင့် လွယ်ကူစေရန် နက္ခတ်အလို, သူရိယမာသ အလို,တို့ကို မဖော်ပြဘဲ စန္ဒြမာသအလိုအားဖြင့်သာ ယှဉ်တွဲ၍ ပြလိုက်သည်။
(၁) သသီရ-သိသိရ ရတု၊ပြာသိုလဆန်း၁၅-ရက် ညဥ့် ၂-ချက်တီးကျော်အချိန်မှစ၍ တပေါင်းလဆန်း ၁၅-ရက် ညဥ့် ၂-ချက်တီး အထိကိုဆိုသည်။
(၂) နိန္ဒြရ-၀သန္တ ရတု၊ တပေါင်းလဆန်း ၁၅-ရက် ညဥ့် ၂-ချက်တီးကျော်ကစ၍ ကဆုန်လပြည့်နေ့ ညဥ့် ၂-ချက်တီး အထိ။
(၃) ဂိမ္မန္တ-ဂိမှ ရတု၊ ကဆုန်လဆန်း ၁၅-ရက် ညဥ့် ၂-ချက်တီးကျော်မှစ၍ ၀ါဆိုလပြည့်နေ့ ညဥ့်၂-ချက်တီး ချိန်ထိ။
(၄) ၀ဿန္တ-၀ဿာန ရတု၊ ၀ါဆိုလပြည့်နေ့ ညဥ့်၂-ချက်တီးကျော်မှစ၍ တော်သလင်းလဆန်း ၁၅-ရက် ညဥ့် ၂-ချက်တီး ချိန်ထိ။
(၅) သာရဒ-သရဒ ရတု၊ တော်သလင်းလပြည့်နေ့ညဥ့် ၂-ချက်တီးကျော်မှစ၍ တန်ဆောင်မုန်းလဆန်း ၁၅-ရက် ညဥ့် ၂-ချက်တီးချိန်ထိ။
(၆) ဟေမ-ဟေမန္တ ရတု၊ တန်ဆောင်မုန်းလပြည့် နေ့ ညဥ့် ၂-ချက်တီးကျော်မှစ၍ ပြာသိုလဆန်း ၁၅-ရက် ညဥ့် ၂-ချက်တီး ချိန်ထိကိုခေါ်ဆိုသည်။

ရတုကဗျာအပြား မျိုး ၄-ပါး။ ။ ရတုလင်္ကာ အမျိုးအစား လေးပါးဟူ၏။
(၁) ဧကပိုဒ်ရတု- တပိုဒ်တည်းနှင့် အဓိပ္ပါယ် ကြောင်းခြင်းရာ ကုန်စုံအောင်ရေးသား စပ်ဆိုထားသော ရတုမျိုး၊
(၂) အဖြည့်ခံရတု- ပိုဒ်စုံရတု ဖြစ်ရမည့်အစား နောင်ခါ ဖြည့်စွက်ရေးသားကြရန်အတွက် ၂-ပိုဒ်သာ ရေးသားထားသော ရတုမျိုး၊
(၃) ပိုဒ်စုံရတု- ၃,ပိုဒ်ဖြင့်ပြီးပြည့်စုံအောင် ရေးသားစပ်ဆိုထားသော ရတုမျိုး၊ ' မဲဇာတောင်ခြေတို့လို'
(၄) ပိုဒ်များရတု- ပိုဒ်စုံမျှ မကတော့ဘဲ ၄, ၅, ၆, ၇, ၈, ၉ ပိုဒ် စသည်ဖြင့် စပ်ဆိုထားသောရတုမျိုး၊
ချီ, ချ, ညီညီ, မညီညီ စပ်ဆိုနိုင်သည်။

ရတုကဗျာ ချီçချçနည်းမျိုး ၂၅-ပါး။ ။ ကဗျာဗန္ခသာရကျမ်းမှ နည်းရရုံမျှယူပြသည်။
(၁) ထူးဆန်းထွေလာ- ၃ ပိုဒ်လုံး၌ ရှည်တို ချီ,ချ မတူကြသော ဖွဲ့စီကုံးနည်း၊
(၂) ညွန့်ရှင်- အသတ်ရှိသော စာလုံးဖြင့်သာ ချခြင်း၊
(၃) ပေါက်ပြ- အသတ်ပါ, မပါ, အက္ခရာတို့ဖြင့် အချီ, အချ, မျှ၍ ကုံးဖွဲ့ခြင်း၊
(၄) ငုံဖူး- ၍ ဟူသော အက္ခရာ မပါစေဘဲ ချီ, ချ ခြင်း၊
(၅) ပုလဲသွယ်- အသတ်အက္ခရာနှင့် ၍ ဟူသောအက္ခရာ အချီ, အချ မှာ ပါခြင်း၊
(၆) လည်ကုပ်ချီ- ရှေ့ပုဒ်၏ ဒုတိယပါဒ တတိယပါဒတို့တွင် တခုခုသောပါဒ၌ အက္ခရာကို၎င်းင်း၊
အဓိပ္ပါယ်ကို၎င်းင်း၊ ယူ၍ လည်ကုပ်တွင် ချီခြင်း၊
(၇) အဖျားကောက်- ရှေ့ပုဒ်၏ အချတွင်ပါသော အက္ခရာအဓိပ္ပါယ်တို့ကို ယူချီခြင်း၊
(၈) ရွှေလောင်းပျံ -က, ခ, တ, ယ, ပ, ရ, မ, ၎င်းင်းအက္ခရာ ၇-လုံး တို့ဖြင့် ချီချခြင်း၊
(၉) သော်တာရောင်- ဟု, အက္ခရာရှောင်ရှားပြီး အသတ်တူ ကာရန်တူ အသံတူတို့ဖြင့် ချခြင်း၊
(၁၀) ကက္ကုဆူး- ချီ,ချ ၃-ပိုဒ်လုံး၌ အချီ,အချ မညီထားခြင်း။
(၁၁) နေရောင်ခြည်ပြေး- က, တ, ထ, ဟူသော အက္ခရာ ၃-လုံးတို့တွင် တလုံးလုံးဖြင့် ချခြင်း၊
(၁၂) ဖျောက်ဆိပ်လလယ်- ၀ဏ္ဏ တလုံးလုံးအကြားတွင်ပါ၍ အသတ်ရှိသော အက္ခရာဖြင့်သာ ချခြင်း၊
(၁၃) ညွန့်ဟုံ- ၀သတ် အက္ခရာများ၍ ချခြင်း၊
(၁၄) ခိုင်ညွှန့်ခက်ဖြာ- ၇-လုံးဖြင့် အဆုံးချခြင်း၊
(၁၅) မဏိဆံကျင်- ၉-လုံးဖြင့် အဆုံး ချခြင်း၊
(၁၆) အာသာဝတီဝတ်ဆံ- ၁၀-လုံးဖြင့် ချခြင်း၊
(၁၇) မဏိဦးပြည်း- ၁၅-လုံးဖြင့် ချခြင်း၊
(၁၈)ဇော်တခိုင်လုံး- ၁၉-လုံးဖြင့် ချခြင်း၊
(၁၉) မပြတ်ကေသာ- ၂၅-လုံးဖြင့်ချခြင်း၊
(၂၀) ဇမ္ဗူ့သပြေသီးမှည့်- ၃၅-လုံး အဆုံးချခြင်း၊ ထို့ထက်လွန်၍ မချကောင်းချေ၊
(၂၁) ချိန်ခွင်လျှာ- ပဌမနှင့် တတိယပိုဒ်တို့မှာသံတူချ၍ ဒုတိယပိုဒ်မှာ သံကွဲချခြင်း၊
(၂၂) ဘီလူးရယ်- သရူပ, သ၀ဏ္ဏ အက္ခရာ အသတ်, အသံ စ သည်တို့ကို မတူလှီးလွှဲပြု၍ စီကုံးခြင်း၊
(၂၃) စာ ကျိုး- ငသတ်, ညသတ်၊ တသတ်, ပသတ်၊ နသတ်, မသတ်တို့ကို စပ်ခြင်း၊ ချီ,ချခြင်း၊
(၂၄) စာဆန်း- က၀ိ မပီသ, ကဗျာ့ဥပဒေမရှိသည့် ခေတ်ဆန်းစာပေဟူသမျှ၊
(၂၅) စာထုံး- စာကျိုးကိုပင် ခေါ်ဆိုသည်။

ရတုစပ်ရာ၊ နည်း ၆-ဖြာ၊ ကျမ်းလာ အဘယ်နည်း။ ။ ရတုစပ်နည်းနှင့်ပတ်သက်၍ ကျမ်းပေါင်း များစွာလာရှိကြသော်လည်း ဤ၌ ကဗျာဗန္ဓသာရကျမ်း၌လာသည်ဟု ဖြေဆိုပါအံ့။ ၎င်းင်းပုံစံကို (အစပ် ၆-ပါး) ၌ပြန်ရှုလေ။

ရတုပိုဒ်စုံမျိုး ၅-ပါး။ ။ ပိုဒ်စုံ စပ်ပုံ နည်းမျိုး ငါးပါးကိုဆိုသည်၊ ပိုဒ်စုံဆိုသည်ကား ၃-ပုဒ်ကို ဆို၏။
(၁) ရိုးရိုးပိုဒ်စုံ- အစပ် ၆-ပါး၌ ဖြစ်သလို ထည့်သွင်းစပ်ဆိုသွားသောပိုဒ်စုံရတုများ
ပုံ- မဲဇာတောင်ခြေ- တို့လို။
(၂) သတ်စေ့နှက်၊ ၃-ချက်ညီပိုဒ်စုံ-ကာရန် ၃-ချက်လုံးကို ညီညွတ်စွာ ၃-ပိုဒ်လုံး၌
မချွတ်အောင် စပ်ဆိုသွားသောရတုပိုဒ်စုံများ။ ပုံ-ဒု န၀ဒေးဆို'ညွန့်လမ်းရွှေဝါ' တို့လို။
(၃) စကြာလည် ပိုဒ်စုံ- စကြာများလည်သလို မိမိ၏ အချီပိုဒ်နှင့် ပင်အဆုံး၌ထပ်၍ချသော ပိုဒ်စုံမျိုး။
ပုံ၊ ရခိုင် မိညိုဆို"နန်းတွင်မိညို၊ ကျွန်ုပ် ဆိုသား (ယ)နန်းတွင်းမိညိုသာ တကား" တို့လို။
(၄) ကိုယ်တွင်းပြည့် ပိုဒ်စုံ- ကိုယ်နှင့်တူသော အလည်ပိုဒ် အားလုံးတို့၌ပဌမ ပိုဒ်၏ သတ်ပုံကာရန်အတိုင်း
မချွတ်လိုက်ယူ စပ်ဟပ် ရသောပိုဒ်စုံမျိုး၊ ပုံ-ရှင်ရဋ္ဌသာရဆို
(က) မြသွယ်ရောင်လျှံ၊ ကုံး၍ပန်လျက်၊ ၀င်းစံကြွေရွက်၊ ဖူးသစ်ထွက်သော် (လ)။
(ခ) လှသွယ်ခေါင်စံ၊ သုံးရွေရံလျက်၊ မင်းစံ ရွှေညက်၊ ဦးသစ်ခက်သော် (လ)။
(ဂ) မြရွယ်တောင်ရံ၊ ရုံးတွေ့စံလျက်၊ တင်းသံစေခက်၊ ကြူးနှစ်သက်သော်(လ)၊ အပိုဒ်ရှိသမျှဤနည်း စပ်။
(၅) တောင့်ထဲတွန့် ပိုဒ်စုံ-ပိုးတောင့်ထဲ တွန့်သလို ကောက်ကွေ့ တွန့်လိမ်ကာ ၄-လုံးတမျိုး၊ ၅-လုံး တခါ၊ စပ်ဆို သီကုံးသွားသောပိုဒ်စုံမျိုး၊
ပုံ-ရှင်ရဋ္ဌသာရဆို "ဒေ၀စ္ဆရာ၊ ပြင်လျာ သင့်တင့်ယောင်၊ ရွှေကြက်တောင်ဝယ်၊ လှခေါင်တင့်မျိုးလွှတ် (ယ) ရွှေရင် ဖုံးတုံမဖုံးတုံ" တို့လို။

ရတုမျိုး ၃-ပါး။ ။ ဥတုမျိုး ၃-ပါးကိုပင် အချို့စာပေတို့၌ 'ရတု'ဟူသော ဝေါဟာရ
ဖြင့် ရေးသုံးကြကုန်သည်၊ သဘော အတူပင် မှတ်ပါ။

ရန်အောင်မြင်ရာ၊ နည်း ၆-ဖြာ၊ သိပါ အစိုးရ။ ။ ဇာတ် ။ပါ။ ပ-အုပ်။၁၃၁။ဋ္ဌ။ တတိယအုပ်။ ၁၉၁-စသည်တို့၌လည်း ပါရှိသည်။ ရာဇနီတိမှ။ ရန်သူများကို အောင်နိုင်မှု နည်းပရိယာယ်၆-ပါး။
(၁) စားနပ်ရိက္ခာ ခဲယမ်းမီးကျောက် လက်နက် စစ်သည်ဗိုလ်ပါတို့ တောင့်တင်းပြည့်စုံခြင်း၊
(၂) ပရိတ်တော်နှင့် မန္တရားမန္တန်တို့ကို ရွတ်ဖတ်ခြင်း။
(၃) ပညာရှိတို့နှင့် တိုင်ပင်ခြင်း၊
(၄) ချစ်ဖွယ်စကားကိုပြောဆိုခြင်း၊
(၅)လက်ဆောင်ပဏ္ဏာတော်ကို ပို့ဆက်ခြင်း၊
(၆) အမျိုးအနွယ်ဆက်စပ်ခြင်း, မိတ်ဖွဲ့ခြင်း။

ရန်ငြိုးဖြေကြောင်း တရား ၅-ပါး။ ။ ရန်သူအပေါ်၌ ရန်ငြိုးပြေစရာ တရားငါးပါး။
(၁) မေတ္တာ ဘာဝေတဗ္ဗာ- ရန်သူ၌ မေတ္တာပွားပါ၊
(၂) ကရုဏာ ဘာဝေတဗ္ဗာ- ရန်သူကို သနားညှာတာပါ၊
(၃) ဥပေက္ခာ ဘာဝေတဗ္ဗာ- လျစ်လျူရှုလိုက်ပါ၊
(၄) အသတိ မနသိကာရော- မေ့ပျောက်ပစ်လိုက်ပါ၊
(၅) ကမ္မဿ ကတာ အဓိဋ္ဌာတဗ္ဗာ- သူပြုသမျှအမှု သူ့ကံနှင့်သူ ဖြစ်ပါစေတော့ ဟူသော သဘောထားလိုက်ပါ။

ရန်ငြိုးဖွဲ့ကြောင်းတရား ၉-ပါး၊ ၁၀။ ။ န၀င်္ဂုတ္တရ ပါဠိတော်။ ၂၀၈။ဋ္ဌ။ ၂၇၆။ ဒသဂုင်္တ္တပါဠိတော်။ ၃၇၅။ဋ္ဌ။၃၂၄၌ အကျယ်ရှုပါ။ အာဃာတ၀တ္တု ဆယ်ပါးလည်း ခေါ်၏။ ဒေါသဖြစ်ရန် နီးစွာသော အကြောင်းတို့တည်း။
(၁) မိမိစီးပွားမဲ့ကို ယခုပြုလုပ်နေသူ၊
(၂) ရှေးကပြုခဲ့ဘူးသူ၊
(၃) နောင်ခါပြုမည့်သူ၊
(၄) မိမိချစ်သူစီးပွားမဲ့ကို ယခုပြုလုပ်နေသူ၊
(၅) ရှေးကပြုခဲ့ဘူးသူ၊
(၆) နောင်ခါပြုမည့်သူ၊
(၇) မိမိမုန်းသူ၏ စီးပွားဥစ္စာ ယခုတိုးတက်နေခြင်း၊
(၈) ရှေးက တိုးတက်ခဲ့ခြင်း၊
(၉) နောင်လည်း တိုးတက်အံ့ဖြစ်ခြင်း၊
(၁၀) မိုဃ်းရွာလွန်း, နေပူလွန်း, လေတိုက်လွန်း, မရွာ, မပူ, မတိုက်၊ လသာ, လ မသာခြင်း၊ ခလုပ်တိုက်မိခြင်းတို့၌ အရာမဟုတ်ဘဲလျက်အမျက်ထွက်ခြင်းဟူသော အဋ္ဌာန ကောပ။

ရန်ငြိုးမျက်ထား၊ အပြစ်များ၊ ၅-ပါး မကောင်းသင့်။ ။ ၎င်းင်း သရုပ်ကို (အမျက်ပွားများ၊ ပြစ်တရား၊ ၅-ပါး ကျမ်း၌ဆို) ဟူသော သုတေသန၌ ဆိုခဲ့ပြီ။

ရန်လည်း မဆိုင်၊ မပြိုင်တရား၊ မျိုး ၁၀-ပါး၊ ရှောင်ရှားစရာ အဘယ်နည်း?။ ။
ဤ၌ အမေးပုစ္ဆာပြုသူက ဆယ်ပါးသာ မေးထားသော်လည်း သြ၀ါဒထူးပျို့၌ ၁၁-ပါးမျှ လာရှိ၏၊ ထို့ကြောင့် ၎င်းင်းပျို့စာမူအတိုင်းပင် ဖြေဆိုလိုက်အံ့၊ ရန်မပြုရာ၊ ဆယ့်တစ်မှာကား-
(၁) အာဏာထန်ပြင်း၊ စိုးမင်းတို့အား၊ ရန်ပြုမှားသော်၊ နှောင်ထားပုတ်ခတ်၊ ဘေးတွေ့တတ်၏။
(၂) မှုးမတ်စစ်ကဲ၊ သူရဲဗိုလ်မှူး၊ တပ်မှူးစစ်ကွပ်၊ စစ်ကြပ်မှုထမ်း၊ ရာထမ်းတို့အား၊ ရန်ပြုမှားသော်။
ကြေထွားရိပွတ်၊ ကွပ်ညှပ်ပြင်း၍၊ ချည်နှောင်တွေ့၏။
(၃) နောက်ရှေ့မြင်သီး၊ သူကြီးကြေးကိုင်၊ မြေတိုင်စချီ၊ အစီအရင်၊ ရွာရှင်တို့အား၊ ရန်ပြုမှားသော်၊
ရပ်ခြားမြေရွေ့၊ နှင်ထုတ်တွေ့၏။
(၄) ညဉ့်နေ့ခတ်လည်၊ ရာဇာ့စည်နှင့်၊ မောင်းသည်တို့အား၊ ရန်ပြုမှားသော်၊ ထိပါးမျက်ငွေ့၊ ဆင်းရဲတွေ့၏။
(၅) သိမ်မွေ့အာစာ၊ ခေမာရည်မှန်း၊ ရဟန်းတို့အား၊ ရန်ပြုမှားသော်၊ လေးပါးပါယ်ငွေ့၊ ဆင်းရဲတွေ့၏။
(၆) အလေ့ဘာသာ၊ ယုတ်မာကျင့်ရိုး၊ ကျွန်ဆိုးတို့အား၊ ရန်ပြုမှားသော်၊ လေးစားမထေ၊ မရိုသေလျှင်၊ ပြုလေတုံ၍၊ ကြံစည်မေ့၏။
(၇) ရေမြေ့တံခွန်၊ မင်းကျွန်တို့အား၊ ရန်ပြုမှားသော်၊ လည့်ပြားပတ်ကွေ့၊ကုန်းတိုက်တွေ့၏။
(၈) ကြီးလေ့ဂုဏ၊ မိဘတို့အား၊ ရန်ပြုမှားသော်၊ စကားလောင်ဝေ့၊ မှု ရာတွေ့၏။
(၉) ရွှေငွေအတိ၊ နက်ကျိဖြင်အေး၊ သူဋ္ဌေးတို့အား၊ ရန်မူမှားသော်၊ တရားပြု၍၊ အလျော်တွေ့၏။
(၁၀) ကောင်းစေ့မဟုတ်၊ သူယုတ်တို့အား၊ ရန်ပြုမှားသော်၊ စကားစမည်၊ အရှည်အတို၊ မရိုမသေ၊
အထွေထွေလျှင်၊ ပလွေလွင့်၍၊ ကဲ့ရဲ့တွေ့၏။
(၁၁) ချမ်းမြေ့ယှဉ်မှီး၊ အိမ်နီးချင်းအား၊ ရန်တွေ့မှားသော်၊ ရွာသားရွာသူ၊ ဦးမည်းဖြူတို့၊ ငြူစူစောင်းမဲ၊
ငြီးငွေ့မြဲသည်၊ ဆိုဆဲခံရ မှန်မုချ။

ရန်သူမျိုး ၄-ပါး။ ။ ဤ၌ ကျက်မှတ်ရ လွယ်ကူစေရန် စာဏကျပျို့မှယူပြ လိုက်သည်။
(၁) မွေးသည့်ဘခင်၊ ကျေးဇူးရှင်လည်း၊ ကြွေးတင်အောင်သာ၊ ပြုလုပ်ပါမူ၊ သေချာစီစစ်၊ ရန်သူဖြစ်၏။
(၂) အချစ်ပိုအင်၊ မွေးမိခင်လည်း၊ ပျော်ရွှင်မိုက်မှား၊ လင်ငယ်ထားမူ၊ မှတ်သားစင်စစ်၊ ရန်သူဖြစ်၏။
(၃) မေတ္တာဆပွား၊ ချစ်မယားလည်း၊ အများငေးမျှ၊ အလွန်လှမှု၊ မှတ်ကြစင်စစ်၊ ရန်သူဖြစ်၏။
(၄) ရင်နှစ်ခေါ်ငြား၊ သ္မီးသားလည်း၊ သင်ကြားပညာ၊ ကင်းမဲ့ပါမှု၊ မှတ်ရာစင်စစ်၊ ရန်သူဖြစ်၏။

ရန်သူမျိုး ၅-ပါး။ ။ ပဉ္စဂုင်္တ္တရ။ပါ။၂၂၆။ ထေရီဂါထာ။ပါ။ ၄၃၃။ဋ္ဌ။၂၉၆။ ပေါ့တန်စွာ
မပြုကျင့်ရသော အရာငါးပါး။
(၁) ရေ ရန်သူ၊
(၂) မီး ရန်သူ၊
(၃) မင်း ရန်သူ၊
(၄) ခိုးသား ထားပြ ရန်သူ၊
(၅) မလိုမုန်းတီးသူ ရန်သူ။

ရပ်ပြစ် ၈-ပါး။ ။ အဋ္ဌက္ခခေါ် နိဗ္ဗန်, မဂ်, ဖိုလ် မရကောင်းသော
အရပ်ဌာန ရှစ်ပါး ဟူ၏၊ ဇိနာလင်္ကာရဋီကာ။
(၁) ပစ္စန္တဇော-ဗုဒ္ဓသာသနာတော် မတည်မရှိသော ပစ္စန္တရစ်အရပ်၊
(၂) အရူပိနော- နာမ်သာရှိ၍ ရုပ်မရှိသော အရူပ ၄-ဘုံ၌ ဖြစ်ခြင်း၊
(၃) ၀ိတ လိင်္ဂေါ- ပဋိသန္ဓေအားဖြင့် အင်္ဂါချို့တဲ့သော သူဖြစ်ခြင်း၊
(၄) အသညဇော- ရုပ်သာရှိ၍ နာမ်မရှိသော အသညသတ်ဘုံ၌ ဖြစ်ခြင်း၊
(၅) မိစ္ဆာဒိဋ္ဌိ-နိယတမိစ္ဆာဒိဋ္ဌိမျိုး ဖြစ်ခြင်း၊
(၆) ပေတာ- ပြိတ္တာဘုံ၌ ဖြစ်ခြင်း၊
(၇) တိရစ္ဆာနော- တိရစ္ဆာန်ဘုံ၌ ဖြစ်ခြင်း၊
(၈) နေရယိကော- ငရဲဘုံ၌ ဖြစ်ခြင်း။

ရပ်ပြစ် ၈-ပါး၊ တနည်း။ ။ အဂုင်္တ္တရ ။ပါ။၆၀။ဋ္ဌ။ ၄၄။ သုတ်ပါထေယျ။ပါ။ ၂၄၈။ဋ္ဌ။၂၄၆။ဝိမာန၀တ္ထု။ဋ္ဌ။၁၁၇။ဤပြလတံ့ကား သမာန၀ါဒဆရာတို့အလို တည်း၊
သာသနာတွင်း အခါမျိုး၌။
(၁) ငရဲဘုံ၌ ဖြစ်သောသူ၊
(၂) တိရစ္ဆာန်ဘုံ၌ ဖြစ်သောသူ၊
(၃) ပြိတ္တာဘုံ၌ ဖြစ်သောသူ၊
(၄) အသညသတ်ပုံ, အရူပဘုံတို့၌ ဖြစ်နေသူ၊
(၅) မဇ္ဈိမတိုက် ဘုရားပွင့်ခိုက်၌ ပဋိသန္ဓေအားဖြင့် ချို့တဲ့စွာ လူဖြစ်နေသူ၊
(၆) မဇ္ဈိမတိုက်ဘုရားလက်ထက်၌ တိဟိတ်ပဋိသန္ဓေ တည်နေသူ ဖြစ်လျက် မိစ္ဆာဒိဋ္ဌိ ယူနေသူ၊
(၇) မစ္စန္တရဌ်ခေါ် သာသနာမဲ့ရာ အရပ်မျိုး၊
(၈) ဗုဒ္ဓသုညခေါ် သုညကမ္ဘာ၌ မဇ္ဈိမတိုက်သားစု။

ရပ်ပြစ် ၉-ပါး။ ။ ထို ၈-ပါးတို့တွင် 'အသူရကာယ်ဘုံ' ထည့်၍ (န၀အက္ခဏေ) ဟု သုတ်ပါထိက။ ၂၁၉-၌ လာရှိသည်။

ရယ်ခြင်း ၃-ပါး၊ လူအများ၊ တရားရစေမှု။ ။ စာဆိုတော်ကြီး စိန္တကျော်သူ ဘွဲ့ခံ ဦးသြ၏ သြ၀ါဒထူးပျို့ စာပိုဒ်ရေ ၁၅-မှ ရယ်ခြင်းသုံးပါးကိုပိုင်ဆိုင်သူတို့အတွက် တရားရရန် ပြဆိုလိုက်သည်။
(၁) မယားသယ် ရယ်ခြင်း၊ ချစ်လို့မညီး၊ ဇနီးအိမ်ရှင်၊ မိမိလင်သည်၊ ချစ်ခင်သောအား၊ သမီးသားကို၊ ပိုက်ဖျားအားရမ်း၊ ချီရှုတ်နမ်းသော်၊မယ်ဝမ်းကမွေး၊ သူများသွေးကို၊ အလေးတမြတ်၊ သင့်သားမှတ်၍၊ လည်ပတ်ဖက်ချီ၊ နမ်းလေပြီဟု၊ မထည်မလေး၊ အသွမ်းသွေး၍၊ အဝေးမျက်ကွယ်၊ မယားရယ်၏။
(၂) မြေ, လယ်, ယာက ရယ်ခြင်း၊ ငါ့လယ် ငါ့ယာ၊ ငါ့မြေတာဟု၊ ဥစ္စာခင်မင်၊ ဆိုပြန်လျှင်လည်း၊ အရှင်မဲ့ပါ၊ ငါတို့မှာမှု၊ ကမ္ဘာမကျေ၊ မခြင်းနေ၏၊ သွေယွင်းယို၊ သင်းတို့ကိုယ်မျှ၊ လို မပိုင်ဘဲ၊ ဘွယ်သရဲဟု၊ ပြောင်ဖြဲသောနှယ်၊ မြေကရယ်၏။
(၃) ရွှေငွေရတနာက ရယ်ခြင်း၊ ငါ့စိန် ငါ့ရွှေ၊ ငါ့ကြေးငွေဟု၊ စိတ်စေကြည်သာ၊ ဆိုပြန်ပါလည်း၊ ကြမ္မာဆော်တိုက်၊ ကောင်းတော်ခိုက်မို့၊ အိမ်ဆိုက်မျှသာ၊ တည်းခိုပါရှင့်၊ ငါးဖြာရန်သူ၊ ယူလည်းတို့ပါ၊ သေမင်းခွါလည်း၊ သင့်ရာ အလျောက်၊ ငါတို့ရောက်
သည်၊ တို့သခင်လျှင်၊ ဖြစ်ချင်လွန်းလှ၊ လွန်းမင်းစွဟု၊ ဒေါသချီးရယ်၊ ရွှေငွေရယ်သည်၊ သုံးသွယ်ရယ်ဆေး၊ ပြက် သွယ် သွေး။

ရယ်ခြင်း ၆-ပါး၊ မျိုးအပြား၊ မိန့်ကြား ဘိဓမ္မာ။ ။ ၎င်းင်း ခြောက်ပါး၌ ၂-ပါးစီ, အစဉ်အတိုင်း သူမြတ် ရယ်ခြင်း, သူလတ် ရယ်ခြင်း, သူယုတ် ရယ်ခြင်းဟု သိပါလေ။
(၁) သိတ- မျက်စိပွင့်ရုံမျှ ပြုံးခြင်း၊
(၂) ဟသိတ- သွားအနည်းငယ် ပေါ်ရုံမျှ ပြုံးခြင်း၊
(၃) ၀ိဟသိတ- အသံသာ ညှင်းစွာထွက်ရုံမျှ ရယ်ခြင်း၊
(၄) ဥပ ဟသိတ- ပခုံးဦးခေါင်း လှုပ်အောင် ရယ်ခြင်း၊
(၅) အပ ဟသိတ- မျက်ရည်ထွက်အောင် ရယ်ခြင်း၊
(၆) အတိဟသိတ- လက်, ခြေ, ကိုယ် ကို ပစ်ယိမ်း၍ ရယ်ခြင်း။

ရယ်ဘွယ် ၁၀-ပါး၊ က၀ိများ၊ မိန့်ကြားကဗျာ အဘယ်နည်း?။ ။ စိန္တကျော်သူ ဦးသြရေး သြ၀ါဒထူး ပျို့ကဗျာ၌ ဤသို့ဆို၏။
(၁)ဆယ်ပါးရယ်ဘွယ်၊ မှတ်ကြောင်း သွယ်ပိမ့်၊ ဥာဏ်ကျယ် ပါလျက်၊ ပွဲလယ်ချက် ၀ယ်၊ နှုတ်ထွက် ယွင်းပါး၊ ဖွင့်ဆိုမှားအံ့၊
(၂) ခစား သူ့မှာ၊ သူလိုရာသို့၊လိုက်နာရလျက်၊ မာနတက်အံ့၊
(၃) လက္ခဏာမဲ့၊ ချို့တဲ့ဥစ္စာ၊ ဆင်းရဲစွာလျက်၊ ကာမဂုဏ်မှု၊ လုံ့လပြုအံ့၊
(၄) ပြီးထုထပ်ပွား၊ ဥစ္စာများလျက်၊ မိုက်အား ဖုံးလွှမ်း၊ မပေးကမ်းဘဲ၊ ဒါန နည်းအံ့၊
(၅) ငြိမ်းချမ်းသာယာ၊ နေရပါလျက်၊ သူ့မှာမှီနေ၊ ခစားလေအံ့၊
(၆) သားရေလျော့ပါး၊ အိုလှည့်ငြားလျက်၊ တရားမဂ်ဖိုလ်၊ မမှီခိုအံ့၊
(၇) ရန်ဖြိုပယ်လှစ်၊ ပြည့်ရှင်ဖြစ်လျက်၊ မူ ညစ်ဆိုးနွမ်း၊ မှူးမတ်သွမ်းနှင့်၊ ချစ်ကျွမ်းဝင်ဝင်၊ ရေးတိုင်ပင်အံ့၊
(၈) သန့်စင်နွယ်ဓာတ်၊ မျိုးရိုးမြတ်လျက်၊ အတတ်မသင်၊ နားဝင် မကျွမ်း၊ လော်လီသွမ်းအံ့၊
(၉) မနွမ်းဂုဏ်အင်၊ယောက်ျားစင်လျက်၊ ချစ်ခင်စိုးပိုင်၊ မယားနိုင်အံ့၊
(၁၀) သုံးဆိုင်ဗေဒင်၊ ကုန်စင်မြောက်မြား၊ ထုံးနှယ်ထွားသည်၊ ပုဏ္ဏားဖြစ်လျက်၊ အကျင့်ပျက်အံ့၊ ကန့်ကွက်ခြားနား၊
ဤဆယ်ပါးကို၊ အမှားလူတွင်၊ ရယ်ဘွယ်ထင်သည်၊ သည့်ပြင်ရယ်ဆေး ရမည်ဝေး။

ရသ ၆-ပါး၊ ၇-ပါး၊ တနည်း။ ။ ၎င်းင်းသရုပ်ကို (အရသာ ၆-ပါး။ ၇-ပါး။ ၉-ပါး)၌ ရှုပါ။

ရသမျိုး ၃-ပါး။ ။ ပဋိသမ္ဘိဒါမဂ် ။ပါ။ ၂၈၀။ဋ္ဌ။ ပ-အုပ်။ ၁၈၃။
(၁) ဓမ္မရသ- မဂ်-၄-ပါး။
(၂) အတ္ထရသ- ဖိုလ် ၄-ပါး၊
(၃) ၀ိမုတ္တိရသ- နိဗ္ဗာန်။

ရဿ သရ၊ ၃-လုံးပြ၊ သဒ္ဒ ဥပဒေ။ ။ မျက်စိတမှိတ် လျှပ်တပြက်ခန့်မျှတိုသောအသံ တမတ္တျာကာလမျှ အသက်ရှိသော (အ, ဣ, ဥ) ၎င်းင်းသုံးလုံးကို ဆိုသည်။

ရသေ့မျိုး ၈-ပါး။ ။ သုတ္တနိပါတ် ။ဋ္ဌ။ ပ-အုပ်။၃၁၀။ သာသနာတော်တွင်း၌ ရသေ့မ၀တ်ကောင်းချေ၊ ရသေ့ဝတ်သောသူသည် သာသနာတော်ကို ဖျက်ဆီးသူ မည်ကြောင်းနှင့်သဠာယတနသံယုတ်။ပါ။၅၁၈။ဋ္ဌ။၁၄၅။သုတ်သီလ က္ခန် ။ပါ။ ၄၉။ဋ္ဌ။ ၂၄၀-တို့၌ သေချာစွာ ဟောထားတော်မူသည်။
(၁) သပုတ္တ ဘရိယ ရသေ့- ပစ္စည်းဥစ္စာ စုဆောင်း၍ သား မယားနှင့် နေသော ရသေ့၊
(၂) ဥစ္ဆာစရိယç ရသေ့- ကောက်သင်း ကောက်၍စားရသောရသေ့၊
(၃) အဂ္ဂိပက္ကိက ရသေ့- ဆန်ç ပဲç အလှူခံ၍ ချက်စားသော ရသေ့၊
(၄) အသာမပါက ရသေ့- ကျက်ပြီး ထမင်း ဟင်းကိုခံစားသော ရသေ့၊
(၅) အသ္မ မုဋ္ဌိက ရသေ့- သစ်ခေါက်ခွံကို ကိုခွါစားသောရသေ့၊
(၆) ဒန္တ၀က္ကလိက ရသေ့- မိမိသွားဖြင့်သာ ကိုက်ခွါစားသောရသေ့၊
(၇) ပ၀တ္တဖလ ဘောဇန ရသေ့-သစ်သီး သစ်ရွက်တို့ကိုချွေဆွတ်၍ စားရသောရသေ့၊
(၈) ပဏ္ဍုပလာသိက ရသေ့- အလိုလိုကျွေကျလာသော ရွက်ç ပွင့်ç သီး တို့ကိုသာ စားသော ရသေ့မျိုး။

ရဟန္တာတို့ မပြုတော့သော တရား ၅-ပါး။ ။ ဘယ်အခါမှ စေတနာနှင့်မပြုသော တရားငါးပါးဟူ၏။
(၁) ပါဏာတိပါတ၊
(၂) အဒိန္နာဒါန၊
(၃) မေထုနဓမ္မ၊
(၄) မုသာဝါဒ၊
(၅) သန္နိဓိကာရက- ခဲဘွယ်, ဘောဇဉ်ကို နောက်နေ့အတွက် သိုမှီ၍ စားခြင်းမျိုး။

ရဟန္တာမျိုး ၂-ပါး။ ။ ဈာန်အစေး ရှိç မဲ့ အားဖြင့် ပြားသည်။
(၁) သုက္ခ၀ိပဿက ရဟန္တာ- ဈာန်, အဘိညာဏ်, တန်ခိုးမရှိ၊ ပကတိ သူလို ငါလိုနေသော ရဟန္တာ၊
(၂) ဈာနလာဘီ ရဟန္တာ- ဈာန်, အဘိညာဏ်, တန်ခိုးရှင် ရဟန္တာ။

ရဟန္တာမျိုး ၆-ပါး၊ တနည်း။ ။ ရဟန္တာ အမျိုးအစား ၆-ပါး။
(၁) သဒ္ဓါဝိမုတ္တ ရဟန္တာ- လွန်ကဲသောသဒ္ဓါဖြင့် ကိလေသာမှ လွတ်ကင်းသော ရဟန္တာ၊
(၂) ပညာဝိမုတ္တ ရဟန္တာ- လွန်ကဲသော ပညာဖြင့် ကိလေသာမှလွတ်ကင်းသော ရဟန္တာ၊
(၃) ဥဘတောဘာဂ ၀ိမုတ္တ ရဟန္တာ- လောကီဝိဇ္ဇာ အဘိညာဉ်မပါ သဒ္ဓါçပညာ ၂-ပါးဖြင့်သာ ကိလေသာမှလွတ်ကင်းသော ရဟန္တာ၊
(၄) တေ၀ိဇ္ဇ ရဟန္တာ- ၀ိဇ္ဇာ ၃-ပါးနှင့်ပြည့်စုံသောရဟန္တာ၊
(၅) ဆဠာဘိည ရဟန္တာ- အဘိညာဉ် ၆-ပါးနှင့်ပြည့်စုံသောရဟန္တာ၊
(၆) ပဋိသမ္ဘိဒါ ပတ္တ ရဟန္တာ- ပဋိသမ္ဘိဒါ ၄-ပါးသို့ ဆိုက်ရောက်သော ရဟန္တာ။

ရဟန္တာမျိုး ၁၂-ပါး၊ တနည်း။ ။ သုတ္တနိပါတ် ။ဋ္ဌ။ ပ-အုပ်။၂၈၂။ ခုဒ္ဒကပါဌ ။ဋ္ဌ။ ၁၅၃-၌ အကျယ်ရှုပါ။
(၁) သုညတ ၀ိမောက္ခ ရဟန္တာ၊
(၂) အနိမိတ္တ ၀ိမောက္ခ ရဟန္တာ၊
(၃) အပဏိဟိတ ၀ိမောက္ခ ရဟန္တာ၊
၎င်းင်း ၃-ပါးကို ပဋိပဒါ ၄-ပါးနှင့်မြှောက် ရဟန္တာ ၁၂-မျိုး ဖြစ်၏။

ရဟန်းအပြား၊ မျိုး ၈-ပါး၊ ခွဲခြား သိတော်မူ။ ။ ၀ိနည်းပါရာဇိက ။ပါ။၂၈ ။ဋ္ဌ။ပ-အုပ်။ ၂၀၆။ ဘုရားရှင် လက်ထက်တော်က စ၍ ယနေ့တိုင်အောင် ဖြစ်လာကြသော ရဟန်းမျိုး အပြား ၈-ပါး။
(၁) ဧဟိ ဘိက္ခူပသမ္ပဒါ- ဘုရားရှင်က ရဟန်း လာလှည့်ဟု ခေါ်ဆဲ၌ အလိုလျောက်ပြီးသော ရဟန်းမျိုး။
(၂) သရဏ ဂမနူပသမ္ပဒါ- သရဏဂုံ ခံယူဆောက်တည်ရုံဖြင့် ပြီးသောရဟန်းမျိုး။
(၃) သြ၀ါဒ ပဋိဂ္ဂဟဏူပသမ္ပဒါ- ဤပုံ ဤနည်းဖြင့် ကျင့်ဟု ဆုံးမခြင်းဖြင့် ပြီးသော ရဟန်းမျိုး။
(၄) ပဥှာ ဗျာကရဏူပသမ္ပဒါ- သောပါက ထေရ်ကဲ့သို့ ပြဿနာဖြေဆို၍ဘုရားခွင့်ပြု
သဖြင့် ပြီးသော ရဟန်းမျိုး။
(၅) ဂရုဓမ္မ ပဋိဂ္ဂဟဏူပသမ္ပဒါ- ဂရုဓံကို ၀န်ခံချက် ထားခြင်းဖြင့်ပြီးသော ရဟန်းမျိုး။
(၆) ဒူတေနူပသမ္ပဒါ- အဍ္ဎုကာသိက မည်သော ပြည့်တန်ဆာမကဲ့သို့ တမန်စေလွှတ်ခြင်း
ဖြင့် ပြီးသော ရဟန်းမျိုး။
(၇) အဋ္ဌ၀ါစိကူပသမ္ပဒါ- ဘိက္ခုနီမများထံ ၄-ကြိမ်, ဘိက္ခုယောက်ျားများထံ ၄-ကြိမ် အားဖြင့် ရှစ်ကြိမ်သော ဉတ်, ကမ္မ၀ါစာဖြင့်ပြီးသော ရဟန်းမျိုး။
(၈) ဉတ္တိစတုတ္ထ ကမ္မူပသမ္ပဒါ- ဉတ်နှင့်တကွ လေးကြိမ်မြောက်သောကမ္မ၀ါစာဖြင့် ပြီးသော ရဟန်းမျိုး။

ရဟန်းကောင်းတို့ သွင်မူရာဂုဏ် ၂၂-ပါး။ ။ ရှိခိုးပူဇော်ခြင်းငှါ ထိုက်သောပုထုဇဉ်
ရဟန်းတို့ အသွင်မူရာ ဂုဏ် ၂၂-ပါး၊ ဖူးမြင်ရသူတို့ စိတ်ထဲ၌။
(၁) သေက္ခပုဂ္ဂိုလ်ဟု ထင်မှတ်ခြင်း၊
ရဟန္တာဟု ထင်မှတ်ခြင်း၊
အရိယာတို့နှင့်တူသော အကျင့်ရှိခြင်း၊
တူသော နေထိုင်ခြင်း ရှိခြင်း၊
တူသောဣနြေ္ဒရှိခြင်း၊
တူသော ဆင်းရဲခြင်း ရှိခြင်း၊
တူသော သည်းခံခြင်းရှိခြင်း၊
တကိုယ်ထီးတည်း အကျင့်ရှိခြင်း၊
တကိုယ်ထီးတည်းမွေ့လျော်ခြင်း၊
တယောက်ထီးတည်းကျိန်းအောင်းခြင်း၊ (၁၀)
မကောင်းမှုမှ ရှက်ခြင်း၊
မကောင်းမှုမှ လန့်ခြင်း၊
သဓမ္မအကျင့်ကို အားထုတ်ခြင်း၊
ကုသိုလ်၌မမေ့လျော့ခြင်း၊
သုက်လွတ်ခြင်းကာမမှ ဖဲကြဉ်ခြင်း၊
ပါဠိကို သင်ယူခြင်း၊
အဋ္ဌကထာသင်ယူခြင်း၊
သီလ, သမာဓိ, ပညာဂုဏ်၌ မွေ့လျော်ခြင်း၊
ကင်းသော တပ်မက်မှုရှိခြင်း၊
သိက္ခာပုဒ်တော်ကို ဖြည့်ကျင်ခြင်း၊ (၂၀)
ဖန်ရည်စွန်းသော သင်္ကန်းကိုဆောင်ခြင်း၊
ဦးပြည်း ဦခေါင်းရှိခြင်း။(၂၂)

ရဟန်းကောင်းများ၊ ထို ၆-ပါး၊ ဖွဲ့ငြား မိတ်ဆွေ မပြုရာ။ ။ ၎င်းင်း သရုပ်ကို
(ဆွမ်းမခံရာသည့် ဌာန ၆-ပါး) ဟူသော သုတေတန၌ ဆိုခဲ့ပြီ။

ရဟန်းကျောင်းများ၊ မျိုး ၁၀-ပါး၊ ခြားနား မည်သို့နည်း?။ ။ ရဟန်းတော်များ
၏ ဆိတ်ငြိမ်ရာ ကျောင်းသင်္ခမ်းကို သာမညဖလသုတ်၌ ဤသို့ပြ၏။
(၁) ၀ိဝိတ္တသေနာသန- အမိုး အကာ အခင်းတို့ဖြင့် ဆိတ်ငြိမ်ရာ၌ဆောက်လုပ်သောကျောင်း၊
(၂) အရည- တောရကျောင်း- ရွာနီးချုပ်စပ်တောငယ်မျိုး၊
(၃) ရုက္ခမူလ- သစ်တပင်ရင်း ၀ါးတပင်အောက်၊
(၄) ပဗ္ဗတ- တောင်ပေါ် တောင်စောင်း တောင်သာယာ၊
(၅) ကန္ဒရ- ချောက် ချောင်သာယာသော ကမ္ဘားရံ၊
(၆) ဂိရိ ဂုဟ- တောင်ခေါင်း ဥမင်လိုဏ်ဂူ၊
(၇) သုသာန- သင်းချိုင်း သုသာန်၊
(၈) ၀နပတ္ထ- တောအုပ် တောနက်ရွာဝေးခေါင်ခေါင် တောကြီး၊
(၉) အဗ္ဘော ကာသ- လွင်ပြင် လဟာပြင်၊
(၁၀) ပလာလ ပုဉ္ဇ- ကောက်ရိုးပုံ မြက်ပုံ ၎င်းင်းအုံသော ကျောင်း။

ရဟန်းဆိုး ဒုဿီလတို့၏ ကျေးဇူးဂုဏ် ၁၀-ပါး။ ။ ၎င်းင်း သရုပ်ကို (ဒုဿီလ
ရဟန်းတို့ ကျေးဇူးဂုဏ် ၁၀-ပါး)၌ ဆိုခဲ့ပြီ။

ရဟန်းဆိုးများ၊ ရှာမှီစား၊ အမှား ၂၁။ ။ ၎င်းင်း သရုပ်ကို (အနေသန တရား၂၁-ပါး)၌ ဆိုခဲ့ပြီ။

ရဟန်းတို့၏ ဒုက္ခ ၅-ပါး။ ။ ရဟန်းတော်များ ခံစားရသည့် ဆင်းရဲခြင်းငါးပါး။
(၁) စီဝရ အသန္တုဋ္ဌ- ရရှိ ရရှိနေသော သင်္ကန်းဖြင့် မရောင့်ရဲနိုင်သော ရဟန်း၊
(၂) ပိဏ္ဍပါတ အသန္တုဋ္ဌ- ရရှိ ရရှိနေသော ဆွမ်းဖြင့် မရောင့်ရဲနိုင်သော ရဟန်း၊
(၃) သေနာသန အသန္တုဋ္ဌ- ရရှိပြီးသောကျောင်းအိပ်ရာနေရာဖြင့် မရောင့်ရဲနိုင်သော ရဟန်း၊
(၄) ဘေဇ္ဇအသန္တုဋ္ဌ- လက်ရှိဆေးဖြင့် မကျေနပ်သေးခြင်း၊
(၅) ဗြဟ္မစရိယ အနဘိရတ- ရဟန်းကျင့်ဝတ်၌ မပျော်ပိုက် မကျင့်ကြံနိုင်ခြင်း။

ရဟန်းတို့၏သီလကြီး ၄-ပါး။ ။ ၎င်းင်း သရုပ်ကို (သီလကြီးမျိုး ၄-ပါး) ၌ရှုပါ။

ရဟန်းတို့၏ မကျက်စားကောင်းသော အိမ် ၆-ပါး။ ။ ၀ိသုဒ္ဓိမဂ် ။ပ။ ၁၇။ ၀ိနည်း မဟာဝါ ။ပါ။ ၉၉။ဋ္ဌ။ ၂၇၃။
(၁) ဝေသိယ ဂေါစရ- ပြည့်တန်ဆာမအိမ်။
(၂) ၀ိဓ၀ါ ဂေါစရ- မုဆိုးမချည်း နေသောအိမ်၊
(၃) ထုလ္လကုမာရီ ဂေါစရ- အပျိုကြီး အပျိုဟိုင်းချည်း နေသောအိမ်၊
(၄) ပဏ္ဍကဂေါစရ- ပဏ္ဍုက် အိမ်၊
(၅) ဘိက္ခုနီ ဂေါစရ- ဘိက္ခုနီမဋ္ဌာန်၊
(၆) ပါနာဂါရ ဂေါစရ- သေတင်းကုပ်၊ ဘုံဆိုင်၊
၎င်းင်း ၆-ဌာနသို့ မိတ်ဆွေခင်ပွန်းဖွဲ့၍ သွားလာလည်ပတ်ခြင်းကို မပြုရာ၊ ပြုသော် ဒုက္ကဋ် အာပတ်သင့်၏။

ရဟန်းတော်များ၊ မအပ်ငြား၊ ၉-ပါး သီးဖျော်ရည်။ ။ ၎င်းင်း သရုပ်ကို(အသီးကြီး ၉-ပါး) ဟူသော သုတေသန၌ ဆိုခဲ့ပြီ။

ရဟန်းတော်များ၊ ရှိမခိုးကောင်းသော ပုဂ္ဂိုလ် ၂၅-ယောက်။ ။ ၎င်းင်း သရုပ်ကို)အ၀န္ဒိယ ပုဂ္ဂိုလ် ၂၅-ပါး)၌ ဆိုခဲ့ပြီ။

ရဟန်းတို့ မစားကောင်းသော အသားကြီး ၁၀-ပါး။ ။ ၎င်းင်း သရုပ်ကို (အသားကြီး ၁၀-ပါး)၌ရှုပါ။

ရဟန်းတို့ မမေ့အပ်သော အချိန်ကာလနှင့် အရပ်မျိုး ၃-ပါး။ ။
(၁) ရဟန်းဖြစ်ရာသိမ်, အချိန်ကာလ၊
(၂) ပဌမမဂ်ကိုရသော အရပ်, အချိန်ကာလ၊
(၃) ရဟန္တာဖြစ်သော အရပ်, အချိန်ကာလ။
တိကဂုင်္တ္တရ။ပါ။ ၁၀၅ ။ ဋ္ဌ ။ ၇၅။

ရဟန်းတော်များ၊ ၀န် ၂-ပါး၊ ချထား မြတ်ဗုဒ္ဓါ။ ။ ၎င်းင်း သရုပ်ကို(ဓူရ ၂-ပါး)၌ ဆိုခဲ့ပြီ။

ရဟန်းတော်များ၊ သားငါးစား၊ ၃-ပါး အစွန်းလွတ်။ ။ ၎င်းင်း သုတေသန၏သရုပ်ကို (အစွန်း ၃-ပါး၊ ကင်းလွတ်ငြား၊ သားငါးအပ်သည်သာ)ဟူသော စကားရပ်၌ ဆိုခဲ့ပြီ။

ရဟန်းဖြစ်ခြင်း အင်္ဂါ ၅-ပါး။ ။ ၎င်းင်းသရုပ် အဓိပ္ပါယ်ကို (ပဉ္စင်းအင်္ဂါ မျိုး ၅-ဖြာ)၌ ဆိုခဲ့ပြီ။

ရဟန်းမခံကောင်းသူ ၁၃-ယောက်။ ။ ရဟန်း ခံပေးသော်လည်း ရဟန်းမဖြစ်။
(က) အသက် ၂၀-မပြည့် သောသူ၊
(ခ) ပါရာဇိက ကျပြီးသောသူ၊
(ဂ) အဘဗ္ဗပုဂ္ဂိုလ် ၁၁-ယောက်၊ ပေါင်း ၁၃-ယောက်။

ရဟန်းမများ၊ ၁၃-ပါး၊ ထားငြား ဧတဒဂ်။ ။ သရုပ်(ဧတဒဂ်ရ ရဟန်းမိန်းမ ၁၃-ပါး) ၌ ဆိုခဲ့ပြီ။

ရဟန်းယောက်ျား၊ ဧတဂ်ထား၊ ၄၁-ပါး၊ အဘယ်နည်း၊။ ။ သရုပ်(ဧတဒဂ်ရ ရဟန်းယောကျာ်း၄၁-ပါး၌ ဆိုခဲ့ပြီ။

ရဟန်းဝတ် ၆-ပါး။ ။ ဒါယကာ ဒါယိကာမများ အပေါ်၌ ရဟန်းတော်တို့က ပြုကျင့်ရမည့် ၀တ် ၆-ပါး။
(၁) မကောင်းသော ကာယကံမှု, ၀စီကံမှု, မနောကံမှု တို့ကို မပြုလုပ် မကြံစည်နိုင်အောင် တားဆီးပိတ်ပင်ပေးရခြင်း၊
(၂) ကောင်းသော အမူအရာနှင့် သုစရိုက်မှုတို့ကို ပြုလုပ်ကျင့်ကြံနိုင်ရန် ညွှန်းလှစ်၍ ပြရခြင်း။
(၃) အသစ်အသစ်ဖြစ်သော တရားတို့ကို ဟောကြားရခြင်း၊
(၄) နာကြားဘူးပြီးသော တရားတို့ကို တဖန်ထပ်မံ၍ သိနိုင်ရန် သတိရနိုင်ရန် မမေ့နိုင်ရန်အတွက် ဟောပြော၍ ပေးရခြင်း၊
(၅) မိမိတို့ဒါယကာ ဒါယိကာမများအား အယုတ်ဆုံး နတ် ပြည်လောက်တော့ လားရောက်ရအောင် ကျင့်ကြံဆောင်ရွက် ပေးရခြင်း၊
(၆) မိမိအပေါ်၌အကျိုး ကျေးဇူးများသော ဒါယကာ ဒါယိကာမတို့ကိုအကျိုး ကျေးဇူးများသလို မေတ္တာတရား ပွားများပေးရခြင်း။

ရဟန်းသံဃာ၊ ဆွမ်းကပ်ရာ၊ ၅-ဖြာ အင်္ဂါသိ။ ။ ၎င်းင်း သရုပ်ကို (ဆွမ်းကပ်သူများ၊ သတိထား၊ ၅-ပါး ကပ်အင်္ဂါ) ဟူသော ပြဿနာ၌ ဆိုခဲ့ပြီ။

ရဟန်းသံဃာ၊ ရှေ့မှောက်မှာ၊ ၂-ဖြာ ထိုင်ပုံသိ။ ။
(၁) ရတနာ ၃-ပါး ဆရာသမားတို့အား ရှိခိုးပူဇော် ကန်တော့သောအခါ သီလတောင်းယူသောအခါ တောင်းပန် လျှောက်ထားသောအခါ မျိုးတို့၌ "ဥက္ကုဋိကံ နိသီဒိတွာ အဉ္စလိံ ပဂ္ဂဟေတွာ" ဟူသော ပါဠိတော်အရ ဆောင့်ကြောင့်ထိုင်ကာ လက်အုပ် ချီမိုးနေရမည်၊
(၂) ထို ပုဂ္ဂိုလ်တို့ကို ခစား နေထိုင်သော အခါတို့၌မူ "ဇဏ္ဏုကာနိ နိပတိတွာ တဿဘိမုခံ ကရိတွာ" ဟူသော ပါဠိတော်နှင့်အညီ ပုဆစ်ဒူး ချကာ တုံ့ပိုင်းထိုင်နေရမည် ဟူ၏။
အထူးမှတ်ချက်။ ။ အထက်ဖော်ပြပါ နှစ်ဖြာသော ထိုင်ပုံနည်းတို့တွင်-
အမှတ် (၁) ထိုင်ပုံနည်းကား - ဒါယကာ ယောက်ျားများအတွက်သာ ဖြစ်၏၊ မိန်းမများ အတွက်ကား
ပုဆစ်တုပ် ထိုင်ခြင်းက လျော်ကန် သင့်မြတ်သည်။
အမှတ် (၂) ထိုင်ပုံနည်းကား- ယောက်ျားရော, မိန်းမပါ, နှစ်မျိုးတို့အတွက် ဖြစ်သည်။
အမှတ် (၃) ထိုင်ပုံတနည်းကား - ၀ိပဿနာ ဘာဝနာတရားရှုမှတ် ပွားများသော အခါမျိုး၌ "ပလ္လင်္ကံ အာဘုဇိတွာ ဥဇုံကာယံ ကတွာ" ဟူသော ပါဠိတော်အရ ရဟန်းတော်များနှင့်ယောက်ျားရော, မိန်းမပါ, မည်သူမဆို တင်ပလ္လင်ခွေ၍ ကိုယ်ကိုမတ်ဖြောင့်စွာထားကာ ထိုင်ရမည်၊ (ထိုင်ကောင်းသည်ချည်း)ဟုမှတ်ရာ၏။ အချို့ ဆရာတို့က မိန်းမများကို တင်ပလ္လင်ခွေ မထိုင်ရဟုတားမြစ်ခြင်းမှာ သူတို့သဘောမျှသာ ဖြစ်ချေသည်၊ နည်းမှန်တရားဝင်ကား ထိုင်ခြင်း ဣရိယာပုထ်တို့တွင် တင်ပလ္လင်ခွေထိုင်ခြင်းကား- ကိုယ်ကာယကို မျှတ သက်သာစေ၍ သမာဓိတရား မြန်မြန် ရလွယ်စေတတ်သည်၊ ထို့ကြောင့် မိန်းမများတင်ပလ္လင်ခွေ ထိုင်လိုက ထိုင်နိုင်သည်ဟု မှတ်ကုန်ရာသတည်း။

ရဟန်းဟုတ်မှန်၊ အင် ၃-တန်၊ ထုတ်ပြန်မိန့်တော် မူ။ ။ ရဟန်းဟူသည်ကား ပေါ့ပေါ့
တန်တန် မနေရာ၊ အောက်ပါ အင်္ဂါသုံးဖြာနှင့် ပြည့်စုံမှ ရဟန်းစစ်မှန်ဖြစ်သည်သာဟူ၏၊ ရှေးဆရာတော်ကြီးများ မိန့်ကြားချက်။
(၁) တပေါ- ရဟန်းကျင့်ဝတ်နှင့် ပြည့်စုံရခြင်း၊
(၂) သုတိ- ကျင့်ရမည့်ရဟန်း ၀ိနည်းတရားကို သိကြား နားလည်ရခြင်း၊
(၃) ယောနိ- ရဟန်းခံရာ၌ ကံဆောင်သံဃာတို့သည် ရဟန်းမျိုးဇာတ် စစ်မှန်ရခြင်း။