ဝိကာရရုပ်မျိုး ၅-ပါး။ ။ အထူးထူး အပြားပြား ခြားနားသော အမူအရာရှိသည့်ရုပ် ၅-ပါး၊ ၎င်းင်းကို (ရုပ်၂၈-ပါး)၌ ပြခဲ့ပြီ။
ဝိကာလဘောဇန ဆက္က သီလ။ ။ ၎င်းင်းသရုပ်(ခြောက်ပါးသီလ)နှင့် တူ၏။
ဝိကာလဘောဇန သိက္ခာပုဒ်၏ အင်္ဂါ ၄-ပါး။ ။ ၎င်းင်း လေးပါးနှင့်ညီက ထိုသိက္ခာပုဒ် ပျက်၏။
(၁) မွန်းတည့် သည်မှ အာရုဏ်တက် အတွင်းဝိကာလချိန်လည်း ဖြစ်စေ၊
(၂) ခဲဘွယ်မျိုး ၁၂-ပါး၊ဘောဇဉ်မျိုး ၅-ပါးတို့တွင် တပါးပါသော ယာဝကာလိကလည်း ဖြစ်စေ၊
(၃) ထိုယာဝကာလိက ၀တ္ထုတို့ကို စားမျိုသည်လည်းဖြစ်စေ၊
(၄) မရူးသူလည်းဖြစ်စေ။
ဝိဇ္ဇာ ၃-ပါး။ ။ ဣတိဝုတ် ။ပါ။ ၂၆၁ ။ဋ္ဌ။ ၂၉၆။သံယုတ် ။ဋ္ဌ။ ပ-အုပ်။ ၁၉၅- တို့၌ ရူပါ။ ပု, ဒိ, အာ, ခေါ် ပုဗ္ဗေနိဝါသ ဥာဏ်တော်၊ ဒိဗ္ဗစက္ခုဥာဏ်တော်၊ အာသ၀က္ခယ ဥာဏ်တော်၊ ၎င်းင်း သုံးပါးကို ခေါ်ဆိုသည်။
ဝိဇ္ဇာ ၈-ပါး။ ။ ဣတိဝုတ် ။ပါ။ ၂၁၆ ။ဋ္ဌ။ ၂၉၆။အထူးသဖြင့် သိကြောင်းဖြစ်သော အလင်းရောင် ဥာဏ်အပြား ၈-ပါး။
(၁) ပုဗ္ဗေ နိဝါသဥာဏ်- ရှေးရှေးသောဘ၀ ခန္ဓာအစဉ်ကို မြင်နိုင်သောဥာဏ်၊
(၂) ဒိဗ္ဗ စက္ခုဥာဏ်- နီး, ဝေး, သေး, ကြီးသော ရူပါရုံဟူသမျှ အကုန် မြင်စွမ်းနိုင်သော ဥာဏ်၊
(၃) အာသ၀က္ခယ ဥာဏ်- တထောင့်ငါးရာ ကိလေသာကို ပယ်ခွါသတ်ဖြတ်တတ်သော အရဟတ္တမဂ် ဥာဏ်၊
(၄) ဣဒ္ဓိဝိဓ ဥာဏ်- ထူးထွေအံ့ဆန်းသောတန်ခိုးတော် အရပ်ရပ်ကို ဖန်ဆင်းနိုင်သော ဥာဏ်၊
(၅) ဒိဗ္ဗသောတဥာဏ်- ဝေး, နီး, တိုး, ကျယ်သော အသံဟူသမျှကို ကြားစွမ်းနိုင်သောဥာဏ်၊
(၆) စေတော ပရိယ ဥာဏ်- စိတ်အစဉ်ကို လိုက်၍သိသော ဥာဏ်၊
(၇) မနော မယိဒ္ဓိ ဥာဏ်-စိတ်ကြံတိုင်း ကိုယ်ပြီးသော တန်ခိုးတော်ရှိသည့် ဥာဏ်၊
(၈) ၀ိပဿနာ ဥာဏ်-၀ိပဿနာ ဥာဏ်စဉ် အရပ်ရပ်။
ဝိဇ္ဇာဓိုရ်မျိုး ၅-ပါး။ ။ ကျေးဇူးရှင် လယ်တီဆရာတော် ဘုရားကြီးနှင့်သေက္ချတောင် ဦးတိလောက အရှင်မြတ်တို့ စီရင်ရေးသားသော ၀ိဇ္ဇာမဂ္ဂဒီပနီကျမ်းမှ။
(၁) ဝေဒ ၀ိဇ္ဇာဓိုရ်- ဣသျှု, ယဇု, သာမ, အာတပ္ပန ခေါ်ဗေဒင်လေးမျိုး တတ်သူ၊
(၂) မန္တ ၀ိဇ္ဇာဓိုရ်- လက္ခဏာကျမ်း, နိမိတ်ကျမ်း, ဂါထာ မန္တရား, ဆေးဝါး ဓာတ်ကျမ်းစသည့် စက်မှု, လက်မှု, လောကီပညာ အတတ်အမျိုးမျိုး တတ်သူ၊
(၃) ဂန္တာရီ ၀ိဇ္ဇာဓိုရ်- ဓနသိဒ္ဓိ, အာယုသိဒ္ဓိ, စိန္တာမယသိဒ္ဓိ, ပထ၀ီသိဒ္ဓိ, အာကာသသိဒ္ဓိ, ဥဒကသိဒ္ဓိမျိုးကို ပေါက်၍ နတ် သိကြားတို့လောက် အစွမ်းရှိသော ဆေးဝိဇ္ဓာ, အင်းဝိဇ္ဇာ, ပြဒါးဝိဇ္ဇာ, သံဝိဇ္ဇာ, ဟူသမျှ၊
(၄) လောကိယ ၀ိဇ္ဇာဓိုရ်- လောကီအဘိညာဉ် ငါးပါးကို ရတော်မူကြသော ဈာန်ပျံ ပုဂ္ဂိုလ်အပေါင်း၊
(၅) အရိယ ၀ိဇ္ဇာဓိုရ်- အနိစ္စ ဒုက္ခ အနတ္တ ရုပ်, နာမ် ဓမ္မသင်္ခါရတို့ကို အဟုတ်အမှန် သိတော်မူကြသော အရိယာ ပုဂ္ဂိုလ်ရှစ်ယောက်။
ဝိဇ္ဇာဓိုရ်မျိုး ၅-ပါး၊ တနည်း။ ။
(၁) ပြဒါးဝိဇ္ဇာ၊
(၂) သံဝိဇ္ဇာ၊
(၃) ဆေးဝိဇ္ဇာ၊
(၄) အင်းဝိဇ္ဇာ၊
(၅) မန္တန်ဝိဇ္ဇာ၊
ထို့ကြောင့် ဦးပုညအဂ္ဂိရတ် မေတ္တာစာ၌၊"ပါဠိအဋ္ဌကထာ ဋီကာကျမ်းပေါင်း စာဟောင်းစာတမ်း ထုံးတမ်းရာဇ၀င်တို့ကို ဆင်ခြင်ထောက်စာ၍ ၀ိဇ္ဇာဓိုရ်ဖြစ်ဟန်မှာ၊ ပြဒါး, သံ, ဆေးစား, အင်း, မန္တန်, အတတ်များကြောင့် ကောင်းကင်သွားရွှေငွေ အထွေထွေ တန်ခိုးမျိုးတို့ကို အစိုးရလတ်၍ လူ့ရပ်နတ်ပြည်လှည့်လည် သွားလာသော ၀ိဇ္ဇာမိုရ်ငါးရပ်ရှိသည်ဟု ဆိုထားသေး၏။
ဝိဇ္ဇာမျိုး ၄-ပါး။ ။ လောကီ လောကုတ္တရာတို့ကို သိကြောင်း၊ သို့မဟုတ် သိတတ်သော တရား၎-ပါး ဟူ၏။
(၁) လောကိယ ၀ိဇ္ဇာ- ဗြဟ္မဇာလသုတ် မဟာသီလခန်းတွင် လာသောအင်္ဂ ၀ိဇ္ဇာ, နိမိတ္တက ၀ိဇ္ဇာ, ဥပ္ပါတ ၀ိဇ္ဇာ, သုပိန ၀ိဇ္ဇာ, လက္ခဏ ၀ိဇ္ဇာ, စသည့် များစွာသော လောကီအတတ်စု။
(၂) ဗြဟ္မဏ ၀ိဇ္ဇာ- တိဏ္ဏံ ဒေ၀ါနံ ပါရဂူ, ဟူသော ပါဠိတော်အရ တေ၀ိဇ္ဇပုဏ္ဏားတို့၏ အတတ်ဖြစ်သော ဗေဒင်သုံးပုံ။
(၃) ဣသိ ၀ိဇ္ဇာ- သာသနာပ အခါ၌ ရသေ့ ယောဂီတို့ လက်သုံးအကောင်းဆုံးခေါ်ရသည့် ဈာန်တရားစုနှင့် ဒိဗ္ဗစက္ခု, ဒိဗ္ဗသောတ, စေတောပရိယ, ပုဗ္ဗေနိဝါသ, ဣဒ္ဓိဝိဓ, ခေါ် လောကီ အဘိညာဉ်ငါးရပ် အတတ်စု။
(၄) ဗုဒ္ဓ ၀ိဇ္ဇာ- ဥာဏ်ပညာ၏ အရာဌာန သာသနလက်သုံး ဖြစ်သောဝိဇ္ဇာရှစ်ပါး တရားစု။
ဝိဇ္ဇာအတတ် ၁၈-ရပ်။ ။ ၎င်းင်း တဆယ့်ရှစ်ရပ်သော အတတ်တို့ကို နှုတ်ဖြင့်ရွတ်ဖတ်
သရဇ္ဈာယ်ရသောကြောင့် အဋ္ဌာရသ ၀ိဇ္ဇာဟု လောကီကျမ်းတို့၌၎င်းင်း၊ ဗိသဏုပုရာဏ်၌၎င်းင်း လာ၏။
(၁) ကပ္ပ- မန္တန် မန်းမှုတ်နည်းအတတ်ကျမ်း၊
(၂) ဗျာကရဏ- သံနေ သံထား သဒ္ဒါပုဒ်များကိုပြသော အတတ်ကျမ်း၊
(၃) ဇောတိသတ္ထ- ဂြိုဟ်နက္ခတ်တို့၏ သရုပ်သဏ္ဌန်နှင့် ကောင်းဆိုးကို ဟောဆိုနည်း ကျမ်းအတတ်၊
(၄) သိက္ခာ- သရ ဗျည်း ဌာန် ကရိုဏ်း ပယတ်တို့ကို ရွတ်ဆိုပုံနှင့် ပြသော ကျမ်း။
(၅) နိရုတ္တိ- ၀ဏ္ဏလာပုံ ပစ္စည်းသက်ပုံ ၀ိဂြိုဟ်ပြုပုံတို့ကို ဆိုသော ကျမ်းအတတ်၊
(၆) ဆန္ဒော ၀ိစိတိ- ဆန်းကျမ်း အတတ်၊
(၇) သာမ ဗေဒင်၊
(၈) ယဇု ဗေဒင်၊
(၉) ဣရု ဗေဒင်၊
(၁၀) အာထဗ္ဗဏ ဗေဒင်တို့ကိုဟောဆိုသရဇ္ဈာယ်သော အတတ်၊
(၁၁) မီမံသာ- ကံ၏ အကြောင်းအရာ ဗြဟ္မာ၏ အကြောင်းအရာကို စီစစ်ဟောဆို ဆုံးဖြတ်သော ကျမ်းအတတ်၊
(၁၂) နျာယ- တက်ကျမ်းမျိုးစုံ အတတ်၊
(၁၃) ဓမ္မသတ္ထ-တရားဥပဒေဓမ္မသတ် ကျမ်းအတတ်၊
(၁၄) ပုရာဏ- ရှေးဟောင်း အကြောင်းစကားတို့ကို ဆိုသော ကျမ်းအတတ်၊
(၁၅) အာယုဗေဒ- ဆေးကျမ်းဟောအတတ်၊
(၁၆) ဓနုဗ္ဗေဒ- မန္တန်မန်းမှုတ်၍ ပြုအပ်သော လေးပစ်အတတ်၊
(၁၇) ဂန္ဓဗ္ဗဗေဒ- သီဆိုကျူးရင့် ကခုန်မှု အတတ်၊
(၁၈) အတ္ထသတ္တ- အကျိုးစီးပွားများစေမည့် ယဉ်ကျေးစွာ ပြောဆိုပုံ နည်းမျိုးနှင့် စကားရည်လုပုံ နည်းတို့ကို ပြသော ကျမ်းအတတ်။
ဝိညတ်မျိုး ၂-ပါး။ ။ သိစေတတ်သော အမူအရာ ၂-ပါး။
(၁) ကာယ၀ိညတ်- ကိုယ်အမူအရာဖြင့် မျက်စိမှိတ်ခြင်း, ခေါင်းညိတ်ခြင်း, လက်ပြခြင်း,စသည်မျိုး၊
(၂) ၀စီ ၀ိညတ်- နှုတ်ဖြင့် ပြောဆိုခြင်းမျိုး။
ဝိညာဉ် ၆-ပါး။ ။ သိတတ်သော တရားသဘောစု ၆-ပါး။
(၁) စက္ခုဝိညာဉ်- မြင်သိစိတ်၊
(၂) သောတ၀ိညာဉ်- ကြားသိစိတ်၊
(၃) ဃာန၀ိညာဉ်- နံသိစိတ်၊
(၄) ဇိဝှါ ၀ိညာဉ်- လျက်သိစိတ်၊
(၅) ကာယ ၀ိညာဉ်- ထိသိစိတ်၊
(၆) မနော ၀ိညာဉ်- တွေးသိစိတ်။
ဝိညာဉ်ဏဋ္ဌိတိ ၇-ပါး။ ။ စူဠနိဒ္ဒေသ။ပါ။၁၆၃ ။ဋ္ဌ။ ၄၆။ သတ္တင်္ဂုတ္တရ။ပါ။၄၇၂။ဋ္ဌ။၁၆၃။ သုတ်မဟာဝါ ။ပါ ၅၈ ။ဋ္ဌ။ ၉၉-တို့၌ အကျယ်ရှုပါ။ ၀ိညာဉ်၏ တည်ခြင်း ၇-မျိုး။
(၁) နာနတ္တ ကာယ နာနတ္တ သညီ- ကိုယ်အမျိုးမျိုးရှိသော သညီအမျိုးမျိုးရှိသော လူနှင့် နတ်အချို့, ၀ိနိပါတိက အသူရာအချို့၊
(၂) နာနတ္တ ကာယ ဧကတ္တသညီ- ကိုယ်အမျိုးမျိုး သညီကား တခုတည်းသာရှိသော ပဌမဈာန် ၃-ဘုံ ဗြဟ္မာများ၊
(၃) ဧကတ္တကာယ နာနတ္တသညီ- တူသော ကိုယ်ရှိ၍ သညီအားဖြင့် ပြားကုန်သောပရိတ္တာဘာ, အပ္ပမာဏာ, အာဘဿရာ ဗြဟ္မာများ၊
(၄) ဧကတ္တ ကာယ ဧကတ္တ သညီ- တူသောကိုယ် တူသော သညီ ရှိကြကုန်သော ပရိတ္တာသုဘ, အပ္ပမာဏ သုဘာ, သုဘကိဏှာ, ဗြဟ္မာများ၊
(၅) အာကာသာ နဉ္စာယတနဘုံ ဗြဟ္မာများ၊
(၆) ၀ိညာဏဉ္စာယတနဘုံဗြဟ္မာများ၊
(၇) အာကိဉ္စညာယတနဘုံ ဗြဟ္မာများ။
ဝိညာဏဓာတ် ၆-ပါး။ ။ ၀ိညာဉ် ၆-ပါးကိုပင် ဓာတ်နေရာ၌ '၀ိညာဏဓာတ်၆-ပါး'ဟု ခေါ်ဝေါ်၏၊ အနက်အဓိပ္ပါယ် အတူတူပင်။
ဝိတက်ဆိုး ၃-ပါး။ ။ မူလပဏ္ဏာသ ။ပါ။ ၁၆၁ ။ဋ္ဌ။ ပ-အုပ်၊ ၃၈၃။မကောင်း ကြံစည်ခြင်း ၃-ပါး။
(၁) ကာမ ၀ိတက်- ကာမဂုဏ်ကို ကြံစည်ခြင်း၊
(၂) ဗျာပါဒ၀ိတတ်- သူတပါးအား သေကြောင်း ပျက်စီးကြောင်းကို ကြံစည်ခြင်း၊
(၃) ၀ိဟိံသ၀ိတက်- သူတပါးကို ညှင်းဆဲနှိပ်စက်ခြင်းငှါကြံစည်ခြင်း။
ဝိတက်မျိုး ၃-ပါး၊ တနည်း။ ။ နိက္ခမ၀ိတက်, အဗျာပါဒ၀ိတက်, အ၀ိဟိံသ၀ိတက်တို့ကို ခေါ်သည်၊ ၎င်းင်း သရုပ်အဓိပ္ပါယ်မူကျယ် (သမ္မာသင်္ကပ္ပမျိုး၃-ပါး)၌ ဆိုအံ့။
ဝိထိ ၃-ပါး၊ နေလများ၊ လမ်းသွား ဗေဒင်လာ။ ။ နေမင်း၏ သွားလမ်းကိုအတွင်း ၀ိထိ,
အလယ်ဝိထိ, အပြင်ဝိထိ ၃-ပိုင်းညှိ၍ လမ်း ၃-ပါးဖြင့်ပိုင်းခြားပြခြင်းမျိုး၊ ဇိနာလင်္ကာရဋီကာနှင့် သာရတ္ထသင်္ဂဟ အဋ္ဌကထာ။
(၁) ဗာဟီရ ၀ိထိ- အပြင်လမ်း၊ တန်ဆောင်မုန်းလဆန်း ၁၅-ရက်နေ့ညဥ့်၂-ချက်တီးချိန် မှစ၍ ထွက်သွားရာ ပြာသိုလပြည့်နေ့ညဉ့် ၂-ချက်တီးချိန်၌ ဗာဟီရ၀ိထိ၏ လမ်းဆုံးအစွန်သို့ ရောက်လေသည်၊ ထိုအချိန်မှတဖန် ပြန်လှည့်ဝင်လာရာ တပေါင်းလဆန်း၁၅-ရက်နေ့ ညဥ့်၂-ချက်တီးချိန်၌ ဗာဟီရ၀ိထိခရီး၏ မူလအစသို့ ပြန်ရောက်ရကား အသွား အပြန် ၄-လဖြင့် ဗာဟီရ၀ိထိကုန်ဆုံး၏။
(၂) မဇ္ဈေ၀ိထိ- အလယ်လမ်း၊ တပေါင်းလဆန်း ၁၅-ရက်နေ့ ညဉ့် ၂-ချက်တိးချိန်မှစ၍ မဇ္ဈေ၀ိထိခေါ် အလယ်ပိုင်းလမ်းသို့ ၀င်လာရာ ကဆုန်လပြည့်နေ့ ညဥ့် ၂-ချက်တီးချိန်၌ အလယ်ပိုင်းလမ်းဆုံးသို့ ရောက်၏၊ ထိုမှ ဆက်ပြီး အန္တောဝိထိထဲသို့ဝင်သွားရာ သွား, ပြန် ၄-လမျှကြာပြီးသော် တော်သလင်းလဆန်း ၁၅-ရက်နေ့ ညဉ့် ၂-ချက်တီးချိန်မှစ၍ မဇ္ဈေ၀ိထိထဲသို့ တဖန်ပြန်အထွက် လမ်းခရီးဖြင့် သွားလေရာတန်ဆောင်မုန်းလပြည့်နေ့ ညဥ့် ၂-ချက်တီးချိန်၌ မဇ္ဈေ၀ိထိ အလယ်ပိုင်းလမ်းဆုံးသို့ ရောက်လေသည်။
(၃) အန္တောဝိထိ- အတွင်းလမ်း၊ကဆုန်လဆန်း ၁၅-ရက်နေ့ ညဉ့်၂-ချက်တီးကျော်မှစ၍ အန္တောဝိထိခေါ် အတွင်းဘက်လမ်းသို့ စ၀င်သွားရာ ၀ါဆိုလပြည့်နေ့ ညဥ့် ၂-ချက်တီးချိန်၌ အတွင်းလမ်းဆုံ အစွန်းသို့ရောက်၏၊ ထိုအချိန်မှ တဖန် ပြန်ထွက်လာရာ တော်သလင်းလဆန်း ၁၅-ရက်နေ့ ညဥ့် ၂-ချက်တီးချိန်၌ အန္တောဝီထိခရီး၏ အဆုံးသို့ရောက်ရကား အ၀င်အထွက် ၄-လမျှဖြင့် အန္တောဝိထိ ကုန်ဆုံး၏။
ဝိနည်း ၄-ပါး၊ လူအများ၊ လိုက်စား ယဉ်ကျေးစွာ။ ။ ယဉ်ကျေးမှုအတွက် ဆုံးမချက်အပြား ၄-ပါး။
(၁) ဂီဟိ ၀ိနယ-'အာဂါရ ၀ိနယ' လူတိုင်းလိုက်နာ ကျင့်သုံးရသော ယဉ်ကျေးမှုတရားစု ဥပဒေ လူ့ဝိနည်း၊
(၂) သမဏ ၀ိနယ- 'အနာဂါရိယ ၀ိနယ'ရဟန်း သာမဏေတို့ လိုက်နာကျင့်သုံးရသော ၀ိနည်းပညတ်တော်များ၊
(၃) သံဝေရ ၀ိနယ-'အနာဂါရိယ ၀ိနယ' ရဟန်းရှင်လူတို့ လိုက်နာကျင့်သုံးရသော သံဝရ၀ိနည်း ၅-ပါး၊
(၄) ပဟာန ၀ိနယ- အကုသလဓမ္မတို့ကို ပယ်သော ပဟာန၀ိနည်း၅-ပါး။
ဝိနည်း ၅-ကျမ်း။ ။ ဗုဒ္ဓဘာသာ ရဟန်းတော်များ လိုက်နာကျင့်သုံး ဆောက်တည်ရသော သာသနာဝိညာဉ် အာယုခေါ် ဥပဒေကျမ်းကြီး ၅-ရပ်၊
(၁) ပါရာဇိကဏ် ကျမ်း၊
(၂) ပါစိတ်ကျမ်း၊
(၃) မဟာဝါကျမ်း၊
(၄) စူဠ၀ါကျမ်း၊
(၅) ပရိဝါ ကျမ်း။
ဝိနည်းကံ မျိုး ၄-ပါး။ ။ ၀ိနည်းပိဋကတော်လာ ရဟန်းတော်များ လိုက်နာဉပမူရမည့် ၀ိနယကမ္မမျိုး၎-ပါး၊ ၀ိနည်း ပညတ်တော်၌လာသည့် ပကာသနီယ, ပဋိသာရနီယ, ဥက္ခေပနီယ, စသည့် ကံဟူသမျှသည် ဤကံမျိုး၎-ပါးထဲသို့သာ ၀င်ကြသည်။
၁။ အပလောကနကံ- ညီညွတ်သော သံဃာ၏ ခွင့်ပြုချက်အရသုံးကြိမ် သံဃာအား ပန်ကြား၍ ပြုအပ်သော ကိစ္စဟူသမျှကို ခေါ်ဆိုသည်။
၂။ ဉတ္တိကံ- ဉတ်တကြိမ် ရွတ်ဖတ်ပြီး ပြုလုပ်သော ဥပုသ်, ပ၀ါရဏာ, စသည့် ကိစ္စများ။
၃။ ဉတ္တိ ဒုတိယကံ- ဉတ်တကြိမ်၊ ကမ္မ၀ါစာတကြိမ်ဖတ်၍ ပြုလုပ်ရသည့် ကထိန်, သိမ်သမုတ်, စသည့်ကံမျိုး။
၎။ ဉတ္တိစတုတ္ထကံ- ဉတ်တကြိမ်၊ ကမ္မ၀ါစာ သုံးကြိမ်ဖတ်၍ပြုလုပ်ရသော ရဟန်းခံခြင်း, စသည့် ကံမျိုး။
ဝိနည်းမိုရ်များ၊ ကျင့်ဝတ်ထား၊ တရား ၆၄။ ။ ၎င်းင်း သရုပ်ကို(အနုဝဇ္ဇကကျင့်ဝတ်
၆၄-ပါး)၌ပြခဲ့ပြီ။
ဝိပ္ပတ္တိစက်၊ ၄-ပါးကွက်၊ ရှောက်လျက် ပြေး၍သွား။ ။ 'သမ္ပတ္တိစက် ၄-ပါး' ၏
ဆန့်ကျင်ဘက်ကိုယူပါလေ၊ တနည်း'စက် ၄-ပါး'၏ သရုပ်နှင့် ဆန့်ကျင်ဘက်ကို ယူပါလေ။
ဝိပတ္တိတရား ၄-ပါး။ ။ သမ္မောဟ၀ိနောဒနီ အဋ္ဌကထာ ၄၂၁။ ပျက်စီးခြင်းသို့ ရောက်ခြင်း ၄-ပါး။
(၁) ဂတိ ၀ိပုတ္တိ- အပါယ်လေးဘုံ၌ဖြစ်ရခြင်း၊
(၂) ဥပဓိ ၀ိပ္ပတ္တိ- ယုတ်ညံ့ချွတ်ယွင်းသော အတ္တဘောကိုရခြင်း၊
(၃) ကာလ ၀ိပ္ပတ္တိ- မကောင်းယုတ်မာသော မင်းတို့၏ လက်ထက်အခါ၌ ကာလ ဖေါက်ပြန်ခြင်း၊
(၄) ပယောဂ ၀ိပ္ပတ္တိ- မကောင်းမှုတို့နှင့် အသက်မွေးခြင်း။
ဝိပရိယေသန တရားကြီး ၄-ပါး။ ။ ဖောက်ပြန်၍ ရှာမှီးကျင့်သုံးသောတရားကြီး လေးပါး၊ ခုဒ္ဒက ၀ိဘင်းပါဠိတော်မှ။
(၁) သုဘ- အသုဘတရားစုကို သုဘဟု ထင်ကာ ရှာမှီးတွယ်တာ ကျင့်သုံးမှု၊
(၂) သုခ- ဒုက္ခတရားစုကို သုခဟုထင်ကာ ရှာမှီးထပ်မက်ကျင့်သုံးမှု၊
(၃) နိစ္စ- အနိစ္စတရားစုကို နိစ္စဟုထင်ကာ ရှာမှီးနှစ်သက် မပစ်ရက်နိုင်မှု၊
(၄) အတ္တ- အနတ္တ တရားစုကို အတ္တဟုစွဲကာ သဲသဲမဲမဲ ခိုင်မြဲစွာ ယူနေမှု။
ဝိပ္ပလ္လာသ တရား ၃-ပါး။ ။ သိ, မှတ်, ယူ, မှား ဖေါက်ပြန်မှုတရား ၃-ပါး။
(၁) စိတ္တ ၀ိပ္ပလ္လာသ- အသိမှားကို သိထားခြင်း, အသိဖေါက်ပြန်မှု၊
(၂) သညာ ၀ိပ္ပလ္လာသ- အမှတ်မှားကို မှတ်ထားခြင်း, အမှတ်ဖေါက်ပြန်မှု၊
(၃) ဒိဋ္ဌိ ၀ိပ္ပလ္လာသ- အယူမှားကိုယူထားခြင်း, အယူဖေါက်ပြန်မှု။
ဝိပ္ပလ္လာသ တရား ၁၂-ပါး။ ။ ၀ိသုဒ္ဓိမဂ်။ ဒု-အုပ်။ ၃၂၄။ ဤ၌ ၃-ပါး၎-လီပေါင်းသော် ၁၂-ပါးဖြစ်၏။
(က) အနိစ္စ ဖြစ်သော ရုပ်နာမ်၌မြဲသည်ဟု (၁) အသိမှား၊ (၂)အမှတ်မှား၊ (၃) အယူမှား၊
(ခ) ဒုက္ခရုပ်နာမ်၌ ချမ်းသာဟု (၁)အသိမှား၊ (၂)အမှတ်မှား၊ (၃) အယူမှား၊
(ဂ) အနတ္တ ရုပ်နာမ်၌၊ ငါကောင်ဟု (၁) အသိမှား၊ (၂) အမှတ်မှား၊(၃)အယူမှား၊
(ဃ) အသုဘ ဖြစ်သော ရုပ်တရား၌၊ တင့်တယ်ဟု(၁) အသိမှား၊ (၂)အမှတ်မှား၊ (၃) အယူမှား။
ဝိပဿနာ၏အညစ်အကြေးတရား ၁၀-ပါး။ ။ ၎င်းင်းသရုပ်ကို (ဥပက္ကိလေသတရား ၁၀-ပါး)
၌ရှုပါ။
မှတ်ချက်။ ။ ၎င်းင်းကိုပင် (၀ိပဿနာဥာဏ်၏အန္တရာယ်ဆယ်ပါး)ဟူ၍လည်း ခေါ်သည်ဟု မှတ်ရာ၏။
ဝိပဿနာဥာဏ် ၁၀-ပါး။ ။ အထူးထူး အပြားပြား ရှုဆင်ခြင်ရသောယောဂီပုဂ္ဂိုလ်
တို့၏ ဥာဏ်အမြင် ဆယ်ပါး။
(၁) သမ္မသနဥာဏ်- ရုပ်နာမ်တရားစုကို လက္ခဏာ ၃-ပါးတင်၍ ဆင်ခြင်သုံးသပ်သော ဥာဏ်၊
(၂) ဥဒယဗ္ဗယဥာဏ်- ရုပ်နာမ်တရားတို့၏ ဖြစ်ပုံ ပျက်ပုံကို ရှုသော ဥာဏ်၊
(၃) ဘင်္ဂဥာဏ် ရုပ်နာမ်တရားစု၏ အပျက်ကို ရှုသော ဥာဏ်၊
(၄) ဘယဥာဏ်- ရုပ်နာမ်တို့၏ ကြောက်မက်ဖွယ်ဘေးကိုရှုသော ဥာဏ်၊
(၅) အာဒီနာဝဥာဏ်- ရုပ်နာမ်တို့၏ အပြစ်ကိုရှုသောဥာဏ်၊
(၆) နိဗ္ဗိဒါ ဥာဏ်- ရုပ်နာမ်တို့၌ ငြီးငွေ့သော ဥာဏ်၊
(၇) မုစ္စိတုကမျတာ ဥာဏ်- သင်္ခါရတို့မှ လွတ်မြောက်လိုသောဥာဏ်၊
(၈) ပဋိသင်္ခါ ဥာဏ်- ထိုသင်္ခါရတို့၌ အနိစ္စ, ဒုက္ခ, အနတ္တ ဟု ထပ်မံ၍ရှုသော ဥာဏ်၊
(၉) သင်္ခါရုပေက္ခာ ဥာဏ်-သင်္ခါရတို့၌ လျစ်လျူရှုနိုင်သော ဥာဏ်၊
(၁၀) အနုလောမ ဥာဏ်- ပြဆိုပြီးဥာဏ်စဉ်ရှစ်ပါးမှ မဂ်ဖိုလ်တရားတို့ကိုပေါင်းကူးပမာ လျော်စွာ ရှုသော ဥာဏ်။
ဝိဿနာဥာဏ် ၁၆-ပါး၊ တနည်း။ ။ ၀ိပဿနာ အလုပ်စခန်း၌ ရသလောက်သိမ်းကျုံး
ရေတွက်ထားသော ဥာဏ်စဉ်ဟူ၏။
(၁) နာမရူပပရိစ္ဆေဒဥာဏ်၊
(၂) ပစ္စယပရိဂ္ဂဟဥာဏ်၊
(၃) သမ္မသနဥာဏ်၊
(၄) ဥဒယ၀ယဥာဏ်၊
(၅) ဘင်္ဂဥာဏ်၊
(၆) ဘယဥာဏ်၊
(၇) အာဒီန၀ဥာဏ်၊
(၈) နိဗ္ဗိဒါဥာဏ်၊
(၉) မုစ္စိတု ကမျတာဥာဏ်၊
(၁၀) ပဋိသင်္ခါဥာဏ်၊
(၁၁) သင်္ခါရုပေက္ခာဥာဏ်၊
(၁၂) အနုလောမဥာဏ်၊
(၁၃) ဂေါတ္တရဘူဥာဏ်၊
(၁၄) မဂ်ဥာဏ်၊
(၁၅) ဖိုလ်ဥာဏ်၊
(၁၆) ပစ္စဝေက္ခဏာဥာဏ်။
ဝိပါတ်တော် ၁၂-ပါး။ ။ အပါဒါန် ။ပါ။ ပ-အုပ်။၃၄၆။ မြတ်စွာဘုရား၌ထင်ရှားသော ၀ိပါက်တော်များ။
(၁) ပဌမ ၀ိပါတ်တော်။
(မေး) ဥရုဝေဠ၊ တောဝမြိုင်ခွင်၊ ခြောက်နှစ်ပတ်လုံး ကျင့်သုံးအရှင်၊ အားကုန်ခန်းလို့။ ညှိုးနွမ်းငြိုငြင်၊
ပင်ပန်းရေး၊ ၀ဋ်ကြွေး ဘယ်ကြောင့်တင်။
(ဖြေ) ကဿပဖျား၊ ထင်ရှားပွင့်သော်၊ ဇောတိပါလ၊ နာမအကျော်၊ ပုဏ္ဏားမာန်တက်၊ နှုတ်မြွက်အာဘော်၊ ၀စီပြင်း ရှေးရင်း ၀ိပါတ်တော်။
(၂) ဒုတိယ၀ိပါတ်တော်။
(မေး) စိဉ္စမာဏ၊ မိန်းမစေကျွန်၊ ကိုယ်ဝန်ရှိသော၊ ဆိုပြောအလွန်၊ လက်သယ်ထားလို့၊ ဘုရားကိုညွှန်၊ စွပ်စွဲခဲ့အဘယ့် ၀ိပါက်ဝန်။
(ဖြေ) သောက်စားလွန်ကျူး၊ ယစ်မူးပျော်ရွှင်၊ သေသောက်သမား၊ ဖြစ်ငြားယခင်၊ ရဟန္တာမြတ်၊ ဆွမ်းရပ်သည်မြင်၊ အကျင့်ယုတ် ဖွင့်ထုတ် စွပ်စွဲအင်။
(၃) တတိယ ၀ိပါက်တော်။
(မေး) တိတ္ထိ စေခိုင်း၊ မိုက်ရိုင်း ဒုဿီ၊ ထင်ရောင် ထင်မှား၊ ဉပငြား သုန္ဒရီ၊ လူရှင်အပေါင်း၊ ယုံကြောင်းပွေလီ၊ ရှင်တော်ထွတ်၊ ဘယ်ဝဋ် ရှေးကမှီ။
(ဖြေ) မုနာဠိဟု၊ မည်ရှိလောင်းတော်၊ မောက်ကြွား မှောက်မှား၊ သောက်စားအပျော်၊ ရှင်ပစ္စေက၊ဗုဒ္စမြင်သော်၊ ဒုဿီဘဲ၊ စွပ်စွဲ ၀ဋ်ကြွေးပေါ်။
(၄) စတုတ္ထ ၀ိပါက်တော်။
(မေး) သုန္ဒရီမိုက်၊ သတ်လိုက် သေရာ၊ တိတ္ထိအသင်း၊ သတင်းလွှင့်ကာ၊ တပည့်များနှင့်၊ဘုရားကိုသာ၊
လူအများ၊ ယုံမှား ဘယ်တွက်တာ။
(ဖြေ) လောင်းတော်ရသေ့၊ ပျော်မွေ့စံရာ၊ ရသေ့တဦး၊ ဈာန်မြူးကွန့်လာ၊ငြူစူစိတ်ဇော၊ မနောဣသာ၊ ကျင့်ယုတ်ကြီး၊ နှုတ်သီး ချွန်သည့်တာ။
(၅) ပဉ္စမ ၀ိပါက်တော်။
(မေး) ဝေဘာတောင်စောင်း၊ ကျောက်မောင်းဆင်ကာ၊ ဒေ၀ဒတ်ယုတ်၊ ခလုပ်အသာ၊ သူဖြုတ်ချလို့၊ ဗုဒ္ဓခြေမှာ၊ ကျောက်လွှာငြိ၊ ဒဏ်ထိ၊ ဘယ်ဝဋ်ပါ။
(ဖြေ) သူကြွယ်မျိုးဇာတ်၊ ဖြစ်လတ်တုံချေ၊ ညီကို လှည့်စား၊ခေါ်သွားသလေ၊ ကျောက်နှင့်ဖိညှပ်၊ ထုသတ်ကြိတ်ချေ၊ ကျောက်ဝိပါတ်၊ အဆက်ပါခဲ့ပေ။
(၆) ဆဋ္ဌမ ၀ိပါက်တော်။
(မေး) ကျောက်လွှာထိပါး၊ မြတ်ဖျားထွတ်တင်၊ တည်နေ၀ပ်ကိန်း၊ သွေးစိမ်းအရှင်၊ ခြေမတော်ထဲ၊ ကိုက်ခဲနာကျင်၊ ၀ိပါက်ရင်း၊ အလင်း ပြစေချင်။
(ဖြေ) သူငယ်ဖြစ်ခိုက်၊ လမ်း၌ပျော်ရွှင်၊ ရှင်ပစ္စေက၊ ဝေးမှအမြင်၊ခဲနှင့်ပစ်လိုက်၊ ထိခိုက်ခြေတွင်၊ သွေးယိုဆင်း၊ ရှေးရင်း ၀ိပါက်ပင်။
(၇) သတ္တမ ၀ိပါက်တော်။
(မေး) ဆွမ်းခံကြွမြန်း၊ ထိပ်ပန်းဘုန်းကြွယ်၊ မုန်ကျဆင်ကြီး၊ ခရီးအလယ်၊ ဒေ၀ဒတ်မိုက်၊ လွှတ်လိုက်ပြန်တယ်၊ ရင်ဆိုင်တွေ့၊ ဆင်ဝှေ့ ဘယ်ဝဋ်နွယ်။
(ဖြေ)ဆင်ထိန်းဆင်ကျောင်း၊ အလောင်းဖြစ်တုံ၊ရှင်ပစ္စေက၊လမ်းမအဆုံ၊ ဒေါသထားလို့၊ ပြစ်မှားသုန်မှုန်၊ ဆင်နှင့်တိုက်၊ ၀ဋ်လိုက် စေဘို့ကြုံ။
(၈) အဋ္ဌမ ၀ိပါက်တော်။
(မေး) ကျောက်လွှာခတ်လို့၊ သွေးဓာတ်ဆူပူ၊ခြေမတော်ဦး၊ ထွတ်ဖူးတဆူ၊သွေးညိုကိန်းလို့၊ကျိန်းဝပ်တော်မူ၊
ဇီဝက၊ ခွဲရ ဘယ်ဝဋ်ဟူ။
(ဖြေ) ပဒေသရာဇ်၊ မင်းဖြစ်စဉ်ဝယ်၊ မူးယစ်သောက်စား၊ ဖောက်ပြားမဖွယ်၊ လူရှင်လတ်လတ်၊ထိုးသတ် ပြန်တယ်၊
ဓားဝိပါက်၊ အဆက် သူကနွယ်။
(၉) န၀မ ၀ိပါက်တော်။
(မေး) သုံးလူထွတ်ဖူး၊ မြိုက်မှူးသျှောင်ကေ၊ရံဖန်ခါလဲ၊ ခေါင်းခဲပလေ၊ ဝေဒနာဝဋ်၊ မလွတ်တုံချေ၊ ဘယ်ဝိပါက်၊ အဆက် ပါခဲ့ပေ။
(ဖြေ) ရှေးခါကပ်ဟောင်း၊ မကောင်းကံဆော်၊ တံငါမျိုးဇာတ်၊ ဖြစ်လတ်သရော်၊ငါးတို့ဦးခေါင်း၊ ထုထောင်းမြင်သော်၊ ၀မ်းမြောက်မိ၊ လိုက်ဘိ ၀ိပါက်တော်။
(၁၀) ဒသမ ၀ိပါက်တော်။
(မေး) ၀ါတော်ကပ်တော့၊ မာရ်နတ်နှိုးဆော်၊ ဝေရဉ္ဇာတိုင်း၊ သမိုင်းအကျော်၊ မုယောဆွမ်းမို့၊ကြမ်းကြမ်း ထော်ထော်၊ ဘုဉ်းပေးရ၊ ရှေးက ဘယ်ဝဋ်နော်။
(ဖြေ) မထင်မရှား၊ မျိုးသားဖြစ်တုံ၊ ရဟန်းတော်များ၊ ဆွမ်းစားခိုက်ကြုံ၊ ဆွမ်းကြမ်းစားဟု၊ ပြစ်မှားဆိုပုံ၊ ၀စီထွက်၊ ၀ိပါက် တော်တဲ့ ယုံ။
(၁၁) ဧကာဒသမ ၀ိပါက်တော်။
(မေး)အထွတ်ဆုံးဟု၊ သုံးလူ့မျက်မှန်၊ခါးတော်ကိုက်ခဲ၊ အသဲအသန်၊ ဝေဒနာများ၊ ခံစားရံဖန်၊
ဘယ်အကြောင်း၊ ကံဟောင်းထုတ်လို့ပြန်။
(ဖြေ) လက်ဝှေ့သတ်ကောင်း၊ အလောင်း ဖြစ်သော်၊ ပြိုင်ပွဲဆိုင်ပွဲ၊ နိုင်မြဲ အကျော်၊ နိုင်လျှင် ခါးရိုး ရိုက်ချိုးမြေပေါ်၊အသတ်ကောင်း၊ ဇာတ်ဟောင်းဝိပါက်တော်။
(၁၂) ဒွါဒသမ ၀ိပါက်တော်။
(မေး)ဆဒ္ဒန်ဆယ်စီး၊ အားကြီးလျင်မြန်၊၀မ်းတော်သွန်ငြား၊ ရွှေအားမသန်၊ ခွေယိုင်နွဲ့လို့၊မြန်းခဲ့နိဗ္ဗာန်၊ ဖြေစေကြောင်း၊ ကံဟောင်း သိဘို့ရန်။
(ဖြေ) ရောဂါကုစား၊သမားÓဏ်ကျယ်၊ ရှင်သူဌေးသား၊ ဆေးဝါးကုတယ်၊ ခçမပေးလို့၊ဟိုရှေးဘုန်းကြွယ်၊ ၀မ်းလားဆေး၊ တိုက်ကျွေး ၀ဋ်ဟောင်းလယ်။
သတိပေး ဥယျောဇဉ် မြန်မာဂါထာ။
(က) ၀ိပါက်ရောက်ရေး၊ ကြောက်သွေးတုန်ဘွယ်၊ ဘုရားသော်လဲ၊ ရှောင်လွှဲမလွယ်၊ တွေ့ကြုံမြဲမို့၊ တ၀ဲ လယ်လယ်၊ မလွတ်သေး၊ ၀ဋ်ကြွေး ခက်လှတယ်။
(ခ) ကြင်နာထောက်ထား၊ သနားမြှော်ခေါ်၊ ကုသိုလ်ပွားမှု၊ အားဉပကြနော်၊ နှိပ်စက်ညှဉ်းပန်း၊ သရမ်းပျက်ချော်၊ ရှောင်ကြဉ်ရေး၊ ၀ဋ်ကြွေး စင်ဘို့မြှော်။
ဝိဘတ် ၉-သွယ်၊ မြန်မာဝယ်၊ နက်ကျယ် ဝေဘန်ထား။ ။ မြန်မာသဒ္ဒါနည်းအရ အနက်သဘောဒြဗ်ကို အကျယ်ဝေဘန်၍ ပြပေးတတ်သော ၀ိဘတ်မျိုး ၉-ပါး ဟူ၏။
(၁) ကတ္တားဝိဘတ်- သည်, ကား, မှ, က, ၄-လုံး၊ ၎င်းင်းတို့သည် ကြိယာကိုပြီးစေတက်သော အနက်သဘောကိုဝေဘန်၍ ပြတတ်၏။
(၂) ကံဝိဘတ်-ကို, သို့, ၂-လုံး၊ ၎င်းင်းတို့သည် ကြိယာဖြင့် ရောက်အပ် ကြိယာကို ခံယူအပ်သော အနက်သဘောကိုဝဘန်၍ ပြတတ်၏။
(၃) ကရိုဏ်းဝိဘတ်- ဖြင့်, နှင့်, ၂ လုံး၊၎င်းင်းတို့သည် ကြိယာကို အထူးသဖြင့်ပြီးစေတတ်သော အနက်သဘောကို ဝေဘန်၍ ပြတတ်၏။
(၄) သမ္ပဒါန်ဝိဘတ်- အား, ဘို့, ငှါ, ၃-လုံး၊၎င်းင်းတို့သည် ပိုင်းခြားခြင်းသဘောကို ဝေဘန်၍ ပြတတ်၏။
(၅) အပါဒါန်ဝိဘတ်-မှ, အောက်, ထက်, က, ၄-လုံး၊၎င်းင်းတို့သည် ပိုင်းခြားခြင်း အနက်သဘောကို ဝေဘန်၍ ပြတတ်၏။
(၆) သာမိဝိဘတ်- ၏, တလုံး၊ ၎င်းင်းသည်စိုးပိုင်ယှဉ်စပ်ခြင်း အနက်သဘောကို ဝေဘန်၍ ပြတတ်၏။
(၇) သြကာသ၀ိဘတ်- ၌, မှာ, တွင်, ၀ယ်, ၄-လုံး၊ ၎င်းင်းတို့သည် တည်ရာဌာန ဟူသော အနက်သဘောကို ဝေဘန်၍ပြတတ်၏။
(၈) အာလုပ်ဝိဘတ်- အို, ဗျို့, ဗျ, ဟေ, ဝေ, ဟ, ဟယ်, အချင်း, အမင်း, အမောင်, ၎င်းင်းတို့သည် ခေါ်ခြင်း ထူးခြင်း အနက်သဘောကို ဝေဘန်၍ ပြတတ်၏။
(၉) ဟိတ်ဝိဘတ်- ကြောင့်, လို့, မို့, ၃-လုံး၊ ၎င်းင်းတို့သည် အကြောင်းရင်းလက်သည်ဟူသော အနက်သဘောကို ဆောင်၍ပြတတ်သည် ဟူ၏။
ဝိမုတ္တိတရား ၅-ပါး။ ။ ဥပရိပဏ္ဏာသ ။ပါ။ ၁၆၀ ။ဋ္ဌ။ ၁၂၀။ ကိလေသာမှလွတ်မြောက်ခြင်းတရား ငါးပါး။
(၁) တဒင်္ဂ ၀ိမုတ္တိ- ကာမကုသိုလ်စု၊
(၂) ၀ိက္ခမ္ဘန ၀ိမုတ္တိ- ဈာန်ကုသိုလ်စု၊
(၃) သမုစ္ဆေဒ ၀ိမုတ္တိ- မဂ်ကုသိုလ်စု၊
(၄) ပဋိပဿမ္ဘန ၀ိမုတ္တိ- ဖိုလ်တရားများ၊
(၅) နိဿရဏ ၀ိမုတ္တိ- နိဗ္ဗာန်တရားမြတ်။
ဝိမောက္ခတရား ၃-ပါး။ ။ သံယောဇဉ် စသည်တို့မှ လွတ်မြောက်နိုင်သော ပညာတရား ၃-ပါး။
(၁) သုညတ ၀ိမောက္ခ- အတ္တမှ ဆိတ်သုံးလျက် သံယောဇဉ် စသည်တို့မှ လွတ်နိုင်သော ပညာ၊
(၂) အ နိမိတ္တ ၀ိမောက္ခ- နိစ္စဟူသော အကြောင်းစသည်မရှိဘဲ သံယောဇဉ် စသည်မှ လွတ်မြောက်နိုင်သော ပညာ၊
(၃) အပ္ပဏိဟိတ ၀ိမောက္ခ- တဏှာဟူသည့် ကပ်ငြိမှီတွယ်ရာ မရှိသော သံယောဇဉ် စသည်တို့မှ လွတ်မြောက်နိုင်သည့် ပညာ။
ဝိမောက္ခတရား ၈-ပါး၊ တနည်း။ ။ နီဝရဏတရားတို့မှ ထွက်မြောက်သောတရားရှစ်ပါး ဟူ၏၊ လိုရင်းအဓိပ္ပါယ်ချုပ်ကား ဈာန်တရားတို့ဖြင့် အာရုံပြောင်းမှုပင် ဖြစ်၏၊အကျယ်ကို အဋ္ဌကနိပါတ်အင်္ဂုတ္တိုရ် ဒုတိယ ပဏ္ဏာသက ဒုတိယ၊ ဘူမိစာဂ၀ဂ် ၀ိမောက္ခသုတ်၌ ကြည့်လေ။
ဝိမောက္ခ မုခ တရား ၃-ပါး။ ။ ကိလေသာမှ လွတ်ရာ နိဗ္ဗာန်သို့ဝင်ရန် မုခ်ဦးမုခ်ဝ ပြာသာဒ်ကြီး ၃-ဆောင်ဟူ၏။ (၁) အနိစ္စနုပဿနာတရား၊
(၂) ဒုက္ခာနုပဿနာတရား၊
(၃) အနတ္တာနုပဿနာတရား။
ဝိရတီအပြား၊ မျိုး ၃-ပါး။ ။ မူလပဏ္ဏာသ ။ပါ။ ၅၈ ။ဋ္ဌ။ ပ-အုပ် ၂၀၇။အကုသလ ဒုစရိတအမှုတို့ကိုမဉပမကျင့် ဖဲကြဉ်ရှောင်ရှားမှု ၃-ပါး။
(၁) သမာဒါန ၀ိရတီ-သိက္ခာပုဒ်ကို ခံယူဆောင်တည်၍ လွန်ကျူးဘွယ်အချက်တို့မှ ရှောင်ကြဉ်မှု၊
(၂) သမ္ပတ္တ ၀ိရတီ-သိက္ခာပုဒ်ကို ခံယူဆောက်တည်မထားဘဲ လွန်ကျူးဘွယ်အာရုံတွေ့မှ ရှောင်ကြဉ်မှု၊
(၃) သမုစ္ဆေဒ၀ိရတီ-ဒုစရိုက် ဒုရာဇီဝမှုကို ဘာတခုမျှ မဉပလုပ်တော့ဘဲ အကြွင်းမဲ့ရှောင်ကြဉ်သော လောကုတ္တရာဝိရတီကို ခေါ်သည်။ မှတ်ချက်။ ။ ၃-အမှတ်ဝိရတီကို"သေတုဃာတ ၀ိရတီ"ဟူသော အမည်ဖြင့်လည်း သီလက္ခန် ကုဋဒန္တသုတ်၌ လာသေး၏၊အနက်သဘောအတူတူပင်။
ဝိရတီ စေတသိက် ၃-ပါး။ ။ မကောင်းသော ကာယç ၀စီç မနောçတို့မှရှောင်ကြဉ်ခြင်း တရားများ ဟူ၏။
(၁) သမ္မာဝါစာ- မိစ္ဆာဝါစာခေါ် ၀စီဒုစရိုက်မှ ရှောင်ရှားခြင်းလက္ခဏာ၊
(၂) သမ္မာကမ္မန္တ- ကာယဒုစရိုက်ကို မကျူးလွန်ခြင်းလက္ခဏာ၊
(၃) သမ္မာအာဇီဝ- မိစ္ဆာဇီဝခေါ် ကာယဒုစရိုက် ၃-ပါး၊ ၀စီဒုစရိုက် ၄-ပါးတို့မှ ရှောင်ရှားခြင်းလက္ခဏာ။
ဝိရာဂတရား မျိုး ၃-ပါး။ ။ ကိလေသာတို့မှ ကင်းခြင်းတရား ၃-ပါး ဟူ၏။
(၁) တဒင်္ဂ ၀ိရာဂ- ခေတ္တခဏမျှ ရာဂကင်းခြင်း၊
(၂) သမုစ္ဆေဒ ၀ိရာဂ- ပြတ်စဲသည်တိုင် ရာဂကင်းခြင်း၊
(၃) နိဿရဏ ၀ိရာဂ- နိဗ္ဗာန်သို့ထွက်မြောက်သည်တိုင် ရာဂကင်းခြင်း။
ဝိလာသတရား၊ မျိုး ၄-ပါး၊ ထင်ရှား မြတ်ဗုဒ္ဓါ။ ။ ဘုရားရှင်၏ ၀ိလာသ အစိန္တေယျ လေးပါးကို ဆိုသည်၊ ဇိနာလင်္ကာရမှ။
(၁) ရူပ ၀ိလာသ- ရူပကာယတော်၏၊
(၂) ဥာဏ ၀ိလာသ- ဥာဏ်တော်၏၊
(၃) ၀ါစာ ၀ိလာသ- စကားတော်၏၊
(၄) ဣဒ္ဓိဝိလာသ- တန်ခိုးတော်၏။
မှတ်ချက်။ ။ မကြံစည်နိုင်လောက်အောင် လျောက်ပတ် တင့်တယ်ခြင်းရှိသည်ကို ဆိုသည်၊ အကျယ် ၎င်းင်း၌ ရှုလေ။
ဝိ၀ါဒဖြစ်ကြောင်းတရား ၆-ပါး။ ။ ၎င်းင်း သရုပ်အကျယ် (ငြင်းခုံခြင်းအကြောင်း ၆-ပါး)ဟူသော စကားရပ်၌ ပြခဲ့ပြီ။
ဝိ၀ါဒ၀တ္ထုမျိုး ၁၈-ပါး။ ။ ရဟန်းတော်များ တရားတွေ့ ရန်ဖြစ်မှုမျိုး၊ ၎င်းင်းသရုပ်ကို(အဓိကရုဏ်း ၄ပါး)ဟူသော သရုပ်၏ ' ၀ိဝါဒါ ဓိကရုဏ်း' ၌ရှုပါလေ။
ဝိဝေကတရား ၃-ပါး။ ။ မူလပဏ္ဏာသ ။ပါ။ ၁၉၉ ။ဋ္ဌ။ ဒု-အုပ်။ ၄၉-၌အကျယ်ရှုပါ။
(၁) ကာယ ၀ိဝေက ကိုယ်၏ ဆိတ်ငြိမ်ခြင်းဟု ဆိုအပ်သော အပေါင်းအသင်း တပည့်သားမြေး ကာပဂုဏ်တရားတို့မှ ကင်းကွာစွာ နေခြင်းမျိုး၊
(၂) စိတ္တ ၀ိဝေက-စိတ်၏ ဆိတ်ငြိမ်ခြင်းဟု ဆိုအပ်သောသမာပတ်ရှစ်ပါး ၀င်စားခြင်း၊ သမာဓိအလုပ်တရား ကမ္မဋ္ဌာန်းအားထုတ် နေခြင်းမျိုး၊
(၃) ဥပဓိ ၀ိဝေက- သန္တိသုခအေးမြ, ဆိတ်ငြိမ်ရာ နိဗ္ဗာန်တရားမြတ်ကို ဖိုလ်စိတ်ဖြင့် ၀င်စားကာ အာရုံပြုနေခြင်းမျိုး။
ဝိဝေကတရား၊ မျိုး ၃-ပါး။ ဖြေကြား တနည်းလာ။ ။ ပဋိသမ္ဘိဒါမဂ် ဒု-အုပ်၊ ပည၀ဂ္ဂ ၃၀၆-၌ ရှုပါ။ ကိလေသာတို့မှ ဆိတ်သုဉ်းခြင်း တရားမျိုး ၃-ပါး။
(၁) တဒင်္ဂ ၀ိဝေက၊
(၂) သမုစ္ဆေဒ ၀ိဝေက၊
(၃) နိဿရဏ ၀ိဝေက၊ အဓိပ္ပါယ် (ပဟာန်ငါး)နှင့် တူ၏။
ဝိဝေကတရား မျိုး ၅-ပါး၊ တနည်း။ ။
(၁) တဒင်္ဂ၀ိဝေက၊
(၂) ၀ိက္ခမ္ဘန၀ိဝေက၊
(၃) သမုစ္ဆေဒ ၀ိဝေက၊
(၄) ပဋိပဿဒ္ဓိ ၀ိဝေက၊
(၅) နိဿရဏ၀ိဝေက။ အဓိပ္ပါယ် (ပဟာန် ၅-ပါး)နှင့် တူ၏။
ဝိသဇ္ဇနီသံ၊ ကဗျာ့မှန်၊ ယူရန် ၁၈-ပါး။ ။ ၎င်းင်းသရုပ် (နိမ့်သံအပြား ၁၈-ပါး)နှင့် တူ၏။
ဝိသုဒ္ဓိ ၇-ပါး။ ။ ပဋိသမ္ဘိဒါမဂ်။ပါ။ ၂၇ ။ဋ္ဌ။ ပ-အုပ်။ ၁၁၉။ စင်ကြယ်မြင့်မြတ်မှု ၇-ပါး။
(၁) သီလ၀ိသုဒ္ဓိ- သီလ၏ စင်ကြယ်မှု၊
(၂) စိတ္တ၀ိသုဒ္ဓိ- စိတ်၏ စင်ကြယ် တည်ကြည်မှု၊
(၃) ဒိဋ္ဌိ ၀ိသုဒ္ဓိ- အယူအမြင်၏ စင်ကြယ်မှု၊
(၄) ကင်္ခါ ၀ိတရဏ ၀ိသုဒ္ဓိ- ယုံမှားခြင်းမှ စင်ကြယ်မှု၊
(၅) မဂ္ဂါမဂ္ဂဥာဏဒဿန ၀ိသုဒ္ဓိ- မဂ်ဟုတ် မဟုတ်၌ ဥာဏ်အမြင် စင်ကြယ်မှု၊
(၆) ပဋိပဒါ ဥာဏ ဒဿန ၀ိသုဒ္ဓိ- မဂ်သို့ ရောက်ကြောင်း အကျင့်ကောင်း၌ ဥာဏ်အမြင် စင်ကြယ်မှု၊
(၇) ဥာဏ ဒဿန ၀ိသုဒ္ဓိ- သစ္စာလေးချက် ၁၆-နက်ကို ထက်မြက် စင်ကြယ်စွာ သိသော ဥာဏ်။
ဝိဟာရတရား မျိုး ၃-ပါး၊ တနည်း ၄-ပါး။ ။ သုတ်ပါထေယျ။ပါ။၁၈၄။ဋ္ဌ။ ၁၈၈။
(၁) ဒိဗ္ဗ ၀ိဟာရ- သမာပတ် ၈-ပါးဖြင့် နေထိုင်ခြင်းမျိုး၊
(၂) ဗြဟ္မ ၀ိဟာရ- ဗြဟ္မစိုရ် တရား ၄-ပါးဖြင့် နေထိုင်ခြင်းမျိုး၊
(၃) အရိယာဝိဟာရ- ဖလသမာပတ်ဖြင့် နေထိုင်ခြင်းမျိုး၊
၎င်းင်းသုံးမျိုးတွင် ဣရိယာပထ ၀ိဟာရ- ရွာသူတို့၏ နေထိုင်ခြင်းမျိုး တပါးထည့်က ၄-ပါး ဖြစ်၏။
« ၀ီ »
ဝီရိယ၏ အင်္ဂါ ၄-ပါး။ ။ မဇ္ဈိမပဏ္ဏာသ ။ပါ။ ၁၆၄ ။ဋ္ဌ။ ၁၃၅။ ၀ီရိယပါရမီကို တကယ် တည်ကြည်စွာ အားထုတ်သူတို့သည် ၎င်းင်းအင်္ဂါလေးပါးရှိသော အားအစွမ်းနှင့် ပြည့်စုံရမည် ဟူလို။
(၁) အရေသာ ကြွင်းခြင်းသို့၊
(၂)အကြောသာ ကြွင်းကျန်ခြင်းသို့၊
(၃) အရိုးသာ ကြွင်းကျန်ခြင်းသို့၊
(၄) အသား အသွေး ခြောက်ကပ်ခြင်းသို့ ရောက်သည်တိုင်အောင်လုံ့လရှိခြင်း။
ဝီရိယတရား၊ မျိုး ၃-ပါး၊ ခွဲခြား ဝေဘန်သိ။ ။ ၎င်းင်း ၃-ပါးနှင့် ပြည့်စုံမှသာ
မည်သည့် အလုပ်ကိစ္စမဆို ပြီးဆုံးအောင်မြင်နိုင်၏။
(၁) အာရမ္ဘ ၀ီရိယ- လုပ်ငန်းကိစ္စ၌ ပဌမ စတင်ကြိုးစားမှု၊
(၂) နိက္ကမ ၀ီရိယ- စတင်ပြီးလုပ်ငန်းမှုမူကြမ်း၌ မပျင်းမရိ ဆက်လက်ကြိုးပမ်းမှု၊
(၃) ပရက္ကမ ၀ီရိယ- လုပ်ငန်းစဉ် မူချော၌ တဆင့်ထက် တဆင့် ရင့်သန်စွဲမြဲစိတ်ဇွဲကောင်းမှု။
« ၀ု »
ဝုစ်မျိုး ၂-ပါး။ ။ စကားပြောရာ၌ အနည်း အများ ပိုင်းခြားမှု ဥပဒေသ ၂-ပါး။
(၁) ဧက၀ုစ်- တခုကိုသုံးရာ၌ 'သည်, ကို, နှင့်, ဖြင့်, ကြောင့်, အား, မှ, ၌,' စသည် အဆုံးထား၍ သုံးရသည်၊
ပုံ- လူတယောက်သည်သွား၏၊ သူ့ကို ပြောလိုက်၊ သူနှင့် လာသည် စသည်တို့ ဖြစ်ကုန်၏၊
(၂) ဗဟုဝုစ်- ၂-ခုကစ၍ အထက်ကို သုံးရာ၌ 'ကြ, ကုန်, တို့'ဟူသော စကားလုံးများဖြင့် အဆုံးထား၍ သုံးရသည်၊
ပုံ- လူနှစ်ယောက်တို့သည်သွားကြ၏။ သူတို့ကို စသည်တို့ ဖြစ်ကုန်၏။
ဝုဒ္ဓ ၂-ပါး၊ ရှိခိုးငြား၊ ၄-ပါး အကျိုးရ။ ။ ဤ၌ ၀ုဍ္ဎု, ၀ုဍ္ဎို, ၀ုဒ္ဓ, အနက်တူပင်၊ အမြဲ ရှိခိုး ရိုသေထိုက်သူမျိုး ၂-ပါး ဟူ၏၊ အာယု, ၀ဏ္ဏ, သုခ, ဗလ, အကျိုးလေးပါး ရသည်။
(၁) ဂုဏ, ၀ုဍ္ဎို- မိမိထက် သီလဂုဏ်, သမာဓိဂုဏ်, ပညာဂုဏ်, စသည်တို့ ကြီးပွားရင့်မာသူ၊
(၂) ၀ယ ၀ုဍ္ဎို- မိမိထက် သက်ရွယ်ကြီးရင့်သောသူ။
« ဝေ »
ဝေဒနာ ဖြစ်ပေါ်လာခြင်း အကြောင်းရင်း ၈-ပါး။ ။ ဝေဒနာခံစားရခြင်းအကြောင်းရင်း
တရားတို့ ဖြစ်ပေါ်လာပုံမျိုး ရှစ်ပါးဟူလို၊ မိလိန္ဒပဥှာ။ပါ။ ၁၃၇-၌အကျယ်ရှုပါ။
(၁) ၀ါတ သမုဋ္ဌာန- လေဓာတ်ပျက်သောကြောင့်ဖြစ်ခြင်း၊
(၂) ပိတ္တ သမုဋ္ဌာန- သည်းခြေ ပျက်သောကြောင့်၊
(၃) သေမှ သမုဋ္ဌာန- သလိပ်ကြောင့်၊
(၄) သန္နိပါတ- လေ, သည်းခြေ, သလိပ်, သုံးပါး အစုအဝေးပျက်ခြင်းကြောင့်၊
(၅) ဥတု ပရိနာမဇ- ဥတုဖောက်ပြန်မှုကြောင့်၊
(၆) ၀ိသမ ပရိဟာရဇ- မသင့်သောအစာအာဟာရကြောင့်၊
(၇) သြပက္ကမိက- သူတပါးတို့၏ လုပ်ကြံမှု လုံ့လကြောင့်၊
(၈) ကမ္မ ၀ိပါကဇ- မိမိပြုလုပ်ခဲ့သော မကောင်းမှုကံကြောင့် ဖြစ်ပေါ်ခံစားရသော အကျိုးဝိပါတ်မျိုး။
မှတ်ချက်။ ။ ရောဂါ ဝေဒနာ ရရှိခံစားရတိုင်းလည်း ကံ-ကိုခြည်းမချရာ၊မိမိ၏ အယောနိသော မနသိကာရကြောင့် ဖြစ်ပေါ်မှုကများလေသည်။
ဝေဓိအပြား၊ မျိုး ၄-ပါး၊ လေးမြား ပစ်ခတ်သူ။ ။ မြားပစ်အရာ မဟာဝိဇ္ဇာ ဘွဲ့ရသော မြားပစ်ဆရာကြီး လေးပါး ဟူလို၊ သရဘင်္ဂဇာတ် အဋ္ဌကထာ၌ အကျယ်ယူ။
(၁) အံ့ဘွယ်ထူးခြား၊ သားမြီးဖျားတွင်၊ ဆွဲထားဝေးသီ၊လုမ္ဗနီဟု၊ သညီအတီး၊ ခရမ်းသီးဖြင့်၊ မှတ်ပြီးတုံလျှင်၊ သားမြီးပင်ကို၊ ဆွဲငင်ထစ်ထစ်၊ မှန်အောင်ပစ်သား၊ ခေါ်လစ်နာမ၊ '၀ါလဝေဓိ'၊
(၂) မျက်စိတမှိတ်၊ နတ်ကြိတ်တလက်၊ လျှပ်တပြက်၌၊ မြားချက်ခုနစ်၊ရှစ်ဆင့်ပစ်သား၊စင်စစ်မြန်လှ၊'အက္ခဏ ဝေဓိ'၊
(၃)ကြားဘိယော်ယမ်း၊ သံကိုဖမ်း၍၊ ပစ်စွမ်းနိုင်စွ၊ ချက်တိုင်းရသား၊ 'သဒ္ဒ ဝေဓိ'၊
(၄) ရှေးတိပစ်ငြား၊ အလျှင်မြားကို၊ နောက်များမုချ၊ မှန်စေစွသား၊ 'သရ ဝေဓိ'။
မှတ်ချက်။ ။ ထိုမှတပါးလည်း အမျိုးများစွာ ရှိသေး၏။
ဝေနေယျပုဂ္ဂိုလ် ၂-မျိုး။ ။ မူလပဏ္ဏာသ ။ပါ။ ၂၉၂ ။ဋ္ဌ။ ဒု- အုပ်။ ၁၇၇။
(၁) ဗုဒ္ဓ ဝေနေယျ- ဘုရားနှင့်တွေ့ရ နာယူရမှ မဂ်, ဖိုလ်, ရထိုက်သူ၊
(၂) သာဝက ဝေနေယျ- ဘုရားတပည့် သာဝကများထံမှ တရားဓမ္မနာယူ မဂ်, ဖိုလ်,ရထိုက်သူ။
ဝေသာရဇ္ဇ ဥာဏ်တော် ၄-ပါး။ ။ ကြောက်ရွံ့ခြင်းကင်း ရဲရင့်အေးချမ်းစွာနေရသော တရား ၄-ပါး ဟူ၏၊ စတုကဂုင်္တ္တရ ဝေသာရဇ္ဇသုတ်။ ၃၁၅။
(၁) ဗုဒ္ဓတ္တဥာဏ်တော်- ဘုရား၌ ဤတရားမျိုး မရရှိသေးဟု စွပ်စွဲ၍ပြောဆိုစရာမရှိပကတိ ဧချမ်းစွာ နေရခြင်း၊
(၂) အာသ၀က္ခယဥာဏ်တော်- ဤအာသ၀တရားများ ကျန်သေးသည် မကုန်သေးဟု ပြောဆိုစရာမရှိဟူ၍၎င်းင်း၊
(၃) အန္တရာယ- ဥာဏ်တော်- အပြစ်ရှိသည် အန္တရာယ်ဉပတတ်သည်ဟု ဟောထားသော တရားများကို အပြစ်မရှိအန္တရာယ် မပြုတတ်ဟူ၍၎င်းင်း၊
(၄) နိယျာနိကဥာဏ်တော်- ၀ဋ်မှ လွတ်ကြောင်းတရားများကို သံသရာဝဋ်မှ မလွတ်ကင်းနိုင်ဟုအကြောင်း အခြေခံနှင့် စွပ်စွဲညွှန်ပြ စောဒကတက်မည့် လူနတ်ဗြဟ္မာ မရှိနိုင်ဟု သိ၍၎င်းင်း ဧချမ်းစွာနေတော်မူရခြင်းများဟူ၏။
ဝေးကွာခြင်းကြီးမျိုး ၄-ပါး။ ။ ၎င်းင်းသရုပ်ကို (အနန္တကွာဝေးခြင်းကြီး ၄-ပါး)၌ပြခဲ့ပြီ။
« ဝေါ »
ဝေါတော် ၃-ပါး။ ။ ဘုရင်မင်းတရားနှင့် မိဖုယား မင်းသား မင်းသ္မီးတို့စီးသော လူထမ်း ယာဉ်သုံးပါး။
(၁) ဝေါပြာသာဒ်- ဘုရင်မင်းမြတ်တို့စီးတော်မူသည့် အပေါ်၌ ပြာသာဒ်ဆောင်ပေါက်ထားသော ဝေါတော်တမျိုး၊
(၂) ဝေါပလာ- ဟင်းလင်း အမိုးအကာ မပါသော ဝေါတမျိုး၊
(၃) ဝေါပေါင်းချုပ်- အမိုးအကာ ပါရှိသော ဝေါတမျိုး။
