ရောဂါ ပျောက်ငြိမ်းကြောင်း တရား ၁၀-ပါး။ ။ ဒသင်္ဂုတ္တရ ။ပါ။ ၃၄၂။ ဋ္ဌ။ ၃၁၇။ ဂိရိမာနန္ဒသုတ်၌ ရောဂါပျောက်ငြိမ်းရေးအတွက် ၎င်းင်းသညာ ၁၀-ပါးကိုဟောကြားညွန်ပြတော်မူ၏။
(၁) အနိစ္စ သညာ - သင်္ခါရတရား၏မမြဲစွဲမှု၌ပွားရှုမှတ်ခြင်း၊
(၂) အနတ္တသညာ- အစိုင်အခဲမြဲစွဲစွာ မတည်နေခြင်း ဟူသော၊
(၃) အသုဘ သညာ - မတင့်တယ်ဟူသော
(၄) အာဒီန၀ သညာ - ကိုးစားရာ မရှိ ဆင်းရဲအတိဟူသော၊
(၅) ပဟာန သညာ- ပယ်ရှားစွန့်ပစ်ရေး ဟူသော၊
(၆) ၀ိရာဂ သညာ - တပ်မက်ကင်းရေးဟူသော၊
(၇) နိရောဓ သညာ - ချုပ်ငြိမ်း ပြတ်စဲခြင်း ဟူသော၊
(၈) အန ဘိရတိ သညာ - လောကကြီး၌မွေ့လျော်ဘွယ်မရှိဟူသော၊
(၉) အနိစ္ဆာ သညာ - ပြုပြင်ရသော လောက၌အလိုမဲ့ခြင်း၊
(၁၀) အာနာပါနဿတိ - ထွက်သက်ဝင်သက်ကို အောက်မေ့ခြင်း။
ရောဂါဖြစ်ခြင်းအကြောင်း(၈)မျိုး။ ။ ၎င်းင်းသရုပ် (အနာရောဂါရခြင်း၏အကြောင်းအရင်း ၈-ပါး)၌ရှုပါ။
ရောင်ခြည် ခြောက်သွယ်၊ ဘ၀ဂ်ကယ်၊ ဘယ်ဝယ်ဘယ်သို့နည်း?။ ။ ဗုဒ္ဓဘုရားရှင်၏
ရောင်ခြည်တော်များ။
(၁) နီလ- ညိုသော စိမ်းသော မဲသော ရောင်ခြည်တော်၊
(၂) ပိတ- ရွှေသော ၀ါသောရောင်ခြည်တော်။
(၃) လောဟိတ- နီသော ရောင်ခြည်တော်။
(၄) သြဒါတ - ဖြူသောရောင်ခြည်တော်။
(၅) မဉ္ဇိဋ္ဌ - မောင်းသော နီပြေပြေ ပန်းရောင်ဖြစ်သော ရောင်ခြည်တော်။
(၆) ပဘဿရ - ပြိုးပြိုးပြက်ပြက် ရောင်စုံထွက်သောရောင်ခြည်တော်။
ရောင်ခြည်တော်များ၊ ၇-ပါး၊ ဘုရာမြတ်မုနိန်။ ။ ၎င်းင်း သရုပ်အဓိပ္ပါယ်(ဗုဒ္ဓကိုယ်ရောင် ၇-ပါး)၌ပြခဲ့ပြီ။
ရောင်ဆိုင် ၄-မည်၊ ကမ္ဘာတည်၊ ဆိုသီကျူးရင့်ကုံး။ ။ ဇာတ်သဘင်တို့၌ပွဲဦးထွက် နတ်ကတော်များသီဆိုသော "မင်္ဂလာရယ်မှမဏ္ဍိုင် ၊ ရောင်ဆိုင်ငယ်မှ ၄-မည်၊ သာမောငယ်စည်" ဟူသော ကမ္ဘာတည် သီချင်းမှ မြင်းမိုရ် ရောင်၎-ပါးကို မေးသည်၊ ၎င်းင်းအဖြေ (မြင်းမိုရ်ရောင် ၄ပါး) ဟူသော သုတေသန၌ဆိုခဲ့ပြီ။
ရောင့်ရဲတင်းတိမ်နိုင်ခဲလှသူမျိုး ၂ဦး။ ။ ပုဂ္ဂလပညတ်။ ပါ။၁၂၉။ဋ္ဌ။၅၅-၌ရှု။
(၁) ရ, ရသမျှ မသုံးဆောင်ပဲ သိမ်းဆည်း သိုမှီးထားသူ၊
(၂) ရတိုင်, ရတိုင်း၊ သူတပါးအားပေးကမ်းလှူဒါန်းပစ်သူ၊
နောက်လူကိုချီးမွမ်းအပ်၏။
« ရို »
ရိုသေထိုက်သူအား၊ မရိုသေသူ၁၂-ဦး။ ။ အရိုအသေမပေးတတ်သူမျိုး တကျိပ်နှစ်ယောက်။
(၁) ရာဂထူပြောတပ်ခြင်းပြင်းသူ၊
(၂) ဒေါသထူပြောသောသူ၊
(၃) မောဟကြီး၍တွေဝေထိုင်းမှိုင်းသူ၊
(၄) မာန်မာနကြီးလွန်းသောသူ၊
(၅) သူ့ဂုဏ်ကျေးဇူးကိုမသိသောသူ၊
(၆) အလွန်ခက်ထန်ကြမ်းကြုတ်သူ၊
(၇) အလွန်အောက်တန်းကျ ရိုင်းစိုင်းနေသူ၊
(၈) အစိုးရသူ အုပ်စိုးလွမ်းမိုးနေသူမင်း၊
(၉) ယုတ်မာကောက်ကျစ်စဉ်းလဲသူ၊
(၁၀) ဆင်းရဲစေအပ်သူ ဆင်းရဲမည့်သူ၊
(၁၁) လောဘရမ္မက်ကြီးလွန်းသူ၊
(၁၂) လုပ်ငန်းထဲ၌စိတ်ပါအားထုတ်နေသူ။
ရိုသေရခြင်း၃-ပါး။ ။ ကမ္ဘာသားတို့လိုက်နာရိုသေရခြင်းတရား ၃-ပါး။ သင်္ဂီတိသုတ် အဋ္ဌကထာ။
(၁) အတ္တာဓိပတေယျ- မိမိကိုယ်ကို ရိုသေရခြင်း၊
(၂) လောကာဓိပတေယျ - ကမ္ဘာသူ ကမ္ဘာသား အားလုံးကို ရိုသေရခြင်း၊
(၃) ဓမ္မာဓိပတေယျ- ယဉ်ကျေးမှု တရားတော်, ဥပဒေအရပ်ရပ်, ပညတ်ချက်များကို ရိုသေရခြင်း။
« ရှ »
ရှက်ခြင်းအကြောင်းတရားမျိုး၎-ပါး။ ။ ရှင်မဟာရဋ္ဌဆို၊ ဘူရိဒတ်ဇာတ်ပေါင်းပျို့၏ (ဟိရောတ္တပ်ကို၊ မလပ်မလွတ်၊ စောင့်ရှောက်တတ်သား၊ သူမြတ်ကြံမိ၊ အရာသိက၊ ဇာတိ, ၀ယ၊ သူရအစစ်၊ ဗဟုသစ်,ဟု၊ စင်စစ်လေးထွေ၊ ကြားသတည်း) ဟူသော လကာင်္အရ၊
(၁) ဇာတိ ဟိရိ - မိမိ၏အမျိုးဇာတ် မြတ်သည်ကို အကြောင်းပြု၍ ရှက်ခြင်၊
(၂) ၀ယ ဟိရိ - မိမိသက်ရွယ် ကြီးရင့်သည်ကိုစွဲ၍ ရှက်ခြင်း၊
(၃) သူရ ဟိရိ - မိမိ၏ သူရသတ္တိဂုဏ်ကိုအကြောင်းပြု၍ ရှက်ခြင်း၊
(၄) ဗဟုသစ္စ ဟိရိ - မိမိ အကြားအမြင် ဉာဏ်ပညာ ကြီးမားမှုကို အကြောင်းပြု၍ရှက်ခြင်း ဟူ၏။
ရှက်ခြင်းအကြောင်းတရား မျိုး ၄-ပါး၊ တနည်း။ ။ အကျယ် ၀ိသုဒ္ဓိမဂ်နှင့် သမ္မောဟ၀ိနောဒနီ အဋ္ဌကထာတို့၌ရှုပါ။
(၁) ဇာတိ မဟတ္တ- ဇာတ်ကိုစွဲ၍ရှက်ခြင်း၊
(၂) သတ္ထု မဟတ္တ- ဆရာဘုရား၏ မြင့်မြတ်ပုံကိုစွဲ၍ရှက်ခြင်း၊
(၃) ဒါယဇ္ဇ မဟတ္တ- အမွေခံမှု မြတ်ပုံကို အကြောင်းပြု၍ ရှက်ခြင်း၊
(၄) သဗြဟ္မစာရီ မဟတ္တ- မိမိ သီတင်းသုံးဖေါ်နှင့်ဆွေမျိုးဥာတိ မိတ်ဆွေအပေါင်းတို့ မြတ်သည်ကို အကြောင်းပြု၍ ရှက်ခြင်း ဟူ၏။
ရှင်အာန္ဒာ၊ ဘွဲ့ပုံသာ၊ ၅-ဖြာ ဧတဒဂ်။ ။ အရှင်အာနန္ဒာ မထေရ်မြတ်၏ ဧတဒဂ် ဘွဲ့တံဆိပ်တော် ငါးရပ်ကို ဆိုသည်။
(၁) ဗဟုသုတအရာ၊
(၂) သတိမမေ့သည့်အရာ၊
(၃) ပညာလျင်သည့်အရာ၊
(၄) လုံ့လရှိသည့်အရာ၊
(၅) အလုပ်အကျွေး ကောင်းသည့်အရာ။
ရှင်အာနန္ဒာ၊ ဆု ၈-ဖြာ၊ ဘဇာ ဘယ်သို့နည်း?။ ။ အဂုင်္တ္တရ ဧကကနိပါတ ဧတဒဂ္ဂ၀ဂ် ။ဋ္ဌ။ ၂၂၉။ မြတ်စွာဘုရားထံ အလုပ်အကျွေးအဖြစ် အမြဲခံယူနိုင်ရန် ဤ ဆုရှစ်ပါးကို ကိုယ်ပိုင် တောင်းယူထားသည် ဟူ၏။
(၁) သူ့အားမြတ်စွာဘုရားက ဆွမ်းကောင်း မပေးရန်၊
(၂) သင်္ကန်းကောင်း မပေးရန်၊
(၃) ဂန္ဓကုဋိတိုက်တော် အတွင်း ဘုရားသခင်နှင့်အတူ မနေရန်၊
(၄) မြတ်စွာဘုရားအတွက်သာ ပင့်ဘိတ်လာလျှင် သူ့ကိုမခေါ်ရန်၊ ဤပယ်သော ဆုလေးပါးအပြင်၊
(၅) သူပင့်လျှောက်ရာ သို့ဘုရားကြွရမည်၊
(၆) ဘုရားဖူးလိုသူတို့ လာလျှင် ဖူးမျှော်ခွင့် ပေးရမည်၊
(၇) သူ ယုံမှားမှုရှိသော ဓမ္မများကို မေးလျှောက်ခွင့် ပြုရမည်၊
(၈) သူ၏ မျက်ကွယ်၌ ဟောကြားသော တရားများကို "အာနန္ဒာ ငါဘုရား ဘယ်အရပ်၌ ဘယ်သူအား ဘာ တရားဟောခဲ့သည်" ဟု ပြန်၍ဟောကြားပေးတော်မှုရမည် ဟူ၏။
ရှင် ၄-ပါး။ ။ တန်ခိုးကြီးသော (ရွာသုံး၊ စာငယ်သုံး) ရှင်လေးပါး၊
(၁) ရှင်ဥပဂုတ်- တောင်သမုဒ္ဒရာမှာ ကြေးပြာသာဒ်နှင့် နေသည်၊
(၂) ရှင်သာရဒတ္တ- မြောက်သမုဒ္ဒရာမှာ ရွှေပြာသာဒ်နှင့် နေသည်၊
(၃) ရှင်သက္ကောသာရ- အရှေ့သမုဒ္ဒရာမှာ ရွှေပြာသာဒ်နှင့် နေသည်၊
(၄) ရှင်မေဓရ- အနောက်သမုဒ္ဒရာမှာ ကြေးပြာသာဒ်နှင့် နေသည်။
မှတ်ချက်။ ။ သံဂါယနာတင် ကျမ်းကြီး ကျမ်းခိုင်မှာ မလာ၊ သို့သော်လူတို့သုံးနှုန်း မေးမြန်ကြ၍ ဘုရားရှိခိုးအမျိုးမျိုး မူဟောင်းက ယူဖြေလိုက်သည်။
ရှင် ၄-ပါး၊ တနည်း။ ။ 'ပေလေးပင် ရှင် လေးပါး'ဟု အင်းဝခေတ် မြန်မာစာပေ
တို့တွင် ကျော်ကြားသည့် သိုက်ဝင် ရှင်လေးပါးတို့ ဖြစ်၏။
(၁) မြို့လုလင်ရွာ ဦးသောကြာ ဒေါ်နှင်းဆီတို့၏သား ငယ်မည် မောင်ဥက္ကာ၊ နောင်ခါ ရှင်ဥတ္တမကျော်၊
(၂) မြို့လုလင်ရွာ ဦးကြည် အမိ နတ်ထိန်း ကြီး မယ်ဒွေးတို့၏သား ငယ်မည် မောင်ညို၊ နောက်ခါ ရှင်မဟာသီလ၀ံသ၊
(၃) သတိုးထမ်းရွာ ဘမိမည်ရည် မသိ၊ ရှင်အုံးညို၊
(၄) မကျည်းယောင်ရွာ ဘမိမည်ရည် မသိ၊ ရှင်ခေမာ တို့ဖြစ်ကြ၏။
ရှင် ၄-ပါး အစစ်၊ တနည်း။ ။ ဘယ်အခါမှ မသေသော ရှင်လေးပါးတို့ကား-
မဂ်ပုဂ္ဂိုလ် လေးယောက်သာ ဖြစ်ချေသည်၊ ထိုကိုရည်၍
"စုတေ့မသေ၊ သန္ဓေမစွဲ၊ ငရဲမလား၊ လေးဦးသားတို့" ဟူ၍ ပညာရှိများ ပြောကြားကြလေပြီ။
ရှင်ပင်သာလျောင်း၊ ၄-ပါးပေါင်း၊ ဦးခေါင်း မည်သို့ပြု?။ ။ ရွှေသာလျောင်း
ပုံတော်မျိုး လေးပါး ဦးခေါင်းပြုထားပုံနှင့် အမည်တော်များကို ရှေးဆရာတော်ကြီးများ ရေးစပ်ထားသော ဤလင်္ကာများဖြင့် သိကြရသည်။ "အရှေ့သာလျောင်း၊ တောင်ပေါင်းလောင်း၊ နောက်စောင်း နေရဗာဏ်၊ မြောက်နိဗ္ဗာန်"။
(၁) အရှေ့ဦးခေါင်း၊ လျောင်းစက်ပုံနေ၊ သာလျောင်းပေတည်း၊
(၂) တောင်ခေါင်း ဖလသမာ၊ ခေါ်ရာ ပေါင်းလောင်း၊
(၃) နောက်စောင်း နိရောဓိ၊ သမာပတ်ဝင်၊ နေရဗာဏ်ပင်တည်း၊
(၄) မြောက်လျှင်ဦးခေါင်း၊ စံကျောင်းပရိနိဗ္ဗာ၊ ကုသိန္နာတည်း ဟူ၏။
ရှင်ဘို့မယ်အား၊ တောင်ညာထား၊ ၅-ပါး ထီးဘုရင်။ ။ ၎င်းင်း သရုပ်ကို (မင်းဆက် ၅-သွယ်၊ ရှင်ဘို့မယ်၊ နန်းလယ်တင့်သည်သာ) ဟူသောသုတေသန၌ ဆိုခဲ့ပြီ။
ရှင်မပြုကောင်းသူ ၁၁-ယောက်။ ။ ၎င်းင်းသရုပ် အဓိပ္ပါယ်ကို (အ ဘဗ္ဗပုဂ္ဂိုလ် တကျိပ်တယောက်)ဟူသော သုတေသနရပ်၌ ပြခဲ့ပြီ။
ရှင်,သျှင်, ၂-ပါး၊ ရေးထုံးပြား၊ နက်ကား ဘယ်သို့ ခြားသနည်း?။ ။ ရှင်အာဒိစ္စ, သျှင်ကောသလ္လ ဟူသော အရေးအသားတို့၌ အနက်သဘောခြားနားပုံကို မေးသည်၊ အဖြေ နှစ်ပါး ကြိုက်ရာယူ။
(၁) ရှင်- အရိယ, အရဟ, အရဟန္တ ဟူသော ပါဠိပုဒ်တို့မှ အရည်း, အရဟန်, အရှန်, အရှင်, ရှင်, ဟု ပြောင်းလဲလာရကား ဖြူစင်သော, ပူဇော်ခံထိုက်, ရိုသေထိုက်သော အနက်သဘောကို ဟော၏၊ ပုံ- ဖိုရွံ့ကျောက်ငြင်၊ ရှင်ကို အရည်း။ (ရှင်ရဋ္ဌသာရ)
(၂) သျှင်- သာမိသဒ္ဒါမှ ပြောင်းလဲလာ၏၊ ပိုင်ဆိုင်သူ၊ ပိုင်သျှင် ဟူသော အနက်ကို ဟော၏၊ ပုံ- သုဝဏ္ဏသာမ- သုဝဏ္ဏသျှမ်ဖြစ်ပုံမျိုး။
တနည်း။ ။ အချို့ဆရာတို့ ယူပုံကား
(၁) ရှင်- ပတိ,ဣရဿ၊ သာမျတ္တ၏၊ အရထုတ်ဖွေ၊ အဆွေအိမ့်ရှင်၊ ဆင်ဖြူရှင်မျိုး၊ စကားရိုးဝယ်၊ ဟထိုးရကြီး၊
(၂) သျှင်- တသီးထိုမှ၊ အယျ,အယျေ၊ ဘန္တေ, ဘောန္တော၊ အာဝုသောနှင့်၊ မိန့်ဟောသဒ္ဒါ၊ အာယသ္မ၊ ဘဒ္ဒန္တ၏၊ အတ္ထထွေပြား၊ အသျှင်များဟု၊ မှတ်သားဆန်းကြယ်၊ သ၀ယ် ယပင့်၊ ဟဆွဲဆင့်လော့ ဟူ၏။
ရှစ်ဆယ်သော လက္ခဏာတော်ငယ်။ ။ မြတ်စွာဘုရား သခင်၏ လက္ခဏာတော်များ ဖြစ်သည်၊ ၎င်းင်းသရုပ်ကို (လက္ခဏာတော်ငယ် ၈၀)၌ ပြအံ့။
ရှစ်ပါး သီလ။ ။ (အဋ္ဌင်္ဂသီလ)၌ ရှုပါ။
ရှမ်း ၉-ဆက်၊ ၉-စော်ဘွား။ ။ "ရှမ်းကိုးဆက်၊ ကိုးစော်ဘွား၊ လူးတဆယ့်နှစ်
ပနား၊ ရာတပါးနှင့်၊ စော်ဘွားစော်ခံ၊ ရွှေဥကင်ဘုံပျံမှာ၊ ညီလာခံခ, ညောင်း၊ မှူးမတ်အပေါင်းစုံကြပြီလာ့း့မင်းကြီးများ" ဟူသော ဇာတ်သဘင် ဘုရင်၏စကားအရ---
(၁) မိုးကောင်းစော်ဘွား၊
(၂) မိုးညှင်းစော်ဘွား၊
(၃) သောင်သွပ်စော်ဘွား၊
(၄) မိုးမိတ်စော်ဘွား၊
(၅) မိုးနဲစော်ဘွား၊
(၆) သိန္နီစော်ဘွား၊
(၇) မိုင်းပဲစော်ဘွား၊
(၈) ညောင်ရွှေစော်ဘွား၊
(၉) သီပေါစော်ဘွားတို့ ဟူ၏။
မှတ်ချက်။ ။ ရှမ်းပြည်အစ "မိုင်းမော" က- ဟူသော စကားအရမိုင်းမောမှတဆင့် စော်ဘွား ၉-ဆက် ဖြစ်ပေါ်လာသည် ဟူ၏။
ရှမ်းပြည်နယ်မှာ၊ တေတ္တိံသာ၊ ပမာ ၀တိံလား။ ။ ရှမ်းတို့ဌာနီ၌ ပြည်နယ်ပေါင်းမှာ တေတ္တိံသ ခေါ် ၃၃-နယ်ရှိ၍ တာဝတိံသာ နတ်ပြည်အလားမွေ့လျော် ပျော်ရွှင်ဘွယ် များစွာတို့နှင့် ပြည့်စုံသည့်ပြင် စတုရန်းမိုင်ပေါင်း၅၆၆၄၅-ကျယ်လျက် စော်ဘွား ၁၆-ယောက်၊ မြို့စား ၁၃-ယောက်နှင့် ငွေခွန်မှူး ၄-ယောက်တို့က အုပ်ချုပ်ကြရသည်။ (ဤကားအင်္ဂလိပ် လက်အောက်မှာ နေရစဉ်က ဖြစ်၏။)
(၁) ကျိုင်းတုံနယ်၊ မိုးနဲနယ်၊ ညောင်ရွှေနယ်၊ ရပ်ဆောက်နယ်၊ လဲချားနယ်၊
မောက်မယ်နယ်၊ မိုင်းပန်နယ်၊ မိုင်းပွန်နယ်၊ စကားနယ်၊ နောင်မွယ်နယ်၊ (၁၀)
မိုင်းနောက်၊ မိုင်းကိုင်း၊ ကျေးသီဗန်းစံ၊ လွယ်လုံ၊ သထုံ၊
ဗန်းရင်၊ ဟိုပုန်း၊ နန်းခုတ်၊ စကွယ်နယ်၊ မိုင်းရှူး၊ (၂၀)
သမခမ်း၊ ပွေးလှ၊ ဘော်နယ်၊ ရွာဝံနယ်၊ ပင်မှီ၊ ကျုံးနယ်၊ ပင်းဒယ၊(၂၇)
ဤကား တောင်ပိုင်းရှမ်းပြည်၂၇-နယ်တည်း၊
(၁) သီပေါနယ်၊
(၂) တောင်ပိုင်းနယ်၊
(၃) မိုင်းရယ်နယ်၊
(၄) မြောက်သန္နီနယ်၊
(၅) မိုးမိတ်နယ်၊
(၆) မိုးလင်းနယ်၊
ဤကား မြောက်ပိုင်းရှမ်းပြည် ၆-နယ်တည်း၊
ပေါင်း ၃၃-နယ် ဖြစ်၏။
ရှမ်းအမျိုး ၃၀။ ။ ဇမ္ဗူတံဆိပ် ကျမ်းရင်းမှ။
လင်း, သက်, ချင်း, ခုံ, ရင်, ကတူး, မြန်, အကျော်, ဂင်, ရှမ်း(၁၀)။
ဇ၀ါ, မျက်နှာမည်း, ကသည်း, ရေမီးထွက်, ကရက်, လ၀, လော, ပန်းလောင်, တရက်, ယွန်း (၂၀)။
စနု, ဘအူ, ကရင်, ကချင်, ဂနော, ယောန်, လ၀ိုက်, တရုပ်, ယိုးဒယား, အနဲ (၃၀)။
ရှားမျိုး ၄-ပါး၊ မြန်မာပြည်၌။ ။ ရှားစေးချက်ရသော ရှားပင်မျိုး၌ ၄-ပါး၊
ပဌမတန်းစား- ရှားနီမျိုး၊
ဒုတိယတန်းစား- ရှားညိုမျိုး၊
တတိယတန်းစား- ရှားဝါမျိုး၊
စတုတ္ထတန်းစား- ရှားနက်ပြာမျိုးတို့ ဖြစ်၏။
« ရှိ »
ရှိခိုးအပ်သော ပုဂ္ဂိုလ် ၅-ဦး။ ။ ရဟန်းတော်များ ရှိခိုးရမည့်သူ ဟူ၏၊ ပရိဝါ။ပါ။ ၃၅၈။ဋ္ဌ။၂၂၄။
(၁) ဘုရားရှင်၊
(၂) သိက္ခာသီတင်းကြီးရဟန်း၊
(၃) နာနာသံဝါသက ဓမ္မ၀ါဒီ သီတင်းကြီးရဟန်း၊
(၄) ဆရာ ၅- ဦး ဖြစ်သူ ရဟန်း၊
(၅) ဥပဇ္ဈာယ်ဖြစ်သူရဟန်း။
ရှိမခိုးကောင်းသော ပုဂ္ဂိုလ် ၂၅-ယောက်။ ။ (၎င်းင်း သရုပ်ကို အ၀န္ဒိယ ပုဂ္ဂိုလ် ၂၅-ယောက်)၌ ရှုပါ။
ရှိခိုးခြင်းရာ၊ မျိုး ၃-ဖြာ၊ ကျမ်းလာ မည်သို့နည်း?။ ။ ၎င်းင်း သရုပ်ကို (၀န္ဒနာမျိုး ၃-ပါး) မှာ ရှုပါ။
« ရွှေ »
ရွှေအိုးကြီး ၄-လုံး။ ။ သုတ်သီလက္ခန် ။ဋ္ဌ။ ၂၅၃။ ဗုဒ္ဓဘုရားနှင့် ဖွားဘက်တော်
ဖြစ်ကြသော ရွှေအိုးကြီးများ။
(၁) သင်္ခ မည်သော ရွှေအိုးကြီး၊ တဂါဝုတ် ရှိ၏၊
(၂) ဇလ မည်သော ရွှေအိုးကြီး၊ ၂-ဂါဝုတ် ရှိ၏၊
(၃) ဥပ္ပလ မည်သော ရွှေအိုးကြီး၊ ၃-ဂါဝုတ် ရှိ၏၊
(၄) ပုဏ္ဍရီက မည်သောရွှေအိုးကြီး၊ တယူဇနာရှိ၏။
ရွှေတိဂုံဘုရား၊ ဓာတ် ၄-ပါး၊ တည်ထား ဌာပနာ။ ။ ဥက္ကလာပမင်းကြီးတည်ထား ကိုးကွယ်တော်မူသော ရွှေတိဂုံ စေတီတော်ကြီး၌ ဘုရား ၄-ဆူ၏ဓာတ်တော်မြတ်တို့ကို ဆိုသည်။
(၁) ဆူးလေနက်ကြီးထံမှ ရရှိသော ကကုသန် မြတ်စွာဘုရား၏တောင်ဝှေးတော်ဓာတ်။
(၂) ရောဟဏီမည်သော ဗိုလ်တထောင် နတ်ကြီးထံမှ ရရှိသည့်ကောဏဂုံမြတ်စွာဘုရား၏ ဓမ္မကရိုဏ် ရေစစ်တော်ဓာတ်။
(၃) ဒက္ခိဏ မည်သော သင်္ကန်းကျွန်း ကျိုက္ကဆံ နတ်ကြီးထံမှ ရရှိသည့် ကဿပ မြတ်စွာဘုရား၏ ရေသနုပ်တော်ဓာတ်။
(၄) တပုဿ, ဘလ္လိက ညီနောင်တို့ထံမှ ရရှိသော ဂေါတမ မြတ်စွာဘုရား၏ ဆံတော်ဓာတ် ရှစ်ဆူ၊
ထိုဆံတော်ဓာတ်တို့ကို 'အမြိဿရ' မည်သော မှော်ဘီနတ်ကြီးကစောင့်ရသည်ဟု
မော်ဓော ရာဇာဝင်သမိုင်းနှင့် ရွှေတိဂုံသမိုင်း၊ အခြား ပညာရှိတို့က ဆိုကြသည်။
ရွှေဘိုမြို့၏ အမည်တော် ၅-ပါး။ ။ ၎င်းင်း သရုပ်ကို(ငါးမည်ရ ပြည်ရွှေဘို) ဟူသော သုတေသန၌ ပြခဲ့ပြီ။
ရွှေမျိုး ၄-ပါး။ ။ ပါဠိအဘိဓာန် ဋီကာမှ။
(၁) စာမီရွှေ-စာမီခေါ်သော ပန်းတမျိုးဖြင့် ပြုလုပ်သော ရွှေ၊ ၎င်းင်းကိုပင် ဂီဝါရွှေဟု ခေါ်ပြန်၏၊
(၂) သာတကကုမ္ဘ ရွှေ- ပဒုမ္မာကြာဝတ်ဆံ အဆင်းရှိ အရာဝတ္ထုတမျိုးကို သာတကုမ္ဘ ခေါ်သည်၊ ၎င်းင်း အဆင်းနှင့်တူသော ရွှေ၊ ၎င်းင်းကိုပင် နိတုံရွှေ ဟုခေါ်ပြန်၏၊
(၃) ဇမ္ဗူရာဇ် ရွှေ- ဇမ္ဗုသပြေသီးမှ ဖြစ်သောရွှေ၊
(၄) သိင်္ဂီနိက် ရွှေ- သိင်္ဂီခေါ် ငါးတမျိုး၏ အဆင်းနှင့် တူသောရွှေ၊ သို့မဟုတ် သိင်္ဂီငါးသဏ္ဌာန်ပုံရှိသော ကျောက်တုံးတို့မှ ဖြစ်သောရွှေ။
ရွှေမျိုး အပါး ၂၀။ ။ ၀ိမာန၀တ္ထု အဋ္ဌကထာ ၁၁-၌ ၇-မျိုးလာရှိသည်၊ လောကီ ပရိဘောဂ ကျမ်းစာ၌ကား။
အရမတ်၊ အညမတ်၊ အဉ္ဇမတ်၊ နိရမတ်၊ ဘော်ငွေမှ ဖြစ်သော ရွှေမျိုး ၄-ပါး။
နာရဏီ၊ နာရကာ၊ နာရမုတ္တာ၊ နာလာရေ၊ နဂါးကဖြစ်သော ရွှေမျိုး ၄-ပါး။
အတ္တရဏီ၊ ဥရဏီ၊ ဥရဂုတ်၊ ဥရ၀ါ၊ မြေကဖြစ်သည့် ရွှေမျိုး ၄-ပါး။
သုဝဏ္ဏသာရ၊ သုဝဏ္ဏရာဂီ၊ သုဝဏ္ဏမဏိ၊ သုဝဏ္ဏရသ်၊ မြေထွက်ရွှေကို မူတည်၍ ပြဒါးဓာတ် စသည်တို့ဖြင့်
ဖေါ်စပ်ပြုလုပ်သော အဂ္ဂိရတ်ရွှေ၊ ဇော်ဂျီရွှေမျိုး ၄-ပါး။
ဇမ္ဗုနဒ၊ ဇာတရူပ၊ သိင်္ဂီနိက္ခ၊ ၀ိဟနက၊ သစ်သီးသစ်ပွင့်စသည်တို့မှဖြစ်သော ရွှေမျိုး ၄-ပါး၊ ပေါင်း ၂၀-ဖြစ်၏။
ရွှေသာလျောင်းပြား၊ မျိုး ၄-ပါး၊ ထင်ရှား ဖြေတော်မူ။ ။ ရှင်ပင်သာလျောင်း, ကိုပင် ရွှေသာလျောင်းဟု ခေါ်ကြပြန်၏၊ သရုပ် ၎င်းင်း၌ ရှုပါ။
